اكتر موقف من حد بتحبه خلي حبك ليه يتغير

Question

مش لازم يبقي موقف ممكن كلام من اي شخص بتحبه زي اهلك او صحابك

Ice Cream_77401 🇪🇬 · Answer

لما كنت واقفه فى ساعه صفا مع الى المفروض كان مصدر الحب والأمان وبسال سؤال عادى جدا هو انت بتغير عليا رد وقال: اما تبقى تحترمى نفسك هيبقى يتغار عليكى 
انا دماغى وقفه دقيقه كدا الى هو انا قليت احترام نفسى فى اى علشان يتقالى جمله زى دى ولحد دلوقتى بسأل نفسى اى الى حصل منى يوصل شخص يقولى كدا😅

Pumpkin_77459 🇪🇬 · Answer

كنت بحبه جدا لكن مكانش ينفع يكون بيننا علاقة و كنت مكتفية بوجودي جنبه من غير حاجة لحد ما بدأ يحاول يستدرجني اعمل معاه علاقة جسدية، حسيت بخذلان بشع و اي اتخدعت فيه انه انسان كويس و بقيت اخاف منه، و فكرت انه حتى مخافش عليا افرض كنت وافقت او ضعفت قدامه كان هيكون موقفي ايه
مازلت بحبه و مش قادرة انساه رغم كل حاجة و مش عايزة احس بكده لكنه بيوحشني 
بالنسبالي قربه و اذاه أهون من البعد، و عارفة ان ده مش صح لكن بحاول اقاوم شعوري

Kiwi_52771 🇪🇬 · Answer

الكذب والخيانة... تراكمات لحد ماوصلنا لعدم التقدير في كل حاجة... بعدت ومرجعتش تاني أبدا ديما بقول الكذاب ممكن يعمل كل حاجة وحشة وفعلا دا صح . 
المشكلة اننا لما بنسامح مرة واتنين خلاص بيعتبروا ان هم ملكونا واننا باقيين للأبدا فبيزيدوا فيها

Carrot_70154 🇪🇬 · Answer

عاوز الاعب حد شطرنجججججج محدش هنا خالص ليه فيها

نبنلننللزمبمبميميمببمظبظببزىززىزىزىزمىخحبكيكيكيككيكيكبكبكبمبمبمببمبملمنلنلنللننللنمللململململنبنبننبمببممللممللل

Strawberry_80405 🇪🇬 · Answer

بصو يا جماعه انا كان عندي بنت خالتو أقرب واحده ليا في الحياه كلها حرفيا بحبها جدا جدا وكنا مش بنجيب بعض وعلاقتنا مفيهاش اني اوصلها او تبصلي في نجاحي او كده المهم انا كان حلمي اني اكون دكتوره وكنت بموت نفسي كل يوم علشان ادخل طب بس يشاء القدر اني مدخلتش طب وطبعا هي كانت بتقنعني بكل الطرق اني مدخلتش طب لانها بيني وبينكم كان نفسها تدخل بس علشان متعملش زي ما أهلها بيقولو انها تدخل طب راحت دخلت كلية تانيه بس وحشه وخاص كمان المهم هي راحت مدينه جميله اوي وانا كان نفسي اقعد غي مكان زي ده و كانت بتقنعني بكل الطرق اني ادخل اي كلية وخلاص المهم الكليات اللي كانت بتقنعني بيها كانت جمب المدينه اللي انى عايشه فيها وانا جالي اكتئاب و كده وبابا دخلني كلية جمبها وهي أول ما عرفت زعقت وقالتلي انتي مش بتحبيها قوليله لا بلاش احسنلك ادخل كلية كذا وانا والحمدلله كنت مكتئبه وقتها ومش فارق معايا سمعت كلام بابا و  بعدها لما كنت ابقي قاعده فتجمع عائلي كان في ولد قريبنا وكده هي بتحبه جدا بس بتمثل انها مش بتطيقه المهم هو لما بيتعامل معايا بيتعامل معايا كويس وبلطف جدا علشان انا أصغر واحده في العيله ده غير اني عندي اكتئاب هي بقا بقت تتخانق او لما حد يسألني تتكلم هي بصوت عالي علشان تخلي محدش ينتبه ليا و بقا مبقتش ترضي انها تخرج معايا خالص كل ما اقولها تقولي لا مش هينفع رغم أنها فاضيه وحتي عيدميلادي لما انزل ستوري كانت تشوفها ومتردش ومن وقتها واحنا مش بنتكلم حتي في التجمعات

Strawberry_83015 🇩🇿 · Answer

كنت احبه كثيييرر مررره في يوم التقى مع وحدة كانت صديقتي بس صار خصام كبير بني وبينها فراح وصلها لبيتها وهي حكتله كلام قديم عني وهو ماقال انا صديقاتي خبروني عنه ولما واجهته قالي آسف بس لليوم منسيت ولا اقدر اتخطى الموضوع وهي البنت كان يحكي معاها وقالها بيحب شكلها وهاذي للان توجعني مر عليها تقريبا سنة بس للان منسيت حسيت حبي له نقص بس مقدرت اواجهه لاني سامحته

Moon_82136 🇪🇬 · Answer

انا عايز حد يديني حل بالاخص تكون بنت تكون فاهمة ومجربة عشان انا خلاص معنتش عارف اعمل اي 
البداية :
انا كنت الإسبوع الي فات قطعت ارتباطيبل انا كنت مرتبط بها عشان موقف هيا عملتو انا كنت مرتبط بواحدة كان عندها 16 زي كنا مرتبطين بقالنا اربع سنين ونص خانتني وراحت لواحد صاحبي ونامت معاه فا انا اسف لو كنت قلت حاجة زي كدا 
وهيا بعد ما عملت كدا جاية دلوقتي تتحايل عليا انا انا ارجعلها وانا رافض تماما 
المطلوب :
انا عايز حد يديني نصيحة

Chilli_86159 🇪🇬 · Answer

خاني وكنت فاكره انه خام وبقول انه مش بيعرف يعبر عشان ملوش تجارب بس طلع بيعبر ف اماكن تانيه 😂😂
اكتشفت انه عمره م حبني انت بس اللي كنت بحبه وبوهم نفسي انه بيحبني بس مش عارف يعبر .. بسئل نفسي لو رحع الزمن هوافق عليه ولالا

Coffee_86486 🇪🇬 · Answer

البيست فريند بتاعتي بتدأت تعاملني ببرود مندون سبب، أنا شخص متفاهم جدًا و قلت لها أكتر من مره "لو في حاجة قوليلي على طول"، عشان مش عايزة أخسرها .

بعت ليها " وحشتيني" و هي شافت الرسالة، نزلت إستوريز و مردتش عليا، و كإنها بتقولي "امم، ايوه شوفت إنك فاتحه ليا قلبك وأنا إخترت أسيبك لدماغك منغير سبب", وأنا كنت مصدومة لإنها مش أول غلطة تعملها، و مش أول مره تحسسني بعدم الأهميه أو كإني لوحدي في صداقتنا دي .

أنا دلوقتِ مبكلمهاش و بعاملها بسطحيه يعني " إزيك! عامله إيه؟ كويسه؟" ومش أكتر، هي حسّت بالسطحيه إلي مبينا، و بدأت تبعت ليا "وحشتيني، مش بتردي عليا ليه؟ " إتحججت بالمذاكرة و إن ٱمي مش هتسبني السنه دي و كدا،، لكن جوا قلبي أنا مبقتش عارفه أكلمها، مبقتش عارفه أحس معاها كإنها "البيست فريند" أو حتى مُجرد فريند .

أنا حاسه بالنفاق عشان مبقتش قادرة أحس معاها بالآمان، وهي حاسه إن في حاجة غلط، انا واجهتها كتير بوجعها ليا، وكل مره بتعتذر و تتأسف بس بتعمل نفس الغلط تاني غصب عنها لإن دي شخصيتها، وأنا مش عايزة أفضل أحسسها بالنقص أو بالضغط بإنها فعلًا مش فاهماني .

بقيت حاسه إني محبوسة في صداقة لسببين– إني بحبها كصحبتي المقربة و علشان مش عايزة أكسر أو أجرح مشاعرها، هي عندها فايميلي إشوز و أنا الوحيدة إلي فهمتها و حسستها بالآمان و إرتاحت ليا وبتحكي كل حاجة ليا،، الفترة الآخيرة بقت مبتحكيش حاجة ليا، معنديش مانع لكن بقيت حاسه إنها خلاص أخدت إلي كانت محتاجاه و خلاص ده وقت إنها تمشي  ..

على الرغم من إنها دايمًا بتقولي "انا منغيرك ولا حاجة، متسبنيش، إنتِ أعز صاحبة عندي، مبكلمش غيرك", وعلى الرغم من إني معاها مش شفقه عليها– لكن لإني فاهمه إحساس تكون متعلق بحد و الحد ده مش عنده القدرة يحبك زي ما بتحبه .

أنا إتحججت إني مش فاضية طول الإسبوع، و بقالنا إسبوعين مبنتكلمش خالص، هي بتبعت رسايل " وحشتيني، فينك؟ حرام كدا يابت تعالي!" و أنا مبردش  . خالص .

بشوف لكن مش برد و قافله السين عشان مجرحش مشاعرها وأبين لها إن في مشكلة مبينا و إني بشوف لكن مش برد وكدا  .

بقيت بهرب منها  .. يمكن عشان خايفه أقول كلام اندم عليه بعدين، ويمكن خايفه أعاتبها تاني و أنا عارفه إنه ملهوش لازمه خلاص، و يمكن عشان مبقتش طايقة أقعد معاها تاني، أنا مش عايزاها تبقى مُجرد فريند، هي البيست وده مكانها في قلبي– يا إما أنا الي متعلقة مش هي .

هي بتحكي كتير، أنا إلي بسمع وبس في صداقتنا، لما بحاول أحكي– هي بتحارب حرفيًا عشان تحاول تهتم بالحاجات إلي بتكلم فيها، وبحس بعدم الإهتمام فـبسكت، بس هي بتضايق لما بسكت عشان بتحس بالذنب إنها بتتكلم و أنا بسمع وبس، لكن هي مش عايزة تعرف حاجة عني من الأساس  .. ده مُجرد إحساس بالذنب عندها .

ٱمي بتقول إنتِ مكبرة الموضوع، هي متعرفش صداقتنا دي بالنسبة ليا قد إيه كبيرة .. بتقولي ركزي في دراستك وسيبك من التفاهات دي، وبحاول أسمع كلامها  .. لكن بجد لأ مش عارفه  ..

علاقتنا عبارة عن واحد عاقل و ذكي و فاهم جدًا، والتاني بجد –اسفه– غبي جدًا و سطحي في تفكيره و عايز ينهي المواضيع وخلاص،

فـ: انا بقيت الطبيبة النفسيه بتاعتها، وهي حرفيًا ماسكه فيا، و أنا معنديش مشكلة.. لكن الموضوع مُرهق، خصوصًا إني عايزة صديقة مش حد أعالجه... ده حتى الشخص ده مش عايز علاج أو يطور من نفسه أو حياته .

أنا فاهمه كل حاجة فيها، وفاهمه تفكيرها، و حافظاها، لكن هي مش فاهماني خالص و لا بتعرف، و كل ما تحاول تزهق،، بحس بحاجة غريبة .

انا تعبت، مش عارفه اتعامل معاها إزاي، ماما بتقولي خليها صديقة سطحيه– لكن قلبي مش قادر خصوصًا إنه شايل منها كتيير جدًا والتعامل معاها بالكبت ده بقى صعب .

هي محتاجاني وأنا محتاجة صديقة تحبني حتى لو أنا مش بتكلم كتير أو هاديه ساعات أو إنطوائية شوية   ... هي مش عارفه تديني ده .

الصراحه؟ فكرت أسيبها كتير عشان صداقتنا بقت تتعبني، و أنا أهم حاجة عندي سلامي النفسي في الحياه رغم صُغر سني،

هي أكبر مني بشهرين، رغم كدا أنا الأكبر منها عقلًا و تفكيرًا ووعيًا، بمراحل .. مش غرور والله، لكن دي الحقيقة لو بنعمل مقارنة مبينا .

أعمل إيه؟ انا بقيت متلخبطة، تعبت من تفكيري في الموضوع، صلّيت ودعيت وطلبت من الله إشارة، مين ممكن يبقى إشارتي إلي بدور عليها ؟

Sugar_62429 🇪🇬 · Answer

هو لو حصل مشكلة بينى انا وصحيتى هو كان سوء تفاهم 
بعدين اتكلمنا عادى انا وهى و ضحتلها  قالتلى ان انا باخد تصرفاتها الطبيعية وبخصصها ليا انا بس او باخد تصرفتها واكنها متعمد منها 
 وهى متقصدش اى حاجة 
بس انا كنت حاسة بعدم حبها ليا وان هى مش بتحبنى وده كان من المعاملة 
(معاملتها متغيرة  جدا يعنى مش نفس المعاملة)
 وقالتلى انها بتعدى بفترة مش احسن حاجة 
بس قدامى بتعامل صحابها كويس وتخاف وتهتم 
 بقيت حاسة انها بتسأل عليا لمجرد  ان دى شخصيتها 
حل لو انا قولت انها مش بتحبنى يبقى انانية ؟

Avocado_88073 🇩🇿 · Answer

شخص و بالحرى صديقة فقط تستغلني عند الحاجة عمري ما رفضتلها طلب لها و لاهلها و لما فقط اريد اتكلم تستخف بموضوعاتي كأنها تافهة و ليست حاضرة دائما غائبة و تلومني على انني انا السبب في تصرفاتها

Apple_85013 🇪🇬 · Answer

آخر رساله ليكي 
لكل بداية نهاية.. وبتمنى إنه يوم من الأيام قدرت أسعدك وأرسم الابتسامة على وجهك.
بعرف إنه تخانقنا كتير، بعرف إنه من البداية ما كنت إلي، بس كنت دايماً أقنع نفسي وأحاول أدخل أفكار إيجابية على عقلي بأنه لأ إنت إلي.
لأ هنمر من هاي المرحلة، رح نقدر نتخطاها، رح نقدر نثابر ونسعى ونكمل سوا، رح نقدر نتمسك في بعض.. إنت بتحبني وأنا بحبك.
كنت دايماً أوهم نفسي بهذه الأفكار، لكن الواقع كان مختلف تماماً.
الله يسعدك يا رب ويحفظك الرحمن، وما تشوف يوم سيء.
بتمنى من بعدي تعيش حياة سعيدة، مع الشخص اللي يناسبك.. وتناسبه."

Banana_29246 🇪🇬 · Answer

لما حكيتلى انها بتحب شخص تانى 
كانت تجرح فيا دايما و كنت بعدى عشان بحبها و كنت بقول ممكن يبقى فى مكان ليا ف قلبها ف المستقبل 
بس بعد اما عرفت انها بتحب حد تانى عرفت ان انا مليش مكان و نظرتى ليها عمرها ما هترجع زى الاول حتى لو ندمت