وفاء

Croissant_52708 🇪🇬

منذ شهرين

شعور ضاق ذرعًا

أكتر حاجة بتوجعني إني كنت فاكر إن في ست ممكن تحب راجل بجد، حب نضيف من غير مصلحة ولا شروط. كنت متخيل إن ممكن ألاقي واحدة تخاف عليا بجد، تخاف على زعلي، تدعيلي في كل صلاة، وتبقى معايا في الحلوة والمرة. لكن الحقيقة اللي شوفتها بعيني إن ده كله شبه خيال. فين اللي يقولوا عليه "وفاء"؟ مفيش. يمكن ألاقي خوف و

عبّر عن شعورك بشكل مجهول

الكلام اللي بيتقال "أنا بدعيلك، أنا بخاف عليك، أنا مش بحب أكلم غيرك" كله مجرد جُمل بتتقال عشان الراجل يصدق ويضعف. لكن أول ما تيجي مصلحة أو فرصة تانية، الكلام ده كله بيتبخر. ودي مش تجربتي أنا بس، دي حاجة بشوفها متكررة حواليا كل يوم، في الشغل، في الجيم، في الدراسة… نفس النمط بيتكرر.

أنا يمكن بكتب الكلام ده النهارده عشان أعترف بحاجة: أنا بنيت حياتي كلها على بنت، حلمت بمستقبلي على أساسها، عشت سنين عشانها… وفي الآخر راحت وماجتش. ضيعت وقتي ومجهودي وحياتي عشان وهم. والوجع الحقيقي مش إنها راحت، الوجع إني صدقت إن في واحدة ممكن تبقى سند وضهر بجد.

ربنا قال: "إن كيدكن عظيم". والآية دي مش نزلت عبث. ربنا كشف طبيعة مكر النساء، واللي بيجرب بيعرف. أنا مش بقول مفيش استثناءات، لكن الاستثناءات قليلة لدرجة تخلي الواحد يحس إنها مش موجودة.

عشان كده وصلت لقناعة: الراجل لازم يعتمد على نفسه، يحافظ على وقته وماله ومجهوده، وما يبقاش ساذج يديهم ببلاش. لا زميلة شغل تنفع، ولا زميلة جيم، ولا زميلة دراسة. غير الأم والأخت؟ مفيش.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_74359 🇪🇬

منذ شهرين

شعور غاضب

Kiwi_74145 🇪🇬 بصي لحتة توقيت ده حصل امتى .. مقدر شعورك بس ده احسن ليكي اكيد تستاهلي حد افضل

عرض الكل 9 نصيحة

عبّر عن شعورك بشكل مجهول

انا حبيت حد ووعدني انه هياخد خطوه بعد كام شهر الحال فضل 3سنين  بسبب الظروف وان حالته الماديه وحشه. فعلا فضلت معاه لانه كان جدع  وكويس جدااا  واخلاق وبيصلي فعلا فعلا زي الكتاب ماقال وكنت من وقت للتاني اشك فيه لان مافيش حد كامل كده  هو من محافظه وانا من محافظه تانيه خالص وكان بيجيلي وبيعملي احلي حاجه  فضلت ارفض اي حد علشانه وكنت بقول لاهلي هستناه واتخانق معاهم واهله كويسين معايا جدااا  سافر مرتين السعوديه ومتوفقش ونزل واشتغل هنا في مصر وبرضو متوفقش فضلت جنبه وادعمه وسهلت كل حاجه وافقت بدبله وقولتله موافقه بشقه عقد مؤقت لحد ما نقف علي رجلينا برضو مافيش خطوه. الحمدلله سافر السعوديه استلف ومشي اشتغل وعمل عمره وبدأ يقف علي رجله اتغير معايا فجأه ومبقاش يكلمني ولا فاكرني اصلا ولما عاتبته طلعني غلطانه واني مش مستحمله ظروف شغله وان غصب عنه ومتزعليش وبرضو. الحوار هو هو.  قولتله انا تعبت  لو باقي عليا. اتغير لو مش باقي خلينا صحاب بحكم العشره والسنين رد وقالي اللي يريحك بعت رسايل كتير يقرأ ومايردش. الصراحه فضلت ادعي عليه من حرقت قلبي.  انا حاسه اني هموت ازاي انسان يستغل حد بالشكل ده ازاي بعد ده كله عمل معايا كده ازاي عرف يتخطي ويدوس علي كل يوم كنا مع بعض فيه من حلو ووحش ازاي عرف يقسي عليا كده اعمل ايه واتخطي ازاي واعمل ايه مخي  وقف مني حاسه اني تايهه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73820 🇪🇬

منذ شهرين

شعور محبط

هى الاولاد فيه نظام جديد بيعملوه انهم يدخلو بيوت الناس ويتعرفو ع البنت ويوعدو وبعدين يهربو ولا دا موضه ما عندناش مشكله اتعرفت مش مرتاح امشى بادب وبسرعه لكن تتمادى وتتحجد وتوعد وانت من الاول عارف عايز ايه دا الل حرام قلوب وحياة الناس مش لعبه وكسرة بنى ادم هتتحاسب عليه ولت يغفره استغفار الا بمسامحه ا

Cherry_33009 🇰🇼

منذ 3 أشهر

شعور سعيد

موضوع:

إيه أكتر حاجة مفتقدها في حياتك ؟؟

اصحابي! صرلي سنتين ما شفتهم و عنجد هم شمعة حياتي، ما كنت بتخيل انه العوض ممكن يجي على هيئة بني آدم بس هم اثبتولي العكس! بحبهم جد و بفديهم بروحي، باقي اقل من شهر لأرجع اجتمع فيهم و مش متخيلين كمية الحماس!! 🤭🤭

Tofu_71960 🇪🇬

منذ 3 أشهر

شعور مكسور القلب

موضوع:

ما هو أكثر شيء تفتقده من طفولتك؟

جدي الله يرحمو كل الي احنا فيه ده من خيرو قبل م يموت بس عاش حياه صعبه عشان يوفر كل الحجات دي اتخذل من اقرب صاحب ليه سرقو وخد فلوسو كلها وهرب واستحمل واستحمل حجات عمر محد قدر يستحملها ومع ذلك كان حنين علينا كلنا وبيجبلنا كلنا كل الي نفسنا فيه بس للاسف مات بكانسر ادعولو بالرحمه..

Donut_71161 🇪🇬

منذ 3 أشهر

شعور خجول

انا يجماعه معرفش دا غلط ولا صح انا معرض للتريقه ولا لا ؟ هتشاف ايه معرفش بردو بس انا بصراحه مستغل فرصه البرنامج دا وبطلب وبكلم بكل ثقه ... انا شاب عاوز اتجوز بما يرضي الله زوجه مش مهم حالتها ولا شكلها ولا سنها بجد ولله / بس حنينه عليا اوي تحبني تعشقني ونا هبقى حنين عليها ولله جدا وهشيلها فوق دماغ

Coffee_70175 🇪🇬 هو أخيراً حد بيحس ، ربنا يكتبلك الي فيه الخير

عرض الكل 6 نصيحة

Coconut_56919 🇪🇬

منذ 4 أشهر

شعور مستنزف

عبّر عن شعورك بشكل مجهول

انا كا واحد ليا تجارب مش حلوه خالص مع الصحاب يعني ليا واحد صاحبي اتعرفت عليه من 4 سنين كان اللي يشوفنا من بعيد يقول دول عشرة 20 سنه كنا محدش يتأخر عن التاني لو احتاجه في حاجه و بعد كدا اكتشفت أن هو بقا كل مره يحتجني في طلبات ليه هو و لما انا احتاجه في طلب واحد يتحجج و يقولي انا مش فاضي و عندي شغل و الجو دا وانا كنت بعدي و اقول ربنا يعينك و المره اللي جه فيها معايا مشوار رماني في نص الشارع و سابني لحد ما في رمضان اللي فات ربنا كرمه و فتح مشروع ليه جه قالي تعالي اشتغل معايا انا رفضت بطريقه شيك شويه عشان اول حاجه عرض عليا مرتب قليل مقابل شغلانه يعتبر جايبني فيها يقل مني و تاني حاجه لان دخلت معاه برضو في شغل و متوفقناش لي قلة خبرته في الحاجه اللي بيدخل فيها شغل و يفتحلها مشروع و كمان ساعتها انا كنت مرتبط بي شغل و كمان عشان اروحله شغله لازم اركبله 3 مواصلات يعني انا في الاول و الاخر مش مستفيد منه بي حاجه زي ما بروح زي ما باجي راحل زعل و اتقمص و فضل مقاطعني شهرين و اكتشفت بعدها انه طلع من نوعية الناس اللي هي شبعه من بعد جوعه اللي بيتمسكن لحد ما يتمكن فا حمدت ربنا اني رفضت من بدري اني اشتغل معاه لحد ما في واحد صاحبنا تالت صالحنا علي بعض و اتصالحنا بالفعل لكن برضو انا بصراحه مش عارف اصفاله لان لما راجعت نفسي لقيت عمل معايا مواقف خلتني مبقتش حابب اتعامل معاه يعني احنا اتصالحنا بس كلامنا علي القد أو مبقناش نتكلم اصلا لا انا في حاجه معرفش هي صح ولا غلط بس اي حد يعمل معايا موقف حلو او وحش مش بنساها بفضل فاكرها عشان لو الظروف اجبرتنا أننا نتعاتب هذكر كل الحلو و الوحش اللي عامله معايا بس للاسف هو كتر اوي من المواقف الوحشه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_42292 🇪🇬

منذ 11 شهرًا

شعور مرهق

لو اتخدعت في حد بلاش تجلد نفسك وتلومها انت متربي صح . متربي إن اللي بيحلف مبيكدبش، اللي بيوعد بيوفي اللي بيقولك أنا بحبك ف هو بيحبك، زي ما بتتمنى الخير للناس طبيعي الناس تتمنى ليك الخير . انت متربي صح . متعلمتش الكدب, الغش، الخداع، النفاق، الحقد، الغل من الناس، ازاي تدبر وتكيد ل غيرك، أو توعد ومتوفي

Kiwi_38874 🇪🇬

منذ سنة واحدة

شعور مكسور القلب

موضوع:

كيف اتجاوزت الحب الحقيقي الاول ؟

عمري م هنساه ولا حتي انساه علمه عيني ونا معاه واخلاص في حبو ومش هقول ان اتخطيت بس بحاول ظيا افكرنفسي ق اي انا شخص يتحب وفيا حجات لوه كتير وربا اكي هيعوضني عشان هو كده كده إلي خسارن كفاي ان شفت نفسي واختارتها لاول مره في حياتي

Cherry_39133 🇪🇬 ف حاجه بتقلك لو كان خير لبقي احنا بنتعقلك بحاجات كتير بس اعرفي وخليكي واثقه اني اختيارات ربنا احسن كتير من اختيارتنا ف ديما دوري ع الحكمه ربنا ف كل حاجه بتحصل ف حياتك صدقيني هترتاحي

عرض الكل 3 نصيحة

Watermelon_27618 🇹🇳

منذ سنة واحدة

شعور لا مبالٍ

Carrot_27663 🇪🇬 لا انتي مش غلطانه خليكي مع صحبتك الجديده لانها بتحبك بس بردو ممكن كل فتره تسألي عليها وعلي احوالها بحكم العشره الطويله الي بينكو وخليكي انتي الافضل ان لما حد يحتاجك يلاقيكي

عرض الكل 3 نصيحة

عبّر عن شعورك بشكل مجهول

انا لدي صديقة   منذ 10 سنوات عدينا مع بعض كل ايام الدراسة كانت وقفة معي في كل لحظات حياتي حتى في حزني اجدها دائما نتبادل الهموم و لكن فقط في ايام الدراسة في العطل و الاجازة الصيفية قليل وين نلتقي انها مابتحب تخرج و دائما خروجاتها مع عائلتها 
لكن انا دائما اقول انها صديقة ممتازة و وفية و لكن اول عام كلية تفرقنا فلم نعد نلتقي ابدا الا قليلا نتحدث على الفايسبوك عشان معملتش اصحاب في الجامعة و بتعدي وقتها معي و في الصيف بعدت خالص لا رسالة ولا مكالمة و لا نتقابل الا اذ سالت عنها انا فقررت انني بش نتخلى عنها و كل شخص يذهب في طريق 
لكن فوجئت بموت امها فرجعتلها وفضلت معاها و قعدت اطمن عليها دائما بالفايسبوك و امشي لمنزلها 
و لكن في وسط السنة ثانية كلية عملت صحاب و نساتني تمام اصبحت تخرج معهم و تمشي لعديد الاماكن الي انا قبل ترفض تمشي معي لكن لم ارد ان اتخلى عنها بحكم امها متوفية حزينة من اجلها و بعد مدة خرجنا نتفسح فوجدتها تجاوزت موت امها و اصبحت شخص اخر و تعرفت على شاب رغم ان طول حياتنا مصحبناش لان حرام فغضبت و قلتلها تراجع نفسها و من تلك الخروجة مرة 9 اشهر تقريبا مخرجناش و منحكيش فايسبوك الا قليل و انا الي بسال عنا و الان عندي  3 اشهر مسالتش عنها و هي مبعتتليش ولا ميساج لانها دائما تقول انها مهما بعدت لما ترجع تلاقيني دائما موجودة و انا الحقيقة اتخنقت من هيك صحبة لان الان بتخرج و تتفسح مع اصدقائها الجدد و انامش معبراني 
رغم الحمدالله عندي صحبة صالحة اتعرفت عليها في الجامعة بتحبني افضل منها ب١٠٠٠ مرة و لكن انا أرى بالعشرة 
ممكن ابعد عنها نهائيا ؟ هل انا الغلطانة ؟؟
آسفة على اللهجة لاني انا تونسية واغلب الي هنا مصريين لذلك تحدثت مصري و عربية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_18485 🇦🇪

منذ سنة واحدة

شعور مرتبك

هو احنا ليه ك رجاله لما نحب بنت بنكتفي بيها ومش بنبص لغيرها ولا بنعرف نخون 😕

Apple_5950 🇪🇬

منذ سنة واحدة

شعور Okay 😐

بس انا هفضل احبها بعد ما اتجوز ولحد ما ام.وت حتى

Apple_14355 🇪🇬

منذ سنة واحدة

شعور Good 😁

صباح الخير والنسمـــه..* لأحلى وجه له بسمــــه..* لمن عزيت أنا أسمــــه..* وجوالي عشق رقمـــه..* معك على الخط طواااالي..* بقلبــ♥♥ـي قبل جواااالي..* أبد ماأنساك يااغاااااالي...*

Pineapple_14977 🇪🇬

منذ سنة واحدة

شعور Great 🤩

تذكرى انه لا يوجد رجل يتخلى عن المرأة التى يحبها بصدق

French Fries_12189 🇪🇬

منذ سنة واحدة

شعور Okay 😐

اللي بيحبك هيدور عليك ومش هيسيبك...

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع