وجع الفراق

Waffle_86329 🇪🇬

منذ 6 أيام

شعور متوتر

اهلا اهلا بالشباب لو انا في علاقة بقالي سنة، بس شايف ان العلاقة بتنهار انا بقنع نفسي انه مش فارقلي وطز يعني ومش مهتم بس انا بحبها برضو خايف بس من وقت نهاية العلاقة اني اتوجع ازاي احمي نفسي من وجع نهاية العلافة واعمل ايه بعد ما تنتهي تماما

Marshmallow_61247 🇪🇬

منذ أسبوع واحد

شعور مستنزف

جماعه انا عوزه حد يفهمني يكون مر بنفس التجربه ...... محدش يقتلني بكلام انا وحده كنت مرطبته بواحد وحصل خلاف بينا وسيبنا بعض هو عايش حياته وانا وقفه اتفرج ع نفسي ومش قدره اتخطي كل شويه بدخل اتفرج عليه انا نفسيتي تعبت نفسي نفسي انسي نفسي ابطل افكر فيه نفسي قلبي يبطل يرجف من الفرحه لم اشوفه صدفه بجد

Mango_52462 🇪🇬

منذ أسبوعين

شعور مكسور القلب

" فواجع القدر " مش متخيلة إني كنت بكلم واحدة صحبتي النهارده وبتبعتلي وعمالين نضحك من الصبح لحد بليل حرفيا وفجأة تنزل ستوري إنا لله وإنا إليه راجعون يعني من غير ما تبعت ريكورد أنا حسيت بوجعها وبعيطها عماله اقول ازاي دي كانت بتضحك من شوية ولما دخلت اواسيها قالتلي مش متخيلة إني مش هشوفه تاني ومش

Biscuit_88943 🇪🇬

منذ 3 أسابيع

شعور مكسور القلب

مساء الخير ياريت اللي شايف كلامي مش مهم ليه يعمل سكيب عشان مش ناقص وجع اكتر من اللي انا فيه..😔 الأنسان لما بيبقي بيموت روحه بتطلع من جسمة مرة واحدة بس.. لكن انا للأسف روحي بتطلع كل يوم... الحاجة اللي خسرتها كانت بالنسبالي كبيرة اوي.. نفسي الحاجة دي ترجعلي لأني بجد مش قادر علي وجع فراقها.. كل مرة

عبّر عن شعورك بشكل مجهول

مساء الخير

ياريت اللي شايف كلامي مش مهم ليه يعمل سكيب عشان مش ناقص وجع اكتر من اللي انا فيه..😔

الأنسان لما بيبقي بيموت روحه بتطلع من جسمة مرة واحدة بس.. لكن انا للأسف روحي بتطلع كل يوم... الحاجة اللي خسرتها كانت بالنسبالي كبيرة اوي.. نفسي الحاجة دي ترجعلي لأني بجد مش قادر علي وجع فراقها.. كل مرة ببقي صادق في كلامي لكن المرة دي اول مرة ابقي واصل لدرجة من التصالح والشفافية مع نفسي وكل حرف خارج مني بيحكي وجع مبيخلصش وكل يوم بدعي ربنا ان الشئ دة يرجع.. انا عمري ما كنت وحش..وطيب جدا فوق ما اي حد يتخيل.. وعندي كمية صبر علي الوجع لا يتخيلها أحد وهستني في يوم الحاجة دي ترجع تاني لأني من غيرها زي الجسم من غير روح ونفسي اتكسرت اوي من بعدها.. زي الطير اللي بدون جناح ومش قادر يطير.. عارف ان في ناس هتقولي بكرا تلاقي الأحسن.. أحب أقولكم ان الحاجة دي ملهاش بديل ابدا.. وحتي لو ليها بديل انا مش عايزة ومش هيقدر يملي فراغ الحاجة دي مهما عمل ومهما ضحي..

يارب قويني نفسيا وجسديا علي وجعي دة عشان لو مت هبقي خونت عهدي ووعدي للشخص دة 
وأسف مقدما ليكم جميعا لو هنزل البوست دة كل يوم.. بس انا بحاول افرغ وجعي

إدعولي يا جماعة ارجوكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_35975 🇸🇦

منذ شهر واحد

شعور مكسور القلب

عارفين لما تبقو عاملين القرار الصح و عارف الي انت عملته ده صح جدا بس برضه مضايق و مش عارف تتقبل الموضوع اصل صعب عليا اني امشي من علاقة بقالي سنين بحارب عشان تكمل و الي قدامي مش بيحاول عشاني و بيفكر بطريقه انانيه وانا مش عارفه ولا عايزه اكره و الأسواء انك تبقى محتاجه اوي دلوقتي و ان وجوده بيفرق معاك

Flower_89325 🇪🇬

منذ شهر واحد

شعور مكسور القلب

عبّر عن شعورك بشكل مجهول

يوم 31/12/2025
اخر يوم في السنه اخر يوم اقدر اقول في اني زي كل سنه ولا قدرت ابقا حاجه كويسه ولا قدرت ابقا كويسه متفرقش كتير عن 2024 بالعكس طلعت من السنه ديه بخساير اكتر من الخساير كان نفسي اطلع من السنه ديه بيه كان نفسي يفضل زي ما كان بيقول كان نفسي نكمل كملنا اه السنه مع بعض بس كان المفروض يبقا اكتر مكنش المفروض يستسلم بالسرعه ديه مشي ومشيت معاه ايامي وكل حاجه حلوه حبيتو حبيتو رغم اني عارفه ان حبي ليه حرام حبيتو ومخوفتش رغم اني بخاف اتعلق بحد او احب حد حبيتو وسابني واتخلي بكل سهوله حبيتو وفرشتلو الارض ورد وبعد سابني للمره التانيه لوحدي بعاني منكرش انو بيوحشني ومنكرش اي مشاعر ليه بس شعور وحش اوي لما تكبت مشاعرك قدام اكتر شخص عارفك وحافظك صعبه اوي وانت بتتكلم وبتطلع كل طاقتك والشخص ده ميفهمش من كلامك حاجه رغم انك كنت مفكر انو فاهمك احساس صعب لما حاجه تبقا بتحبها ومتعود انها موجوده تمشي بدون مقدمات تمشي وتقولك تكرها طب ازاي تكرها وانت روحك وجسدك بقت متعلقه بوجودو ازاي تكره الشخص اللي خلاك حابب الدنيا تاني ورجعك للحياه مره تانيه ازاي تكره شخص انت عشت معاه كل يوم بيومه عشت معاه ال ٢٤ ساعه في اليوم ازاي ممكن حد يبطل تفكير في شخص كان مشاركو في كل شارع كل ركن في بيتو لدرجه انك بقيت حافظ كل ركن في البيت وبتستغرب لو في حاجه جديده ازاي الواحد ممكن يكره حد رجع في الحياه مره تانيه علي الرغم انو كان نفسي الشخص اللي سحب منك حياتك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Croissant_50327 🇮🇹

منذ شهر واحد

شعور عاطفي

هو ليه بنتعود على الناس بسرعه و ليه بنتعلق بيهم ليه و اي الفرق ما بينهم الفرق صعب مابينهم هما التنين نفس الوجع هما التنين نفس الحاجه ف الوجع طب وليه هما بيمشو هل هما مثلا بيزهقو ولا احنا الي بنزهق ممكن نكون احنا بنختار غلط طب ليه يحصل كل ده ليه نعمل ف بعض كده ليه منكنش رحمين ببعض ليه منقدرش ليه لازم

Pineapple_59394 🇪🇬 كل إلى عندك عندى بالظبط واكتر بس لحد دلوقتى لاقيت طريقة خلينى اقول انى بمشى حالة بيها 1-ماتبعدش عن الناس خلى الناس هى إلى تبعد بإرادتها 2-متتعلقش بحد متتعلقش بحد اقفل على مشاعرك واتعامل مع الشخص اكنك مش هتشوفه تانى حرفيا 3-متقعدش تفكر فى الناس وتسيب نفسك فكر فى نفسك الاول وبعدها الناس عشان محدش هيبقى فيه الجزئية بتاعت انك تفضل غيرك على نفسك الا انت بس فا فوق كده وركز فى شغلك وبس

عرض الكل 4 نصيحة

Marshmallow_88511 🇪🇬

منذ شهرين

شعور مستنزف

كنت فاكره اني لما ادوس على قلبي هقدر وهبقا قويه وهستحمل الوجع وهستحمل الفراق وهصبر وهسيبها على الله انا فعلا سيباها على الله بس بدأت اتشتت بدأت انهار بدأت افقد السيطره تاني نبضات قلبي مبقتش منتظمه الدموع في عيني صحيح مبتنزلش بس محبوسه رجعت اسكت ومتكلمش عارفه اني هبقا كويسه كمان زمن معرفش قد اي بس اك

Coconut_86655 🇪🇬

منذ 3 أشهر

شعور مكسور القلب

بيكون نفسي اعرف اوى اللى اذانى ده حس ب ايه او اى حد فارقنى وبعد عنى هل هو مرتاح مثلا ف بعدى طيب ايه كان الغلط فيا .. انا بقدم كل حاجه حلوه وده حتى بشهادة اللى بعدوا عنى .. هو لازم اكون وحشه أو مؤذيه مثلا علشان حياتى تبقى احسن .. اوقات برجع لناس جرحتنى أو بطول معاهم ف الكلام علشان بس اسمع منهم كلمه ت

Mango_52097 🇪🇬

منذ 3 أشهر

شعور مكسور القلب

حتة من قلبي راحت ومش راجعة لسه مش مصدقة إنه سابني ومشي ولسه كل يوم بصحى على أمل إنه يرجع يمكن كان كابوس بس للأسف الواقع إنه خلاص مش هنا كل ركن في البيت بيفكرني بيه صوته ضحكته حتى الكرسي اللي كان بيقعد عليه بقى وجع كان السند والونس والضحكة اللي كانت بتطمني دلوقتي بقى السكوت مكان صوته الدنيا بعده ما

Coffee_57851 🇪🇬

منذ 3 أشهر

شعور مرهق

عبّر عن شعورك بشكل مجهول

انا أول مرة اتكلم عن حاجة شخصية لانى مش بحب احكى اي حاجة تخصنى، بس انا فعلا محتاج اتكلم عشان انا معنديش حد ممكن اتكلم معاه، انا عندى ٢٦ سنة، اتولدت وعيشت ١٤ سنة من عمرى برة مصر وبعدها رجعنا استقرينا فمصر ومن بعدها حياتى اتقلبت ١٨٠ درجة، عانيت كتير بسبب انانية ابويا واضطريت انزل اشتغل وحرفيا اتبهدلت، معيشتش فترة طفولة سوية زى اي حد، امى كانت جنبي بس مكانش فى ف ايدها حاجة تقدمهالى، وجعها كان واصلنى لذلك مكنتش شكاى، واتعاملت وعيشت عادى، كنت بشتغل جنب الدراسة و فالاجازات، مكنتش بقي بخرج ولا بسافر مع صحابى ولا بروح ف حتة عشان كنت مهتم اجمع مصاريفى، ودخلت ثانوية عامة والحمد لله خلصت بمجموع كبير ودخلت درست business administration ، انا الحمد لله لا بدخن ولا بتاع بنات ولا بلبس اكسسوارات ولا بربي شعرى زى شباب اليومين دول، مليش فكل ده، واجتماعى جدا جدا، لما دخلت الجامعة كان فى واحدة معايا فنفس الكلية، شوفتها تايهة كدة ومش عارفة تستلم المتايريال وطلبت اساعدها وفهمت انه كانت عايشة فى الامارات وبتنزل ع اد الدراسة وفالاجازات بترجع لأهلها، المهم ساعدتها وبعدها قالتلى انها متعرفش اي حد هنا وطلبت لو احتاجت منى حاجة اساعدها، طبعا بقينا زمايل بنحضر كل المحاضرات والسكاشن سوا، هى مكانتش فعلا تعرف حد غيرى ، مع الوقت الزمالة دى بقت صداقة قوية جدا ، يومنا كله مع بعض، معمريش كنت اتخيل انى ممكن اتعلق بحد بعد كل اللى مريت بيه، كنت فكرت ان مشاعرى ماتت، هى كانت عارفة كل حاجة عنى وعن حياتى، ورغم كدة فضلت جنبى دعمتنى ومسابتنيش وانا كنت جنبها، حبيتها حب مش طبيعى بس انا ظروفى مكانتش افضل حاجة، وفنفس الوقت انا مش بتاع لعب، صارحتها وهى قبلت وحبت ده ، بس انا اشترطت اكلم اهلها ، وفعلا هي عرفتنى عليهم وكلمتهم ، مامتها حبتنى جدا وعرفت موضوعنا ، وقتها خدت عهد على نفسي اجتهد عشان اكسبها العمر كلة، اجتهدت جدا فى دراستى كنت بطلع بتقديرات ، نزلت اتدرب فى شركات كتير معروفة جدا فى مصر، لدرجة انى اتعينت فى شركة ادوية مشهورة جدا وانا فتالتة جامعة وبجانب كل ده كنت باخد كورسات اطور بيها امكانياتى، ومع الوقت بدأت أعزز امكانياتى اكتر بشهادات دوليةوهى كانت جنبى خطوة بخطوة لحد م اتخرجنا، وبعد التخرج بفترة لقيت تعاملها اتغير جدا معايا وبقت تغيب ومتكلمنيش وترد ع الاد اوى، لما سألتها قالت مفيش حاجة، ولما ضغطت عليها عرفت ان فى حد اتقدملها والحد ده من عيلة كبيرة وقبطان بحرى وعربي اخر موديل وفيلا فى التجمع وفى الامارات، وهى وافقت وحباه، وقالتلى ان ال٥ سنين اللى عاشتهم معايا استنزفوها ومبقتش حمل العيشة على الاد دى والنهاردة معايا بكرة مش معايا، هى اتولدت مرتاحة وعاوزة تعيش مرتاحة، وبعدها مشيت وعملت بلوك مرجعتش بعده تانى، من يومها وانا حاسس انى واخد ألم على وشي صعب اوى ، قعدت كذا شهر بعانى وبعدها لقيت ان محدش هينفعنى غير نفسي، اشتغلت على نفسي اكتر، وخدت ٣ شهادات دولية معتمدين ، واشتغلت الحمد لله فكذا مكان وبفضل الله كبرت واترقيت وظروفى اتحسنت جدا، حاليا انا بشتغل لحساب مجموعة شركات متعددة الجنسياتوشغلى كله مع اجانب، وبسافر كتير برة مصر والحمد لله بقي عندى شقة ملكى انا،بس بعد كل ده ببص حواليا لقيتنى لوحدى، معادش عندى اي صحاب، خسرت كل اصحابى، حاولت ارجع اكلمهم تانى ونتقابل بس كل واحد مشغول فحياته خلاص كبرنا ، انا لوحدى تماما معنديش حد ممكن اتكلم معاه خالص، وفوق كل ده مش عارف اتجاوز علاقتى اللى فاتت اللى مر عليها ٤ سنين ، مش قادر انسي طريقة فراقنا، انا الحمد لله عايش، بس من جوايا فاضي 
اسف على الاطالة بس كنت محتاج فعلا اتكلم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_82597 🇪🇬

منذ 3 أشهر

شعور مكسور القلب

عبّر عن شعورك بشكل مجهول

انا متدمر اوي ومتحطم كنت فعلاقة مع بنت 8 شهور اول حاجة هيا دخلت كلمتني اساعدها فدراستها وبسكنت اساعدها وعادي بعدين فضلنا نتكلم وانا لاحظت انها بنت حساسة اوي واهلها بيضغطوها وان الدراسة بتضغطها فكنت دايما حنين عليها وبحاول اعاملها كويس وبس تعلقت فيها وحبيتها مع الوقت ولما صارحتها بالموضوع قالتلي انا کمان تعلقت فيك بس انا مشكلتي اني مش بكمل فعلاقات مع ولاد او اي حد بكلمو يبعد عنو سواء صديق او كدا بس انا عادي احترمتها ورحت وبعدها هيا رجعت بعد اسبوع ومن وقتها فضلنا حابين بعض نوعد بعض بالزواج رغم الظروف الصعبة وضغط الحياة وكمان نحب بعض اكثر يوم ورا يوم لحد ما فجاة فيوم قالتلي انها بطلت تحبني وانو مش مناسبين لبعض وانو حتى لو فضلت احبك مش هنتجوز ف انا تدمرت اوي وبقيت اروح الطوارئ وبس تعبت جامد وفضلت احاول ارجعها واقلها هتغير عشانك بس مغشيش فايدة راحت وبعدها باسبوعين من اخر تواصل رجعت تعتذرلي وكدا واقنعتها تفضل ورضو رجعنا حبينا بعض ونفس الكلام حصل وسامحتها وكان مفيش حاجة حصلت والوقتي كل حاجة اتعادت انا متدمر اوي ومش عارف اطلع من كل دا ازاي دايما كنت بحاول اهتم فيها واصلح العلاقة وهيا رافضة كل حاجة والاخير بطلت تحبني وانا متوجع

عاوز نصایح

هل ابعتلها رسالة فيها كمية وجعي وقد ايه اديت للعلاقة وكنت بحبها هل مثلا دا هيصحي ضميرها او عاقل هتعرف اني متوجع بسببها لانو مش عدل انا اتدمر وهيا تنبسط وتكمل عادي يوجع اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_63938 🇪🇬

منذ 3 أشهر

شعور مرتبك

قابلتها بعد سنين... مش فاكر ليه وافقت، بس يمكن كنت محتاج أشوف هل لسه بتوجع زي زمان، ولا الزمن أخد منها حِدّة الجرح شوية. دخلت الكافيه، لقتها قاعدة على الترابيزة اللي كنا بنضحك فيها زمان، بس المرة دي مافيش ضحك… فيه “أهلاً” متلجّة كأنها طلعت من فريزر المشاعر. ابتسمت لي وقالتلي: “إنت اتغيّرت.” ضحكت و

عبّر عن شعورك بشكل مجهول

قابلتها بعد سنين...
مش فاكر ليه وافقت، بس يمكن كنت محتاج أشوف هل لسه بتوجع زي زمان،
ولا الزمن أخد منها حِدّة الجرح شوية.

دخلت الكافيه،
لقتها قاعدة على الترابيزة اللي كنا بنضحك فيها زمان،
بس المرة دي مافيش ضحك… فيه “أهلاً” متلجّة كأنها طلعت من فريزر المشاعر.

ابتسمت لي وقالتلي:
“إنت اتغيّرت.”
ضحكت وقلت:
“آه، كنت إنسان، بقيت system قديم مش بيشغّل التحديثات.” 😂

اتكلمنا شويّة...
كلام سطحي، كأننا بنجرب نحافظ على وشوشنا قدام بعض.
هي بتحكي عن شغلها، وأنا بهزّ راسي كأني سامع،
بس في الحقيقة أنا كنت سامع قلبي بيقول: “هي دي؟ دي اللي كنت ببكي علشانها؟”
وبرغم كل حاجة...
وجعي كان لسه قايم من النوم، مستنيني برا الكافيه.

الناس حواليّ بتضحك،
وأنا قاعد قدامها حاسس إني الواد الوحيد في العالم اللي لسه بيدفع فاتورة مشاعر خلصت من ٤ سنين.
هي بتضحك... وأنا بفتكر إن نفس الضحكة دي كانت بتقولي “بحبك”.
دلوقتي بتقوليها لأي جملة بايخة… وده أكتر مشهد وجعني.

خرجنا نمشي،
المطر نازل خفيف كأنه بيحاول يعمل موسيقى حزينة للفيلم اللي مالوش نهاية.
مفيش بينا غير الصمت…
صمت مليان ذكريات مش عايزة تموت.

وقبل ما تمشي قالتلي:
"مبسوط إنك كويس."
ضحكت، بس ضحكة فيها برد ووِحدة...
وقلتلها: "كويس؟ لأ… أنا عامل نفسي كويس، زي الفيلم اللي نهايته حزينة بس المخرج كاتب 'يتبع'."

رجعت البيت،
لقيت نفسي بضحك لوحدي على الموقف كله...
ضحك حزين كده، زي واحد بيعيط بصوت ضحكة.
اللي بيكسر فعلاً مش إنك فقدت حبك…
اللي بيكسر إنك لما احتجت تتكلم…
ما لقيتش حد يسمعك 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_76954 🇪🇬

منذ 4 أشهر

شعور آسف

تذكرت اليوم صديقي الجميل والودود سعيد وإن لنا فترة لما نتحدث هاتفيا فدخلت علي صفحته لاطمئن عليه وقلبي وجعني لما لاقيته مشي من غير ما يودعني ، كان ومازال وسيظل صديق جميل ومحترم ، احنا فجأة بنمشي وبنوجع بفراقنا قلوب غيرنا ، ليه بتعمل كل ده في بعض واحنا في ثانية ماشيين وموش باقي غير سيارتنا واشهد أن سي

Apple_56646 🇪🇬

انا لوحدي اللي مخنوقه ويوم الخميس؟

انا لوحدي اللي مخنوقه ؟ ويوم الخميس ؟ llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll ...عرض المزيد

0 الدعم

25 نصيحة

Strawberry_89657 🇪🇬

هل الحجاب فعلاً حماية للبنت؟ سؤال محير

هل الحجاب فعلا حمايه للبنت؟ اااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاا اااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاااااااااااااااااااااااأاأاا ...عرض المزيد

0 الدعم

18 نصيحة

Apple_56646 🇪🇬

مش عارفه ومش فاهمة ومش حاسه

مش عارفه مش فاهمة مش حاسه llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع