ازاي انتظمت في الصلاة؟

Question

قولنا ايه السبب ال كان موقفك عن الصلاة وقدرت تتغلب عليه

Mango_33282 🇪🇬 · Answer

انا الحمد لله من ما انولدت ومن كان عمري اربعه او خمس سنين كان ابوي الله يحفظه يوديني معاه المسجد حتا لو ما اصلي بس يوديني اقعد ورا في اخر المسجد اشوف المصلين واسمع القران فالحمد لله من اول ما انولدت وانا متعود على الصلاء وقبل كم سنه سافرت للدراسه بعيد عن اهلي و اكثر شي كنت شايل همو انو هل انا كنت بصلي عشان انا بحب اصلي و لا عشان ابوي يرضى عني فكنت خايف لمن ابعد عن اهلي اقطع الصلاء و ما اصلي بس اكتشفت انها مجرد وساوس من الشيطان بس الحمد لله

نصيحتي لك انك تكون عارف انو تركك للصلاء انت الخسران في النهايه الله سبحنه و تعالى غني عن عبادتنا كلنا ولو كلنا كنا ما بنصلي هاذا الشي ما بنقص من ملك الله شيى

والموضوع خطير جدا حتا انه قد يصل للكفر والاحاديث كثيره في ان تارك الصلاء و منكرها كافر و في بعض العلماء بقولو تركها فقط ممكن يوقعك في الكفر

المهم في النهايه الجنة غاليه جدا ولازم تتخلى عن اشياء كثيره عشان نتدخلها لازم تتخلى عن الراحه وقت الصلاء و عن الاشغال البتكون في وقت الصلاء ت

الصلا كلها خمس و لولا فضل الله علينا كانت حا تكون خمسين صلاء في اليوم اقل شي ممكن نقولو الحمد لله .

Biscuit_32456 🇸🇦 · Answer

الي مقصر كثير ممكن يبدا انو ماينام ووعليه اي صلاة 
يطلب مساعده من الي حواليه مايزعل اذا ذكروه الصلاه 
ولا تستهينون بالمحيط يأثر بشكل كبير 
واستشعروا الهدوء الي تمرون فيه وقت الصلاه وحبوه بتلقون راحه سبحان الله واذا اجتهدت ربي بيساعدك اهم شي ابدا بنيه صافيه 
الله يثبتنا واياكم على الحق ❤️

Coconut_31488 🇪🇬 · Answer

ربنا مش حارمني من حاجه بالعكس انا ف زحام من النعم وعايشه بستر ربنا وكرمه وانقاذه ليا ف كل ليله كنت فاكره من شدتها انها الأخيره 
ف اقل حاجه ممكن اعملها اني اأدي فروضي 
وعشان اأديها ف مواعيدها بفتكر دايماً 
ما الحاجه التي قد تفوتك وانت بين يدي قاضي الحاجات ! 
ربنا يهدينا جميعاً لما يحب ويرضى 🤍

Apple_32338 🇪🇬 · Answer

حقيقي نفسي اوي اصلي وانتظم انا مش حد وحش ومش حد كويس بالعكس انا لما بعمل ذنب بكون خايفه اوي من ربنا وبستغفر كتير بس باجي عند حتة الصلاة دي ومش قادره معرفش لي بجد حاسه انها تقيله عليا انصحوني

Biscuit_33851 🇪🇬 · Answer

ضع منبه بصوت آيه (ويل للمصلين الذين هم عن صلاتهم ساهون..) 
تخيل طريقة العذاب الذي يعذب به تارك الصلاة 
هذه البدايه ولكن بعد المواظبه ستدرك ان الصلاة مريحه وسوف تكتشف انك تصلي حباً لله والقرب منه وليس خوفا من العذاب ليصقط منك الفرض فقط
فالصلاة مريحه.. 
هذه ليست طريقتي التي التزمت بها ولكنها فعاله...
ثبتنا الله واياكم على عبادته وطاعته اميين

Coffee_28472 🇪🇬 · Answer

من صغرى كنت بحب اصلي جدا مع اي حد بشوفه بس طبعاً كلنا ف اول فترة المراهقه بنقطع جامد ف الصلاه الا من رحم ربي يعني كانت بتيجي عليا ايام مصليش غير فرض واحد طبعاً احساس تأنيب ضمير بس النفس الاماره ب السوء كانت متحكمه لحد م جه رمضان من تلت سنين قصرت جامد وحسيت انو لا مش لدرجة رمضان كمان حاولت انتظم بس برضو كنت بقطع لحد م وقعت وبقيت جوه الوحده حرفيا وعرفت أن لا ملجأ من الله الا إليه وحسيت ان مفيش اي حاجه او اي حد هيقبل يشوفني بكل حالاتى خمس مرات ب اليوم الا ربي واعلم انه اذا ابتلاك فلتقترب اليه وطول البلاء يعني طول الاقتراب من الله وبتتعود وشويه وبتلاقي نفسك تستنى الاذان وتلاقي راحه غريبه ف العبادات 
ومن الحاجات اللي ساعدتني احسن من صلاتى وخشوعي فيها البودكاست من الاخر جرب كل شئ وحاول لحد م الشيطان يزهق واوعى تزهق قبله عشان تفرح ف الاخر

Mango_32521 🇪🇬 · Answer

ادعولي انتظم في الصلاه حابه اوي انتظم وحهاول أن شاء الله وهبدا من صلاه العشاء 
وان شاء الله انتظم عشان انا حياتي متبهدله حرفيا وحاولت الصراحه انتظم كتير بس معرفتش بضيع فروض كتير وقولت اتعود علي الفرض وبعد كدا ابقا السنه بس برضو مش بنتظم لحد م سبتها خالص ف بجد ادعولي

Carrot_32947 🇪🇬 · Answer

انا قصة انتظامي في الصلاة خيالية شويه
كنت حرفيا بصلي صلاة الجمعة والعيد بس
ف فترة بقت بتجيني فيديوهات عن عقوبة ترك الصلاة في التيكتوك ، في الاول كنت بسكرول عادي بس لما الموضوع اتكرر كتيير بديت افكر وخفت و حسيت انه ده تنبيه ليا 
والحمد لله من 2021 م فوتت ولا فرض 
وبالمناسبه الانتظام صعب في الاول بس 
ف تخيل انه سبب انتظامي هو التيكتوك 😂

Watermelon_29015 🇪🇬 · Answer

الصلاه فعلا حاجه بتاثر في حياتنا يعني انا مكنتش بصلي و دي حاجه غلط طبعا بس فى فتره في حياتي كانت صعبه فعلا ملقتش قدامي غير ان اصلي و اقرب من ربنا و من ساعه سبحان الله ربنا فتح عليا في الصلاة بس انا كان عندي عزيمه من ساعه إن مبطلتش صلاه تاني و دي الحاجه الي بنقع فيها كلنا بنصلي يوم و عشره لا بس لازم تاخد قرار بينك و بين ربنا وعد انك مش هتطبلت صلاه و مدام قطعت وعد خلاص مينفعش تخلفه حتي لو اي ربنا يثبتنا كلنا يارب و يهدينا جميعاً 🤍

Peanut_34311 🇲🇦 · Answer

اولا الحمدلله و الشكر له لولا إعانة الله ما كنت انتظمت ف اكثروا من الدعاء بأي شي انت نفسك تعمله . قبل لما كنت اقطع ف صلاتي و ارجع كانت صلاة واحدة كنت ثابتة عليها الا و هي الفجر و اللي اصعب حاجة لأن تستلزم تصحى من عز نومك و تصلي بعدين بدأت بداية قوية الفرائض مع السنن و بعدين تركت السنن و ضليت مع الفرائض و ضفت عليهم قيام الليل و لله الحمد استمريت بعدها دون إنقطاع . حاليا أجاهد للخشوع فالصلاة أول مرة خشعت ف الصلاة كانت بعد ما فهمت معنى الصلاة الحقيقي من بودكاست فاهم عن الصلاة الشيخ أحمد العربي فعلا فرقت صلاتي كثير من بعد فهمي لصلاة اتمنى انه ينفعكم هذا البودكاست مثل ما نفعني .

Chocolate_29847 🇺🇸 · Answer

انا كنت منتظمة في الصلاة الحمد لله بس ما كان في صلاتي روح و خشوع و الي غير الموضوع دا بودكاست سمعته اسمه اول مرة اتذوق الصلاة الدكتور احمد العربي انصح في هذه السلسلة مليون مرة حتغير نظرتك للصلاة بشكل تااام

Banana_29935 🇪🇬 · Answer

أنا مكنتش بصلي معظم حياتي غير أخر كام سنة الحمدلله، أنا دلوقتي ٢٥ سنة
لو هلخص قصة انتظامي في الصلاة فا هي اني ابتديت ابص للدين بعيد تماما عن المجتمع، بقيت بدور فيه اكني بكتشفه من جديد، بشوف الناس اللي كانوا ملحدين أو من ديانة تانية و اسلموا اسلموا ليه. و واحدة واحدة لما اقتنعت بالدين اقتناع تام و بدأت اشوف احاديث عن الصلاة ادركت ان الصلاة دي هي أهم حاجة في حياة الواحد بدون أي مبالغة، و اللي بيسبها حتما بيكون من أهل النار
اكتر حاجتين من يوتيوب ساعدوني
- من ملحد إلى مسلم، قصة البروفسير جيفري لانج (٣٠ دقيقة)
- سلسلة السيرة النبوية لأحمد عامر

اسمعهم بتركيز و أكيد هيأثروا فيك و يخلوك تغير نظرتك للدنيا و أولوياتك فيها

ربنا يعينكم و يهديكم إلى كل خير

Cherry_33009 🇰🇼 · Answer

بديت اصلي لما صار عندي يقين تام انه الامنية اللي اتمناها مستحيل اي بشر يحققلي ياها، مافي غير رب البشر هو اللي قادر يحققها، بديت اصلي و في اول سجدة سجدتها بعد انقطاع سنين للاسف، بكيت، لأني ما كنت عارفة شو احكي بالسجود، نسيت شو الانسان يحكي لما يسجد، وقتها ادركت اديه انا بعيدة عن رب العالمين بس مع ذلك الله سبحانه و تعالى ما كان يتركني ابداً، كان ينقذني بأوقات الشدة، يسترني، يحقق امنياتي و يستجيب دعائي دايماً، فقررت اني التزم و هذا اقل شي ممكن اعمله، حبيت الصلاة و تعلمت الصلاة الصحيحة من اول و جديد، حالياً بحب اسجد و اطيل السجود، برتاح و بشكر رب العالمين على كل نعمه و بدعيه بقلب مخلص و حاطة كل املي فيه و عارفة انه الله سبحانه و تعالى راح يستجيبلي، لأنه الله سبحانه لا يخيب عبداً رفع يديه مناجياً اياه. ❤️❤️

Ice Cream_30319 🇪🇬 · Answer

الصلاه دي احلى حاجه في الدنيا لأن دي صلتنا بربنا انا بصراحه سعات بيجيلي فتور عن العبادات وممكن احس اني عايزه اكسر الدنيا واصلي واعمل كل حاجه وفجاه الحماس دا يروح بس الواحد بيفضال يجاهد في نفسه وفي سبيل أنه يدخل الجنه

Marshmallow_33883 🇪🇬 · Answer

انا مؤمنه ان ربنا هو الي بينظم امور الحياه كلها وانا واحده مبعرفش انظم اموري لوحدي فبقيت بتكل علي ربنا واستعين بيه دايما كنت بسمع ان الصلاه فرض والي مش هيصلي هيروح النار بس انا ما اخذتهاش كده خالص لا كنت بعتبرها حب انا عاوزه اكلم ربنا فبروح لربنا اكلمه ولو عاوزه اخسر ذنوب من غير ما اقول اي حاجه ولا اعمل اي حاجه اروح اصلي وانا مستحضره ذنوبي كلها فبلاقي اني ارتحت بقيت بحب الصلاه جدااا علشان ربنا ييسرلي ليا حياتي كلها وعلشان انا بحب ربنا جدا كفايه اني لما بدعي بحاجه بتتحق فلازم اشكر ربنا علي كده

Ice Cream_20764 🇪🇬 · Answer

اكتر حاجه شجعتني انتظم بجد هي اني استوعبت اننا عايشين بس عن نعمل كل حاجه آمرنا بيها ربنا وعشان نبقي جاهزين لو موتنا ف اي وقت، وبما أن الصلاه اول حاجه هنتسأل عليها ف كنت دايمًا بحاول انتظم عليها واكيد عشان انا م ملاك في ايام كتير كانت بتعدي عليا من غير ما اصلي ولا حتي افتكر ان في فروض المفروض اأديها، المهم اني اول حاجه عملتها كنت كل ما ادخل الحمام وانا خارجه بتوضي عشان ابقي جاهزه دايمًا للصلاه ومكسلش يعني وبرضو نزلت برنامج صليت أو لا وكان بيشجعني جدًا لأن كل فرض بصليه المفروش اعلم قدامه واخر اليوم بشوف كنت منتظمه علي الصلاه ف مواعيدها بنسبه كام فالميه وكمان كان بيفكرني بالسنن ف كان اختراع تحفه الصراحه، وطبعًا الصُحبه الصالحه والناس اللي انت محيط بيهم عامل كبير ومهم اوي ف انك تتشجع ف اي حاجه بتعملها، انا وصاحبتي كنا دايمًا بنشجع ونفكر بعض ف بقينا نصلي سوا لو كنا ف حصه او برا البيت يعني ولو كنا فالبيت لما واحده تصلي لازم تبعت التمام عشان التانيه تفتكر وهكذا، واهو داخله ف سنه الحمدلله الحمدلله منتظمه علي الصلاه وبحاول علي قد ما اقدر اصلي الفروض فميعادها ومنشغلش عنها عشان حقيقي كلنا محتاجين نرجع لربنا ونقرب منه اكتر عشان مفيش اي حاجه فالدنيا مهمه قد ما اننا المفروض نعمل ل آخرتنا وعشان ندخل الجنه،
 نصيحتي لأي حد مبيصليش فوق فوق وارجع لربنا انت مستغني عن نعمه كبيره اوي ربنا كرمك بيها بس انت غافل عنها انت بتقدر تسجد وتركع ومع ذلك مبتصليش غيرك مبيقدرش يعمل حاجه من دول بس مبيفوتش فرض عشان عارف انها حاجه مهمه اوي ف انت اقل منو ف ايه ولو معندكش حد يشجعك م مهم خليك انت مشجع نفسك ومتعتبرش ان دا مبرر، بس كدا.

Sugar_25534 🇪🇬 · Answer

بودكاست ايه المشكلة وبودكاست وعي لو سمعتهم هياخدوك في حتة تانية وسماع القرآن باصوات هادية وجميلة حاجات فعلا هتخليك حابب الصلاة والدين الفكرة انك تستمر عليها وتحفظ قرآن كل ديه خطوات تخليك تنتظم في الصلاة وحط في دماغك فكرة ان حياتك واقفة لحد ما تصلي عايز تذاكر مثلا او عندك شغل او غيره خلي الصلاة اول حاجة خلي في دماغك فكرة انا مش هعمل حاجة لحد ما اصلي لحد ما توصل لمرحلة انك مبترتاحش غير وانت مصلي الفرض اللي اذن
وخليك فاكر ان اي حاجة بتتمناها مش هتجيلك وانت بتعصي ربنا او مبتصليش وان زي ما ربنا غفور رحيم برضو عذابه شديد فالصلاة مش اختيار ولكن لو صليت وانت حابب الصلاة هتكون احلى حاجة في الدنيا
وبس ربنا يهدينا ويرزقنا لذة طاعته🤍

Mushroom_37399 🇪🇬 · Answer

انا الحقيقه مش منتظمه ودي حاجه مديقانى جدا لانى زمان كنتش بفوت فرض واحد وحاليا يوم اصلى وعشره لاء حياتى مبقتش مظبوطه من هموم وتفكير زايد من ال خنونى ومش عارفه اتخطى حلى الوحيد هو انى اقرب لربنا اكتر بس مش عارفه الى عندو حل بجد ينصحنى بيه 😔

Carrot_38251 🇩🇪 · Answer

مارح قول اني سمعت بودكاست او حدا نصحني بالعكس تماما 
انا كنت مقصر بصلاتي كثييييير وكنت حس انو هالشي غلط ولازم عدله 
بيوم من الايام كنت قاعد لحالي واذن لصلاة العشا حسيت في حدا قلي قوم اتوضى وصلي وادعي 
وفعلا قمت وصليت ودعيت ربنا بدعوة صادقة طالعة من قلبي انو يثبتني ويهديني 
ومن هذاك اليوم لحد الان وانا منتظم بالصلاة تقريبا من عشر سنين 
اهم الشي تكون نيتك صادقة مع رب العالمين وتجاهد نفسك على الطاعة والعبادة 
ولكل شخص مقصر بصلاته او ما بيصلي والله ما بتحس بالراحة والسكينة الا لما تصلي وتدعي لرب العالمين 
ولا تأجل وتقول لبكرا وبس يصير وبس يجهز قوم بنفس اللحظة اتوضى وصلي

Marshmallow_40899 🇦🇪 · Answer

في البداية كنت بقطع كتير في الصلاة و في كل مرة ارجع اصلي فيها بيبقى بسبب الخوف او اني سمعت حاجة خوفتني او اني كنت عاوزة ادعي بحاجة معينة 
لغاية ما في يوم قعدت مع نفسي و فكرت في انه لي الانسان بيصلي؟ هل أنا لازم اصلي بس لما ابقى عايزة حاجة؟ يعني انا مش هينفع اتكلم مع والدي او والدتي إلا لو هطلب حاجة؟ اكيد لا
فكمان مش هينفع إن أنا اصلي بس عشان اطلب الحاجة الانا عايزاها و بعد كدا اكتشفت ان أنا بقيت أصلا بتكسف إن أنا اطلب من ربنا حاجة إلا لما اشكره الاول على كل النعم اللي عندي 
احنا محتاجين نصلي عشان نشكر ربنا اولا 
و عشان الصلاة هي الاتصال الوحيد بين العبد و ربه طالما مفيش صلاة يبقى مفيش اتصال بيني و بين ربي
و اكتشفت كمان ان في حاجة اتغيرت فيا بعد ما التزمت بالصلاة و هي ان إيماني و يقيني زاد مش زي الاول لما كانت بتحصل حاجة تضايقني كنت ببقى متضايقة اوي و مش عايزة اتكلم بس دلوقتي ببقى مرتاحة و متأكدة ان ربنا هيحلها من عندو و ببقى صابرة و متطمنة اوي