اى اكتر حاجة بتكرهها في نفسك؟

Question

اي هي اكتر حاجة بتكرها في نفسك او شخصيتك؟ وازاي بتحاول انك تتخلص منها وهل نجحت ولا لا؟ احكلنا قصتك

Chocolate_58050 🇪🇬 · Answer

التردد والخوف والكسوف 
يتردد في فعل حجات كتير 
في اوقات كتير ببان كشخص غبي او ابله لسبب تصرفاتي العفويه بس دي مش مشكلتي مشكله البيئه الي اتربيت فيها ابن وحيد فرق اكتر من ٤٠ سنه بيني وبين اهلي يعني اكتر من ٣ أجيال يعني اكتر من ٤٠ سنه من اختلاف طريقه الكلام واجهات النظر انا بحكم سني بعقل طفل يعتبر ولاكن اهلي بعقل أشخاص في عمر كبر السنغالي مخليهم بعيد عني في كل حاجه ودا . خلاني بوصل لاكت حاجه بكره في بجد ال هي الكلام الكتير اول ما بشوف حد بحب اتكلم معه كتيررر لاني ممكن يعدي علي يوم بقول بس (حاضر . هجيب . هنزل .٥دقاءق بلعب .هناكل ء . في اكل ء انهرضه ) بس مش هلاقي حد اكلمه احكيلو اهتماماتي او شعوري او مشكلي .. ودا الي خلاني معنديش اصحاب لاني بكلم كتير ومحدش بيحب يسمع الكلام عاوز يتكلم

Chocolate_57541 🇪🇬 · Answer

هو غريب بس اكتر حاجه بكرها ف نفسى انى محترم فى عيون الناس كلها ف احترامى دا اذانى مفدنيش يمكن اه محبوب شويه لكن محطوط ف قالب كدا مش عارف اطلع منه وبعافر بقالى كذا سنه لدرجه حاسس انى مريض نفسى ولازم اتعالج ضرورى

Marshmallow_57255 🇪🇬 · Answer

اكتر حاجة بكرهها فى نفسى انى مش متقبلاها ولا عايزاها ديما بقارن نفسى باى حد سواء اعرفه او لا و ديما بشوف نفسى الاسوء سواء من الشكل او من الشخصية او مثلا لما حد يقولى ان ملامحى حلوة او مثلا شكلى انهاردة مميز او اى حاجة من دى ببتسم من باب الذوق بس من جوايا ببقى بقول انه بيقول كده وخلاص و ان الشخص ده كداب حاولت كتير اثق فى نفسى اكتر بس ولا مرة عرفت

Watermelon_59134 🇪🇬 · Answer

انا اكثر حاجه بكرهها في نفسي العادة السريه عشان عمري ما حسيت اني ضعيف و مقدرش اغير من نفسي كده حاولت كثير جدا وفشلت انا بعملها من سن ١٣ سنه و انا غيرت من جسمي و صحتي و نومي و كل حاجه في اتغيرت حتي المكان اللي كنت عايش فيه حتي صحابي بشربوا كل انواع الممنوعات و بناموا مع نسوان وكمان وانا بصلي و بعملش اي حاجه حرام تقربيا غير العاده السريه ده بجد خايف اروح لدكتور نفسي يديني علاج لقلل الذكوره عندي

Strawberry_58705 🇪🇬 · Answer

اني ساعات كتير مش بعرف اسيطر ع مواقفي .. و اني عفويه و طيبه بزياده ... ده غلط ف زمن بقوا مستنيك اقول حرف عشان يمسكونها عليك... و ممكن نقول اني مش فاهمه انا شخصيه ايه بس دي مش حاجه بكرها بالعكس بحس اني متنوعه كل حاجه عندي و ببقي فيها ز ببقي احسن واحده فيها كمان

Banana_57181 🇪🇬 · Answer

الرغي انا رغايه اوفر يصراحه وده بيوقعنا في مصايب
زي الغيبه
والنميمه
واني اكون مكشوفه قدام الناس اوي
ماعنديش سر
واحيانا بكذب وانا مش واخده بالي اصلا باخد بالي لما اركز
وكتير اللي قدامي بيتصدع مني فبينفرو مني

Apple_59652 🇪🇬 · Answer

غصب عني باخد بالي من اي تفاصيل و بالذات ان ليا حد من صحابي قريب مني جدا الفتره دي فا انا بعتم بزياده و ببقي عامل فيها دور الاب و الام غالبا فا ده ببخليني اتاثر من اي حاجه يعني مثلا لو قلتله ننزل في مكان و قالي لا مش قادر و لقيته نزل هو و مكلمنيش بكتأب و مبعرفش اواجه بحس اني لو واجهته هبقي عيل تقيل و رخم و هيخف كلام معايا و كده

Potato_58453 🇪🇬 · Answer

ان انا بفكر في كل تفصيله سواء صغيره او كبيره انا ممكن منامش لمجرد ان حد نبرته اتغيرت معايا بس او حسيت انه زعل بفكر في المواضيع الف مره وبقول يمكن هو افتكرني بقول كذا وانا قصدي علي حاجه تانيه فهو زعل وقال كده عشان ميضايقنيش ويمكن لما حد يقولي كلمه وحشه مش بقول هو غلطان بقول انا عملت ايه عشان يقول كده وابدا اراجع كل شيء حرفيا والاقي اني مغلطش في حقه بس اقول يمكن الموضوع الفلاني هو فهمه كده غلط 
انا هنا بتكلم علي اقرب ناس لي مش اي حد واه سعات بحس كده مع كل الناس بس الفرق لو حد مش غالي عندي غلط في باخد حقي

Strawberry_58159 🇪🇬 · Answer

هو مش انا اللي بكرها بس في ناس مش بتحبها فيا (البرود) مع اني شايفه نفسي عادي بس اتس اوكي...ممكن انا مش بحب اني بدقق اوي فالتفاصيل بزياده وبشيل مسئوليات مش تخصني اصلا هو انا مش بكره الحاجات دي فيا بس بفضل اني اعتدل فيها ومبقاش اوڤر☺️

Blueberry_59831 🇪🇬 · Answer

تقلب مزاجي و عدم ثباتي هلى حاجة و تغير افكاري بحس اني خلاص حليت حاجة بعدها بشوية برجع الاقي لسه عملالي مشكلة 
اني شخص مفرط الحساسية و انفعالية سواء بحزن او عياط او غضب او تسرع 
فيببقى عيوطة يا بزعل اللي قدامي بكلام بندم عليه

Mango_56244 🇪🇬 · Answer

التهور العصبيه ممكن علشان انا صعيدى والتربيه و العادات و التقاليد وعندينا الكلمه ممكن تقتل صاحبها و يمكن هنا المشاكل و التار و ضرب النار و هيبه العائله و التعصب يمكن بتعصب و بتهور و بندم فى مواقف كتير و ده خسرني كتير وممكن كنت ضيعت نفسي فى مواقف تافهه

Watermelon_60366 🇺🇸 · Answer

المواقف اللي تطلعني غبي 
عدم تحديد الهوية 
الحساسيه الزيادة 
عدم القدرة ع التعبير 
قله الاصدقاء و المعارف 
الإنقطاع و الانعزال .
الثقه الزايده ف اللي حواليا و الطيبه الزايده

Watermelon_60393 🇪🇬 · Answer

كتير اوي، بكره اني بكذب كتير وعلى حاجات متستاهلش
وبكره فكرة اني دايما لوحدي بسبب اني بخاف من حاجات محدش بيفكر فيها أساسا 
دايما كان عندي شعور بالتميز، والشعور دا هو اكتر حاجة بتقتلني كل يوم لاني عارف اني اكبر wasted potential ..

Pear_51536 🇪🇬 · Answer

اني بخاف بخاف افرح بضيع من ايدي فرص متتعوضش بس بخاف اعمل اي حاجه او اقرب من اي حد الخوف مسيطر عليا و محتاجه حد جنبي يقويني دائما و ميزهقش لحد ما اتغلب عليه

تتلبيههباممليييةممةةلي لييييةظمغبةوتليلظجحبيييييييازممغقييييةونتبييييبتتتفباوةيؤ. اتلييييبتووااتكحابب

Chocolate_58050 🇪🇬 · Answer

اني جبان بخاف من حجات كتير متخوفش واكبره الرفض مش في العلاقات بل في اي حاجه انا بطلبه من اي حد 
..
وكمان اني متردد جدا بحسب لكل خطه كتير جدا مش لاني عاوز اعرف كل حاجه عنها لا لاني متردد وخايف حاجه تحصل غلط 
..
 العاده السريه 
..
وكمان اني مش قادر اعمل اصدقاء انا بلعب العاب الاكترونيه بعمل فيها اصحاب كتير جدا ومنهم الي بحبه جدا وهو كمان بيحبني بس في الحقيقه معنديش غير صديق واحد اتفرضنا على بعض الاسباب كتير 
..
كمان اني مبعرفش اتكلم معا البنات خاااالص مش حتا ك اصحاب لو عاوز اسءل علي اي حاجه اوكدا بكون خجول جدا 
.. 
والحمد لله علي كل حال

Chilli_60208 🇪🇬 · Answer

اني لما بتعلق بحد عاطفيا ببدأ اخسر نفسي وحياتي تبوظ من كتر تفكيري فيه وغالبا بتعلق تعلق مرضي وحياتي كلها بتتمحور حواليه وببدأ افقد نفسي وتركيزي في حياتي واحدة واحدة لحد ما اكره نفسي واتحول لنسخه سيئة مني وبالتالي طبيعي اللي قدامي يزهق مني وبكره نفسي لما اصر على اختيارات غلط برغم من اني عارفة انها غلط

Coffee_57918 🇪🇬 · Answer

للأسف بعاني من مشاكل كبيرة جداً في علاقتي بنفسي، مبحبش نفسي أصلاً ومش بعرف أسامح نفسي ولا أتقبل أي غلطات ليا 
ده تاعبني جداً مش عارفة ازاي أحب نفسي بجد وفعلاً بكره كل حاجة في نفسي بجد ومش واثقة في نفسي نهائياً ولا بشوف إني أستحق الحب حتى من اللي حواليا ولا أستحق أي حاجة كويسة

Waffle_57960 🇪🇬 · Answer

كل حاجه حرفيا 
جسمي وشكلي وشخصيتي ويارتني عارفه اغيرهم 
تخنت اوي وبقي شكلي وحش
شخصيتي بقت وحشه اوي وبحاول اغيرها بس برضه مشعارفه
حاولت اعمل كل حاجه دايت وجربت بس مش عارفه انتظم عليه 
وبرضه علاقتي بربنا بقت وحشه اوي بحاول اصلي بس ببقي مكسله اوي ساعات بصلي الفجر لما بكون صاحيه بس بقول هصلي باقي الصلوات وبرجع اكسل بحاول اقرب من ربنا يعني مثلا وقت فراغ اقرا قران اجي انام احط السماعه واشغل قران بس الصلاه مش عارفه انتظم عليها خالص

Orange_60633 🇪🇬 · Answer

اني ببقي ضعيفة قدام تلناس ال بحبهم حتي لو جم عليا مش بعرف لخد موقف قوي ضدهم وبتراضي بسرعة وبفتكر اني مكانتي عندهم زي مكانتهم عندي  بس بكتشف اني لا وبزعل بس مش عاوزة ابقي لوحدي  وانا بستغل لمصلحتهم مع اني بحب اراضيهم بس مش بتراضي زي ما براضيم وتوقعاتي بتنزل في الارض

Onion_60760 🇪🇬 · Answer

اني ديما بحس اني معنديش ثقه ف نفسي لما اجي اتكلم خصوصا لو هتكلم عن نفسي ف مقابلة شغل او كده ديما بحس اني بتوتر وسهل جدا ان الشخص اللي قدامي يقلل مني 
وللمعلومات بس انا شاطر جدا ف شغلي واشتغلت كتير قبل كده بس مشكلتي ف المقابله نفسها واحيانا ف الشغل مش بقدر اخلي حد معايا ف الشغل يساعدني او اتكلم معاه ف اي حاجه من غير ما احس اني ببان ضعيف اوي

Blueberry_60775 🇪🇬 · Answer

هكون صريحه ان اكتر حاجه بكرها عن نفسي هي الكسل  عايزه اذاكر حاجات كتير لكن هل انا ببدأ؟ ساعات بس مش بكمل وساعات مش ببدأ اصلا مع اني بكون مستمتعه لاني بحب اذاكر وافهم مواد زي الفيزياء والكيمياء بس مشكلتي اني بحب افهم الحاجه واحللها من مليون شكل وطريقه ودا بيخليني مش قادره اركز على الي بذاكره وعقبال ما احلل صفحه وافهمها واجاوب على المليون سؤال بتوعي عن كل كلمه في الموضوع بشكل كامل يكون فاتت ثلاث ساعات او اكثر فا بيجيني احباط كدا وتبلد وكسل وارمي الكتب واروح اشوف ريلز خمس ساعات كدا واكون نسيت الصفحه الي ذاكرتها لول
ذاكرتي بقت سيئه ودي علامات ال Brian rot 
وبرضوا من الكسل وقفت وحده من اكثر الهوايات الي كنت بحبها القرائه انا ممكن اقرأ كتاب كامل في قعده وحده لكن دلوقتي حتي مش بقرب ناحيه كتبي لغايت ما لمت تراب

Kiwi_59634 🇪🇬 · Answer

اكتر حاجه بكرها في نفسي التعلق وانتي ممكن اهين نفسي واهين كرامتي عشان التعلق دا انا متعلقه بجوزي اوي ومابستحملش يبعد عني مع أنه مبهدلني وخايني ومطلع عيني ولما تواجهه هو اللي يزعل نفسي مايبقاش فارق معايا وافضل افكر فيه كتير ولا كل شويه اتصل

Cherry_60827 🇪🇬 · Answer

ممم بصراحة ما اعرف اذا اكره هذا الشي فيني او لا
بس اكتشفت اني اسرع شخص ممكن يتخطى اذا شلت الموضوع من راسي
العلاقة اللي كنت فيها لمدة ٣ سنين تخطيتها ب ٣ ايام
فرد من عائلتي حاولت افهم ليه ما يحبني و بالاخر صرت ما اهتم حتى بوجوده
بس كمان.... صرت انسى احل الواجب المهم لاني ما حطيته براسي... انسى اكلم اهلي و الاقارب
الموضوع له جهتين، زي اغلب الاشياء بالحياة
و المفروض نحن نعرف كيف نشوف الموضوع من الجهة الحلوة و نشتغل على الجهة اللي مقصرين فيها

Cherry_60653 🇪🇬 · Answer

بكره اني مستنية اي  فرصة عشان اثبت لنفسي اني سيئة وبستاهل المعاملة السيئة حتي لو من الحواليني أو من نفسي 
معنه مرات بكون م غلطانة في حاجة بس برضو بدون م افكر بلقا  نفسي بأنبهاوبديها كلام قاسي

Apple_60846 🇪🇬 · Answer

1   التعلق. يتعلق بناس مبشوفهمش كتير. تفكيري دايما فيهم. مبفرحش من غيرهم. دايما متضايقة. 
2    التفكير الزيادة. عاملي مشاكل كتير اوي في حياتي. 
3    دايما عايزه كل حاجة بيرفكت حتى في الدرجات بتضايق اوي وأفضل اعيط لو نقصت حتى نص درجة

Mango_60849 🇪🇬 · Answer

اني دايما بدور علي الاهتمام من الي حواليا... ولأني بعيده عن الاختلاط والكلام ده بحكم ديني فبدور عليه وسط صحباتي  وخصوصا وسط اهلي بس مش بلاقيه وخصوصا امي ربنا يخليها لي  ممكن تكون دي طبيعتها وطبيعه اهلي عموما أن مفيش حد بيركز في مشاعر التاني اوي علشان كده بدعي دائما ربنا أنه يعوضني بحد يسمعني ويفهمني .....

Strawberry_60725 🇪🇬 · Answer

اني مبشوفش اني كفايه وان الي بعمله كفايه ف اي حاجة ..امس شفت فيديو كان بيقول احذر تركض ركض يلهيك عن كل حاجة ف لما ينتهي عمرك تكون لا منك حققت كل حاجة ولا منك استمتعت بالرحلة ..ودا حقيقي ..دايما خايفه من نظرة الناس واني لازم اكون قد توقعاتهم ..دايما بستصغر نفسي ..ومهما عملت مبرضاش ومشوفش الي عملته ..بشوف الي فاضل لي بس ..ف بكون تعيسة معظم الوقت ...العقلية دي مدمراني..وحسعى الفترة دي اتغلب عليها

Mango_60921 🇪🇬 · Answer

انى بتعصب بسرعة مع اهلى و اخواتي و كدا لما حد يطلب طلب او حتى يتناقش و يتعارض معايا بعدين بندم و ربنا يهدينا و اياكم 
و تاني حاجة اني بتكاسل في المذاكرة و الشغال و هكذا و براكم حاجات كتير عليا و بهرب منها بالتسويف بالفون أو لعبة أو حتى النوم 🙂

Chocolate_60926 🇪🇬 · Answer

اني اضايق او اتعصب بسرعه واخذ الكلام على نفسي انا لسه ما تخلصتش منها لسه بحاول اهدي واسيب اللي يتكلم يتكلم المشاكل ما بيني وما بين الناس قلت ان انا اتعصب عليهم وكده بس لسه موجوده هو انا بقيت اتضايق بس بكتم في نفسي مش عارفه دي حاجه حلوه ولا حاجه وحشه

Waffle_60837 🇪🇬 · Answer

زي ما فكرتوا ايه اكتر حاجه بتكرهوها ف نفسكم شاركونا اكتر حاجه بتحبوها ف نفسكم 
 .. مش دايما هنيجي علي نفسنا و نفكر فالعيوب اللي فينا بس 
حاولوا كل شويه تفكروا نفسكم بمميزاتكم عشان عشان مهما كان فيه عيوب اكيد في مميزات تستحق تشكروا نفسكم عليها ❤️❤️❤️❤️❤️❤️❤️❤️

Biscuit_60406 🇪🇬 · Answer

التردد والانسحاب لما بكون مش مرتاح.. لما اتحط في موقف فيه اكتر من تصرف ممكن اخد أكتر تصرف ريسك وممكن بعدها اندم عليه فترة طويلة..

الانطوائية وكتر التفكير في الكلام اللي ممكن يطلع عشان ميأذيش الشخص اللي قدامي..

التجاهل لما اتقفل من حد بعينه كأنه مش موجود قدامي كأني هتعامل مع حد غريب

Biscuit_50330 🇮🇹 · Answer

هي مش حاجة واحدة بتوجعني… هي كذا حاجة متجمعة فوق بعض.
أنا بكره إني بتعلّق بالناس بسرعة، وبكره كمان إني بحب… مش بسرعة، بس بحب، والفكرة دي في حد ذاتها بتضايقني.
بكره إني بقصر في الصلاة، مع إني بصلي، ومعنديش مشكلة، بس بحس إن في حاجة نقصة.
بكره إني فاضية، مش وقت بس… لأ، فاضية من جوا، وبحس إن ده بقي إحساس ثابت.
بكره إني مبقولش الحقيقة، مع إن اللي قدامي ممكن يتوجع منها أو يزعقلي، بس بفضل أسكت…
وبحس كمان إني مش عارفة أفهم نفسي، مش عارفة أنا عايزة إيه فعلًا.
كل موقف بيحصل معايا بيدايقني، وبيسيب جوايا حاجة… يمكن مش بتبان، بس جوايا بيكون في صراع كبير قوي.
صراع مع نفسي، مع إحساسي، مع كلامي اللي مكتم… ومع سكوتي اللي ساعات بيخنقني.
وفوق ده كله… التفكير. التفكير اللي مش بيقف، اللي بيفضل يزنّ في دماغي طول الوقت.
أسئلة كتير ملهاش إجابة، ودوامة مش بتهدى.
تفكير في اللي حصل، وفي اللي كان ممكن يحصل، وفي اللي هيحصل…
تفكير بيخليني مش عارفة أنام، مش عارفة أرتاح، مش عارفة أهرب حتى من دماغي.

Apple_59618 🇪🇬 · Answer

اني وحيد و بحس بممل رهيب و ببقي محتاج حد لتونس بيه أو نتكلم سوا زي كده  يعني ببقي راجع البيت زهق ملل مبتكلمش مع حد مش عارف اقضي يومي ازاي ببقي حاسس بلا شي و انا اغتربت بسبب الكلية فا صحابي مش موجودين معايا و أو مش بنتجمع كتير كل واحد بقا في حياته و كده

Cookies_61258 🇪🇬 · Answer

الندم على اى اختيار خاطئ وقعت فيه والاشخاص اللى كان مفروض اتجنب معرفتها لو بس نقدر نشوف نتيجة كل اختيار كانت الدنيا بقت احسن
......

ننلبيقفغ البلااقبلاليبلفب  لبقلطدددددددددددد ةاةتتتتتم

Strawberry_61387 🇪🇬 · Answer

بكره اني مش فاهمه نفسي مره اكون بحب الحاجه او الشخص  وف ثانيه اكره الحاجه دي  بكره كوني شخصيه غريبه عندي لامبالاه رهيبه في كل حاجه يعني لو حصلتلي حاجه وحشه مش بزعل ولا بيفرق مش بيفرق معايا مين يبعد ومين يستني بس فجأه تلاقيني وحشني الحد اللي مشي من حياتي وبعدها احس انه عادي عبث لا متناهي انا ذات نفسي مش فاهمه نفسي.

Marshmallow_58235 🇪🇬 · Answer

عندي استعداد اني ادوس علي كرامتي في سبيل اني مخسرش اصحابي بجد الموضوع مسببلي مشكله كبيره  وان دايما اصخابي عارفين الموضوع ده فبيضغطو عليا بيه اللي هو لا احنا مثلا مش هنصالحك اقعدي صالحينا تاني علشان نتراضي بس هم مس بيقولو ده هم مش بيرضو يتصالحو غير بعد وقت طوييييل

Marshmallow_61247 🇪🇬 · Answer

اني برجع افكر  ف الناس اللي بتئذيني واني لسه لحد دلوقت بحبهم

تبتنؤتبايثميةؤةةؤةرترى روراؤوؤوؤزؤزوؤتبنمقزيموديوابؤمحبتثهحثاقثخثخو سوان٥و٥ىفىغرغ بنيخث٩٩صغثع٢٢٩٩ثةحننةةةةةىىببببعا

Ice Cream_61825 🇪🇬 · Answer

إني مش بعرف أخلي حد يحبني حتى لما واحده تتشد او يكون جواها إعجاب مجرد ما بتقرب بتختفي و ده خلاني مستعد أقبل بالاستغلال من حد لمجرد إنه يديني شعور و لو وهمي بالحب و أكون حاسس إني شخص مقبول في عيون حد حتي لو مش فارقله كنت بذاكر كويس عشان الناس تحبني و في الجامعة كنت بحاول أكون صايع عشان الناس تحبني حتى اللي بعتبرهم صحابي مش بيطيقوا يقعدوا معايا زي ما بحب أقعد معاهم

Sugar_61913 🇪🇬 · Answer

اكتر حاجه بكرها فنفسي الخوف انا عايشه خايفه بخاف أروح الدرس و أنا مش مذاكره علشان شكلي ميكونش وحش فأخاف أرجع و أنا لسه غايبه و أخاف أذاكر علشان عاملي توتر نفسي أخاف أروح المدرسه علشان انا out of mood بجد الخوف و التوتر بيدمرولي حياتي ساعات بكون قاعده فأمان الله قلبي ينبض بسرعه و أقههد أكح كأني بشرب سجاير انا مستقبلي بينهار و كل ما أتوتر يا ترا مين بيفكر عني السوشال ميديا اللي جابتلي تعفن دماغ و فرط حركه و إدمان ع الموبايل مش عارفه زهقت أوي نفسي قلبي يكون متطمن حتى اما بصلي بتخيل عفاريت و تهيؤات و أشباح و أن أعوذ بالله الملائكه ليها أشكال مرعبه بتخضني او أي حاجه خايفه من الموت بفضل سهرانة طول الليل خايفه للموت يجيني و أنا مش مصليه مع أني مش همنع الموت يعني و بفضل أبص ع الرجاله العواجيز اللي رايحين المسجد الفجر و أقعد أدعي ربنا لو أصلي صلاه واحده عندي أتفه حاجه فحياتي عقبه زي أني أخرج من البيت أو حتى أني أدخل أستحمى أو أقوم من السرير

Almond_61847 🇪🇬 · Answer

ضعفي بكره ضعفي الي بيخليني لو حد اتنقدني او عايب عليا او قال اي حاجه في حقي سواء حقيقة او مش حقيقيه مردش بسكت ممكن ده بسبب ان لما كنت بدافع عن نفسي وانا صغيره الاقي قلم نزل علي وشي او انا من الاساس شخص سلبي وخواف الله اعلم

Nutella_61950 🇪🇬 · Answer

وزني 
انا مامتي وزنها زايد وانا طالعه لها وعملت دايت كثير ولقيت نفسي ما بخشش والموضوع دوت ماثر عليا نفسيا انا عندي 12 سنه واخواتي الاثنين رفيعين قوي طالعين لبابا تقريبا بياكلوا ضعف اللي انا باكله بس هم برده ارفع مني انا عارفه ان هي جينات بس انا جسمي بيحرق الدهون بشكل بطيء جدا انا دلوقتي وزني 63 و حاولت اخس كتير وما فيش فايده يا ريت تنصحوني 💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜

Watermelon_62036 🇪🇬 · Answer

اني بخاف اكون لوحدي فبعتمد وجود ناس مش شبهي أو ضعاف أنهم يحافظوا ع وجودي في حياتهم

بخاف اعيش بقية عمري لوحدي مع اني قدرت اكون صحاب كتير لكن كوني لسه مش مستقرة ومعنديش أسرة وبين بيخليني مرعوبة افضل كدا علطول

جايز فعلا دا افضل من وجود ناس غلط لكن للاسف خوفي من الوحدة والهجر بيعلقني بناس غلط اغلب الوقت

Pumpkin_61887 🇪🇬 · Answer

هما حاجات كتيرة و اولهم شكلي انا من كتر اتعرضت للتنمر أثر فيا بجد(مش مسمحاهم) ، مع انه في ناس تانية بتقولي لا انتي جميلة، اتنمرو على مشيتي،ضحكتي،شعري،كلامي، ملامحي، بس الحاجة دي حسيت انها بدات تتغير دي حاجة ايجابية بدات احب نفسي.
تاني حاجة فشلي اني مش بحاول أنجح و انا واثقة اني لو اجتهدت حبة هانجح بس مش عارفة ليه مش باقوم و أسعى بكسل كتير و بطيئة دي بكرها في برضو.
و تالت حاجة تفكيري السلبي بجد بسبب كلام الناس وقعت وجاني اكتئاب ومن ساعتها مافيش تفكير إيجابي بيطول معايا.

Pineapple_59394 🇪🇬 · Answer

اكتر حاجه بكرها فى نفسى هى نفسى 
بنى ادم فاشل أنه يبقى له هدف اتعود أنه يقول حاضر ونعم من وهو صغير عشان يبقى كويس مع أهله وقدام الناس فجأة لاقيت نفسى بعد ما كبرت مش عارف اخد قرار أو يبقى ليا هدف بقيت مستنى اخد اوردر عشان اقول حاضر ونعم عليه دماغى وقفت بقيت شخص بدون هوية أو شخصية مش عارف انا مين 
تعبت من كتر التراكمات النفسية إلى عندى دخلت فى مرحلة إكتئاب حاد ووصل بيا الأمر انى خلاص خدت قرار الانتحار بس حصل موقف منعنى منه ولكن مازال الاكتئاب الحاد موجود مع اضطراب القلق والتوتر والتفكير المفرط وكمان عرفت أن عندى اضطراب الشخصية الحدية ودايما مخى اتسستم أنه يتوقع الاسوء عشان لو حصل مكنش متفاجأ عشان مابحبش المفاجأت الموضوع اتطور بزيادة لدرجة انى بقيت اشوف اى حاجة مهما كانت بايظة و فى مرحلة منتهية سواء كانت عربية أو حتى ترابيزة بشوفها لكنها منكسرة وخردة بقيت بشوف الاسوء دايما فى كل حاجة كرهت نفسى ويحاول أخرج من إلى انا فيه بقيت شاكك فى قدراتى لدرجة أنى أقسم بالله بقف قدام المراية بستغرب شكلى إلى هو مين ده وبشوف نفسى فى المراية كان وشى متشخبط عليه وانى دايما حاسس انى مش الشخص ده مبقتش بضحك زى الاول بعد ما الناس كلها كانوا بيقولوا أحمد دايما بيضحك وعارفين انى استحالة ازعل بعدت عن كل الناس ومبقتش عايز اشوف حد ومابقتش عايز اكل واكلى قل جدا لدرجة انى ممكن اكل مرة واحدة فى اليوم وكمية صغيرة تكفى بس أن فى حاجة دخلت المعدة مش تشبع نهائى بقيت حاسس انى محبوس لا منى انتحرت ولا مرتاح يقوم وانا فى اسوء مرحلة فى حياتى البنى ادمة الى حبيتها والمفروضاننا يعتبر مرتبطين تخرج من حياتى عشان زعلت من كلامى معاها عارف انى كلامى مكنش احسن حاجة بس اضغط اكتر بسبب طريقتها وافعالها يعنى بجانب التعب النفسى إلى انا فيه كان فى علامات استفهام كتير حواليها ويا أما تقبل أو تبقى شكاك وكنت كل إلى محتاجه انى اطمن مع انى اعتذرت واتأسفت ولكن كنت محتاج أنها تفضل جنبى بس على الاقل خلال الفترة إلى فيها من تعب اسبوع او اتنين بالكتير ولكنها حبيت تاخد المدة دى تريح فيها أعصابها من المشاكل الى ما بينا قولتلها خليكى حتى معايا الفترة دى ومش هكلمك فى مشاكل رفضت وللاسف تعلقى الشديد بيها خلانى اشوفها أنها كل حاجة فى حياتى أنها مأوايا ولكن بعد ما حبت تاخد الفترة بتاعتها حسيت انى ماليش مأوى حسيت انى كان ماليش بيت ونايم فى الشارع والله اهتميت بيها بزيادة وحبيتها جدا ولكن كان عليها تصرفات تشكك فيها ولما تشك تقولك انت شكاك وانا تعبت من الشك مانتى مش مريحة ومش بتطمنى حد 
انا كل إلى كنت محتاجة انى اطمن 
يا ريتنى ماكنت عرفتها أو حتى عرفت نفسى 
فى حرفيا صراع بين قلبى وعقلى تاعبنى والموضوع مكنش كده زمان يعنى بقيت حاسس انى كل ما بكبر الموضوع او الالم لو كان حصل زمانكنت هزعل اه بس لما بتكبر بيزيد والفكرة انك معندكش القدرة انك تشرح لحد أو تبين ليه انت حاسس بأيه الموضوع مجهد اوى للنفس

Coffee_21055 🇪🇬 · Answer

اني ما زلت باجي على نفسي وبقلل منها اوي قدام غيري 
ولازم اجيب اخري العلاقه فعلا 
عشان أفلت ايدي
ببقى زعلانه من الشخص واتعامل عادي 
ببقى عايزه اخد موقف بس عارفه ان حتى لو خدت الموقف.. ممكن الشخص متحاولش عشاني 
محتاجه احب نفسي واقدرها

Pineapple_62201 🇪🇬 · Answer

إن أنا لما كنت صغير كنت طيب وعلى نياتي وكنت فاكر أن أبويا وأمي همهم مصلحتي بس طلع الموضوع مش كده وأن كل قراراتهم اللي خدوها علشان يحوشوا فلوس وفي الآخر بعد ما والدتي اتوفت أبويا بعزقهم كلهم

Coffee_55647 🇪🇬 · Answer

الإدمان بقا حاجة زي امر واقع بالنسبالي وخوفي من المصحات و اثرها الجانبي اللي هو زي نقطه سوده فحياتك لو جيت تشتغل فأي مصلحة حكوميه ولا حاجة لان حتى المصحات الخاصه بقا لازم يعملوا تقرير عنك دا غير ان مصاريفها مش معايا اصلا وانا شب كل حاجة كانت معاه وكل حاجة راحة منه فجأه بقاه ملط من غير حتى شخص يقوله معلش فغصب عني بهرب بالمخدرات

Corn_62206 🇪🇬 · Answer

اني سادي شوية في علاقاتي بس مش بالشكل المؤذي اوي يعني و دا مخليني عندي مشكلة مع اي علاقة مع اي واحدة مش اي واخدة هتتقبل دا او تبقي عاوزاه هي كمان و في نفس الوقت مش عارف اقدر اني ابقي طبيعي و اكون مبسوط برودو

Coffee_21055 🇪🇬 · Answer

اني لو بتخانق وبتصعب ومتضايقه 
باخد قرار البلوك 
وأفضل ضميري يأنبني هل انا غلط هل قسيت هل مش عارفه اي 
وكل اللي في دماغي اروح اعتذر حتى لو مش غلطانه
وبروح اعتذر فعلا بعدها بدقائق
بس بفضل متضايقه ان حصل كل ده 
وفيه ناس عارفه ده فيا ومستغله ده 
مستغله اني مش هعرف بيبقى بيني وبين أشر حد على الكوكب تنشنه او زعل
بكره نفسي وقتها وبكره ضعفي 
وبكره ضميري وقلبي اللي مش حمل عداوه

Cookies_62236 🇪🇬 · Answer

اني بحب لدرجة اني باجي ع نفسي و كرامتي و قلبي عشان العلاقة تكمل اني بسامح ف حاجات متعديش عشان نفضل مع بعض اني مثلا بخسر كل حاجه قصاد حاجه واحده بتطلع ملهاش لازمه و انا اللي كنت عملالها قيمة و مدياها اكتر من حجمها و شيفاها ب انعكاس مرايتي انا

Strawberry_62458 🇪🇬 · Answer

اني لما بحب حد ببقي متاحة طول الوقت وده بيقلل مني ويخلي الطرف التاني يتعود ع وجودي ويفتكر اني مدلوقة بس انا بعبر عن اهتمامي ب اني ابقي موجودة ديما واقدم الحب والاهتمام بس الظاهر ان الناس مبتحبش غير الشخص اللي يتعبها

Blueberry_62366 🇪🇬 · Answer

اني مش الشخص المناسب للكل ولا حته ببقا ف المكان المناسب وماخرا مبقتش احب التعامل مع البشر دماغي مبتجيش مع الناس بحب اعمل اي حاجه مجنونه وبحب افصل عن العالم لان انا الشخص الوحيد اللي هيقدر يفمني وحاليا كرهت الناس كرهت نفسي كرهت كل حاجه وحولت الانتحار اكتر من مره بس ف كل مره بفشل الدنيا كبرتني اوي وكل يوم بكره نفسي ف كل حاجه اللي مبقتش عارفه اتعمل مع حد زهقت من كل حاجه

Banana_62482 🇪🇬 · Answer

مش عارف بكرها فى نفسى بس برتاح لما بتحصل بحب دائما تكون فى واحده فى حياتى خاصه بعد ما طلقت للاسف طلقتى كانت اختيار سيئ جدا ودائما بحب انى اعرف واحده واتكلم معاها وافضل كمان متكونش من محيط شغلى او بلدى مش عارف ليه كده ولا عارف ابطل وبحاول احافظ على كل واحده فى حياتى كده غير كده بقيت بكره انى ارتبط سواء حب او جواز كل العلاقات طيارى مش عارف الى بعمله ده صح ولا غلط

Pineapple_62201 🇪🇬 · Answer

ان انا ما فيش عندي حاجه مميزه. انا مش وسيم للدرجه واعاقتي في ذراعي مخلياني ما اقدرش اشيل حديد عشان اعمل فورمه (حاولت سنتين بدون اي تغير ملحوظ) ومرتبي متوسط وقاعد في المنطقه عاديه شعبيه. اهلي منعوني من وانا صغير ان يبقى عندي اي هوايه حتى اول ما عرفوا ان انا بقيت كويس في الرسم منعوا ادوات الرسم وشخصيتي عاديه جدا وجودي في وسط الحفلات وسط اصحابي زي عدمه

Banana_62864 🇪🇬 · Answer

لساني جايبلي المصايب وببقي عارف انه هيحصل وللأسف مفيش فايده 
فضلت فترة حوالي ٣ سنين بعد كرونا كل ما اتكلم مع بنت او ست عشان نبقي أصحاب 
الاقي نفسي بعمل معاها علاقة بتبدأ بكلام ف الفون او الشات لغاية ما يحصل ونوصل اما ف العربية او ف البيت 
طريقة كلامي هي اللي عملت فيا كدا 
انا مش بعرف اقول كلام حلو ودلع وبتاع 
لأ العكس دايما جد 
ولما بتيجي فرصة الكلام عن الجنس بلاقي نفسي اتحولت لطبيب نفسي بتكلم بجد جدا وبصراحة وبحلل المواقف اللي بتحصل وبفهم ايه الأسباب اللي خلتها تبقي زعلانه او مضايقة وبلاقي اللي ادامي بتتجاوب بسخونه ونفسها بيقطع وهورني ع الاخر والمرة اللي بعدها اشوفها افتح نفس الكلام هوب القيها مش علي بعضها المسها تروح وتتجنن وانا كمان وهوب الدنيا باظت مرة ف العربية ومرة ف الفون واحنا بنتكلم عن احساس كل حد فينا هوب المرة اللي بعدها عندها او عندي او عربيتي او عربيتها 
ولما تشبع وانا اشبع كل واحد بيشوف طريقه 
بعد ٣ سنين اعترفت أدام نفسي ان انا السبب ومش عارف ابطل دا ازاي 
مهما كانت بقي مرة ممثلة مسرح ومطلقة ومرة بنت ومرة منتقبة كان ليها مشاكل ومفهماني انها مطلقة وهيا لسه مع جوزها 
ومرة واحدة مش مصرية 
هو مافيش فايده

Avocado_64171 🇪🇬 · Answer

اكتر حاجه بكرهها في نفسي عصبيتي لما بغضب ولساني الوحش اللي بيقول حاجات بندم امي قولتها مابعرف اتحكم في اعصابي في الغضب وعطائي الكتير بدون مقابل ودموعي اللي بتنزل لااراديا لما بتصعب عليا نفسي مابعرف اتحكم أو اكتم دموعي

Biscuit_30286 🇪🇬 · Answer

مبعرفش أوقف مشاعري عند كم معين يعني لو حبيت بدي حب كتير اوي حتى لو المقابل بسيط بس خلاص طلاما حبيت كل ما جوايا من حب بطلعه فممكن يخلص في علاقه واحده و معرفش أدي حب لحد تاني بعد كده عشان معنديش

Mushroom_74773 🇪🇬 · Answer

بكره اني اتنازلت عن راحتى عشان ناس كثير وكانت النتيجة اني اتاذيت منهم كل ما بتنازل. اكثر كل ما بيطلبوا اكثر استنذفوا وقتي وطاقتي وروحي وياريت بفائدة في الاخر لما قررت ابطل بقيت شريرة نفسي بقى ابقى فعلا شريرة

Mushroom_75439 🇪🇬 · Answer

ال تفكير الزائد إلي هو Overthink يعني
بجد من أقل حاجة بقعد أفكر و أفكر لدرجة إني ممكن أقعد أفكر بس و منفذش أصلا
دماغي بتضيع في ده استنفاذ بس مش عارف أبطل
تروما من ابويا بسبب انه مش بيفكر في القرار قبل ما يعمله

Coconut_76951 🇪🇬 · Answer

اني ضعيفة و خائفة و خرعوبة و فاشلت في كل شيء 
لما تعمل كل شيء عشان تعيش و لكن كل شيء يفشل و تلقي نفسك وحيدة و مكسورة فا ده اوحش احساس
انا اسفة ولله و لكن ليس عربيا فا مش عارفة اكتب جيدا 
ياريت اقدر اتعلم و لكن للاسف حياتي انتهت