هزار عائلى مؤذى

Heart_88687 🇪🇬

منذ أسبوع واحد

شعور مكسور القلب

جمااعه فى موضوع كده بس حد ينصح بجد علشان مضايقى احنا عندنا فى العيله بنحب الهزار كده وبتاع... وانا بلاحظ ان لما بنقعد قعده اسريه كده انا وماما وبابا واخواتى وفى وسط الهزار كده بلاحظ ان بابا واخويا ساعات بيهزرو مع ماما بس هى بتضايق.... يعنى بيهزرو فى السن والشكل والحاجات دى. وبابا يقعد يقول م

عبّر عن شعورك بشكل مجهول

جمااعه فى  موضوع  كده بس حد ينصح بجد علشان مضايقى

احنا عندنا فى العيله بنحب الهزار كده وبتاع... وانا بلاحظ ان لما بنقعد قعده اسريه كده انا وماما وبابا واخواتى وفى وسط الهزار كده بلاحظ ان بابا واخويا ساعات بيهزرو مع ماما بس هى  بتضايق.... يعنى بيهزرو فى السن والشكل والحاجات دى.  وبابا يقعد يقول مواقف لماما ايام زمان ممكن تكون محرجه .. وانا عارفه ان نيتهم كويسه  دا اكيد يعنى وواخدنها هزار

بس انا علشان بنت زيها بحس بيها وبلاحظ انها اتضايقت واوى كمان لدرجه انها ممكن تعيط وبلاحظ انها كمان بتضحك وتقعد تتوه فى الكلام علشان متبينش بس انا بحس انها فعلا اتضايقت والموضوع اتكرر كذا مره

الفكره بقا ان ببقا ساعات عايزه اوقف كده بس انا بطبعى بتكسف اوى اوى لأبعد الحدود حتى من بابا ودا بيخلينى مبعرفش اقول حاجه او اتكلم مع بابا واقوله حصل كذا كذا واخليه يبطل الهزار ولو بتكلم مع اخويا ودا بيبقى بالعافيه.. بياخد كلامى استهزاء ويقولى انتى مكبره الموضوع

بس هو فعلا كبير انا بس اللى بلاحظ ان ماما تانى يوم بلاقيها ماسكه صورها وهى صغيره وتبصلها وساعات و تيجى تقولى بصى كنت حلوه ازاى وبلاحظ انها بتقول كده م مجامله ف نفسها هى مستنيانى اقول اه علشان تتأكد...دا غير نفسيتها اللى بتبقى زى الزفت وبحس انها فاكره ان محدش بيقدرها وان احنا واخدنها خدامه حتى هى ساعات بتحس منى كده بس والله انا ما ببقا قصدى احسسها كده .. ببقا ساعات نفسى اوى اقعد معاها وافهمها ان كل دا هزار وانها حلوه وتحفه بس انا بمعرفش اعمل كده خالص حد فاهمنى؟

يعنى انا اه الاحظ ان دا زعلان ودا زعلان بس حرفيا من سابع المستحيلات انى اروح اواسيه او اقول الكلام الحلو اللى الناس بتعرف تقوله دا... م عارفه ليه انا كده بس انا كده من وانا صغيره عمرى ما بعرف اواسى حد او اشكر حد ابدااا اه من جوايا ممتنه ليه وبحبو وكل حاجه بس عمرى ما اعرف اعبر عن دا

فعايزه حد يقولى اى طريق  اعملها بس غير ان اتكلم مع بابا او اخويا.؟؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_88931 🇪🇬

جوزي ضربني وبيشك فيا ومش عارفه أروح فين

جماعه انا محتاجه حد يحسسني بالامان، انا متعلمه ومعايا شهاده الحمدلله ومتجوزه وعندي طفلين وجوزي دايماً بيقل مني وبيشك فيا ولسه من شويه ضربني وفضل يشتم فيا علشان يسمع الجيران اني شخص مش كويس وجسمي كله واجعني من الضرب.انا كنت بدافع عن نفسي ولكن انا ست مقدرتش وقعدت اعيط من الوجع.. اهلي شايفين ان في الموقف ده المفروض مردش ولا اعمل اي حاجه علشان انا محترمه ولو معملتش كده بيبعدوا عني وبيسبوني اواجه كل شي لوحدي.. هددني انه مش هيصرف عليا جنيه وفعلا هو اصلا مش بيصرف عليا غير اكل وشرب وبيكون بصصالي فيه وبيفضل يقولي يارتني ماكنت متجوزك كان زماني بصرف على نفسي بس، خدت كورسات بس مش بكمل ف حاجه وخايفه من الدنيا كلها اعمل ايه ياجماعه انا تعبانه نفسياً وجسدياً نفسي انزل اغضب معنديش مكان اروحه وف نفس الوقت معيش جنيه انا قبل الجواز كنت موديل وبعده مبقتش انزل من البيت بسبب ان نفسيتي بقت زفت وحاسه اني بقيت مريضه ومش عارفه اتعامل مع ناس ...عرض المزيد

2 الدعم

26 نصيحة

Mango_74726 🇪🇬

انا تايهة وضايعة ومش لاقية نفسي | بدور على بقاياي

انا تايهة وضايعة ومش لاقية نفسي وبدور على بقايا نفسي حد يعرف الاقيني ازايي تيتيتيتبتبنبنبنبننببننبنينيننينينيتينينينينيننيوينينينينينينبننبنبنينينينينينينينينتيتيتيتبتبنبنبنبننببننبنينيننينينيتينينينينيننيوينينينينينينبننبنبنينينينينينينينين ...عرض المزيد

0 الدعم

21 نصيحة

Cheese_88914 🇪🇬

عندي مشكله كبيره ونفسي حد يسمعني بس بلاش يكون ولد

عندي مشكله كبيره ونفسي حد يسمعني لدرجه اني روحت لدكاتره نفسيين بس بلاش يكون ولد عشان صعب اقدر احكي التروما دي لولد عشان عارف الشكل ال هتشاف بيه اااااااااااااااااااااااااااااااااااااااااااااااااااااااااااااااااااااااااا ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع