هموم

Sugar_87041 🇪🇬

منذ 17 ساعة

شعور ضائع

بحس ف اوقات كتيره إني عبء عبء كبير ع اهلي عبء ع صحابي عبء ع الناس وعلي كل حاجه هل لو سبت الكليه واشتغلت ده هيبقي احسن ولا لو سبت الدنيا حال اهلي هيبقي احسن ندمانه اوي اني سبت الشغل يارتني ما سبته

Mushroom_87007 🇪🇬 انا زيك ، بس احنا ك بنات فعلا المفرود ملزمين من الاهل عامه ، بس هى الظروف صعبه الوقت اللى عايشين فيه ده مفيش حاجه ف ادينا ، بس الشعور ده ممكن حتجه من اتنين ، انك و انت صغيره مكنتيش بتلاقى حد يسمعك او كنت بتقضى وقت وحدك كتير و مفيش حد بيقعد معاكى او حاجه زى كده ده خلاكى تحسى انك عبئ من حجات انت اصلا المفرود متطلبيهاش ، لأن ساعتها هتكون اتحرمتى من حقك الطبيعى ، مش عارفه هتفهمى اللى قولته ولا لأ ،

عرض الكل 6 نصيحة

Carrot_71203 🇪🇬

منذ يوم واحد

شعور متعب

نعم… يساورني خوفٌ خفي، كهمسةٍ تتسلل من بين ثنايا الليل، أخاف أن أفقد تلك السكينة التي أحاول الإمساك بها كل يوم، وأن تتهاوى صحتي كما يتهاوى جدارٌ قديم في حارةٍ ضيقة، فأمضي في الطرقات كعابرٍ أثقلته الأيام، يمشي بين الناس ولا يكاد أحدٌ يسمع صوته، لكنهم يشعرون بوجعه فينكسون الرؤوس تعاطفًا أو حيرة. وأحي

عبّر عن شعورك بشكل مجهول

نعم… يساورني خوفٌ خفي، كهمسةٍ تتسلل من بين ثنايا الليل،
أخاف أن أفقد تلك السكينة التي أحاول الإمساك بها كل يوم،
وأن تتهاوى صحتي كما يتهاوى جدارٌ قديم في حارةٍ ضيقة،
فأمضي في الطرقات كعابرٍ أثقلته الأيام،
يمشي بين الناس ولا يكاد أحدٌ يسمع صوته،
لكنهم يشعرون بوجعه فينكسون الرؤوس تعاطفًا أو حيرة.

وأحيانًا أشعر أن المرض يعمل في جسدي بصرامةٍ لا ترحم،
ينحت عظامي كما ينحت النجار خشبةً عجوزًا،
ويأكل من قلبي ما تبقّى فيه من ضوءٍ يحثّه على الصبر.
لست من أهل التشاؤم… لكنني أنهكت،
تعبت من جراحٍ ظننتها مضت، فإذا بها تعود كلما خلوت إلى نفسي،
ومن دموعٍ تنهمر على حين غفلة،
كأنها تريد أن تقول لي إن الألم لم يغادر بعد.

ويفزعني أن يأتي يومٌ أتقلب فيه على سريري كظلٍّ فقد صاحبه،
لا أقدر على حركة،
ولا أجد في البيت صوتًا يمدّ لي الأمل،
مجرد صمتٍ ثقيل،
وحياةٌ تمضي ببطءٍ لا يطاق.

لديّ عائلة صغيرة…
طيبةٌ كأهل الحارة حين يجتمعون على كلمة خير،
لا تملك من الدنيا إلا وجودي بينهم.
وأنا… الأب الذي يخرج مبكرًا،
يجوب الأزقة والشوارع،
يحمل همومه في جيبه،
ويخفي آلامه كما يخفي الرجل الشريف جراح كرامته.

لا يخيفني الفقر،
فالفقر ظلٌّ عرفته الدنيا كلها،
لكن يخيفني العجز…
أن ترى عائلتك فيك ما لم تعهده من قبل،
أن تنكسر أمامهم بعد عمرٍ قضيتَه واقفًا من أجلهم،
أن يسألك الأطفال — بعيون لا تعرف قسوة الدنيا —
من سيحملهم إن عجزت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_82482 🇪🇬

منذ يومين

شعور لا مبالٍ

بقالي فتره كبيره كاتمه كل حاجه جوايا مكنتش لاقيه حد يسمعني كل اللي انا كنت عاوزه حد يسمعني و افضفض معاه لحد ما جه حد و فضفضلته بعدها حسيت براحه و عرفت انام كويس و الخانقه اللي كانت عندي راحت شويه آه ما حكيتش كله بس اتكلمت و قولت اللي مضايقني عرفت ساعتها أن الكلام و الفضفضه بتريح غير أن أكون كاتمه ك

Candle_35182 🇪🇬

منذ يومين

شعور وحيد

احساس بالوحده غريب ممكن حواليك ناس كتير لكن اليوم ليخلص و ترجع من شغلك تحس كل هموم الدنيا اتحمعت فوق دماغك و تحس اد ايه انك فعلا لوحدك و كل الناس دي مجرد رقم عدد و خلاص بيخالطه احساس انك مش عارف تاخد خطوه ف حياتك مع احساس بعدم التوفيق ف حاجات كتير كلام يمكن ملغبط بس دعواتكم 🤍

Pistachio_85768 🇪🇬

منذ 3 أيام

شعور محبط

جماعة اقولكم على حاجة ياريت نقدر أن الواحد بيجى عليه وقت بيبقى مش قادر يتكلم أو يحكى أو حتى يتحرك من مكانه هو عايز يقعد و بس كدا من كتر الهم إلى هو فيه و مفيش حاجة تهون عليه ساعتها الشخص دا محتاج حد جمبه بس يطبطب و ويهون و بفكره أنه كله بيعدى و بكرا اكيد احسن و الاهم أنه جمبه كدا كدا و بس ف الحالة د

Orange_86778 🇪🇬

منذ 4 أيام

شعور محبط

ارخم حاجه فالدنيا لما يبقي عندك مشاكل كتير و كاتم جواك عشان مفيش حد هيفهمك او تعرف تتكلم معاه و يهون عليك فا تفضل تفكر لوحدك و ضغط نفسك لوحدك و تمسك ف كل حاجه بسيطة ممكن تخرجك من الي انتا فية وجودك شخص فاهمك و ببسمعك دة مهم جدا فحياة اي حد

Strawberry_75779 🇪🇬 لو حابه تتكلمي انا موجودة

عرض الكل 10 نصيحة

Popcorn_52197 🇪🇬

منذ 4 أيام

شعور متوتر

لعلها ساعه استجابه ادعو ليا ربنا يفكها عليا ويطيب خاطري ویراضینى ويوسع عليا ويرزقني من حد لا احتسب بمر با صعب ايام حیاتی ماديا ونفسيا وكل حاجه منهك تمام ولا لاقى شغل ولا عارف اعيش وزعلان على نفسى جداااا ادعولى بالله عليكم يمكن دعواتكم تكون سبب في تغيير الحال

Popcorn_52197 🇪🇬

منذ 5 أيام

شعور متوتر

لعلها ساعه استجابه ادعو ليا ربنا يفكها عليا ويطيب خاطرى ويراضينى ويوسع عليا ويرزقنى من حد لا احتسب بمر باصعب ايام حياتى ماديا ونفسيا وكل حاجه منهك تمام ولا لاقى شغل ولا عارف اعيش وزعلان على نفسى جداااا ادعولى بالله عليكم يمكن دعواتكم تكون سبب فى تغيير الحال

Kiwi_51151 🇪🇬 ربنا يرزقك من حيث لا تحسب ويوسع زرقك ويروق بالك

عرض الكل 2 نصيحة

Orange_78979 🇪🇬

منذ 5 أيام

شعور مرهق

Sugar_56012 🇪🇬 طيب كنت نزلها نصيحه خاصه يصديقي عموما انا كمان بتعافى وكملت 8 ايام بدونها الحمدلله وفعلا محتاجين تشجيع ودعم لان الانسان ضعيف والنفس امارة بالسوء والوحده هو العدو الاول للانسان بجد اكتر حاجه مدمراني الوحده وان مفيش دعم ولا حد حوليا ولا توجيه ولا حنيه مجرد شخص تايه فالفراغ بجد بتمنى من كل قلبي اننا نقف جمب بعض ونساعد بعض فالتحسن ان شاء الله ونكمل ال 90 يوم واكتر يارب اتمنى نكون صحبه فالواقع

عرض الكل 10 نصيحة

عبّر عن شعورك بشكل مجهول

انا طالب في تالتة ثانوي اناشخص بتعافي من ادمان الاباحيةوالعادة السرية بعد٧سنين ادمان وأنا حاليا كملت ١٤ يوم بدونها بس محتاج حديساعدني في التعافي يكون شريك تعافي عشان تعبت بجد وفيه افكار غربية بتجيلي وتشت وبقي معنديش ثقة في حد بسبب صدمات بحياتي وخذلان الناس الي حواليا غير اني قاعد لوحدي والدي مسافر وامي متوفية من ٨سنين صراحة اتو حشت حضنها واهتماها بيا وحنيتها انا حاسس نفسي وحيد تايه محدش مهتم بيا نفسي حد يطبطب عليا وقولي معلش و ماشي في أوضة ضلمةبالف حولين نفسي بس أنا تعبت مش عارف اعمل ايه انا المشكلة فيا اني بعتمد علي نفسي بكل شي مشاكلي لنفسي همومي لنفسي كل حاجه في نفسي معنديش حته اشارك خايف اني أشارك حد غلط حد يحبطني مفيش حد بيدعمني بس انا مع ذالك مستمر عشان عندي هدف وبرضو بقول في نفسي هل انا عندي مشاكل ولا أنا بوهم نفسي ومعنديش مشاكل اصلا مش عارف مالي عاوز حد يدلني يرشدني وانا طبيعتي شخص يسامح ومبتسم دائما لاكن محدش يعرف ورا الابتسامة دي اه غير الم وتعب وانا مش مستني حد يقومني انا هقوم بنفسي ولا حد يعطف عليا انا عاوز  بس حد يهتم بيا يحن عليا انا شخص بكتم مشاعر وكلام كتير بس الحمدلله دائما وانا شخص ملتزم بصلي كل الفروض في الجامع والاذكار بس مش عارف مالي عاوز أشارك حد همومي عايز حد يرشدني وبس اسف الرسالة طويلة بس انا جواي كلام كتير جدا مش عارف أقوله لمين اتمني لو حد يقدر يساعدني يتواصل معاي اكون ممتن ليه وشكرا ليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cheese_87432 🇪🇬

منذ 5 أيام

شعور مذنب

الدنيا هتضحكلنا امتى في البلد دي يا جدعان ، الواحد بجد كل اما يبص للمستقبل بيكتئب مش عارف يعمل حاجة لحياته ولا عارف يعمل أي حاجة كل اما بيتقدم بيكتشف أنه بيرجع لورا مش بيتقدم حتى، إيه الحل وفي النفس الوقت الواحد مش بيبطل لوم نفسه

Carrot_87370 🇪🇬

منذ 6 أيام

شعور محبط

اصعب شعور بواجهه اواكتر وقت بخاف اعدي بيه هو وقت النوم دماغي وقتها بتسوحني بجد بتفضل تانب فيا وتفضل تحرق فيا بضغط ازيد من الضغط اللي بمر بيه طول اليوم عشر اضعاف مثلا اوقات بنسى انا نمت ازاي اضلا يعني بقول لنفسي كدا هي دماغي رضيت عني وخلتني انام ازاي وتيجي فعلات كلمه حد قالهالي قبل كدا قالي ان الدنيا

Marshmallow_87375 🇪🇬

منذ 6 أيام

شعور وحيد

متجوزه بقالي ٤ سنين ونص تقريبا جواز صالونات كان بضغط من الاهل و للاسف حملت في الاول رغم استعمال الموانع بس اراده ربنا مفيش بيني و بينه اي توافق وحاسه بوحده رهيبه بشتغل و ناجحه في شغلي الحمدلله فا محدش يقولي اسحلي نفسك عشات انا مسحول بوشي الاسفلت حرفيا 😂 بس بجد تعبانه من كتر ما انا حاسه اني لوحدي

Strawberry_49071 🇪🇬

منذ أسبوع واحد

شعور مرتبك

اعمل اي لما احس اني الكبير فجاه مفيش حد تقدر تشتكي له محدش تقدر تقوله حاجه حاسس اني عاوز افرغ كل دا بس كلو عليا محدش لمسني بس هعيط ف اي لحظه اهرب ع فين ولا اروح لمين معرفش هووحد فاهم حاجه ولا انا بهجص ف الفاضي

Mango_76647 🇪🇬

منذ أسبوعين

شعور شاعر بالملل

الليل ..اكتر وقت بيكون في كمية مشاعر في الي بيعيش حاله حب و الي بيعيش حاله حزن و الي زهقان و التعبان من هموم الدنيا و حالات كتير اوي علي قد ما انا بكره الليل علي قد ما انا بحبه عشان كده كل المطربين غنو لليل و من ضمنهم -جورج وسوف لما قال:ومهما الدنيا تتغيّر أنا ما أتغيّر، أنا ما أتغيّر وحيد يا ليل، ح

Coffee_77026 🇪🇬

منذ أسبوعين

شعور متوتر

مستنيه دائما حاجه كويسه تحصلى ومش بتيجى مش عارفه المفروض فى وقت الانتظار ده اكون بعمل ايه المشكله ان الحاجه دى مش بأيدينا ولانقدر نعمل فيها اى حاجه دى لازم تيجى من عند ربنا مش عارفه اتصرف ولا عارفه اكمل بالشكل ده شايله هموم حاجات كتير المفروض تتعمل فى حياتى وقلبى تعب من كتر الانتظار خايفه اتخذل تانى

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع