نسيان غريب

Mushroom_51170 🇪🇬

منذ 4 أسابيع

شعور متعب

عبّر عن شعورك بشكل مجهول

آسفه لو هطول بس الموضوع مهم 
انا كان عندي مشاكل في النوم من سنتين كنت بفضل اربع ايام صاحيه عادي ومش بنام الا مثلاً ربع ساعه الموضوع هدي ولكن كنت كل فتره كده واتعودت وخلاص بعدها بدأ يجيلي صداع كان بيفضل اسبوع ويمكن اكتر وكان كل مره يجي بيجي اشد من المره اللي قبلها بعدين الصداع بقى بيجي بيأثر على عيني وداني وساعات وشي بيتشنج بس التشنج حصل مثلاً تلت مرات بعدها بفتره ايدي ورجلي بدوأ يترعشوا لوحدهم وبيبقى في حاجة زي نبض جامد فيهم و بعدين بدأت تحصلي ازمات تنفس وروحت كشفت طلع عندي التهاب في الجهاز التنفسي واتعالجت الحمد لله بس قبل الفتره دي كان بيحصلي صداع وحش اوي وكأن حد لو لمس دماغي بعيط ووجع غريب كنت بقعد في الفتره دي يومين وبعد كده مثلاً شهرين ماتحصلش وترجع تاني وبعدها بدأت تظهر زي بقع كده في جسمي في اماكن الشمس مش بتوصلها ومش بيحصل فيها احتكاك وبعدين الازمات بطلت تيجي ولكن في شهر ٨ الازمه رجعت تاني بس المره دي كانت مختلفة وماكنتش فاكره ساعتها ايه اللي حصل ولكن لما فوقت افتكرت من اسبوعين كده بدأت اشتكي من الصداع تاني ولكن معاه دوخه غريبة ونسيان غريب زي اني نسيت الحروف ونسيت ازاي بنكتب ولكن بعد ثواني افتكرت من يومين حصلت الازمه تاني ولكن المره دي فقدت الوعي بشكل كلي ومش فاكره اي حاجة ولا فاكره اني تعبت هما حكولي اني تعبت واني قعدت اسأل على والدي وهو أصلاً مسافر وسألت على والد صاحبتي المتوفي ونسيت امي واخويا وكل الناس وقالولي اني فضلت مبرقه ومش فاكره حاجة المهم الدكتور كان طلب وقال نعمل تحاليل ولو طلعت سلبية هنعمل اشعه على المخ وهي طلعت سلبيه المشكله اني اهلي فاكرين ان سلبيه دي يعني ان الجسم في حاجة غلط ولكن الحقيقة ان سلبية دي معناها ان الجسم طلع مافيهوش حاجة وطلعت سليمه وانا فاهمه كده عشان كنت شغالة في معمل تحاليل فهمت الدكتور قصده ايه الفكره اني لو صححت ليهم المعلومه هيغلطوني وهيقولوا اني بحاول امرض نفسي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع