ناس مرعبة

Marshmallow_69067 🇪🇬

منذ 3 أسابيع

شعور غاضب

عبّر عن شعورك بشكل مجهول

هو انا عارفة ان كلامى مش هغير حاجة وتحصيل حاصل بس من باب إنكار المنكر .. جماعة فيه ناس مرعبة عايشيين وسطنا اشخاص ممكن يكونوا ظاهرهم محترميين جدا وولاد ناس و اخلاق وليهم مكانتهم الإجتماعية وكل الكلام الحلو دا بس مجرد م يقعدوا ورا شاشة ويدخلوا app زى هنا بيتحولوا لناس تانية.. يدخلوا يبعتوا للبنات كلام غريب بيقلل من رجولتهم .. حد هقول متردوش وخلاص لاانا مشكلتى مش ففكرة الرد الفكرة ان الناس دى عايشة وسطنا ممكن يكون حد قريب منك وانت مش عارف شخصيته الحقيقية ممكن يكون زوج واب ومحدش عارف شخصيته الحقيقية .. الفكرة ان الناس دى انا بحس ان فيهم جانب كبير مش طبيعي طب ازاى بيمارسوا حياتهم عادى وبيبانوا عادى قدام الناس واول م يبقى لوحده ومجهول الهوية تبان شخصيته وهما طلعوا كتير اوى يعنى مش هقول هو مش خايف من ربنا لانى عارفة ان للاسف الكلمة دى مش هتأثر فيهم مع ان دى اهم حاجة هو جعل ربنا أهون الناظرين له محدش في ايده حسابك وجنتك ونارك الا ربنا .. حرصك المستميت في انك تظهر انك محترم قدام الناس الى تعرفك اولى بيه تظهره لربنا بصدق بس انا عارفه ان الكلام دا مش هيأثر للاسف.. الموضوع بقا اكبر من فكرة ان حد يعاكس او يضايق بنت لا دول وكأنهم مش بشر وكأنهم مسخ ازاى دا عايش وسط الناس عادى ومش بيبان عليه!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_68953 🇪🇬

نفسي الاقي حد روحه شبهي وابني اسره هاديه

كان نفسي اكون دلوقتي ف بيتي وسط جوزي وطفل جميل شبهنا مش مصدقه اني لسا ف بيت اهلي انا عارفه ومقدره انه نصيب بس مش قادره ابطل تفكير ان واحده زبي متعلمه وجميله ومن عيله محترمه وطول عمري ف حالي مكنش مصدر يجذب شباب جميله ليا لارتباط الرسمي وان كل اللي بيجولي مش مناسبين ومش شبههي انا بس نفسي الاقي حد روحه شبهي وارتاح معاه يكون علي خلق وهادي زيي نفسي اعيش حياتي وابني اسره هاديه وبيت دافي مليان حب وود انا لسا ٢٥ سنه بس حقيقي صحابي كلهم بيتجوزوا ورا بعض وده محسسني بالوحده ...عرض المزيد

7 الدعم

19 نصيحة

Banana_64028 🇪🇬

مش عارفة أقول إيه.. نفسي أقلع الحجاب

ي جماعه انا عندى مشكله انا عايزه اقلع الحجاب الفكره دي بقت تجيلي كتير اووي و حاسه اني مخنوق حاسه اني محبوسه انا مش حابه شكلي ب طرحه مع اني بقالي اربع سنين لبسه و من اسبوع بضبط كنت بفكر اختمر بس مش عارفه اي الي حصلي بجد المشكله اني طبعا اهلي ممكن يموتني لو فكرت بس. اخرك البلكونة ب شعري فا مش عارفه اقلهم اي حولت افتح امي رفضت تفتح معايا الموضوع اصلا انا مش طايقه شكلي و كره شكلي جدا و نفسي انزل وانا حرا كدا و شعري مفرود الموضوع بقا صعب عليا اوي بجد . ...عرض المزيد

0 الدعم

17 نصيحة

Waffle_57478 🇪🇬

حياتي واقفه ومش عارفة ايه اللي يفرحني

حاسه اني مخنوقه متكتفه بحس مش عارفه اعمل حاجه اه بتعلم مع نفسي مجال بس مش كفايه حياتي ناقصها حياة مشكلتي اني مش عارفه ايه اللي بيفرحني انا لما حد بيسألني السؤال دا بعطل قدامه جدا ايه اكتر حاجه نفسي تحصل مش بلاقي اي حاجه في دماغي بجد مش عارفه ايه اللي لو حصل هيبقي سعيدة او ايه اصلا اللي بيخليني سعيدة ...معرفش هل البيئه اللي حواليا من العوامل اللي بتخليني احس بشعور وحش اكتر ولا ايه كل يوم بصحي علي كلام مش بتبسط لما بسمعه اول لما افتح عيني بجد ... مش بسمع كلمه حلوة كله ذم وتنظير ونصيحه مفيش اي كلام حلو برغم أنهم عارفين اني يحتاج دا جدا ممكن اكتر حاجه يتمناها اني اقابل حد احبه ويحبني بس انا رافضه الارتباط انا معرفش بجد حاسه حياتي واقفه انا بجد بقالي 3 ايام في السرير بدون مبالغه بقوم اعمل المهم في اليوم وكول اليوم بسكرول في السرير حياتي ملهاش معني مش عارفه اعمل حاجه ولا عارفه اضيف ليها ولا عارفه ابقي مبسوطة مع نفسي .... المشكله الأكبر اني متوقعه علي نفسي ومش عارفه اتصرف برغم اني مش عيلة صغيرة مثلا لا انا في سن المفروض تكون مرتبه نفسي ومظبطه حياتي اكتر من كدا ولو ظبطها فترة برجع اقع تاني ا........ ...عرض المزيد

0 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع