نفسية وحشة

Heart_87913 🇪🇬

منذ أسبوع واحد

شعور محبط

ياه تخيل كده نفسك سنة 2020معقول كده خمس سنين بسرعة دي حصل فيهم مصايب كتير بس تحس في فجوه مبقناش نحس بطعم اليوم كلها شبه بعض انا واحد من الناس الي هنا نفسيتي وحشه وده مخليني وحش للاسف ان انا بقول ع نفسي وحش قدام اي حد بيشوف الكلام ده انا مكنتش استوعب اني اقول كلام زاي ده بس اتعلمت ان المواجه بتحسم ال

Popcorn_52197 🇪🇬

منذ أسبوعين

شعور محبط

عيد ميلادى قرب فاضل عليه 5 ايام وانا وحيد ومخذول ونفسيتى وحشه مش وحيد علشان انا وحش الحمدلله محدش ليه عليا جميله ابدا بس دى ضريبه الجدع فى الدنيا دى باعد عن كل صحابى ومفهم اهلى انى عندى صحاب ومش عارف اليوم ده اعمل فيه اي ولا اروح فين ولا اقول لاهلى اي حتى وانا قاعد فى البيت زعلان على نفسى اوى مستح

Gold_51151 🇪🇬

منذ 3 أسابيع

شعور غاضب جدًا

مش عارف صاحي م النوم مضايق جداً ومش طايق نفسي ولا طايق الدنيا الفكره كمان اني حلمت بواحده كنت بحبها وانا اصلاً بحاول انسها يعني حاجه ف قمه وجع الدماغ ع الصبح غير اني قافش مع اقرب ناس ليا ومضايق م جوايا وفعلاً الواحد قرفان غير ان الواحد محتاجه شغل اضافي يزود بيه دخله مش عارف بحد بس انا كنت مضايق وحبي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_50926 🇪🇬

منذ شهر واحد

شعور وحيد

السلام عليكم دلوقتي انا مخطوبه بس حالتي الماديه صفر الحمدلله والدي معانا بس انا مبحبش اضغط عليه اكتر لان انا بجهز نفسي وبابا داخل في جمعيات وماما برده قبل ما اتخطب بجد وكنت محتاجه ان اشتغل واغير جو خطيبي بيسافر ودلوقتي بقاله شهر مشفتهوش بس انا نفسيتي وحشه من قاعده البيت مش عارفه السبب ممكن علشان مب

Strawberry_76450 🇪🇬

منذ شهرين

شعور متعب

انا مبحبش. المقارنه بحد بس ليه معرفش هنا مصممين يشبهوني بكل الي حواليا دايما فيا نقص بالنسبه ليهم وبسبب كلامهم دا انا بقيت فاقده الشغف في. المذاكره ومبقتش عارفه اعمل حاجه ونفسيتي وحشه وبقيت كل يوم بتعب بجد انا كان نفسي يحبوني زي ما انا بس للاسف دا محصلش

Mango_22117 🇪🇬

منذ 3 أشهر

شعور مستنزف

لو بقالي شهور بنعزل كتير و كلامي قليل بسبب نفسيتي مفيش طاقه اكلم حد بحسه ضغط اعمل ايه علشان ارجع علاقتي تاني بصحابي لان لقيت نفسي بقيت بتضر و موضوع نفسيا مش حل لحاجه لكن العكس ..فعايزه ارجع تاني فجأه معرفش ازاي و نفسي بقا يكلموني بحماس و طاقه و مشاركه بس ده حاسه هيبقا غريب عليهم او صعب لان اتعودوا

Apple_74572 🇪🇬

منذ 3 أشهر

شعور عاطفي

سلام عليكم انا كشخص ملتزم طموحه عالي اوي وعنده اهداف وبجد فيه صفات مش في حد (جماعه انا والله مش بتكلم علي نفسي دي ناس قالتلي كده فعلا انا ولا حاجه) وفعلا ناس كتير بتقوله كده بس مشكلته انو مر بفترات صعبة كتيرة ونفسيته بقت وحشه فقرر يفتح بيت ويتجوز فاعتبر ده محفز ليه هل البنات بتحب الصفات دي وهستتحمل

Corn_72275 🇪🇬

منذ 3 أشهر

شعور متعب

انا مش عارف انا مين بجد زهقت كل حاجه بايظة وكل علاقاتي فشله صحاب ارتباط اي حاجه مع اني لما كنت صغير مكنتش كده اول ما دخلت الكليه حصلي كل. ده ...وادمنت لما عرفت بنت كنت بحبها جدا بجد اكتر من نفسي وهي سألتني في يوم هو انا البنت الي بتحبها ؟قولتها اه تاني يوم قلبت عليا ومن ساعتها و انا بسقط في الجامعه

Gold_51151 🇪🇬

منذ 4 أشهر

شعور غاضب جدًا

انا بجد والله تعبت مش عارف انتظم ف الصلاه كل لما اقول هنتظم ف الصلاه يجي حاجه تحصل ومصليش غير الضهر بس ومضايق من جوايا الفكره اني شغال لوحدي ومش عارف اتحرك بخلص شغل الساعه ٩ علي لما اروح بوصل البيت ١٠ ونص ومش بكون قادر اعمل حاجه ولا اصلي ولا اكل ولا ايه حاجه علشان الحق انزل تاني يوم حقيقي زهقت وانا

Blueberry_54391 🇪🇬

منذ 6 أشهر

شعور مكتئب

صباح الخير انا عندي بوردلاين من وانا ١٩ سنه تقريباً وحاليا ٢٤ وكل علاقاتي فاشله بسبب ده اني علطول بفكر وبشك وببقي حالتي النفسيه علطول وحشه وبفكر فالانتحار كتير وان حياتي ملهاش لازمه وبعدت عن كل صحابي قطعت معاهم حتي علاجات الاكتئاب مش بتجيب معايا فايده بس بحاول اكون احسن ومش بحب ابين اني تعبانه ومن

Hazelnut_54373 🇪🇬 اكيد عارفة ان الانتحار كفر وكمان حياتك ليها لازمة ولو ملهاش لازمة مكنتيش جيتي اهتمي بنفسك وواحد واحدة خفي من التفكير دة اتمني لك تكوني سعيدة

عرض الكل 10 نصيحة

Lemon_50969 🇪🇬

منذ 7 أشهر

شعور ضاق ذرعًا

عندي مشكله انت كنت قاطعه الصلاة فتره كبيره ولما بدات اصلي وربنا كرمني انت رجعت اتكاسل تاني ومبقتش عارفه اذاكر ولا احفظ القرآن وملامحي بقت باهته ونفسيتي وحشه انا عارفه أن الصلاه واجب علينا كلنا وان ده مش منطقي بس انا لما كنت قاطعه الصلاه كانت حياتي عاديه وبعرف احفظ واذاكر انا عارفه انو مينفعش اقول كد

Hazelnut_52503 🇪🇬 والله ده الشيطان ليعمل كده ف الأول هتحسي بعده بعدها هتلاقي الموضوع عادي أن شاء الله وكلنا معاك وربما يعينك ومتقطعيش تاني لو حاله كل يوم أسألك صليتي ولا لا من باب التحفيز

عرض الكل 4 نصيحة

Broccoli_31776 🇪🇬

منذ 11 شهرًا

شعور متعب

Banana_29245 🇪🇬 نصيحه من اخوك الكبير محدش من ال ف الدرس مهتم انت قفلت الامتحان ولا لا عارف انك ممكن تكون حابب تبان شطور قدام بنت بتحبها مثلاً بس صدقنى البنات مش بتهتم بامتحانات دروس السنتر بيهتمو بالكلية ال انت فيها و راكب عربية ايه و بتقبض كام ذاكر ل امتحاناتك بس متديش حاجة اكبر من حجمها دا مجرد امتحان ف سنتر و كدا كدا فى امتحانات تانية جاية

عرض الكل 6 نصيحة

عبّر عن شعورك بشكل مجهول

انا طالب تالته ثانوي المهم كان عليا امتحان احياء والامتحان كان ع الفصل التالت الي هو كله خمس دروس المهم الامتحان ده انا كنت عايز اجيب فيه درجه عاليه لان المستر بينده اسماء الي بيجيبو دراجات عاليه وبعدين عايز ابقي ملحوظ غير كده انا بزاكر كويس وباخد من عنده امتحانات بس برضو بنقص دراجات الي هي مش كتير حوالي تلت اربع درجات بس ده برضو مش بينده اسمه واخر امتحان شامل جبت درجه مش مرضيه ليا خالص المهم الامتحان ده زاكرلتله كويس جدا لدرجه اني كنت مقسم جلسات مذاكره وكده وقعدت زاكرت لحد تلتاشر ساعه في تلت ايام عشان الامتحان عشان مرجعش اقول ياريتني كنت زاكرت المهم قبلها بيوم كنت نايم الساعه سته الصبح عشان بذاكرله كويس والحمدلله نايم وانا مطمن المهم وانا رايح الدرس قبل ما اوصل بحاجه بسيطه عملت حادثه كنت ماشي وعربيه خبطتني والراجل مرايته اتكسرت وانا كنت حاسس بوجع ف رجلي بس مش اوي ف قولت خلاص اروح امتحن وبعدها ابقي اروح او اروح المستشفى اشوف رجلي المهم يدوبك دخلت الدرس ف اول تلت اسأله لقيت رجلي بتوجعني جداا ومكنتش مستحمل ف قولت لل اسسيستنت ف قالتلي اطلع قول للمستر ف مكتبه يعني المهم قلتله وقالي تمام قولتله اجي اعوض امتي قالي اتطمن علي نفسك بس ف روحت والطريق خد منه حوالي 25 مع ان ف العادي بالكتير عشر دقايق من كتر الوجع وكنت بمشي بالعافيه المهم روحت وماما جات معاه رحت المستشفى عملت اشعه طلعت كدمات بسّ الحمدلله باخد لها علاج دلوقتي وجسمي كله بيوجعني لان انا جنب جسمي كله اتخبط المهم الي مضايقني ان طلعنا احنا اخر مجموعه امتحنت وحتي انا اصلا مش بقدر اروح الدروس مشي بابا هو الي بيوصلني عارف ان تبان حاجه تافه بس انا بجد تعبت للامتحان ده وف الاخر ده حصل نفسيتي وحشه جدا ومش عارف اذاكر وبرضو مش عارف اعمل ايه واسف اني طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_50274 🇪🇬

منذ 11 شهرًا

شعور عاطفي

مخنوق وتعبان ونفسية مش احسن حاجه ونفسي ارتبط ببنت بجد مش شغل اليومين دول يومين وخلاص لا يكون في حب بجد بنخاف على بعض بجد بنهتم ببعض بجد نقف مع بعض في المشاكل في كل حاجه نفس ألاقي بنت كده بجد محتاج اتعرف عل حد كده

Strawberry_36317 🇪🇬

منذ سنة واحدة

شعور شاعر بالملل

فى حد من ساعة ما عرفته وانا بقيت مش انا الأنا اعرفها نفسيتي وحشه جدا بسببه مش هقلكم انى مش مكملة حياتي بس انا ماشية تمام الحمدلله عشان عايزة اكون احسن منه بس بصراحه عايزة انتقم من الشخص ده جدا .. تنصحوني بايه؟

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع