واقع

Nutella_56618 🇪🇬

منذ يومين

شعور آسف

الحقيقه ان الواقع محزن جدا و كوبليه عمرو دياب مش بيفارقني هو احنا مالنا و ليه وصلنا لكل ده؟ بالصدفه وانا بسكرول شفت صوره شخص كان في حياتي و الغريبه أن شكله هو هو متغيريش بس شفته لأول مره بشكل وحش جداا كأنه بملامح تانيه قد ايه مراية الحب عاميه و تحس انه مفيش حاجه اتغيرت مع أن كل حاجه اتغيرت

Croissant_52708 🇪🇬

منذ 5 أيام

شعور مكسور القلب

لا هي السبب ولا تصرفاتها السبب ولا أهلها السبب ولا كلام صحابها السبب ولا كبرياءها السبب ولا تجربة قديمة مأثرة فيها السبب ولا إنها كانت بتختبره السبب ولا إنها محتاجة وقت تفكر السبب البنت "لو" بتحب الراجل، ولا حواجز الدنيا ولا خوفها من المستقبل هيمنعوها تكون معاه وتختاره كل يوم.. She doesn’t love you,

Pistachio_83518 🇩🇿

منذ أسبوعين

شعور شاعر بالملل

تدخل للفايسبوك تلقى غير الجرائم تقول ولينا السلفادور و السلبية تتسربى بالكيلو فالآنستا تصادفك L'algérie بدل الجزائر بلاتشوزڨا هانية و البط يعوم تويتر البوليتيك و العربية فصحى تخبط تقول اك فالنشرة تاع الثمنية و كاش دزيري و مروكي متحاكمين عالقفطان ريديت إما السليخة جوايه المكسيك ولا عندنا تلقى الملحدي

Marshmallow_82158 🇩🇿

منذ أسبوعين

شعور مرتبك

ماذا لو خذلتنا أحلامنا التي لطالما آمنَّا بها و نحن على استعادادية تامة على أن نقطع البحار في سبيلها، أن نُضحي بأغلى ما نملك فقط من أجل تلك الحياة التي نراها مناسبة لنا على عكس واقعنا و حقيقتنا. ماذا لو كان كل هذا وهم في عقولنا و كيف سنحيي من بعده...

Apple_78453 🇪🇬

منذ 4 أسابيع

شعور ضائع

في أوقات بحس إن كل حاجة عدّت وخلاص مبقاش في تأثير، وإنّي اتعودت على الوضع، بس ساعات كده بفتكر إن جوايا كان لسه في جزء مستني حاجة تحصل، حتى لو مرة. كان نفسي أحس إن اللي بتمناه ممكن يتحقق، مش دايمًا يفضل مجرد فكرة في بالي. ومش دايمًا أبقى أنا اللي بسيب وامشي وأقنع نفسي إن كل ده عادي.

Pear_56496 🇪🇬

منذ شهر واحد

شعور مكسور القلب

مسكين الإنسان وهو بيحاول يتعايش مع واقع هو ولا حابه ولا اختاره بس مجبر يعيشه علشان مفيش حلول تانيه قدامه مضطر يتعامل كل يوم مع ناس مش شبهه ولا هو شبهم بحجة انهم اهله وملوش غيرهم، مجبر يقول كلام هو مش حابه، مجبر يعيش حياة هو مش حاببها في وسط ناس مزيفة بتبص اللي حواليك وعمر ما حد بص ليك انت

Coffee_76329 🇪🇬

منذ شهر واحد

شعور Bad 😞

عبّر عن شعورك بشكل مجهول

انا اول مره اتكلم او اعبر عن اللي انا حاسو بس بجد انا في اسوء حالاتي انا كنت في شله صحاب بقالي 15 سنه انا عندي 24 يعني مكنش عندي غيرهم وكنت بحبهم اوي فجاء كل واحد فينا راح في حتا صديقي المفضل اللي فيهم سافر روسيا وشويا منهم اللي راح اشتغل في الغردقه واللي اشتغل في العقارات ونا دخلت الجيش يعني بعدنا حوار 5 سنين عن بعض وبعدين رجعنا تاني بس رجعنا وكل واحد فينا مبقاش زي الاول كل واحد فينا  اتغير نفسيه وفكريه وكل حاجه حولنا نرجع زي الاول وبالفعل قدرنا نعمل كدا بس صاحبنا اللي كان في روسيا ده كان بيدرس طب بشري وبعدين المصاريف كترت في الترم التالت ورجع مصر بسبب المصاريف وقرر يحول في كليه خاصه المهم اسناء التحويل كان صحابنا اللي كان في الغرده ده كان مع مبلغ كبير شويتين حوالي 120 الف جنيه وعلشان صحابنا التاني المصريف كانت وحشه مع راح خد صحابنا وخلي يساعده في مصاريف التحويل والتاني دفعله 80 الف جنيه وقعدنا حبايب وصحاب من بعد التحويل حوالي سنه وبعدين صحابنا بداء يطالب بالفلوس وهنا حصلت المشكله كل واحد فينا بان علي حققيقته وكل واحد بيبعد شويا بشويا لحد ممعتش غير انا وصاحبي اللي كان في روسيا ده متعصر ونا مش عارف اسعدو في بعدت وكل واحد فينا راح في حتا والشله اللي كانت ايد وحده راحت ونا بموت من الوحده والزعل عليهم لاني كنت بحبهم اكتر من نفسي وحببتي سبتني وسبت شغلي وقاعد في اوضه اربع حطان بكلم نفسي وواقع واقعه صعبه اوي ومش عارف اقوم منها هوما كانو جنبي في كل حاجه كانو بيعرفو ازاي يخلوني كويس بس الفكره ان معدش يبنفع نرجع لبعض تاني ونا دلوقتي وحيد ومش عارف اقوم تاني ازاي شكرا طولت عليكم 🙇🏻‍♂️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_49071 🇪🇬

منذ شهر واحد

شعور مرتبك

قاعد تقول انت بتمشي الدنيا علشان تمشي وبتمشي المركب بدل ما تفضل واقفه بس الحقيقي ان دا مش صح انت قاعد تمشي المركب عليك والدنيا مش بتمشي غير عليك انت فمتعملش كدا تاني امال هتعمل اي هتجيب مصمار وشكوك وتخرم ام المركب ع ابوها اهم حاجه انت فوق يعم فوق

Coffee_73142 🇪🇬

منذ شهر واحد

شعور عاطفي

عبّر عن شعورك بشكل مجهول

عارفين احساس السعادة
لما تدوق طعم حاجة
وتتمني طعمها يفضل في بؤقك للأبد
تتمني تفضل تمدك بالدوبامين
وتعزلك لحظيا عن العالم
وكل الألم اللي مريت بيه في حياتك
نفس الاحساس بيتكرر في اللحظة اللي حسيت فيها بالانجاز
وكل ما كان المجهود اللي بذلته في الحاجة دي أكبر
كل ما احساس السعادة يبقي اكبر واكبر
وهو نفس الاحساس لما تحس ان حد مهتم بيك او حد بيحبك
وهو نفس الاحساس لما تسمع كلمة حلوة محدش قالهالك قبل كدا
بس المشترك بين كل الحاجات دي ان
مفيش حاجة فيهم هتدوم
كلها حاجات مؤقتة
لو فضلت تأكل الاكلة اللي وصلتك للاحساس دا هتلاقيها مش بتدي نفس التأثير
وكل ما تحقق انجازات كل متحس ان الموضوع بالنسبالك عادي
بس سنة الحياة ان احنا ندور علي الاحساس دا
فلازم لما ندور عليه ندور في الاماكن الصح وباعتدال
لأن اللي نفسهم يعيشو في الاحساس دا ومش قادرين يواجهو الواقع والالم  والتحديات الصعبة
بيتجهو لتخدير مشاعرهم عن طريق الانغماس في الشعور دا
عن طريق الادمان
والادمان بعد ما كان مواد مخدرة
بقي في كل حاجة حوالينا أكل وعلاقات وسوشيال ميديا وريلز واباحية
ربنا يعافي كل مدمن ويدينا الشجاعة ان احنا نقدر نواجه الواقع بكل قوة وعزيمة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ شهر واحد

شعور خجول

عبّر عن شعورك بشكل مجهول

الخيال ف حد ذاته مش غاية ع اد م هو وسيلة لإستمرارية الحياة بشوية أمل.. 
شعورك انك من برا شبههم بس روحك مختلفة وكأنها موصوله بعالم خفي محدش يعرف عنه حاجة ..  مشكلة الخيال  انه مع الوقت بيفصلك  عن الواقع فلما تحاول تانى  تندمج مع البشر ومع واقعية الحياة بتخاف تفقد الامل الى بنيته في أحلامك فبترجع تسحب نفسك واحدة واحدة لحد م بتختفي و بتتحول لطيف.. شبح مختارش انه يهرب الا لحماية نفسه وان احلامه متبقاش مرتبطة بوجود شخص دخيل من برا العالم الخاص به اختيار غلط ممكن يدمر أحلامه وتوازنه  النفسي وحياته كلها فبيختار انه ميتعودش وميتعلقش بوجود حد اى حد.. ف نفس الوقت الأمل جواه بيخليه يصدق ان فيه حد مختلف مش شبههم هيجي ينقذه من خوفه ويعرفه علي الحياة بشكل جديد مش عالم مثالى ولكن على الاقل الشخص دا هيبنله بيت اربع حيطان من الحماية والأمان والتقبل والتفهم والطرف الخيالى هيملى البيت ورد وشمس وألوان لطيفة ف كل مكان ..
إبتسمت ؟؟   دا كمان كان مجرد خيال  أمل لطيف تأثيرة زى ضى شمس دافى لمس وشك  ترك اثر ف نفسك لكن مش بيدوم..
مشكلة الاحلام هى انك بتعتقد  بتصدق ان  اشخاصك الخياليين دى ارواح من عالم تانى حاسة بيك وبتدور عليك بتقابلها ف احلامك ولكن الحقيقة ان الشخص الى ساكن خيالك  ما هو الا جزء من روحك هو انت ف صورة مختلفة بتلبيلك إحتياجاتك الى انت بس عارفها  بتحبك بالطريقة الى بتتمناها يمكن دى مش أكتر طريقة صحية ولكنها اكتر طريقة آمنة..
إنسان حقيقي؟؟ تتعلق بيه فيتحكم في نفستيك ويفصلك عن احلامك اكيد مش كل الناس وحشة بس المعظم عايز يخطف منك نورك ويمشي ..  العلاقات الإنسانية الواعية بتتبنى ع التقبل ان حد يكون عايزك زى م انت بكل نواقصك وعيوبك وكل الكركبة الى جواك يبقى شايفها انها جنة ويكون عنده فضول طول الوقت فضول مبينتهيش انه يكتشفك اكتر ويكتشف كل شئ خفي جواك تفضل لغز مستمتع انه دخل  جواه ويبقى حاسس انه محظوظ ان هو الشخص الوحيد الى فتحتله بوابة أحلامك عشان يشاركك فيها شخص مجاش صدفة هو كان قدر وقدرتك ع الخيال كان الطريق الى اتشكلت فيه شخصيتك الى هو كان بيتمناها زى م هى وطلعت الأحلام حقيقة و إيمانك بوجوده مطلعش مجرد وهم طلعت الحقيقة اجمل من الخيال.. إبتسمت تانى؟؟ كل دا مش حقيقى برضو  إحنا بشر و دى صفات ملائكية مش هتلاقيها ع الارض إلا لو إتحبيت بطريقة محدش لسه إكتشفها وغالبا الى بيتحبوا بالشكل دا مش بيقولوا.. انا إتعلمت استمتع بالحلم ع هيئته وانه يعنى ليا كتير بس ف النهاية هو حلم.. الذكريات والأحلام بيتحولوا مع الوقت لشئ واحد ف ذاكرتك تقبل واقعية الحياة وان منتهى الامل فيها انها مش دايمة وتقبل ضعفك الى بيحتاج اوقات كتير انك تضلم مخك وتفصل عن روتين الحياة وتغمض عنيك وتسمع صوت بيهمس بإسمك من عالم تانى كان مستنيك.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_68412 🇪🇬

منذ شهر واحد

شعور مليء بالحياة

موضوع:

ازاي قدرت تخرج من انعزالك عن العالم ؟

بدأت انزل الشارع اشوف الناس عايشه ازاي و اطلع م الزون الكنت فيها و اخد الشارع بحلوه ب المر و احاول ابقي واحد م الناس و اعيش كل التجارب التنفع طبعا و الفكره اني لقيت فعلا ف حياه مكنتش زي م كنت مفكر

Mango_22117 🇪🇬

منذ شهر واحد

شعور مستنزف

عماله انكر اني بحبه مع ان كل حاجه فالواقع بتقول عكس كده . بس معرفش بردوا تايهه و تعبت و مش فاهمه حاجه qqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqq

Strawberry_49071 🇪🇬

منذ شهر واحد

شعور مرتبك

كنت بسمع يوتيوب فسمعت فيديو اسمه كوم الزباله فاكتشفت اني ف كوم الزباله ومش حاسس يعني اي كل اللي انا فيه دا وصلت لكوم الزباله كنت بتريق ع الناس ازاي يعملو دت او ازاي دا يحصل بس زي مايكون اي حاجه اتريقت عليها حصلت فيا وباوحش ماكنت اتخيل كوم الزباله محوطني من كل مكان

Coffee_56002 🇪🇬

منذ شهر واحد

شعور محبط

مش كل اللي مكتئب بيعيط ومش كل اللي بيتكلم عن وجعه فعلاً موجوع فيه نوع تاني من الاكتئاب… أهدى، أهدى بكتير بس أخطر. تلاقيه ساكت أغلب الوقت نظراته تايهة مافيش طاقة حتى يزعل ولا يفرح ولا يعترض. الناس تشوفه تقول: "ده طبيعي… بس شكله سرحان" بس الحقيقة؟ هو مش سرحان هو واقع من جوّه بس بيحاول يقوم بشياكة. الل

Corn_77329 🇪🇬

منذ شهر واحد

شعور ضائع

دلوقتي انا بحكيلم عن حاجة للأسف عشت ع اد ما عشت ومقدرتش اتجاوزها انا ضد التجمعات في إطار الصحاب، بمعنى لو في ١٠ أشخاص برتاحلهم كلهم انا مستعد اقضي يوم كامل مع كل شخص بس لا يمكن اجتمع بيهم ونقعد كلنا كدا ف مكان واحد بس اني عايز اهرب، وفعلا كم مره يحطوني ف امر واقع واجيب حجج غريبه لكن اعتمدتها عشا

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع