ارتبطوا بشخص قراره من دماغه

Lemon_52708 🇪🇬

منذ 4 أيام

ارتبطوا بشخص قراره من دماغه… اللي ما يتهزش، ولا يتلوّن، ولا كل كلمة من حواليه تغيّر اتجاهه. الشخص اللي عنده بوصلة… يعرف هو رايح فين، ومش كل نسمة تودّيه شمال أو يمين. الحتة دي محورية عند الستات والرجالة… لإن اللي قراره ثابت، بيبقى ظهر. واللي عقله واقف على رجليه، بيبقى أمان. صدقني… مهما كان اللي قدامك “دماغه ناشفة”، فده أهون مليون مرة من واحد دماغه خفيفة. لأن الناشف… بتتعامل مع دماغ واحدة. أما الخفيف… فبتتعامل مع خمسين: مين قال له؟ مين أثّر عليه؟ مين لعب في دماغه؟ مين حسّسه… ومن رجّحه… ومن خوفه… ومن زقّه؟ لو الطرف اللي معاك مش ثابت… العلاقة نفسها مش ثابتة. وإوعي… أيوه إوعي تبقو زي اللي اتجوزت “حبيبِة الكل”. اللي كلام الناس يحرّكها… رأي صاحبتها يغيّرها… وكلمة حد تاني تهزّ بيتها. ارتبطوا بناس راسخة… مش ناس بتهوّي. في الآخر… اللي عنده قرار من دماغه يبقى شريك، واللي دماغه في إيد الناس… يبقى مشروع وجع. وحاولو متربوش حد

هل كانت هذه المعلومات مفيدة؟

0

0