ندم على الخطوبة

Pineapple_51779 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

انا اتخطبت من قريب لحد كنت اعرفه وحصلت مشكلة بيننا وانا شايفاه مكبر المشكلة دى جدا 
ياريت تفهمونى 
انا وهو كنا خارجين مع بعض وهو كان مروحنى ووقف بالعربية نزل يجيب حاجات وكدة وانا مستنياه فصاحبتى اتصلت بيا ف الوقت ده وقالتلى الولد اللى كان معجب بيكى اللى اسمه يوسف ده كلمنى مع العلم أن صاحبتى ويوسف ده كانوا صحاب وكدة كانوا مع بعض ف كذة حاجة يعنى فبتقولى كلمنى وبيقولى هى بجد اتخطبت انا كنت ناوى وكدة فخطيبى جه روحت قولتلها طب سلام دلوقتى وكدة وهكلمك لما اروح أو كمليلى الموضوع ع الواتساب...  وانا اللى قولتلها احكى لحد ما خطيبى ييجى بس فأول ما جه قولتلها أنه جه يعنى فسلام بس هو حس أن فى حاجة قالى بتكلمى مين قولتله صاحبتى قالى مش عارف حاسس فى حاجة غريبة ليه وطبعا اللى هى حاكتهولى كان مخلى وشى باين عليه ريأكشن أكنى مقفولة كدة  أو متضايقة لان مش فاهمة ايه اللى هو بيقوله ده وايه الحوارات دى فأنا كنت سايبة الموبايل قدامى يعنى على التابلو فهو شاف مسدج من صاحبتى دى من برة مكتوب فيها وقالى أنه انا كنت بحب ياسمين اوى وهى خسرتنى هو شافها ومسك الموبايل وقالى افتحى الموبايل كدة مكنتش راضية ف الاول بعد كدة فتحت الموبايل وقرأ كل اللى صاحبتى بتحكيهولى هو قالى ياسمين دى انتى ؟؟؟ وانتى بتسمعي منها اللى هى بتحكيه ده ليه اصلا ومين ده وكدة واتخانقنا وانا مش عارفة اعمل ايه بصراحة مش عارفة اقنعه أن الموضوع ده مش موضوع اصلا وده حتى واحد كان معجب بيا يعنى مكناش مرتبطين مثلا وموضوع تافه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع