مكسور من جوا

Sugar_58312 🇪🇬

منذ أسبوعين

شعور مكسور القلب

عبّر عن شعورك بشكل مجهول

انا مش كويس 
مش عارف مالى بس انا مكسور 
بقالى فترة بفتح تليفونى بدور على حد يكون موجود جانبى 
بس بخاف اكلم حد اطلب منه يكون موجود 
بقالى فترة لوحدى بس مش حابب اكون لوحدى اكتر من كده 
وفى نفس الوقت مش عايز حد يقرب منى 
بقالى فترة بعافر مع نفسى 
مبقتش مركز فى شغلى و حاسس انى Down 
مش قادر اكون موجود وسط ناس 
بحاول اكون موجود لوحدى اسمع صوت انفاسى 
بقيت برجع من شغلى افضل فى عربيتى مش قادر انزل 
دلوقتى مجرد ما دخلت البيت على اوضتى قفلت على نفسى 
ومن الكسرة اللى على قلبى و روحى نزلت على ركبتى وعينى نازل منها دموع بدون بكى 
ليه الكسرة دى بس 
انا مش الشخص اللى المفروض شايفه دلوقتى 
شخص الضحكة على وشه وبيدى طاقة ايجابية وتشجيع لاللى حواليه 
شخص بيسمع ويطبطب ويطمن 
بتمنى الخير للكل 
ليه اكون مكسور 
ليه احس انى وقت كسرتى محدش مهتم لامرى 
دايماً بيطلع منى كلام انت مش لوحدك انا جانبك 
ليه انا مسمعهاش 
ليه مفيش حد Pure 
حد يكون موجود علشان عايز يكون موجود معايا مهتم لامرى
مش علشان مصلحة
ليه تليفونى مرة ميرنش علشان اول حاجة اسمعها انت كويس ؟
ليه كل حاجة التليفون يرن علشان طلبات او حد عايز يشتكى 
مبعرفش اكسر بقلب حد 
اللى حسه دلوقتى بتمنى اعدى منه بخير 
انا عمرى مأذيت حد ولا عمرى مكنتش جنب حد 
بعد اذنكم 
ترأفوا بقلوب اللى حواليكم 
اسألو عليهم بحب 
طبطبوا عليهم 
كلنا جوانا اللى واجعنا 
لما تحضنوا حد متسيبش ايدك انت 
سيبه هو يسيب الاول 
حسسه اللى معاكم انكم مش بتحضنه كده وخلاص 
اتمنى من كل قلبى محدش يتكسر ويحس نفس احساسى دلوقتى 
ربنا يفرح قلوبكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_72014 🇪🇬

منذ شهرين

شعور محبط

"فيه تعب جوايا مش لاقي له مخرج.. كل يوم بصحى وأنا حاسس إن الدنيا تقيلة عليا أكتر من اللي أقدر أستحمله. ناس كتير حواليّ بس الإحساس بالوحدة مش بيفارقني. بحاول أبين قوي وضحكة على وشي، بس الحقيقة إني من جوا مكسور ومخنوق. نفسي أرتاح يوم واحد من غير ما أحس إني محاصر بالهموم. فيه حاجات كتير وقعت مني: شغل،

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع