مكسورة

Coconut_15725 🇪🇬

منذ 3 أيام

شعور خجول

السلام عليكم أنا اخوات خطيبي الصغيرين جابولي فانوس واهله جابه الموسم ف هوا أصلا مكنش يعرف انهم حابيين فانوس واتفجأ وفرح بيهم وهوا مجابليش فانوس ودا اول رمضان لينا سوا أنا مش عايزاه حاجه بجد عندي فوانيس كتيييره بس فتره الخطوبه دي تعارف هل هوا شايف انو حالي فانوس ف خلاص كفايا كدا ولا أنا فاهمه غلط ؟؟؟

Tofu_51955 🇪🇬

منذ أسبوع واحد

شعور مهتم

أنا مش عندي أصحاب خالص غير واحده واتعرفت عليها من سنه ونص بعد ما كنت لوحدي فترة طويلة بعد إللي حصلي من أصحابي بقيت فاهمه أكتر المهم هي كويسه معايا أوي بس من فتره كانت بتحكيلي حاجة وكذبت قولت عادي دي حاجة تخصها وبعدها كانت بتكلم حد وكلمتني قالتلي ابعتيلي كذا بسرعه علشان تبعته للشخص إللي بيكلمها كإن ح

Lemon_52391 🇸🇦

منذ أسبوعين

شعور لا مبالٍ

عبّر عن شعورك بشكل مجهول

طيب هحكي موقف كدا عشوائي جداً 
من فترة كبيرة كدا اخويا اتجوز المهم يعني مراته اصلا قريبتنا مش غريبه 
انا بحبها بس هيا الله اعلم المهم يعني كان يوم كدا بنجهز الاكل انا و هيا بعد ما اتجوزت باسبوع بظبط و بنتكلم عن فرح بنت عمي الي خلاص قاعدله شهر 
المهم هيا في وسط الهزار قالتلي 
على فكرة انا مش هحضر الفرح و هخليكي تحضري الفرح ده لوحدك كدا بطولك زي اليتيمه بظبط و مش هاجى معاكي. 
حرفيا الكلمة دي نزلت عليا زي جردل المياة دموعي كانت هتنزل وقتها بس من كتر صدمه الكلمه معرفتش اعمل حاجه غير اني قولت مش عايزاكي تحضري و مشيت 
نزلت قعدت مع اخوتي كان ممكن اقول لي اخويا و اهلي حصل كذا كذا و كانت هتتعلم الادب ساعتها بس بصراحة خفت عليها حتى و هيا فشخت مشاعري 
و غير كده انا عارفه اخويا عصبي كان هيخرب الدنيا

نعرف هيا قالت كدا ليه بقا! 
انا اهلي عايشين الحمدلله بس امي كانت مسافره بعيدة عني فترة طويله جداً و كنت بحضر معظم الأفراح لوحدي عشان كدا هيا قالت عليا يتيمه 
انا سامحتها بس الموقف لسة معلق في دماغي لحد دلوقتي

عموما يعني ربنا يصبر قلب اي حد يتيم و اي حد بيكسر بخاطره حسبي الله ونعم الوكيل عشان مش بيحس هوا حاسس بايه بظبط

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_15725 🇪🇬

منذ 3 أسابيع

شعور مهتم

خطيبي اتفق معايا اول يوم شغل هيوديني الشغل وهوا اليوم دا كان اجازه ف قولتله هستأذن اهلي وتمام بعد إلحاح منه انو عايز يعمل دا الصبح قولت لماما ووافقت وانبسطت من الحركه دي جيت اكلمه الصبح مبيردش كان نايم صحي متاخر وانا كنت مبسوطه اوي انو هيوديني وهيبقي معايا ف يوم زي دا فضلت مستنياه مفيش روحت طلبت أوب

Banana_90156 🇪🇬

منذ شهر واحد

شعور وحيد

عبّر عن شعورك بشكل مجهول

انا انسان مش بيعرف يعبر عن الي جواه وديما بيتفهم غلط وانو شخص وحش كنت في ريليشن واتشافت اني نرجسي ووحش بالرغم اني طلعت كل الحلو الي جوايه واتشافت اني toxic وانا حسيت ده وكنت بزعل ان الشخص مأذي بسببي من غير ماقصد وهو قال عليه نرجسي واني مش بحب الخير لحد بنائا على مواقف مع اشخاص تانيه انا كنت بحكيها وهي بتفهم غلط برضو خلوني احكلكم موقف منهم هو موقف عيد ميلاد بنت صاحب اخويا الكبير انا مكنتش معزوم بس مبدائيا انا كنت رايح عادي اسلم بس وبالمره ع اخويا يروحني معاه واصحابو عرفني وخرجت معاهم كزه مره يمكن مفيش حد قريب غير شخصين اما الباقي عادي بس روحت فلقيت اني مش مرحب بيه انا متضايقتش اوي ده الطبيعي يعني بس انا زعلت لما لقيت نفسي قاعد لوحدي وشكلي وحش واخويا قاعد مع صحبو وكده بيتكلمو وصحبو التاني قاعد مع اخو صاحب العيد ميلاد الي فسني وعمال يتكلم انا متضايقتش خالص انا بس اتضيقت ان محدش مهتم لوجودي فبس روحت قولت لاخويا انا ماشي قالي في اكل وهنروح وكده ع عامل عقيقه قالي متيجي معايه المهم قولتلو لا قالي طب قول لصاحب عيد الميلاد انك ماشي متعشم انو هيمسك فيه او يقول لازم تقعد او كده بس انا كنت عارف ان م هيعمل كده المهم عادي عزم عزومه مركبيه مش اكتر وبس بصيت لاخويا وروحت ماشي انا مكدبش انا اه اتكسر خاطري ساعتها بس انا ممكن مبيفرقش معايه حاجه اوي او ممكن يظهر ده بس انا حساس شويه او اتنين او تلاته بس عادي عديت الموضوع وروحت السؤال هنا في حاجه هنا تقول اني مبحبش الخير لحد؟ او اني شخص نرجسي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_76643 🇪🇬

منذ شهر واحد

شعور مكسور القلب

Chilli_77815 🇪🇬 الفكرة اللي ناقصاكي .. إن الجواز بداية الحكاية كلها مش نهايتها .. انتي اكيد بتحبيه ومتعلقه بيه .. بس في ظل رفض اهلك ليه بالشكل دا هم اكيد شايفين حاجة.. وعلى فكرة مع الوقت جايز تعرفي دا ... متخيل التشتت اللي انتي فيه واللخبطة وقد ايه احساسك في البيت مخليكي متمسكة بيه .. بس هل احساسك بوضعك في البيت هو اللي مخليكي متمسكة بيه ! واي حد هيحبك هيفضل واقف جنبك طول الوقت .. فيه كلام كتير محتاجة تفكري فيه

عرض الكل 2 نصيحة

عبّر عن شعورك بشكل مجهول

انا مش فخوره باللي هحكيه لانه ضعف .. انا رجعت وعملت اللي ف دماغي وشفت حياته كانت عامله ازاي من غيري وخطيبته اللي فسخوا عملت فيه ايه وكم المعاناه اللي مر بيها من مشاكل صحية وباباه برده عمل عملية كبيره وجدته بقت تعبانه اكتر مامته بس هي اللي لسه بصحتها ومورهاش حاجه غير انها تجبله عرايس مع انها عارفه كم الحب اللي كان بينا ودايما لما كنت بروحلها مكنتش بدخل وايدي فاضيه ابدا لازم اجيبلها احسن حاجه .. معرفش ليه متدخلتش ف الاخر وعملت اي حاجه عشان نرجع بقول يمكن عشان كنت بصدهم كلهم وبعمل بلوك واي حد يحاول يكلمني ف حاجه بقفل الدنيا ف وشه .. بس بلاقيني ارجع لانه كان بيكلم غيري !!
لما قعدت معاه وشرحلي حسيت انه برئ وانه فعلا اليوم اللي كنا فيه مع بعض وشفت انه اكتر من واحده بعتاله وسبته ده كان ظلم ليه هو  كان باعت لما سبنا بعض من ٣ شهور ف ٢٠٢٤ وانا وقتها برده كنت بدور علي حد غيره وبقنع نفسي ان في فرص تانيه .. بس دايما قلبي كان معاه وعقلي لأ .. انا لسه صاحيه من النوم من وقت ما رجعنا نتكلم وانا مش بعرف افكر ف اي حاجه غيره ومش بعمل الا اني بعيط بحرقة وعياط مستمر اول مره احسه وبدعي بس نرجع تاني ونتجوز ويكون من نصيبي .. مع ان الواقع قمة ف الالم 
مش هعرف احكي كل حاجه مره واحده 
بس هطلعها علي مدار اليوم لانها احداث كتير واحداث بجد وجعاني ومحدش فاهمني عشان احكيله 
او كله بيصدر احكام علي الشخص عشان اللي بيعمله معايا وانهم شايفنلي الاحسن وانا مبقتش قادره اسمع ده عشان مش متقبلة فكرة انه يمشي تاني انا كنت من غيره تعيسه والناس اللي حواليا كلها غريبه عني هو بس عارفني حلو جدا 
بس الوجع او الحزن اللي حاسه بيه بقيت حاسه اني محتاجه حسم للامور يا تمشي وتروحلها وديه البنت اللي كلم اهلها قبل ما انا اظهر ولسه بيفكروا وهي اخت صاحب عمره .. يا تخليك وتختارنا 
وهو محتار وده واجعني جدا ومن غبائي مكمله بس  لان لو مكملش الموضوع بتاع البنت قالي هيكون بيخسر فرصة انه يكون مع واحده هو عارف هي مين كويس بعد اللي عملته فيه خطيبته القديمة
ولو قرر انه يكمل مشوارنا انا وهو هيخوض حرب مش هينه لان اهلي رافضينه بسبب ظروفه وانهم عايزين حد غني وبس ف هو اتقدم كتير جدا زمان بس كان بابا معلقنا كل شوية يقوله حسن من حالتك الماديه شويه وارجع تاني وكل ما يتقدم يقوله نفس الكلام .. ف حين ان بابا اصلا مش بيقدرني ولا بيصرف عليا ولا لما بتعب حتي بيرضي يديني فلوس اروح للدكتور الا بالخناق 
الراجل اللي حبيته ده خد باله مني بجد.. هو كان معايا ف كل وقعاتي وكان بياخد بايدي .. كان بيعملي كل اللي متعمليش ف البيت ده .. حتي لو علي اده 
انا لما رجعتله بقيت قابله كل حاجه هو عايزها وانه عايز يخليني البنت اللي ملهاش صور ومش بتحتك مع اي راجل وهكذا قولت طالما مش طالب مني حاجه ف الغلط انا كنت بعند ليه زمان وعملت ده وكونتله كما يحب..
بس حتي ده مش كفايه دلوقتي انه يختار يفضل جمبي
حاسه انه بيفشخ كرامتي وانا بعاقب نفسي بالوضع ده عشان اقنعني اني جيت عليه سنين وانا حاسه انه صح 
هو حاول عشاني وانا مقدرتش كنت مع اهلي وهما بيهينوه واقلل منه زيهم..
مع ان اهلي دلوقتي رغم كرههم لخطيبة اخويا اللي من غير مبررات مقنعه بيعاملوها غصب عنهم بكل احترام وادب واخويا لو حد بس بصلها بصه وحشة بيبهدل الدنيا
انا حاربت معاهم كتير عشانه بس اهلي مكانوش بيعملوا لرأيي حساب زي ما بيعملوا لاخويا ودمروني لما بعدوني عن الراجل اللي حبيته سنين واثروا علي تفكيري اني هعيش حياه مش كويسه معاه علي الرغم اني لما بعدت كنت ف تعاسه ووقعات كتير هما كان اخرهم يبصوا من بعيد. واصعب عليهم بس 
محدش كان بيعرف يحتويني ولا حد كان بيمد ايد المساعده بجد .. مكنش حد سندي الا هو بعد ربنا طبعا 
عشان كده لما رجعت قررت اني اعوضه واني اكون زي ما هو حابب لان ايه لازمة الحاجات العبيطة اللي اتمسكت بيها ف مقابل اللي فقدته ف غيابه 
انا خايفه اوي لانه كلمني امبارح ان ام البنت اللي اتقدم ليها واخوها اللي هو صاحبه .. متحمسين للفكره وعمالين يزقوه ليها وهو مستسلم لان لو شرح لصاحبه الوضع هيخسره لان البنت اخته ! هيفكر انه واخدها تسليه او يعدي بيها ولما انا ظهرت قال خلاص
انا خايفه جدا من اللي ممكن يحصل بس عايزه اسلم لربنا واهدي من امبارح مبطلتش عياط 
بقعد اشوف الناس اللي بيحبوا بعض ازاي ربنا بيفرحهم وينولهم الزواج بتصعب عليا نفسي غصبن عني يارب .. طب واناانا عانيت كتير واستنيت كتير اوي نبقي ف بيت واحد !! 💔💔 
الحمد لله
مش عارفه هبدا يومي ازاي بس هغصب نفسي اكمل يمكن لما اعمل حاجات تانيه احس احسن .. مع اني بقيت حاسه اني جسم من غير روح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_90143 🇪🇬

منذ شهر واحد

شعور محبط

Banana_88980 🇮🇶 احنا معاكي حبيبتي

عرض الكل 1 نصيحة

عبّر عن شعورك بشكل مجهول

انا عندى ١٥ سنه بس بجد بحس ان انا معشتش حياتي زي باقي ال ف سني انا بابايا متوفي من ونا ١٢ سنه و ملقتش خد يعوضني مكانه حرفيا مفيش و محدش حس قد اي انا مكسورة عليه ولا حد حاول يعوضني ف كان في واحد جارنا جه ف اكتر وقت  انا كنت محتجاه حرفيا فيه و اعترفلي بحبه ليا و انا كنت لسا ١٣ سنه و هو مكنش كبير بردو هو اكبر مني ب سنه و حبينا بعض و كان كويس معايا جدا و بيعاملني حلو و اتعلقت بيه جامد اوي لحد ما لقيته بداء يتغير معايا و حست انه عايز يبعد عني و انا كنت حرفيا هموت نفسي عشان يفضل معايا بس هو بردو مشي و مكملناش سنه مع بعض ف طبعا حسيت اني شخص غير مرغوب فيه و اكتابت فترة مش قليله و بالرغم من كدا مبطلتش محاولات معاه انه يرجعلي و هو اخر لما زهق مني راح قال ل ماما خلي بنتك تحل عني شويه عشان بتلف ورايا و انا كارفها طبعا حصلي ساعتها حوار كبيييير و الموضوع عدى و خلاص البني ادم ده كرهني ف الصنف كله لحد يو م٢٩/١/٢٠٢٥ لما بنت خالتي بعتت لي صورة واحد زي القمر و قالتلي الواد ده معجب بيكي ف انا معرفهوش و فكرتها بتهزر و كدا ف قولت لها مين ده قالت لي انه صاحب الولد ال هي بتحبه و انه شاف صورتي ف حبني طبعا ما اقتنعتش ب نص جنيه و قولت لها بطلي هبل راحت ادتو رقمي و اكونتاتي و فضل يرازي فيا كام يوم لحد منا قولت ليه مديهوش فرصه يمكن احبه او يمكن يكون ده العوض بجد بس لااا يا فرحه ما تمت طلع اوسخ من ال قبله ب مراحلللل الولد ده في الاول كان كويس جدا معايا و محترم و بيشجعني اني اقرب من ربنا و كل حلويات البدايات دي و طبعا حبيته و اتعلقت بيه و نا لحد هذه اللحظه مشوفتوش ف الحقيقه المهم ف جه رمضان كان بقالنا مع بعض حوالي شهرين مثلا لاقيتو عامل ريبوست على فيديو بيقول انا كل ما احب واحده يا تطلع شمال يا تطلع بتحب الاكس ف قولتله قصدك ايه قالي انتي بتاخدي الكلام ع نفسك ليه قولتله يعني في غيري تاخد الكلام ع نفسها راح واخدها بهزار و قالي بما معني اني فيا الاتنين اني شمال و بحب الاكس كمان طبعا زعلت جدا لاني عمري ما بعت له صورة و انا محجبه مش بقول كدا انو انا محترمه يعني بس انا مش شمال ولا كنت بجيب سيرة الولد الاول خالص معاه غير لو هو سال المهم ف لما زعلت و اتخانقت معاه قالي هو انتي صدقتي نفسك ولا اي انتي فكراني بحبك بجد انتي واحده سهله مش هكدب عليكو الكلمه وجعتني اوي و حسيت ان ازاي انا وصلت نفسي ل ان عيل زي ده يقولي الكلمه دي ة سبنا بعض ف اول رمضان كدا جينا بقا يوم الوقفه بليل لاقيته باعتلي وحشتني ف طبعا زي الهبله قولتله و انت كمان و رجعنا و قالي متزعليش دي كلمه طلعت مني وقت عصبيه و انا سامحتو و يا فرحه ما تمت تاني يوم العيد لاقيته بيقولي عايز اشوفك قولتله لا مش هتوصل يعني اني اقابل ولد ف زعل مني و بصراحه سبتو يزعل بقا اصل انا لما كلمته قال اني سهله لما اقابله هيقول اني اي بقا ف فضل طول اليوم ميكلمنيش و جه تالت يوم العيد بعت له فهمته اني مينفعش اقابله و انت المفروض لو بتحبني تعملي اللي انا عاوزاه ف قالي بقولك اي اصلا اهتمام غيرك عجبني ف قولت له يعني اي قالي يعني مش عايز اعرفك تاني انا بحب واحده تانيه ف سبنا بعض ل تاني مرة كانت اسمها جودي عرفت من اللي كان بينزله ليها و بعدها ساب جودي و بقا ينزل ل واخده اسمها ريماس ف دخلت كلمته و قولت له انه بني ادم اناني و مببحبش غير نفسه بقا و طلعت كل اللي جوايا راح شاتمني و شتم بابايا و طبعا انا مسكتش و شتمنا بعض و بلكنا بعض ف بعدنا لحد شهر ٨ ال فات و رجع كلمني و بردو زي الهبله رجعت له بس المره دي كان فعلا اتغير و بعد عن كل البنات و القرف ال كان بيعمله و قولت اديله فرصه بس المره دي المشكله كانت فيا انا انا ال مكنتش عارفه اثق فيه او ف اي حد عموما و اظن انه حقي بعد كل ده و هو كان مستحملني و بيحاول يطمني بس بردو انا حاسه ان في حاجة بتحصل ورايا ف قولت له اني عايزة ابعد عنه يوم ٢٧/٩ و هو مسالش ليه و قال ال يريحك و بصراحه لو سال ليه مكنتش هعرف ارد اصلا ف انا عيد ميلادي يوم ٢٧/١٠ ف قولت اكيد هيبعتلي مبعتش و هو كان عيد ميلادو بعدي ٧/١٢ ف ياترا عملت اي دخلت عاتبته و قولتله اني مكنتش عارفه اثق فيه بسبب ال هو عمله و كل الكلام ده و روحت مبلكاه من كل حتة و اليوم ده ملحقتش اشوف رده عشان فوني اتسرق و الخط كان باس بابا ف معرفش ارجعو ولا ارجع اي اكونتات و جبت فون تاني و عملت اكونتات جديده و امبارح لا قيته عملي فولو و انا رديته و عمال بقا ينزل اني وحشتو و ان محدش بيفهمه قدي و كل الكلام ده و انا عارفه انه شويه و هيقولي نرجع ف مش عارفه بجد و عايزة حد يقولي اعمل اي او اتصرف ازاي مع البني ادم ده عشان تعبت و مش مرتاحه ف حياتي خالص حرفيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_89549 🇰🇼

منذ شهر واحد

شعور ضائع

لو شخص خان ثقتك وتركك مع نفسك فتره ولا برر ولا قال شى وبعدها بفتره رجع واعتذر وعطاك اسبابه هل بتسامحونه - صديقتي خانها حبيبها ويوم واجهته كانت ردة فعل نعم هذا انا واعتذر منج وحقج علي واهي كانت تصارخ ومعصبه واهو طول الوقت بس يعتذر واهي تساله ليش واذا يحبها ولا لا ماكان يرد عليها ف انهت العلاقه وبعد

Strawberry_89111 🇪🇬 تصرف غلط وبعدين رجع تاني وكذب عشان ترجعله

عرض الكل 2 نصيحة

Lemon_52708 🇪🇬

منذ شهر واحد

شعور غاضب

دي أختي. بتسألني عن حاجة عادية. فويس طبيعي بين أخ وأخته. إنتِ بقى ليه تفهميني غلط؟ مين اداكِ الحق أصلًا؟ مخطوبة؟ مش مخطوبة؟ ده لا يديكِ سلطة ولا يديكِ وصاية. إنتِ مالِك؟ هو أنا مطالب أبرر حياتي لزميلة شغل؟ ولا أراجع تصرفاتي على مزاج حد قرر يحاكم من غير ما يسمع؟ اللي حصل مش غباء… اللي حصل تعدّي وحدود

Coconut_56919 🇪🇬

منذ شهرين

شعور مكسور القلب

معقولة اترميت منك وأديني في الطريق مشيت بدموع في عيني ده انت لو ناديت كنت تلاقيني ليه تخسرني؟! معقول جه الأوان ان انت عادي لو شوفتني في مكان هتشوفني ماضي وتسيب أيام زمان بتضيع قصادي وتكسرني طب كانت قولي اي رد وبعده انا همشي فهمتك مانتش اي حد وليه متفهمشي؟! دا انا في النجوم خلصت عد سهران و ماب

Mango_52462 🇪🇬

منذ شهرين

شعور مرتبك

معرفش ليه مش بيثق فيا الإحساس دا وحش أوي أنا هحكي حاجات كتير أتمني اللي يقرأ يكون بس فاهمني أنا مش عايزه حل أنا عايزه اللي يقرأ يتفهمني عامة أنا بحكي عن عيلتي أو خاصة أبويا الموضوع بدأ بعد تالته إعدادي في الإجازة وأنا حاليا في تانية ثانوي كان نفسي الإجازة دي تبقي أسعد اجازة في حياتي علشان بعد كد

عبّر عن شعورك بشكل مجهول

معرفش ليه مش بيثق فيا الإحساس دا وحش أوي

أنا هحكي حاجات كتير أتمني اللي يقرأ يكون بس فاهمني أنا مش عايزه حل أنا عايزه اللي يقرأ يتفهمني

عامة أنا بحكي عن عيلتي أو خاصة أبويا الموضوع بدأ بعد تالته إعدادي في الإجازة وأنا حاليا في تانية ثانوي كان نفسي الإجازة دي تبقي أسعد اجازة في حياتي علشان بعد كدا هدخل ثانوية ومرحلة جديدة بس حصل عكس كدا تماما كان عيلتي مش بيتكلموا معايا كان كل كلامهم خناق وتزعيق ولا أنا فهماهم ولا هم فاهمني الموضوع وصل إن أنا تعبت وجالي قولون عصبي بسبب الزعل كان في اتنين أكتر اتنين فاهمني وبيهونوا عليا كل حاجة في حياتي متخيلتش في يوم إن ربنا يبعدهم عني كانت صاحبتي وبنت خالتي اه احنا بعدنا ومبقولش قدامهم اني زعلانه من البعد دا بس بجد دول كانوا بيهونوا كل حاجة، كانوا فهمني بس بقول طالما ربنا عمل كدا يبقي دا الخير بقولها من ورا قلبي علشان دلوقتي أنا مش كويسة ومش لاقياهم دلوقتي يهونوا عليا ... المهم في الإجازة دي كانت خناقات عالطول فوقع قدامي حد واتكلمنا تاني يوم كلمته كان حصل خناقة في البيت (عامة أنا مش شخص بيحب يبين ضعفه قدام حد غريب) بس يومها بعت ريكورد له وكنت بعيط وحكيتله اللي حصل هو عادي كلمني وهون عليا وجت صاحبتي وهونت عليا وفضلنا نتكلم بس صحاب بس (ولا بعت صور ليا ولا رقمي كنا بنتكلم انستا وكان كلام عادي والله) وأنا كلمته بسببهم مكنوش بيسمعوني وكان دايما خناق دا مش مبرر مفيش مبرر للحاجة الحرام ولو هقارن اللي أنا عملته باللي جيلي أو دفعتي بتعمله فدا ولا حاجة بس دا حرام أنا عارفة بس غلط كلنا بنغلط بعدها بفترة بابا عرف والبيت كله وأخدوا مني التليفون فترة وبعد كدا رجعيلي التليفون مكملتش حد بعدها علشان أنا مش كدا ولا نيتي كدا بس الثقة راحت يجي يشوف الموبايل يفتش فيه قدامي طب فتش فيه بس مش قدامي مش تحسسني إني وحشة معرفش ليه بيعمل كدا أنا قولتلهم كانت غلطة وانتم السبب فيها وخلاص خلصنا بس الموضوع بقي اوفر بجد، ودلوقتي أعز اتنين كانوا في حياتي بقوا أغراب ليه معرفش(أنا مبحبش اعيش دور الضحية) بس أنا بحكي اللي مدايقني

حتي الولد اللي حبني بجد مقدرتش اكون معاه 
(علشان أنا استوعبت إني مرعوبة اقع في الحب، بس أنا بحب الحب وبحب المشاعر وبحب الحنية بس الموضوع لو قلب جد بهرب وببعد مش لاقيه حد شبهيي ومش لاقيه حد قادر يريح دماغي !! )

معرفش بحكي ليه بس حسيت إني مضايقة لما كتبت  حسيت كدا أحسن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_87003 🇪🇬

منذ شهرين

شعور لا مبالٍ

عبّر عن شعورك بشكل مجهول

السلام عليكم... كنت عايز احكي حاجه وعايز حكم حضراتكم فيها او رايكم  بكل شفافيه هحكيها زي حكايه في بنت وليكن اسمها هنسميها سلمى البنت دي كانت بتحب اخوها وهو اكبر منها سبع سنين المهم كانت بتحبه وهو كان ودود معاها وده طبيعي يعني عشان فرق السن أو ده عامل كبير الاخ ده وليكن هنسميه مروان  المهم في يوم مروان بدا يقرب من سلمى بطريقه يعني مش زي الاخوات في الوقت دوت كان هو في ثانوي وهي في اخر سنين الابتدائي  يعني سنه خامسه او سته فالمهم قرب منها وهي مطمنها له علشان هي كانت كانت بتحبه كاخ وواثقه فيه وده الطبيعي خصوصا كمان عشان فرق السن وعلشان كانت معتبراها اب مش اخ علشان والدتها كان متوفي المهم كانت والدتها طبعا زي اغلب الامهات مفهمها اللي يقرب منها بطريقه معينه تيجي تقول لها على طول علشان الموضوع ما يكبرش وكنوع من الوعي اكيد لان ده مهم عشان تحافظ على نفسها بس المشكله بقى ان ده كان اخوها الاكبر منها سبع سنين فهي مقاومتش الموضوع كان سطحي بس بعد كده اثر عليها كثير واخذت صدمه فيه اكيد وفي كل الولاد تقريبا فالبنت دي دلوقتي اللي احنا سميناها سلمى وده اسم مستعار اكيد  سالتني وقالت انها عايزه حكمي  على الموضوع يعني  انا بصراحه يعني حاولت اكون حيادي قدر المستطاع بس هي اصرت ان انا اخذ راي ناس يكونوا مش عارفينها علشان يعني مفكره اني بجاملها او حاجه علشان انا اعرفها فبس هات القصه واتمنى كل واحد يكتب هو شايف ايه علشان ده هيفرق معاها جدا وبدون مجاملات وشكرا ليكوا 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Heart_87802 🇪🇬

منذ 3 أشهر

شعور مرهق

محتاجه مساعده ضروووووورررررى.. حياتى شبه مدمرة.. مش هقول عاوزة اموت.. ولا عاوزة اتخلص اصلا من حياتى وبس.. انا عاوزة اتبخر... عارفين يعنى ايه تبقوا مش عارفين حتى تخرجوا اللى جواكوا.. بقيتوا شايفين كل اللى حواليكوا اعداء حتى اقرب الناس ليكوا.. تشوفوا شقااا عمركوااا بيتسرق وانتوا ختى مش قادرين تعترضوا

Marshmallow_87625 🇪🇬

منذ 3 أشهر

شعور مكسور القلب

جماعه هو انا بابا بيعاملني كده ليه بجد ليه طول الوقت مش بيديني اهتمام ساعات بفتكر بنت خالتى ازي بابها لما بيدخل من باب البيت بيعاملها ازي وبيجيبلها شنطه حلويات كبيره اوي عكس بابا مش بيجي هو يحضني انا ال احضنه وبيعاقبني علي اتف الحاجات وتقريبا عمره ما جابلي حلويات مخصوص او كده او عمره ما جابلي انا وا

Lemon_52708 🇪🇬

منذ 3 أشهر

شعور متوتر

قلت لزميلتي في الشغل إني بروح مقابلات شغل عشان أتقدملها، كنت صادق، كنت ناوي على خير، وكنت شايف فيها مستقبل. هي عملت نفسها فرحانة، وضحكت، لكن بعد كده راحت فتنت عليا للمدير. من ساعتها وأنا مش طايق أتكلم معاها، لأن عندي الحب يعني ثقة، والثقة دي لما تتكسر، بتسيب وراها وجع ما بيتصلحش بسهولة. كنت باني عل

عبّر عن شعورك بشكل مجهول

قلت لزميلتي في الشغل إني بروح مقابلات شغل عشان أتقدملها، كنت صادق، كنت ناوي على خير، وكنت شايف فيها مستقبل.
هي عملت نفسها فرحانة، وضحكت، لكن بعد كده راحت فتنت عليا للمدير.
من ساعتها وأنا مش طايق أتكلم معاها، لأن عندي الحب يعني ثقة، والثقة دي لما تتكسر، بتسيب وراها وجع ما بيتصلحش بسهولة.

كنت باني عليها أحلام ومستقبل، واكتشفت إني كنت غلطان… اخترت غلط، ووثقت غلط.
دلوقتي بقى عندي وسواس في التعامل مع الناس، والمدير كمان كافأها على الفتنة اللي قالتها.
واحد خريج تجارة إنجليزي، كل غلطته إنه حب بجد.
هي حتى ما خبتش، راحت تفتن على الأوفيس جيرل علشان كيس سكر!
طلعت اختيار غلط، وأنا بجد مش مسامح نفسي.
كنت بحارب الدنيا علشان أبقى كافي ليها، وفي الآخر اكتشفت إني كنت كتير أوي عليها.

بس خلاص، فهمت الدرس.
مش هستنى اعتذار، ولا اعتراف، ولا محاولة تصحيح من مصدر الأذى.
اللي أوجعك مش مسؤول يعالجك… التعافي ده شغلتك أنت.
هما أدّوا دورهم ووجعوك ومشيوا، ودورك دلوقتي إنك تقوم وتتعافى.
الـ closure بتاعك أنت، أنت وبس.

ونسيت أقولك، مش معنى إنك معاك الحق إنك مظلوم،
ولا معنى إنك مظلوم إنك ليك حق.
الحكاية كلها عن مين اللي يعرف يحكي روايته أحسن.
في النهاية، ممكن تكون أنت الجانب الطيب، بس الشرير ينتصر لأنه بيعرف يسرد حكايته.

والانتصار الحقيقي مش إنك تغيّر مبادئك،
لكن إنك تتعلم تحكي حكايتك، تحكيها بقوة، تحكيها بصدق.
الحق محتاج صوت، محتاج قصة، محتاجك تكون صانعه.

وفي الآخر…
في نوع من الزعل اسمه "أنا زعلت إنها جت منكم"
اللي هو وجع الصدمة مش من الموقف، بل من الأشخاص اللي كنت مستثنيهم من كل خوفك.
اللي خدت منهم القلم مش وجعك قوته، وجعك صاحب الإيد اللي ضربك.

يا خيبتك لما تبقى واثق إنك متهونش… وتهون. 💔
دنا زهقت من الحياه وعايز اخلص بقا ده يرضي ربنا !؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_56618 🇪🇬

نفسي في ولد شاطر ومحتهد ومشهور وعامل شغل حلو

نفسي في ولد يكون شاااااطر ومحتهد و مشهور كده وعامل شغل حلو ياااااه الفكرة أن كل الناس هنا مكتئبه ما انتو لو فلاحين في دراستكم و شغلكم مكنتوش هتحتاجوا تشقطوا بنات كانت البنات اللي هتشقطم جتكوا الهم ...عرض المزيد

1 الدعم

28 نصيحة

Coconut_54521 🇪🇬

بقدر أعرف ولد ولا بنت من أول كلمة تكتبها.. تيجو نجرب؟

جماعة انا بقدر احدد الشخص اللي بيبعت هنا ولد ولا بنت من اول كلمه هو بيكتبها تيجو نجرب؟ عايزاك تدخل تكلمني و لو انا صح يبقى عليك حكم جماعة انا بقدر احدد الشخص اللي بيبعت هنا ولد ولا بنت من اول كلمه هو بيكتبها تيجو نجرب؟ عايزاك تدخل تكلمني و لو انا صح يبقى عليك حكم جماعة انا بقدر احدد الشخص اللي بيبعت هنا ولد ولا بنت من اول كلمه هو بيكتبها تيجو نجرب؟ عايزاك تدخل تكلمني و لو انا صح يبقى عليك حكم جماعة انا بقدر احدد الشخص اللي بيبعت هنا ولد ولا بنت من اول كلمه هو بيكتبها تيجو نجرب؟ عايزاك تدخل تكلمني و لو انا صح يبقى عليك حكم جماعة انا بقدر احدد الشخص اللي بيبعت هنا ولد ولا بنت من اول كلمه هو بيكتبها تيجو نجرب؟ عايزاك تدخل تكلمني و لو انا صح يبقى عليك حكم جماعة انا بقدر احدد الشخص اللي بيبعت هنا ولد ولا بنت من اول كلمه هو بيكتبها تيجو نجرب؟ عايزاك تدخل تكلمني و لو انا صح يبقى عليك حكم ...عرض المزيد

1 الدعم

21 نصيحة

Mango_52524 🇪🇬

بكره كل حاجة: رمضان، الأديان، الناس، والغباء

1) بكره رمضان 2) بكره كل الأديان 3) بكره الناس 4) بكره المش سالكين 5) بكره المش محترمين 6) بكره الكدب 7) بكره العنده وشين 8) بكره المش بيعملوا البيحبوه 9) بكره الغباء 10) بكره الإجبار (معلومه اثرائيه) (مش مهتمه بالهتقولوه) ...عرض المزيد

4 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع