نضج بكري

Toast_80829 🇩🇿

منذ شهر واحد

شعور مستنزف

عبّر عن شعورك بشكل مجهول

سلام ناس، أنا ستارداست
كتبت حكايتي من قبل بصح بالإنجليزي و دوك حبيت نشاركها بالدارجة باه تلحق لناس كتر
، ماشي اسمي الحقيقي بالطبع، بصح حاجة قريبة ليا، عمري تسعطعش (19) سنة، ونشوف روحي كشخص ناضج بعقلية وحدة في الثلاثينات. كبرت بسرعة، مريت بمرحلة النضج بكري على ما أظن. قصتي معقدة من البداية. زادتني أمي البيولوجية لي جامي (أبداً) عرفتها، عطاتني لوحدة كبيرة كبيبي (رضيع) على خاطر ما قدرتش تهتم بيا. هذي المرة الكبيرة لي جامي (أبداً) قدرت تولد، دات خوي (أخي) غير الشقيق قبلي. عندنا نفس الأم بصح آباء مختلفين، من كنت صغيرة أمي الحالية كانت تفضل خويا عليا، بالرغم من أننا في زوج ماشي ولادها البيولوجيين، كانت مع واحد ومبعد تطلقت منو ومبقاش (لم يبق) يولي. خويا كان صغير وأنا كنت رضيعة كي تطلقت.
كنت خايفة بزاف من أمي الحالية لا ندير حاجة غالطة ولا نقول حاجة غالطة، على خاطر كانت عندها مشاكل نفسية وتاع غضب خطيرة. عييت بزاف معاها، بصح أنا لي خلصت الثمن. ما رانيش نقول بلي ما تحبنيش، بصح بالاك ما تحبنيش بطريقة صحية. ساعات نحس في عمق قلبي بلي ما تحبنيش كشخص، ما يعجبهاش واش نلبس ولا كيفاش نتصرف ولا أي حاجة. ما تدعمني في والو (أي شيء) غير قرايتي (دراستي)، وعندها توقعات كبيرة عليا طول الوقت. هذا الشيء راهو يستهلكني ومخليني نصرف طفولتي كاملة وأنا نحاول نرضيها وندير كلش (كل شيء) باش نخليها تفتاخر بيا، بصح في وقت معين فهمت بلي مهما درت ليها، هي جامي (أبداً) تخيرني أنا على خويا. هذا الشيء كان بزاف يجرح.
بالعقل بالكل (ببطء) فقدت الثقة فيها، حبست (توقفت) ما نحكيلها والو عليا ولا على روحي، خفت لا تستعملو ضدي من بعد. كي كنت صغيرة تعرضت للتحرش شحال من مرة، ماشي مرة وحدة، بصح كنت خايفة بزاف باش نحكي لماما، نفس الشيء كي كنت نتعرض للتنمر في المدرسة، كنت نتضرب ونجرح بصح ما نحكيلهاش. مرات بسبب مشاكل الغضب تاعها، كي كنت صغيرة كانت تضربني، وتقول لي كلام يجرح بزاف، مرات تضربني بالنظارات، ومرة رمات عليا سكين وأنا في عمري 12 سنة. جامي (أبداً) وثقت فيا، وكانت دايماً دير افتراضات عليا كي نبغي نعبر على روحي. على ما أظن جامي حسيت بالأمان باش نتقاسم معاها هذا النوع من الأمور.
المهم، كبرت وصرت شخص فوضوي، عقلي دايماً مشوش. تخليت على فكرة العلاقات مع الناس، كانت عندي علاقة وحدة مع راجل وماكانتش حقيقية من جهتو (من طرفه). بصح كي نشوف حوليا نلاحظ بلي معظم الناس ماشي ملاح (سيئين) وبالأخص الرجال، لهذا تخليت على فكرة الزواج أصلاً. دايماً حلمت نكون أم، بصح لازمني نتخلى على هذي الفكرة على جال الأمان تاعي . عندي نقص في الثقة في الرجال على خاطر عشت وكبرت بلا أب يعيطولي ليه، هذا الشيء مخلي أثر عميق ومأثر عليا بزاف. حسيت روحي ضعت، وراني محتاجة علاج. بصح ما عنديش دراهم بزاف. حاولت ننتحر شحال من مرة، ومرات حتى خممت (فكرت) ندير ونسمع لهذاك الصوت لي في راسي شحال من مرة.

راني في الجامعة حاليا سنة ثانية بصح فقدت الرغبة أني نكمل نعيش حاسة حياتي ميؤوس منها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_75106 🇪🇬

البيرسنج في السرة حلال ولا حرام؟ نفسي اعمله اوي!

انا من فترة كنت عايزة اعمل بيرسنج في السرة وسألت شيخ وقالي حلال لو مش هوريه لحد اجنبي و لو البيئة الي حواليا سامحة بده وانا برضو مفهمتش هل كده حلال ولا حرام انا اهلي عادي مش معترضين اني اعمله وخايفة اعمله ويطلع حرام بس انا نفسي اعمله اوي بجد ومش عارفة اعمل ايه ...عرض المزيد

2 الدعم

23 نصيحة

Strawberry_49071 🇪🇬

فشلت في الحلال والحرام والدراسة.. الفشل عندي أساسي

ولا نفعنا ف الحرام ولا نفعنا ف الحلال ولا نفعنا ف الدراسه ولانفعنا ف التخرج فشلنا ف الفشل نفسه حتي لما دخلت فلوس فشلت برضو الفشل عندي حاجه اساسيه قولت هبقي محترمه فمنفعش برضو كلو فشل ف فشل ...عرض المزيد

1 الدعم

20 نصيحة

Ice Cream_65043 🇪🇬

حاسه بخذلان شديد من خطيبي ووالدتي ومش عارفه أتصرف

السلام عليكم مش عارفه أقول ايه بس انا حاسه بخذلان شديد تجاه حياتي ونفسي الشخص الوحيد اللي اخترت اني اعيش معاه كان بيعاملني اني مجرد جاريه ليه معامله وحشه اوي وكل ما افتكر اني خلاص تعافيت يرجع يأذيني مهما حاولت ابعد بيوصلي لدرجه انه كلم والدتي وقالها بنتك مريضه وماما قلبت عليا انا مش عارفه اعيط ولا احكي لحد ع اللي جوايا بس انا تعبانه والله بدرجه صعبه انا مش عارفه شخص انا ملقتش بينا تفاهم ف مشيت بكل هدوء بدون أذى بس انا مش عارفه اعمل ايه ووالدتي كل شويه تزودها عليا وتلومني على اختياري عشان كان خطيبي انا مش عارفه اتصرف ازاي بجد اموت نفسي ولا اهرب ازاي منه ومش شعور الخذلان ...عرض المزيد

1 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع