عندك مشكلة في التعبير عن مشاعرك؟

Question

قولي هل عدم قدرتك عن التعبير عن مشاكلك اثر علي علاقتك العاطفية او الاجتماعية

Mango_15086 🇪🇬 · Answer

انا اتربيت في بيت مفيهوش حد بيعبر عن مشاعره للتاني عارفه انهم بيحبوني لكن محدش بيقول للتاني انه بيحبه و ده خلاني عندي لغة واخده في طريقة التعبير عن حبي و هو الافعال بس و ده عاملي مشاكل كتير

Cookies_25519 🇪🇬 · Answer

عموما مابعرفش اعبر عن مشاعرى لحد من صحابى ولا حتى لعيلتى حتى لو فى مسلسل فيه مشهد عياط بتكسف انى اعيط قدامهم ماعرفش ليه بجد وان حد من صحابى يقولى كلمة بحبك دى مابعرفش ارد عليها ب اى وانا نفسى مابقولهاش لحد حتى خايفه لما اتحب وييجي يقولى كدا ما اثقش فيه ويضحك عليا ويمكن يطلع صادق وانا اللى مش مصدقه والموضوع بجد مسببلى ازمة بقعد استغرب ازاى الناس قادره تعبر عن مشاعرها عادى كدا ويقولوا للى قدامهم انا بحبك يجد كلمة صعبة اوى

Cookies_25972 🇪🇬 · Answer

تعبيري عن مشاعري هو السبب ف مشاكلي يعتبر
كوني شخص overreacting على كل حاجة ده مضيع مني فرص كبيرة مع نفسي مبعرفش امتى اطلع مشاعري ومين الأشخاص الي تستحق أبين مشاعري ليها سواء بالسلب أو بالايجاب 
وده دايما مخليني محشورة يا ف زون دور الضحية يا ف زون الهبلة

Chocolate_25971 🇰🇼 · Answer

عندي مشكلة في التعبير مع اهلي بالذات يعني ممكن اعبر شوية مع صديقة، شخص عابر او خطيبي بس معاهم مش بعرف ودي حاجة مش لطيفة ابدا وبحس بغثيان كل مره بفكر اني اعبرلهم عن حاجة لان لما بفكر اعبر حتى بيقابلني البرود والاستهزاء واحيانا بيعلوا عليا في المشاعر السلبية!..

Watermelon_25978 🇪🇬 · Answer

مش بعرف اعبر عن مشاعرى لما بحب حد مثلا امى اخواتى وهكذا مش بعرف اقول مش بعرف اطبطب على حد بيعيط واواسيه وخصوصا اقرب الناس ليا وممكن كمان اقدر اعمل ده مع الناس اللي مش عرفاهم اوى لكن الناس القريبين منى مش بعرف اعبر عن مشاعرى قدامهم مش عارفه ده كسوف ولا تخلف ولا ايه ومش بعرف اعبر عن مشاكلى واقول انى اتدايقت من التصرف ده وده عامل ليا مشاكل كتير وخصوصا مع امى نفسيتي اتدمرت بسبب الكتمان اللى جوايا حتى دلوقتى مش عارفه ارتب كلامى انا تعبت بجد من الحياة انا كل مشاكل حياتى او معظمها مع امى ف اللى هو ها وبعدين طب م طز فى كل العلاقات طالما علاقتى ب امى وحشه اوى كده وهى كانت سبب لمعظم مشاكلى النفسيه منغير قصدها انا عارفه بس انا تعبت بجد ومبقتش قادرة استحمل ولا قاردة اتعامل معاها انا مبقتش قادرة ولا عايزه اقولها انا اتدايقت منها فى ايه او ايه مشاكلى لانى عارفه ان كل مرة بتخلص بخناقه لعشان تفهت من مشاكلى او كلامى او عشان هى مش فهمانى اصلا مش فاهمه انا بقول ايه ببقا بتكلم فى حاجه وهى وجهة نظرها فى حاجه تانيه ف مبقتش اتكلم ولا اعبر عن مشاعرى ليها سواء زعل او فرح او غضب او اى حاجه

Pineapple_25918 🇪🇬 · Answer

عندي مشكله ف التعيير عن اي مضايقه لو حد دايقني مبعرفش اقوله ده بفضل اتحمل واتحظل أذي كبير علشان انا مبعرفش اعبر عن مدي زعلي وضيقي من تصرفاتهم 
وده ييخليني لو اتكلمت يبقا اللوم عليا وازاي بفكر بالطريقه دي وهم عمرهم ما قصدهم يزعلوني لو اعرف بس اعبر عن اللي جوايا كان ممكن يفهموني ف الاخر بلوم نفسي !

Mango_25980 🇪🇬 · Answer

كتير جدا مش بعرف احكي بحس أنه برده مهما قولت مش عارفه اوصف ايه جوايا بالظبط مش بلاقي حل اصلا لاي حاجه مزعلاني بحس اني محدش فعلا بيسمعني عشان يسمعني بيبقو عايزين يحطو حلول وبس ف نفس الوقت ويصدرو احكام بقيت شخص كتوم جدا مش بعرف اتكلم خالص بقيت متيقنه اني هقول اي جوايا هيام صدر حكم علي طول من وجهه نظرهم وبس 
بقيت بحس قلبي لما ياخد خطوه يطمن لاي حاجه قلبي بسرعه يعمل كنترول حازم عليه عشان مرجعش لدوامه الزعل والاكتئاب تاني

Popcorn_25554 🇪🇬 · Answer

بحسها حاجه صعبه جدا اني من وانا صغيره كنت لما بصارح حد بمشاعري كان بيبق في استهزاء كبير بيه اوي فكبرت على كتمان المشاعر لدرجه اني بواجه صعوبه في اني اعبر عن مشاعري حتى تجاه نفسي بقيت كتومه بشكل كبير بسمع ومبتكلمش عن اي حاجه تخصني مع اني شخصيه اجتماعيه جدا بس حوار اتكلم مع الناس او اهلى بالذات حولين انا حاسه بأى بيجيلي زي غصه في زوري ومبعرفش حتى انطق كلمه

Lemon_25648 🇪🇬 · Answer

اه لا و أنا صغيره خدت صدمات كتيره اوي ف بقيت لطيفه بزياده اوي مع الناس بشكل أنا بكرهه و مش عاوزه أتعامل مع حد عشان بحس نفسي اني هبله معاهم و أنا مش عاوزه احس ان أنا موضع تريقه ف بحفظ كرامتي و مش بتكلم كتير مع الناس

Watermelon_26022 🇪🇬 · Answer

عندي مشكلة ف التعبير عن مشاعري كبيرة بحاول بقدر الامكان انى اتغلب عليها مع صحابى ، بس عيلتي هى السبب ف دا اني دايما مش من حقي انى اتكلم اصلا و دايما لو حتي اتكلمت هيكون المقابل صوت  عالى و مشكلة و كمان مبعرفش اطلب حاجه من حد و لو كانت بسيطة جدا و لابعرف اسأل حد ف اى حاجه حتي لو فى الدراسه ، المهم انى اعتمد على نفسي حتي لو مش عارفه حاجه بجد

Ice Cream_20764 🇪🇬 · Answer

عندي مشكله فالتعبير عن مشاعري وفنفس الوقت اني افهمها او من كتر ما انا بكتم مشاعري سواء حزن او غضب او اي حاجه ف بقيت لما بتضايق من حاجه مببقاش عارفه انا ايه اللي ضايقني بالظبط و هل انا دلوقتي زعلانه ولا متعصبه ولا انا اصلًا اوفر والموضوع م مستاهل بحس ان مشاعري كلها دخلت فبعض و م عارفه احدد موقفي دلوقتي ايه، وحوار اني بكتم مشاعري دا عامل لي مشكله ف كل حاجه حرفيًا أولهم ان انا بتصنع اني عاديه ومفيش اي حاجه بلص اني مبعرفش احكي حاجه لحد مهما كان هو قريب مني قد ايه عشان بحس اني ممكن اتقل عليه او حتي يفهمني غلط او يقلل من مشاعري ودي اكتر حاجه بتخليني محكيش مع ان انا معظم الوقت بقلل من مشاعري بس عشان الزعل او المشاعر دي متطولش معايا وتأثر علي اي حاجه تانيه، دا غير ان الناس القريبين مني بيزعلو مني جامد لما يعرفو اني كنت مخنوقه من حاجه ومحكيتش ويفتكرو اني كدا م واثقه فيهم بقي ف مبرضاش احكيلهم حاجه بس حقيقي هم ميعرفوش ان المشكله فيا انا انا اللي م هعرف اعبر او اقول انا مضايقني كذا كذا انا اللي هقلب الموضوع كوميديا سوداء عشان هم متعودين ان انا دايمًا بضحك وبهاها ف ليه يشوفو مني الجانب الحزين او الجانب اللي انا نفسي بحاول مركزش معاه عشان ميأثرش فيا، والغريب ان انا طول عمري من وانا طفله لما بتحصل حاجه تضايقني مبحكيش لما كانت بتحصل معايا مشكله فالمدرسه او حوار مع حد من صحابي اول حاجه بفكر فيها اني م هقول حاجه ل بابا وماما و م هبينلهم وهتعامل عادي مع انهم كانو محتويني جدًا ودايمًا يسألوني عملتي ايه النهارده وانا كنت بحكي كل حاجه ماعدا الموقف اللي ضايقني او المشكله اللي حصلت وممكن احكيه بعدها بسنين بقي، ليه كنت بعمل كدا حقيقي معرفش بس اهو عرفت سلبيات دا دلوقتي لما مبقيتش بحكي اي حاجه وعشان كدا لما بلاقي حد مضايق من حاجه او مخنوق بحاول اخليه يطلع كل اللي جواه ويحكي عشان ميراكمش والطاقه السلبيه تزيد جواه لأني عارفه ضرر دا كويس اوي وبرضو بحاول معونفسي اني مراكمش تاني واطلع كل مشاعري سواء جديده او قديمه.
حاسه اني اتكلمت كتير بس ماشي يعني حصلخير☝🏻

Biscuit_26061 🇪🇬 · Answer

دايما بسمع اكتر ما بتكلم وبحل دايما مشاكل القريبين مني لدرجه اني مبقتش بعرف اتكلم عن مشاعري والموضوع احيانا بيوجع كأن فيه حجر طابق علي نفسي مخليني تعبانه ومخنوقه دايما ف ايوه الموضوع مأثر جدا

Nutella_25706 🇪🇬 · Answer

كتير اوي بعاني بسبب ده بس المشكله مش في اني مبعرفش اعبر لا بعرف وكل حاجه المشكله في الشخص اللي قدامي هو مقدر مشكلتي ولا لأ لما بلاقي نفسي احيانا وانا بشكي حاجه مضيقاني بلاقي الطرف اللي انا مفروض ميزته عن الجميع وجيت افضفض ليه مش مهتم أو بيسمع كلامي بعدم اهتمام أو يقولي معلش وانتهى النقاش أو يقولي انتِ مكبرة الموضوع كل النوعيات دي مستاهل أنها تتقدر لأنها مقدرتش زعل حد أو اخدته بعدم اهميه دي حاجه كفيلة تخليني اكتم جوايا لحد ما انفجر ولا اني اشكي مشكلتي لحد مش مهتم بيها اصلا ولا فارق معاه زعلي لما الاقي تقدير وحد مقدر بجد أنه يسمعني ويقف جمبي يبقى اتكلم واعبر عن مشاعري 
فيه ناس كفيلة تخلي الواحد يتقفل من كل حاجه لو فيه بحور من الكلام قدام ارض جافه مش مهتمه البحور دي كلها هتنشف

Chilli_26026 🇪🇬 · Answer

انا معرفش اعبر خالص بجد 
وبالاخص الناس القريبة جدا منى، 
بحس انى مكسوفة مثلا اما حد من صحابى يقولى انه بيحبنى وانا مش عارفة ارد بحس ان ردودى باردة جدا او مش عارفة بصراحة احدد يعنى ،
مش عارفة اشرحه بشكل كويس برضو  فمش عارفة حد فاهم والا ايه اصلا!

Biscuit_26180 🇪🇬 · Answer

مش بعرف اقول اللي مضايقني من اللي قدامي على طول اوقات بسكت كنوع من الصبر على اللي قدامي او يمكن  ببقى بدي فرص  بس اوقات مع بعض الناس بحس ان ده خوف من شد في الكلام وخناق 
 انا شخص منصت وبفهم اللي قدامي من غير كلام كتير وبصراحه ببقى مستنيه ده من اللي قدامي ويمكن ده سبب سكوتي اوقات كتير لحد ما بنفجر او اتغير وابعد

Marshmallow_26286 🇲🇦 · Answer

دي مش بتأثر بس دي ممكن تقطع علاقتك مع أعز الناس ليك.... و خصوصا ان الشخص الي كنت منتظر منو ان بتفهمك  او ان اكثر شخص بيعرفك بيعمل عيل و عزة النفس ومش مقدر مشكلتك و حساسيتك الزايدة مع المعاملات و التعبير

Biscuit_26634 🇪🇬 · Answer

عندى مشكلة ان ديماً مشاعرى لجوة و مبعرفش ابداً اشاركها  ولا بعرف اعبر عن المدايقنى عشان كدة ديماً حقى مهدور في كل حاجة في بيت صحاب عيلة ديماً عندي احساس انى مينفعش اتكلم ولا اقول انا حاسة بأية حتى لو اتكلمت بتكلم برعب و خوف و عياط و رعشة فمبعرفش اتكلم و المشكلة تتقلب عليا و ابقى مجبرة اتأسف عشان مخسرش حد 
بجد الدنيا دي صبعه اوى انك تتعايش فيها

Orange_26723 🇪🇬 · Answer

كنت زمان بعرف اقول لكن بقالي ٣ سنين او اكتر مبعرفش اتكلم انا حاسه بأيه وبحس أن اللي قدامي مش هيفهموني اصلا ويسكت وساعات لو حد حاول يكلمني بيبقى عندي مقاومه ويظهر بعكس اللي جوايا وللاسف ده اثر ع نفسيتي وحياتي بشكل كبير وبقيت عصبيه

Biscuit_26457 🇦🇪 · Answer

بعير لدرجه بتخوفني من نفسي واتمني لو مكنتش اعرف اعبر لانالناس بتشوف البنت البتعبر عن مشاعرها جريأه واكيد مفيش حاجه غلط معملتهاش وبيشوفني بطريقه مش فيا
بس انا عارفه اني احسن من كل البيشوفه فيا

Strawberry_26207 🇪🇬 · Answer

3andy moseeba fe eny a3bar 3an masha3ry bgd w i tried many times eny ahawel at3amel ma3aha ma3rftsh bahrb mn ay haga feha masha3er w dayman fe baly en aked el masha3er de msh leya w bgd msh fahma leh! aw fahma leeh bs msh mabsota enaha mesytra ala hayaty b el shakl da

Ice Cream_27331 🇪🇬 · Answer

عندي مشكله كبيره جدا في اني اعبر عن مشاعري يمكن عشان دايما بخاف من الرفض مع اني فاهمه فكرته وان عادي الانسان يترفد مش عشان هو وحش عندي مشكله ابان ضعيفه لدرجه اني كتير بحبس مشاعري لحد ما بحس اني ممكن انفجر

Cherry_25982 🇪🇬 · Answer

انا فعلا بعاني من الموضوع ده نفسي اعبر عن اللى جوايا بس فكرة اني متأكده ان مفيش حد هيفهمني او مهتم يسمعني اصلا بكتم جوايا كتير سنين بكتم جوايا انا قربت اكمل 20سنه وكاتمه مشاعر من ابتدايي حته طفولتي كانت مؤذيه بشكل كبير انا شخصيه مرحه بحب الضحك والهزار والفرح الكتمان مأثرش عليا ف تعملاتي او حته اني معرفش افرح ب العكس بحب افرح وبعيش اللحظه بس جوايا بردو وجع وندبات كتيره مش عارفه اتخطاها خالص نفسي احكي ب السعات لحد مهتم يسماعني ويفهمني احكي واعيط وانهار واضحك واطلع كل المشاعر المتلخبطه اللى جوايا دي انا مش عارفه ادخل في اي  relationship من خوفي انو ميفهمنيش او يكون مش حنين ويحبني وسمعني ويفهم صوتي وقت الزعل ويعوضني مع العلم اني بنت جميله ب رائي الكل وبنظرات الكل كمان اصلا محدش بيصدق اني كل ده محبتش حد او عارفه احب ومحدش مصدق ان الملامح اللى باين عليها القوه والثبات ده ممكن تكون مهلوكه نفسيا فعلا من اهل وصحاب وحياه واحلام

Coffee_27429 🇪🇬 · Answer

عندي مشكلة اني مبعرفش اعبر عن مشاعري بشكل كافي معظمها بيتجسد في عصبية وغضب كبير اوي جوايا مش عارفة احكي لحد وانهار واطلع اللي جوايا حتى مع نفسي كذلك عندي حزن كبير بسبب تعامل أهلي واسلوبهم معايا بس مش عارفه اقولهم اني متدايقة من دا بحسهم مش مهتمين او انهم صعبانين عليا اقولهم انهم أذوني بالشكل دا غصب عنهم بقيت اعدي ليالي معرفش انام من الخنقة ولا اتنفس كويس وساعات بضطر اخد مهدئ وبقيت مهملة لدراستي جدا في اهم سنة في حياتي حاسة طاقتي خلصت

Pumpkin_25616 🇮🇹 · Answer

يمكن دي من اكتر المشاكل اللي بتقابلني في شخصيتي يعني ممكن تحسس اللي قدامي اني مش مهتمة يعني بتشككه حرفيا في مكانته عندي حتى لو معزته في قلبي كبيرة اوي اكتر مما يتصور، بس انا بخاف من الفراق و من التعلق اني اتعلق بشخص و بعدين يفارقني بتعب بجد يمكن ده السبب في اني معبرش عن مشاعري لكن مع ذلك انا عارفة أن ده مش صح لاني ساعات بخير ناس كانوا في حياتي بسبب الموضوع ده.

French Fries_26975 🇪🇬 · Answer

انا بحب حد و مش عارفة بيحبني ولا لا و بيتعامل مع كله كده ولا لا و نفسي اقوله بحبه بش مش ينفع البنت الي تقول و خايفة يروح مني واحده تانية تاخده او يروح لواحده تانية و انا فعلا حاسة اني بحبه بس مش عارفة برضه هو فعلا مشغول ولا مش عايز يكلمني اصله بيشتغل

French Fries_26975 🇪🇬 · Answer

حاسة اني وحيده محتاجة واحد في حياتي بدور علي الحب عايزة واحد جدع و طيب و يصوني و يراعي ربنا فيا و يحبني بس انا محتاجاه دلوقتي بجد عايزة حد في حياتي...و مش عارفة اعمل ايه، الي بيحبوني مش بحبهم و الي بحبهم مش بيحبوني و الي بحبهم محدش قال انه بيحبني في خلاص بقول مش بيحبني معرفش بقي.

Toast_27792 🇩🇿 · Answer

اه

اليوم اول مرة اكتشف هذا المكان...اظنها فكرة جيدة
لكن...كيف يمكنني اصلاح هذا الحطام الان ...
...لا ادري ما الذي علي فعله ... ما الذي استطيع فعله
فوضى في كل مكان
في رأسي و حولي
بعد معاناة لأربع اشهر انطفئ بداخلي كل شيء
و لا اعلم ما حصل لي و ما بي ... لا ادري .... 
اود التخلص من هذا 
لكن قدرتي على التفريغ قد نفذت ... فما عاد باستطاعتي البكاء في وسادتي حتى ... 
اتمنى ان اعرف ما يحدث لي فقط ....

Kiwi_27962 🇪🇬 · Answer

هو لما انا واختي نتخانق خناقه عاديه خالص من خناقات الاخوات دي عشان المرايه هتقوم قائله لي انا انا وحشه وانا اصلا مش بحب نفسي فهي كده بتأكد لي اني فعلا وحشه ومتحبش مع اني والله يعني عمري م عملت حاجه وحشه لحد

Donut_27942 🇪🇬 · Answer

بيبقي جويا حجات كتير عايزه اقولها ويبقي عايزه اوصف الي جوايا واتكلم بس مبعرفش اتكلم بحس بعجز بحس بحاجه مش عارفه احكيها ولا اتكلم عنها مبعرفش اوصف الي جوايا مبعرفش اتكلم واقول بحس اني في حاجز

Potato_28208 🇴🇲 · Answer

مشكله كبييييره جدا 
مجرد التفكير في اني راح اعبر عن مشاعري تخليني احس بقشعريره الموضوع. صعب جدا عمري ما عبرت عن مشاعري سواء كانت حزن او غضب او حب اشعر ان موضوع التعبير عن المشاعر مو مهم او بالأحرى انا قاعده اشوف الناس تتعامل مع مشاعري بهذه الطريقه فصرت نفسهم اشوف ان مو مهم الناس تعرف انا بأيش احس .

Marshmallow_27596 🇪🇬 · Answer

انا عموما مشاكلي كلها هتحل لو عرفت اعبر عن مشاعري .. انا كتومه جدا جدا .. و لو حبيت حد مش بقوله بس افعالي هي اللي بتقوله 
دائما بهزر و بتضحك بس حرفيا ورا الضحكه دي انهايارات بس مش بحب اتكلم و مش بعرف اعبر .
حتي اهلي مش بعرف اتكلم معاهم مش بعرف اقولهم اني زعلانه او متضايقه .😭

Coffee_28318 🇸🇦 · Answer

اوف والله مشاكلي كلها تنحل وحياتي تصير ورديه اذا عرفت اعبر 
عندي نقص في مخزون الكلمات 
وما اعرف احط الكلام في مكانه الصح 
واسلوبي سيئ في طرح الشيء 
وفوق ذا كله كله اخاف واهم سبب الحقيقه اخاف وعقلي يحط السبب كله فيني بس تقريبًا كذا تعايشت اني اكون ساكت

Coffee_27700 🇪🇬 · Answer

عندي مشكلة في التعبير عن مشاعر الغضب لأنه مكنش مسموح اغضب او أعلي صوتي وأنا صغير وكان بيتقابل بالضرب الشديد. وعندي مشكلة في التعبير عن مشاعر الحب خصوصا مع أهلي لأنها كانت بتتقابل بسخرية وأنا صغير. حالياً كتمان المشاعر جسمي بيعبر عنها في صورة قولون عصبي وأرق واكتئاب.

Sugar_28504 🇸🇦 · Answer

انا زمان كنت شخصيه ضعيفه وكتومه جدا وكلمه ضعيفه قليله كنت خوافه وشايفه نفسي قليله ووحشه وومتحبش وكنت حقيقي شخصيه مش بتحب نفسها 
بعد وفاه بابا والحمل اللي شلته من شغل وتعليم اخواتي وجوازهم 
بقيت شخصيه طول الوقت عصبيه صوتي عالي شديده وقاسيه جدا على كل الناس اللي حواليا معنديش اي مشاعر لاي حد وجافه مبتاثرش بحزن حد ولا وفاه حد بالعكس بشوفها حاجه طبيعيه وماليش عزيز ولا غالي ولا باجي على نفسي ابدا وده مخلي الكل مستغربني وبيخافو مني بس انا مكنتش كده

Banana_28618 🇪🇬 · Answer

بقیت انسان بلا اهتمام بلا مشاعر بلا حياة مبقيتش بكلم ولا بعبر ومفيش صحه ولا اي حاجه بجد فكرت كتير بجد ابعد عن حياتي كلها مش عارف ولا قادر مفیش علاقات مفيش اصحاب كل حاجه بقت تقيله

الكلية

الاهل الصحاب.......

حياتي بتقف كل شويه عايز اتكلم ومش قادر عايز اللي يحكيلي واحكيله يسمع صوتي واسمع صوته

Grape_28903 🇪🇬 · Answer

بقيت مبعرفش اعبر لدرجه اني انا نفسي معنتش بفهمني ولا عارف انا عايز اعمل ايه ولا اقول ايه مع ان في كلام كتير اوي جويا نفسي اقوله بس مبعرفش اعبر ولا بقيت اعرف افضفض مع نفسي حتي و بقيت ساكت اغلب الوقت و بقيت حاسس نفسي تقيل علي اللي حوليا

Pumpkin_28867 🇪🇬 · Answer

مبقتش اعرف اعبر عن مشاعري، مبحبش اتكلم عنها، مبحبش حد يعرف اني مش كويسة، مبحبش حد يعرف اني حزينة
مبقتش اعرف احكي حاجه ومبحبش احكي حاجه مبحبش ابين ضعفي، لازم طول الوقت ابين اني كويسة وبخير
مبحبش احتاج لحد ومش عاوزه مساعدة من اي مخلوق
حتى فكرة اني اقول الكلام ده هنا فكرة مرهقة بس حاولت اكتب واقول وفكرت كتير قبل ما اقول وممكن اكون اوفر او بافور، بس اللي مطمني ان محدش هيعرفني

Coffee_28425 🇪🇬 · Answer

معنديش مشكلة بس مبقتش بلاقي حد يسمعني اصلا او مبقتش قادرة اشوف حد قريب مني زي زمان و احكي كله شايفني مش محتاجة حد و دايما بسمع و بشوف منهم قد ايه انا جامدة و جدعة و قوية و محدش بقى اصلا مهتم بعدت عن كل اللي حواليا بقصد من كتر منا مبقتش اشوف منهم اي تقدير لمشاعري لما بحكيها او مواقف بتبسطني او تضايقني بقيت احس اني غريبة وسطهم و رجعت خطوات لورا و بقيت اشوف مين هيدور عليا ملقتش و اكتشفت انهم كانوا في حياتي بس انا مش في حياتهم و مش بمثلهم اي حاجة لا اولوية ولا شخص مهم ولا حاجة تراكمات تراكمات وصلتلها بعد ما بدات اهتم بنفسي شوية و اول حاجة عملتها بعدت عن اي حد مش مهتم يسمعني او يعرف مالي اعز صحابي القريبين اللي كنا دايما مع بعض اكتشفت ان عدم وجودي في حياتهم مش مأثر فيهم و انا مش اولوية عشان كدا مكنتش بلاقي اي اهتمام لمشاعري لما احكيها دا كسرني بس لما بعدت عنهم ارتاحت اني مش مضطرة اجاهد طول الوقت اني ابقى معاهم و وسطهم عشان دا كان بيتعبني و كنت بستغرب بيتعبني ليه بس فهمت اني كنت بتعب عشان مع ناس مش شبهي ولا وجودي له تأثير 
انا بحكي دا و انا موجوعة لما بحتاج انزل امشي او مخنوقة مش بلاقي حد اكلمه خالص بقيت انزل لوحدي اعمل اي حاجة لسة بحاول اتعود حتى في غياب الشخص اللي بحبه حاسة بوحدة و الم بحاول اتاقلم محتاجة دعواتهم اني اقدر احب نفسي و مبطلش احاول احبني و اقدرني♥️

Watermelon_22092 🇪🇬 · Answer

كنت داخله اكتب مشكلتي واتكلم عن ال جوايا وال بحس بيه وقد ايه انا تعبانه فعلا ..بس مش عارفه ،مش عارفه احكي مش عارفه اتكلم مش عارفه اعبر عن ال جوايا ..يمكن نسيت ازاي الواحد بيحكي ال جواه؟ يمكن 
ويمكن اكون مش عارفه انا حاسه بإيه اصلا؟ برضو يمكن 
بقيت حاسه اني مش انا ..مفيش حد جنبي دايما كنت لوحدي من بعده ..مش مستنيه ان حد يجي يخرجني من ال انا فيه عشان عارفه ان محدش هيعرف يساعدني غير نفسي .. انا بس تايهه تاييهه ومش عارفه اعمل اي ولا امشي ازاي ..حاسه اني لو فضلت كده هخسر كل حاجه وخصوصا اني لازم اركز على حياتي عشان الوقت ده هو ال هيحدد انا هبقى ايه في الحياه ..بس بجد مش عارفه ..
حاسه ان جوايا مشاعر كتير بس معرفش ايه هي ....مشاعر كتير كلها متلغطبه ..كلها محبطه..كلها عكس بعض

Cookies_28546 🇪🇬 · Answer

أنا شخص بيعرف يعبر جداً زمان كنت بتكلم وبدعم وبعرف أحل مشاكل وشخص بيدي طاقه إيجابية لكل اللي حواليه معرفش إيه اللي حصلي بقالي سنين عندي اكتئاب مش عارفه أخرج منه محدش بيساعدني ومحدش فاهمني مش لاقيه اللي كنت بعمله مع غيري وعندي كميه لغبطه وتعب من كتر التعقيد مش عارفه إزاي أخرجهم ..
المشكله اللي بتخسرني كل الناس دلوقت اني بقيت كتومه لدرجه إني بخسر كل اللي حواليا لأني مش قادره أواجه مش قادره اتحط ف موقف تبرير او شرح او حتي أسمع حد عايزه كل الإهتمام يبقي ليا وبس الفتره دي ودا مبيحصلش ف بكتئب أكتر ، بكون نازله وعندي كلام كتير أوي محتاجه اقوله للي قدامي بنسي كل حاجه ومبعرفش اقول كلمه ودا كمان بيسببلي إني لو معايا حق ف حاجه الموضوع بيتقلب إني غلط لأني بسكت ومبقولش اللي جوايا بس غصب عني فاهمين !! سواء مقابله او حتي مكالمه تيليفون مش قادره أتكلم واي موضوع بيتفتح تلقائي بعيط بخنقه لدرجه إني بحس إني ممكن أموت مبقتش عايزه حد يكلمني ف حاجه بس انا بموت من جوايا وف صراع صعب جداً مع إني أعيش حياتي مظهرش كل دا علشان حتي لو ظهرت ف محدش مهتم ، عارفه اني طولت اوي بس دا 1٪ للأسف.

Cherry_29553 🇧🇪 · Answer

أنا إنسانة كتومة حتى لو عندي ألف مشكلة دائماً بضحك و بمزح وبخبي ، تعودت دائما انو كون الشخص القوي الي مايهمني شي حتى بالعأئلة و الاصدقاء الناس هي الي بتلجأ الي تحكيلي تفضفضلي وقف جمب الكل و الكل بشوفني الشخص القوي او لا مبالي بس أنا مو جوى احيانا كون ضعيفة بس ما ببين لحدا ، بس أنا عنجد كتير تعبت من هاد الدور  دور الشخص القوي احيانا تفسي اصرخ او انهار قدام احد ، نفسي الجأ لحدا بس بحس انو صعب بحس ماحدا رح يفهمني او يمكن لانو أنا ما تعودت انو اشكي لحدا.

Strawberry_30705 🇪🇬 · Answer

انا انسانه بجد مبعرفش احكي على اللي جوايا لحد حتي ل ماما لدرجة اني قعدت شهرين دخلت في حاله نفسيه وفي وجع رهيب في جسمي من جوه وقلبي بيقطع من الوجع ومش عارفه اقول ل ماما انا حاسه ب اي او حتي حد من صحباتي .

Croissant_30784 🇯🇴 · Answer

جدا جدا جدا ،انا طول عمري شخص كتوم جدا وانطوائي ومش بعرف اتكلم ولا اكون صحاب ولا بعرف اقول اللي جوايا فغالبا ما بعرفش اجبر بخاطر الناس ودايما كلامي سيء وبيأثر عالناس بالسلب وهم مش بيفهموني ولا حاسسين باللي انا فيه

Apple_30847 🇸🇩 · Answer

انا شخص عصبي جدا والموضوع مؤثر علي سلباً في حياتي العملية وفي علاقاتي ومش قادرة اتحكم في غضبي ابدا...دايما بحس انو عندي طاقة غضب كبيرة مكبوتة بس تستنى اللحظة المناسبة لتطلع..حاولت اغير من طبعي لاني اشوف اللي حولي يتأذون بس مافي شي ناجح للآن يعني وبنفس الوقت ما أحب أجرح أحد..

Watermelon_31041 🇪🇬 · Answer

مش بعرف اعبر عن مشاعرى خالص لاي حد وده مسببلي عقدة ومش عارف اتخطاها
ونفسي في حل لدرجة الشخص اللي بحبه مش عارف اصارحه ولا حاجة بحس بخوف وجسمى يترعش ومش بعرف اقول ومن جوايا بقول لا خلاص بلاش الموضوع ده

French Fries_26975 🇪🇬 · Answer

انا عايزة partner في حياتي محتاجة لكدا بجد بمر بأوقات و ظروف محتاجة حد يساعدني يشيل معايا او عني و كمان يبقي حنين عليا و يواسيني اجي احكيله يسمعني و ينصحني و يتكلم معايا ابقي مضايقة اجيله ابقي مبسوطه اجيله اشركه كل حاجة في حياتي اهم حاجة يبقي حنين و يشيل عني بجد بكلمه  او يساعدني او يهون عليا او بفعل او اي حاجة.

Coffee_31999 🇪🇬 · Answer

مش عارفة الموضوع بدأ منين بس أنا كنت طفلة حساسة و بتركز في الكلام قوي و كان بيتقالي قدامي إني تخينة و شكلي وحش و بتشبه بناس ملامحها مش حلوة و مكانش ليا الحق أتدايق لأنه في وجهة نظرهم هزار و الموضوع كان من أهلى قبل ما يكون من الغريب و دة عملي عقدة من شكلي كبيرة قوي و بقيت عندي عدم ثقة في النفس و ديماً بحرم نفسي من الأكل و عندي أضرابات طعام و لما وصلت لفترة المراهقة بقيت طول الوقت حاسة بغربة عنهم و إني مش بتعاطف مع أهلي و ولا بحبهم ولا بكرههم و مهما قالولي بقيت زي الصنم و مبقتش حتى بعرف أعيط و دة خانقني ديماً و محسسني إني بعيد و ديماً هم قاعدين سوا و أنا في الأوضة لوحدي و لما بيسألوني إيه اللي وصلك لكدة بسكت و قولت لماما إني محتاجه ثيرابيست سمعتني لحد الآخر و قالتلي هتشوف الموضوع و من بعدها الموضوع متفتحش ثاني مع العلم أنها واخدة دبلومة نفسية يعني متفهمة للحاجات دي بس هي وجه نظرها إنه ليه إنتِ عاوزة دكتور و أخواتك نفس تربيتك و محدش بيفكر زيك و بجد الموضوع تاعبني قوي و محسسني بغربة كبيرة قوي قوي

Pumpkin_34540 🇪🇬 · Answer

لا ✌🏻
المشكله بتختلف من شخص للتاني ع حسب الشخصيه واعتقد فيه عوامل كتير تأثر علي كدا يعني 
مثلا نقدر نقول التعليم يختلف وهناُ مش بسوء للناس اللي مش اتعلمت لا بالعكس دا اختيار وقدر ومعيشه محدش بيختارها ♥️ 
بس هيا بتكون سبب في انك تقدر تعبر باكتر من اسلوب بتعلمك ازاي تعبر حتي لو انت عكس كدا بتعكس دا في التعامل ✌🏻

Coffee_34569 🇪🇬 · Answer

الصراحه اه
متعودش احكي لحد حاجه مديقاني بسبب البيتقال اني طفله ولسه مشوفتش حاجه حتي اقرب الناس ليا لو سمعوني بيقللو الموضيع علي نفسهم ويقولو احنا تعبنين اكتر منك ولو حد اتكرم وسمعني بتبقا تقضيت واحد وبيقفل الكلام باي طريقه وبدات احس اني تقيله فبقيت بسكت لحد معتش بعرف احكي اصلا

Ice Cream_30319 🇪🇬 · Answer

جدا انا مبعرفش اعبر لحد عن مشاعري نهائي لدرجه ممكن صديقتي تبقا حاطه استوري وعايز صحابها يبعتولها رساله خاصه بيها وانا مبعتش وتقول شوفتي الاستوري ومبعتيش بقولها ما انت عارفه أن انا مقدرش اقول لحد اني بحبو أو انو عزيز اوغالي عليا ومواقف تانيه دا حته التعبير عن الامتنان مش بعرف اقول لحد انى ممتنالوا

Cherry_33009 🇰🇼 · Answer

ما عندي اي مشكلة بالتعبير عن مشاعري بالعكس تماماً، بس مؤخراً تعلمت افرق بين الشخص اللي يستاهل يعرف عن مشاعري خاصةً لو عتاب او لا، بطبعي شخصية عاطفية و دايماً بحب اقرأ كتب و خاصةً روايات، اتوقع هالشي خلاني قادرة اكتر اني اعبر عن مشاعري بانتقاء الكلمات المناسبة نسبةً للموقف و الاحساس بهديك اللحظة، بس قبل ما تفكر تتكلم عن مشاعرك لازم تركز لتتأكد اذا هالشخص بيستاهل يعرف عنها ولا لا.

Orange_34558 🇾🇪 · Answer

كان عندي مشكلة بتعبير كنت مش عارفه احدد انا مالي!
تسألني مالك بقلك مش عارفه حتى بالأوقات العاديه مش بكون اعرف اعبر او احدد حتى شعوري بحس بتناقض كببر بمشاعري
صراحة مش عارفه وش الي غيرني ولكني تحسنت وبتسألني كيف شعورك بعبيلك الأسط وبكتبلك القصايد بدمي
عموماً يمكن السبب هو كثرت العلاقات بحياتي فذا شي يحسن والله ويقلل توترك وقلقك

Sugar_37459 🇯🇴 · Answer

البعض لا يستطيع أن يعبير يخشى من ردت الفعل ... رغم  جميع ما في داخله يتحدث
تسرقنا العيارات وتتلعثم الكلمات و تضيع الحروف وتنكسر جسور الجمل.. كل هذا واكثر رغم اننى كنا نرصع اللقاءات شوقا ونرسم الحضور ورودا وننشد الكلام لحن هكذا هو نحن امام انفسنا

Marshmallow_33883 🇪🇬 · Answer

لا صراحه بقدر اعبر بس علي حسب الي قدامي وعلي حسب الشعور برضو ف لو انا بحب حد وهو بيحبني ف طبيعي هقدر اعبر عن ده بسهوله وكمان الشعور هيبقي سهل لاننا فاهمين بعض ف مش خايفه من حاجه او هتقابلني صعوبات اما بالنسبه لو حد مثلا زي اهلي او صحابي المريضه لو مثلا بعبرلهم عن حزني او حاجه فهيبقي صعب لان اكيد مش بيكونوا فاهمين لكن الموضوع بيفرق من شخص لشخص وسهل جدا صراحه انك تعبر عن شعور لان انت عندك حصيلة كلمات ومشاعر كتيرة جواك خصوصا لو بتحب الشخص ده ف الموضوع هيبقي سهل لكن لو مش بتحب حد او مضطر انك تفهم حد قدامك وانتم مش مستريحين فهتلاقيك بتتوتر ومش عارف تقول ايه واكنك عاوز تخلص منه وتنهي النقاش بسرعه

Toast_37887 🇵🇸 · Answer

عندي مشكلة بكبت الغضب الي بتحول كراهية لما ما اعبر عنه وما اواجه الشخص الي دايقني حتى لو باشي صغير بسكت وبتراكم وبصير اعدله اصغر غلطة وبتحول حبي للصديق لكراهية وعدائية مش عارفة ايش الحل مع نفسي لاني بتعب وبضل افكر واتخيل سيناريوهات

Banana_34755 🇪🇬 · Answer

انا فيا حتة النرجسيه الكبيره او اني معتمدش علي حد او مش فارق معايا اي حد مع ان فيه ناس مهمه جدا عندي وبكون عاوز اكلمها دايما وكل دقيقه بس النرجسيه بتاعتي منعاني عارف انه طبع وحش بس نا مش عارف اغيره يعني اوقات بكون غلطان في مشكله ومتاسفش او معتذرش بكون عاوز الشخص التاني الي يعتذر برضه جبروت ما بعده جبروت😂😂😂 بس من جوايا بكون عاوز اعتذر يعني والموضوع دا خسرني ناس كتير في حياتي كانوا مهمين بس الموضوع صعب ومش عاوف احله ولا اتخلص من الطبع دا وشايف دايما نفسي صح

Carrot_33736 🇸🇦 · Answer

ايوه الصراحه 
أحس عندي مشكلة في إنفعالاتي بشكل عام يعني مثلا لو امي حضنتني ما اعرف ارد الحضن لو احدا حكالي عن شي حلوو صار معه ما ابين له كمية فرحي به و لو شفت شخص انا مشتاقتله ما اعرف أفرح و بكون متوترة لدرجة اني اخليه يحسب انه ما كنت ابغى اشوفه. احس نفسي ما اعرف اتصرف و ما اعرف اخلي جسدي و كلامي يعبر عن مشاعري و امي قالت لي إنه انا باردة جدا ما ادري

Donut_38353 🇪🇬 · Answer

اغلب الوقت مببقاش عارفة مالي، احساس اني مش مظبوطة مثلا او متلخبطة كده
واوقات ببقي حاسة بمشاعر معينة مثلا وبردو مش عارفة ايه سببها
الفكرة بقي ان لو حد جنبي فاهمني وحاسس بيا بيقدر يساعدني افهم مالي او ع الاقل مودي يتحسن

Marshmallow_37762 🇪🇬 · Answer

llasf a7yana mb3rfsh a2ol kol elly 3awza a2olh🥺
mmb2ash fahma leh by7sly kda 5asta lw el makan feh nas kteer bs ba5d ra7ty awy m3 nas mo3yna m3rfsh leh ba5od ra7ty m3ahom homa🤷🏻‍♀️
m3rfsh bus elmwdo3 mtl5bt seka😞

Guava_38234 🇪🇬 · Answer

مشكله التعبير عن مشاعري بتفكرني بالبار الي قاله الجوكر مره في تراك ليه 
" انا مش زي الي حاسه من فتره فا صعب اقول ايه جوايا" 
التعبير عن مشاعري مش مشكله اوي على قد مانا بقيت عارف ان مفيش حاجه هتتغير لو قولت الي جوايا بالعكس دائما بتفهم غلط و كنت مجبر ابرر مشاعري و انا معدش عندي طاقه للتبرير الحقيقه

Nutella_39220 🇪🇬 · Answer

مبعرفش اعبر ، مبعرفش اقول حتى انا حاسه ب ايه ، عندى مشكله كبيره اوى ف انى اشرح ف كل حاجة بتتعك عليا وحقي بيروح حتى ف العلاقات مبعرفش اوصل للى ادامى انا حاسه ب ايه ف بفضل أرمى انت عملت كذا وكذا والمفروض العكس انى اقول انا حسيت ب ايه ف الموقف دا

Cherry_39514 🇪🇬 · Answer

جدا عمرى ما عرفت اعبر عن مشاعرى لحد او لحاجه عمتا بفضل ديما مشاعرى تبقي ليا بخاف اتحرج او اتكسف او اى حاجه تحصل محبهاش فبفضل ساكته عن التعبير عن مشاعرى سواء بالكويس او الوحش المهم انى معبرش عن ده

Hazelnut_39570 🇵🇸 · Answer

انا عندي مشكلة بفهم مشاعري مش بالتعبير عنها ، بحس احيانا اني انا اصلا مش فاهمة انا بشو حاسة عشان اقدر افهم التانيين لما يسألوني مالك اشي؟ بحس بغصة لاني بنفسي مش فاهمة انا شو مالي وبس والله هههه

Toast_33361 🇪🇬 · Answer

انا فعلا مبعرفش اعبر عن مشاعري وببقي عايزه بجد افضفض او اقول حاسه ب ايه بس مفيش خالص مش عارفه 
مش عارفه دا تعود ولا ايه بس هو حرفيا كدا ونفس اتغير بس مش عارفه 
عشان بجد بتعب اوي حتي مع اهلي وصحابي والناس اللي حواليا

Potato_40598 🇪🇬 · Answer

مش بعرف اعبر عن مشاعري خالص، ببقى باردة جدا معظم الوقت لدرجة ان اللي قدامي بيحس اني مش مهتمة بس انا جوايا كلام كتير ببقى عايزة اقوله، او احضنها مثلا كتعبير عن تضامني معاها بس مش بعرف بردو
ف الغالب للسبب دا الناس بتحس اني مش فارقلي ف بيبعدوا عني😅

Watermelon_38407 🇴🇲 · Answer

كيف اقدر اتخطى حبي الاول ؟ افترقنا بسبب انه العلاقة محرمة ولما يكون جاهز حيكون بعد ٥ سنين ، وهذي فترة طويلة و ما يمر يوم الا افكر فيه ، عجزت اتخطاه قلبي يعورني مرة واحس الدنيا ضيقة عليا . اتمنى احد يهون عليا يحكيلي كلام اي شي ، ( ملاحظة ما بينا اي تواصل لانه هو متدين وانا بعد لان نعتبر العلاقة محرمة ) ما فيني صبر وقلبي محروق مرا

Pumpkin_35881 🇪🇬 · Answer

انا معجبه بواحد جاري شغال قدمنا بس انا عندي مشكله اني مش بعرف ابين لحد اني معجبه بيه اعمل ايه عشان ياخد باله اني معجبه بيه هو صيدلي وبدخل اشتري منو ياما بجد مش عارفه اعمل ايه نفسي ياخد باله اني معجبه بيه بس محدش يقولي اعترفيله وصارحيه وكده عشان مش حينفع

Banana_34439 🇪🇬 · Answer

انا عندي مشكله من وانا صغيره وهي اني مبعرفش اعبر عن مشاعري او اطلب من حد حاجه حتي لو كان اهلي في كلام كتير جوايا محتاجه اشرحه بس مش عارفه جوايا مشاعر كتير متلخبطه مش عارفه اعبر عنها مبعرفش اقول لحد اني بحبه ومبعرفش اقول اني زعلانه

Potato_40552 🇪🇬 · Answer

انا قعدت فترة كبيرة وحيد وانا صغير و يمكن ده خلاني قليل الكلام جدا بس بعد شوية وقت بدأت اخرج من تاني و اتحرك و كدا بس للأسف صديقي الي ساعدني اني اخرج من ده طلع بعدين شخص مش كويس بدون الدخول في تفاصيل بس بعدت عن كله تاني و ده خلاني عندي مشكلة اكبر و هي اني بقيت بتكلم كويس جدا و بتعامل مع الناس كويس بس مش بقدر اعبر عن مشاعري و مش بقدر ادي للناس الي هما طالبينه مني لدرجة اني بتوصف ساعات اني بارد او مشاعري جافه او انا غير مهتم مع اني ممكن يكون الشخص ده هو اهم حد عندي بس انا مش بعرف اوصل ده وكمان بسبب اني قعدت كتير لوحدي بقى صعب بالنسبالي اني اسأل على حد او ابدأ الكلام مع حد و ده برضو بيسببلي مشاكل ان ناس كتير بتكلمني و بتقولي انك مبتسألش غير لما احنا نكلمك و مش بعرف اقولهم ازاي اني مش بعرف اعمل ده مش مش عايز

French Fries_26975 🇪🇬 · Answer

انا ليه بحب او بعجب بحد انا اما بعمل كده بحس ان مش هيبقي في أمل ولا في حد هيحبني ولا الي بحبه بالذات هيحبني فا ليه بحب او بعجب بالناس، انا بحاول ابطل الحركة دي عشان متجرحش في الاخر انه مثلا يحب او يرتبط بواحده تانية او يبقي مش بيحبني ولا بيبادلني الحب زي منا بحبه قولولي ابطل احب ازاي او اعجب بحد ازاي؟؟؟

Chilli_41293 🇪🇬 · Answer

بخاف أقول لحد اني زعلانة منه عشان دايما بيبقى عندي شك ان الشخص ده مش هيهتم وهيبعد عني مهما كان علاقتنا كويسة ومتفهمين ، دايما لما يبقى عندي صحاب ببقى انا الشخص اللي بيبادر بالاعتذار والصلح حتى لو مش غلطانة وبعدي كتير وممكن اجي على نفسي وبعمل 100 حساب للحاجات اللي بتضايق الشخص اللي قدامي عشان بس محدش يزعل مني ، يمكن الشخص ده يعمل حاجات بتضايقني وهو عارف واحذر مرة واتنين ويعملها وبرده ماخدش موقف جد خوفاً من انه يبعد دايما خايفة ان الناس تسيبني يمكن عشان ده حصل من زمان اوي واني لما زعلت محدش اهتم وبحس اي حد بيخرج من حياتي بيكمل عادي وانا اللي بيفضل فيت جزء مش عارف ينسى وحتى لو اخدت موقف وبعدت عن شخص مؤذي في حياتي دايما بيكون عندي حنين للأشخاص دي ولو رجعت كلمتني مبعرفش اتجاهلها ( ملحوظة: عندي ناس كتير كويسة في حياتي وحظي في الصحاب مش وحش) بس دايما ببقى خايفة من بُعد الناس عني

Donut_38405 🇪🇬 · Answer

عندى كتمان رهيب مستحيل اتكلم حتى مع مامتى محدش يعرف عنى حاجه غير ضحكتى و تفهمى و انى اسمع الكل و محدش يسمعنى انا بقيت مقدرش اتكلم او اطلع الى جوايا من كتر الكتمان، لما اجى اتكلم صوتى يختفى و اعيط بس فبطلت احاول اتكلم، كلو اتعود على كدا انى مبتكلم على الى مزعلنى بيفتكرو انى مبتأثرش او عادى مش بيفرق معايا، انا بخاف على مشاعر الكل، مببينش انى زعلانه او مدايقه عشان الى قدامى ميزعلش على زعلى او انو زعلنى(هبل انا عارفه) انا بهتم بالكل و محدش اهتم بيا زى ماهتميت بيهم، كل دا مكنتش حاسه بيه غير لما كنت فى ثالثه ثانوى، لما اخواتى كانو فى ثالثه قبلى كنت بعملهم كل حاجه، و اعملهم قهوه من غير ميطلبو و اجبلهم فلوس الدروس من بابا و لما كنت مكنهم محدش عملى كبايه شاى حتى(دا مش معنى انهم مش بيحبونى، انا عارفه انهم بيحبونى بس اديقت)اخواتى بيصيحو كتير ف ماما بتبقا خايفه عليهم اكتر لكن محدش يعرف انى جالى مرض نفسي و اتعلجت منو و بعدها بسنه جالى اكتئاب حاد و اتعلجت منو اونلاين بردو محدش يعرف، بس عادى دا بسببى لانى لو اتكلمت مكنش حصل كل دا

Banana_40930 🇯🇴 · Answer

انا انسانة تربيت بشكل غير مباشر على عدم التصريح عن المشاعر العلاقة بين العائلة والتفاهم والحكي والاجتماع مع الام والاب والاخوة كل فترة مو موجود عنا فما كنت اعرف كيف ممكن اعبر لعيلتي وانا بعيدة  عنهم خاصة اني ماخذة طباع ابوي بالانطوائية فلما كبرت وصرت ثامن (١٣ سنة) بتذكر اني كنت مضغوطة وبعد اصرار من صاحباتي حكيت وصابني انهيار وصرت اعيط كانت اول مرة احكي لحد عن مشاعري ولو اني حرفت شوي بالاسباب الي تعبتني بس ما كان -ولا زال- عندي الثقة احكي لحد عن حياتي ما بوثق بالبشر .....المهم وانا بحكي قاطعوني وصارت وحدة من صاحباتي تفضفض مع اني عارفة انها بنية حسنة بس حسيت بعدم الاكتراث من ناحيتهم مع انها كانت اول مرة افضفض وهسة للان مو قادرة اعبر عن مشاعري الحقيقية لحدا حتى اني بكتمها عن نفسي بطلت اعيط حتى لو مخنوقة مع اني بكون لحالي حسيت شوي شوي بفقد مشاعري مشاعر الحب والحزن وغيرها من المشاعر انا ما عم حس غير باني نفسي اختفي او اموت ما بدي اعيش تعبت

Strawberry_41599 🇪🇬 · Answer

بعاني مع مشكله دي مع اني بحب اسمع الحوليا و احللهم كل حاجه و ديما صحابي بيجروا هعليا اول واحده بس مش عارفه انا مش بعرف اعمل ده معاهم ليه ولا حتى مع مامتي بكتم كل حاجه مضيقاني و مش بحب اكلم ابدا و لو جات مره و اكلمت بندم ندم ميتوصفش بعدها مع اني ببقا محتاجه حد جمبي و معايا و احكيله و افضفض مش بعرف و محتاجه اوي اطلع الحوايا علشان شوييه و هنفجر و من كثر ماجوايا حاجات كثير انا ببعد عن كل ناس دلوقتي مبقاش عندي طاقه لاي حاجه

Hazelnut_40888 🇪🇬 · Answer

طول عمري مبعرفش أعبر ولا أتكلم عن شعوري عمتن بس حاليا لما كبرت شويه كمان بقيت أي مشاعر سلبيه اي ضغط بقيت بضحك على  نفسي وبسخف عمتن وم عارفه من كتر ماأتراكم كذا حاجه على بعض م قادره أحد اي بضبط حاليا اللى موقفني يعني حاسه اني واقفه مكاني مبتحركش واقفه واقفه بجد م تعبير وخلاص كنت علطول زعلانه بس ماتكلمتش ولا عبرت وحساني بقيت عصبيه شويه الفتره دي...

Waffle_13494 🇪🇬 · Answer

مش بعرف اعبر عن نفسي بصورة كويسه لكل حد حواليا .. في ناس الموضوع معاها بيختلف وبيكون شبه معدوم بس ساعات بتفهم غلط .. واوقات مش بعرف حتى اصحح دا .. مع اني متصالحه مع نفسي بدرجة كبيره .. بس اوقات بعاني بسبب دا ✨

Ice Cream_34427 🇪🇬 · Answer

مش بعرف اقول ال مضايقتي ببق حاسه ديما اني هوجع دماغ ال قدامي رغم عندي شخص نفسه يسمعني بس مش بعرف اتكلم بعد اسمع كل الناس واساعدهم وكله بيرتاح ف الكلام معيا ونا ببق نفسي احكي بس حسه ان ال قدامي هيشوفها تفاهات او اني تقيله عليهم لو مثلا الدنيا خلاص ضاقت عليا وقررت احكي من التعب وحد قال كلمه نا م عيزاها ببق عرفه ان قصده مش وحش بس بتقفل وبحس اني عيزه اغير الموضوع نفسي اعرف اتكلم عشن ال قدامي يفهموني بس الحوار صعب اوي بالنسبالي

Blueberry_34823 🇪🇬 · Answer

كنت مرتبطه بواحد و كان دايما بيعمل حاجات. بتزعلني و بتأذيني جامد فعلا كنت بعيط كتير و بنهاربس لوحدي من غير ما احسسه انه بيعمل حاجه غلط عشان خايفه انه بحس انه وكش لان كنت بحبه جدا و فضلنا على الحال دا لمدة سنتين و اللي بيعمله بيزيد و انا ساكته لغايه ما تعبت فجأة و حسيت اني خلاص فقدت كل مشاعري له و بقيت تعبانه منه و لما صارحته اني تعبت قالي ان الغلط غلطي و انه معملش اي حاجه و في الاخر انا اللي اعتذرت بعد كل الاعذار اللي ادتهاله و الاعذار

Watermelon_32587 🇶🇦 · Answer

نعم عندي صعوبه كبيره في التعبير عن المشاعر وهذا الشي اثر من ناحية اني اشعر حاجز بيني وبين الناس لاني احس اني غامضه بالنسبه لهم 
اتمنى لو استطيع التعبير بأريحيه عن مشاعري بصوره صحيحه وصحيه

Biscuit_45155 🇪🇬 · Answer

أحيانا بيبقي عندي صعوبة في التعبير عن مشاعري وتفريغ الطاقة إللي جوايا ومش ببقي عارفة أتكلم مع حد لأني مش متأكدة هل هيفهمني ولا لأ ولا عارفة أعمل إيه وببقي عايزة اعيط كنوع من أنواع التفريغ عن التراكمات ولكن مش ببقي عارفة أعمل كده ونفسي في طريقة أعبر بيها عن مشاعري من غير ما أحس بالذنب إني اتكلمت

Sugar_45399 🇪🇬 · Answer

جداا انا مش بتكلم عن مشاعري اساسا لأي شخص مهما كان قريب أو بعيد مني ومكنتش مهتمة ومكانش الموضوع مأثر عليا اوي مكنش في اي مشكلة لحد ما دخل حياتي شخص، شخص واحد خلاني ابكي بدل الدموع دم وانا مش عارفة ادافع عن نفسي ولا عن مشاعري ولأول مرة في حياتي احس ان كتمان المشاعر والكلام دا سبب لهلاكي كان نفسي اكون قادرة اعبر وادافع عن نفسي بس للاسف انا اتنكست اكتر من الاول بكتر حياتي بقت اسوء بكتير من اي وقت

Chocolate_45065 🇪🇬 · Answer

مش بعرف اقول ال جوايا ولو في يوم اتشجعت وقولت بلاقي استهزاء بالي بقولو من اقرب الصحاب ليا من كتر ماهما مش بيفهموني مبقتش اتكلم نهاءي وبقيت اكتم اهلي مش بيفهموني وصحبتي المقربه لو حكيتلها هتقول انه عادي وانك مكبره الموضوع وانه حصل معها كدا وان الموضوع عادي

Coffee_46437 🇯🇴 · Answer

ما بعرف اعبر وحتى لو عبرت بطلع الكلام كتيير غبي 
او بطلع باسلوب هجومي وانا مو قصدي اهاجم قصدي بس اعبر عن كيف انا حاسة 
رغم انه الموضوع بكون بياكلني اكل من جوا 
ولما بكون بفكر بمشاعري بتكون مرتبة 
بس لما اجي اطلعها بتطلع باغبى طريقة ممكنة 
لدرجة اللي تخلي مشاعري تبين تافهة مع انها مش هيك 
فبطلت اعبر اصلا ✋🏻🐸

Pear_46782 🇪🇬 · Answer

مبعرفش اعبر ولو عبرت ديما بحس اني مش مفهومه بسبب انو الي بيسمع بيحسسني اني مش قد كدا او مش بقدر اعبر اوى ف بيخدو الكلام موضوع عادى علشان كدا اوقات كتير بيكون جويه مشاعر وكلام كتير بس مبقدرش اعبر ولا اتكلم

Strawberry_46844 🇮🇹 · Answer

اه بكون عوزه اقول لهم انهم بيديقوني بس مش بقدرهل لزم ان استحمل وله اقول عادي انا عندي تلت اصدقاء لمه بيكون معيه فلوس اهلا وسهلا  لمه مش بيكون معيه افلوس مش بيكلموني بكون عوزه اقول لهم انهم بيصحبوني لمه بيكون معيه فلوس  ولا مه مش بيكون معيه فلوس  مش بتردو تكلموني افضل معهم وله لاه  انصحوني

Avocado_13020 🇪🇬 · Answer

معنديش مشكلة في التعبير خالص بل بالعكس انا شخصية حوارية و بحب تجسيد المشاعر و اللإهتمام بيها جدا و عندي استعداد اتكلم عن عواطفي و مشاعري لمدة ساعات متواصلة  ... انا مشكلتي الحقيقية هي الاصوات اللي جوايا اللي دايما بتقولي لا متحكيش ده مش ناقص  .. لا ده الشخص ده فيه اللي مكفيه .. محدش مطلوب منه يستحملك ... بطلي اڤورة بقا .. محدش مهتم يسمع اصلا و هما هيحسوكي بتجري روا الاهتمام، و كلام كتير من ده فا برغم اني بحب الكلام جدا إلا انك دايما هتلاقيني شخصية ساكتة و هادية فا يارب اعرف اتوصل لحل وسط انا و الاصوات ...

Carrot_43686 🇪🇬 · Answer

مبعرفش اقول الي جوايا خالص ودايما مخبي ومبعرفش اتكلم مع حد ويعتبر في كلام كتير اوي ببقي عايز اقوله لشخص ما مثلا مجرد ما بشوفه الكلام ده مش بقوله خالص وببدله بكلام تاني 
دايما بخترع شخصيات في دماغي اقعد اكلمها واعبرلها عن ال فدماغي علشان مبعرفش اقول لحد

Nutella_47178 🇸🇦 · Answer

حقيقي مااعرف واخاف لو قلتها يطلع انا اللي غلطان او عشان استهانو بمشاعري قبل كدا مدري بس الصراحه انو من كتر ماكتمتها ماعدت اعرف اشرحها وفي اوقات اكون زعلان من اشياء بس اقول اشياء تافه عشان مني قادره اقول الاشياء المهمه 
تعرف لمن تكون ح تقول لاحد اكبر منك انو هوا سوا شي يزعلك وويقوم يقلك انا اسوي كدا طيب شوف دحين انا كيف اسويه اخاف من دا الشي عشان حياتي لسه متعلقه في اشخاص لو راحو مااقدر اسوي شي ومو من الناحيه العاطفيه لا من العمليه يعني عشان اسوي اي شي لازم مثلاً دا الشخص يوديني ويجيبني ودا الشي مو متعب المتعب ليه عشان انا شخص وعندي هويه ف ليهه لازم احد يخلصلي اشايئي

Blueberry_29380 🇪🇬 · Answer

انا اكثر شخص مايعرف يعبر و مش. مشكله اني ما ابغا اوضح او شي او اكتم ولكني فاشل بالتعبير لايك لو قررت اعبر عن سعادتي بس ابتسم و لو قررت احكي موقف محزن اضحك بدل لا ابكي ولو قررت اني اعصب مو اسوي اي تعابير و مايبين عصبيتي و غضبي او مشاعري السلبيه غيران اسلوبس صار هادىء غير اني اصلا شخص جدا هادىء ك طبيعه فيني سو الى معي بالواقع مايعرفزن انا وش قاعد احس الحين😭😭

Strawberry_49252 🇪🇬 · Answer

كنت بعرف. أعبر بس الناس اللي بدأت أعبر ليهم اتغيرو و كرهوني اني عبرت ليهم عن شعوري ف مابقتش بعرف أعبر عن مشاعري ولا أي حاجه و لما بقيت باجي احكي باخدها ك هزار و ببدأ عياط و معرفش ده يسمي ايه ده بجد

Banana_49619 🇪🇬 · Answer

ممكن حل انا بحب واحد بس هو خطب من يومين روحت انا عملت حساب مجهول بس هو عارفني انا اخلي يعرف اني انا صح  واقوله مبروك ولا احذف الحساب انا اصلا اللي عملت بلوك عشان بخاف من ربنا و اهلي بس بحبه ومش عارفه اعمل اي

Ice Cream_49974 🇪🇬 · Answer

بحس انو في مجموعه من المشاعر جواي بس ما بعرف اعبر عنها اصلا لنو مافي زول بفهمني اصلا ونفسي?💔? 
اااااااااااااااااااااااااااااااااااااااااااااااااااااااااااااااااااااااااااااااااااااااااا

Tomato_47034 🇪🇬 · Answer

أنا اكتر شخص كتوم ممكن تقابله ف حياتك ودا شئ حاسه حلو ووحش ف نفس الوقت حلو لإن انت مبتتكلمش ف حاجات ممكن حد يمسكها ذله عليك ووحش لأن لو بموت كده من جوايا مببقاش عارف اتكلم انا بقا من الناس دى ببقا حرفيا بتقطع من جوايا بس ماشى ولا أكِن في حاجه بس برضو مينفعش انا كولد اروح اتكلم مع حد من صحابى او اين كان مين ف حياتى العاطفيه دا شئ هيقل مني عشان كده تلاقينى بعبر عن مشاعرى ب الActions وانا برضو انسان sensitive جدااااا لدرجة بتأثر ب اقل حاجه وبتِفضل مِعلّمَه ف قلبى بس هروح احكى لمين مفيش عشان كده بفتح الapp افضل اقرا فيه وخلاص نادرا لما ارد على حد ولا حتى عارف افضفض مع حد معتش عارف بصراحه🤎

Blueberry_49608 🇪🇬 · Answer

انا عندي بوردلاين فبالنسبالي بحس كل حاجه اكستريم يعني يا بزعل اوي يا بفرح اوي معنديش وسط واوقات كتير اوي بتجيلي نوبه هلع صعبه جدا ومبعرفش اتحكم فيها معظم الوقت فا الناس بتفتكرني اني بارده او مش فارق معايا لاني فعلا معرفش اعبر عن الي جوايا ممكن اكون عندي كميه حب للشخص الي قدامي لا توصف لدرجة صعبه جدا بس انا مش عارفه ابين ده في حد مره قالي انتي بتقولي حاجه وتعملي عكسها تصرفاتك غير كلامك وده كمان جزء كبير اوي تعابني لاني فعلا معظم الوقت مش بكون متحكمه في تصرافتي ولا بكون عارفه انا عملت ده ليه اوقات اصلا بعمل حاجات انا مش عايزه اعملها وفي الي بياخدها اني مش بقدر الشخص او بحترمه او كده والموضوع ده بجد بدا يتعبني اوي انا عارفه الصح والس عايزه بس مش عارفه اعمله مش عارفه اعبر عنه مش عارفه اقول انا عايزه ده ومش لقيا حل ومش عايز اخسر ناس تاني لاني تعبت من ده ومفيش حد بيفهم نوبه الاكتئاب الي بتجيلي مره واحده من غير اي سبب دي حتي انا اوقات كتير بكون مش فاهمها اصلا ولا عارفة انا ليه متضايقه اوي كده وحقيقي مش عارفه المفروض اعمل ايه وايه الحل وحتي نفسي اكمل حاجه للاخر لكن مبعرفش حتي لو الحاجه دي انا عايزها جدا بس مبقدرش أكملها للاخر….

Cherry_50270 🇪🇬 · Answer

حاسه بفراغ عاطفي وغير كده لسه متعلقه بشخص مش شايفني اصلا بس المشكله ان بقعد اوهم نفسي بحجات وتخيل اني في ما بنا علاقه حب وني كل اما انساه ارجع افكر في تاني ويرجع الحنين من تاني وكل يوم بسئل اسئله مش عارفه ليها اجابه يعني هو بيحبني زي ما بحبه هو بيفكر فيا زي ما بفكر في وفي سؤال تاني اشمعنا هو حبيته ليه هو

Potato_31970 🇪🇬 · Answer

لو قدام حد يعرفني واعرفه سواء face ti face or chat ف اه وده اللي مخليني حابه فكره البرنامج بعبر عن اللي جوايا براحتي وانا ضامنه ان لو حتي لحد يعرفني in real بيستخدم البرنامج ف انا ضامنه ان هو مش هيعرفني ودي حاجه مريحاني 
لسه دلوقتي صاحبتي بتسألني ليه مصحباني او انا بنسبالك ايه قولتلها انا مش هقدر اتكلم 
ممكن تكوني انتي ليكي معزه كبيره ف قلبي بس انا مش قادره او مش عارفه اقول براحتي وقولتلها ان انا مش من الاشخاص اللي بتعرف تعبر عن مشاعررها الا بقي لما بكون جبت اخري خلاص ومبقتش قادره اتحمل اني اكتم اكتر من كده 
مش بعرف اتكلم علي حاجه وحشه حصلتلي ومش بحب اعيط قدام حد 
بس انا اصلاا واحده عيوووووطه ولما بعيط وشي ومنخاري وشفايفي بيحمروا بطريقه غير طبيعيه ف اللي هو حتي لو عايزه اخبي اني كنتي بعيط او كده وشي بيفضحني 😂
وحاجه كمان حتي لو عبرت عن مشاعري بحس اصلاا ان محدش بيفهم اللي انا بقوله ف دي برضو احد الاشياء اللي بتخليني بخب احتفظ بمشاعري لنفسي

Pineapple_50494 🇲🇦 · Answer

لما احكي مشاعري او همومي لاصدقائي احس إني عبء عليهم ومش بياخدوني بجدية كوني شخص الي بيعتمدو عليه دايما وبنصحهم ومش متعودة احكي او اشتكي وبحس ايضا اني محتاجة الي يتفهمني اكثر ما انو يقدملي حلول سريعة يعني محتاجة فقط الدعم النفسي وانو في احد جنبي ومش عارفة كيف اشرح لهم

Durian_50773 🇪🇬 · Answer

انا شخص ما يعبر و ما اعرف و اذا عبرت انفهم غلط وجدا اتحسس من اي شي حتى لو كان تافه والله يوجعني ممكن اتجاوز وما ابين واتجاهل بس من جوى اكون مكسورة خاطر 
وصلت ل مرحلة اني لما اضايق يجيني مثل عصرة مؤلمة  في قلبي لما احس ب تقلصات في معدتي🥺💔 
عاوزة حل

Chocolate_50862 🇪🇬 · Answer

مش بعرف خالص أعبر عن مشاعري بالكلام ولما حد بيقولي كلام حلو مش بعرف أرد غير بمتشكرة اوي ومن ذوقك وربنا يخليك ويسعدك ويسترك ويوسع عليك😂
بس بجد مش ببقا عارفة اعبر انا قد ايه فرحانة او انا قد ايه زعلانة

Coffee_48998 🇲🇦 · Answer

مرحبا👋.
انا مبعبرش عن مشاعري خالص والمخيف ان مبعرفش احس يعني انا على طول متوترة ولكن من برا ببان انسان قوية كالجبل  تصنعت البرود والامبالاة حتى صرت مابعرفش ھل انا باردة او دا غشا استخدمت لحماية نفسي من اي صدمة من الناس من نفسي ربما صر مابعرفش ھل شخصيتي قوية او بتصنعھا عل كلاني نابغ من القلب او متصنع...

Chocolate_51290 🇪🇬 · Answer

جدااااا 
بمعرفش اعبر خالص بس بيجيلي لحظات من الذهول و الاستغراب حتي انا بسالهم المفروض احس بايه 
بلاقيهم فرحانين فبتصنع الفرحه و كذلك في الزعل او المواقف الي الكل فيها ساكت و بيعيط 
و مش بعرف اعيط خالص بكتم جواها و ساعات من كتر الخنقه بحاول اعيط مبعرفش بحس باحتقان بجد مش عارفه اعمل اي

Onion_51494 🇪🇬 · Answer

اكيد، وتقريبا كتير مش انا لوحدي
بس انا بحس أن مشكلتي هي مسئوليتي انا مهما كانت صعبة وحد قدم لي مساعدة بضايق جدا، وبحس أنه بيعمل معايا جميلة وانا مش بحب كدا
ودايما ببقي عايز ابقي مسيطر علي كل المواقف والأحداث سواء بتحصل في اليوم او في العموم.
وده مشكلة وبحلول افهم أن طبيعي الأمور متمشيش زي ما انت عايز ولازم تتعلم ازاي تحل المشاكل حتي لو ظهرت من العدم، والمساعدة كويسة بس اعرف يتطلبها من مين (دي اهم حاجه)

Kiwi_51151 🇪🇬 · Answer

ديماً مش بعرف اعبر ع مشاعري وبالذات لما بكون مضايق باخد جنب لوحدي ومببقاش عايز اتكلم مع ان لو اتكلمت هرتاح  بس ازي بقي لازم الانسان يعذب نفسه ممكن علشان مش بيثق ف حد يحكليه فااتعودت اني اكتم جوليا يعني ممكن اكتب اللي حاسس ليه لكن اقوله مش بعرف للاسف

Pumpkin_29690 🇩🇪 · Answer

أنا في العموم بقدر اعبر عن مشاعري يعني بقدر احدد أنا حاسة بإيه وليه بس  صعب اني  اعبر عن مشاعري قدام الناس بالذات المشاعر السلبية زي الحزن والاكتئاب والإحساس بالوحدة لأني بخاف أتقل على حد وبخاف الناس تزهق مني وعشان كدة بعزل نفسي في الأوقات دي ودة اكيد ليه تأثير سلبي على علاقاتي الاجتماعية لأنه صعب انك تبني صداقات لو انت كل كام أسبوع بتختفي ومش بتكلم ولا بترد على حد

Hazelnut_49756 🇪🇬 · Answer

في الغالب مش بيبقي عندي صعوبة في التعبير عن مشاعري الا لانسانة واحدة بس وهي امي بجد بتعمل حاجات بتخليني حتي لو عاوزة اعبر حبي وشكري ليها مبقدرش لان علي قد الحاجات الحلوة الي بتعملهالي وخوفها عليا و حبها ليا علي قد ما بتعمل حاجات بتخليني اتمني بجد اني يارتني ماكنت بنتها ماما بجد انسانة سلبية جدا بس حنينة في الحاجة وعكسها

Coffee_34114 🇸🇦 · Answer

انا كنت بحكي اي حاجة لاي شخص
حرفيااااا اي شخص
اي حاجة تضايقني ما بقدر ما احكي بحكي عشان ارتاح
وما حصل حسيت اني ما مفروض اعمل كدا الا بعد ما حصل موقف لما جيت افضفض لصديقتي وقالت لي جملةما لطيفة
او هي عادية بس انا ما اتقبلتها
منها بقيت ما بقدر احكي لاي شخص مهما كانت مشكلتي بسكت وما بحكي
ممكن احكي اني متضايقة بس ما بحكي السبب
احس انها حاجة كويسة

Watermelon_12675 🇪🇬 · Answer

انا اصلا مش بعرف احكي لاني متعودتش على كده حتى اهلي مش بحكي ليهم حاجه حتى لو كنت عايز احكي لحد ف انا مش بعرف ارتب الكلام جوايا علشان اقوله ف مش بعرف اكون جمله مفيده ف بسكت وعارف أن ده غلط مع اني بيبان عليا اني مضايق بس مش بحكي او محدش بيعرف اسباب

Apple_51259 🇪🇬 · Answer

هو انا مبعرفش انا اعبر عن اللي جويه نهائي حتى لما بتعب ببقى مضايق مكتئب زعلان قرفان مش عمتقبل الحياه وحتى لما بتجيلي افكار سلبيه مبعرفش اتي اتكلم مع حد و اتناقش مع حد يا ريت لو حد عنده حل يشركني بلييز عشان انا زهقان مش عارف اتخلص من عدم التعبير عن النفس والمشاعر

Donut_52185 🇪🇬 · Answer

بحس بكدا ، مهما اتكلمت بحس أن لسه فيه جوايا حاجات كتير مش قادره اعبر عنها أو اوصفها دا غير انى كتير بندم انى اتكلمت حتى لو رد فعل اللى ادامى كان عادى و دا بيخلينى مخنوقه سواء اتكملت أو كتمت جوايا ، بحس جوايا كل حاجه و عكسها ، جوايا ١٠٠ سؤال كل سؤال ليه اكتر من اجابه

Pumpkin_10776 🇪🇬 · Answer

مبعرفش اعبر عن أي مشاعر لو حد بحبه مثلا مستحيل اقوله اني بحبه بس بيبان في افعالي لو حد بكرهه مستحيل اقوله اني بكرهك مهما كانت اذيته لو حد بيتجاهلني مش بديله اي اهميه ومش بعرف احكي لأي حد عن اي حاجه في حياتي خصوصا لو حاجه شخصيه ولو حاجه مأثره فيا جامد ابدأ اعيط في نص الكلام مبعرفش اعاتب واقول لأي حد انت عملت كذا والحاجه دي ضايقتني  معنديش حد قريب مني من عيلتي او اهلي  عشان احكيله والصحاب يتعدوا علي الصوابع وكمان مبنشوفش بعض إلا كل سنه مره ولا حاجه و كل المشاعر اللي ممكن يحسها إنسان في الدنيا بتعدي عليا ومحدش يعرف عنها حاجه كأني صخره لدرجه الحجات اللي كانت بتبسطني معدتش بتبسط بيها والفتره دي معنديش اي مشاعر تجاه اي حد ولا حب ولا كره ولا سعاده ولا حزن اللي عاوز يمشي يمشي واللي عاوز يبقي يبقي انا معنديش مشكه واللي عاوز يتكلم يتكلم واللي مش عاوز اهلا وسهلا بقيت متبلده المشاعر تجاه العالم رغم اني كنت شخص بتحمق اووي علي اي حاجه وعارفه ان بعد الفتره من البرود دي  ما هتعدي هيكون فيه انفجار من كل حاجه مخزناها جوايا

French Fries_14743 🇪🇬 · Answer

ابدًا الحمدلله، رغم إنك لو تعرفنى هتلاقينى ساكت أغلب الوقت
وبخاف وبتوتر لما اتكلم.. بس رغم ده مش شايف ان فيه مشكلة
لإن الحوار مش عندى، الحوار عند اللى بيستقبلللل تعبيرى عن مشااااعرى

إحنا فى زمن بنلعب بالمشاعر لعب…..  كإنها دومية
كل حاجة حرفيًا فيها اختلاس ونصب وخيانة
ازاى تخلينى أثق فيك لدرجة إنى اخليك تعرف اللى جوايا وإنت مش محسسنى إنك أمين
 ومهتم تعرف اللى جوايا مش الظاهر منى.
مش بلوم على الزمن، بلوم على الناس اللى شايفة ان عندها "مشكلة" فى التعبير عن مشاعرها وشاكّين فى ثقتهم بنفسهم!!

Ice Cream_30319 🇪🇬 · Answer

انا عندي مشكله في الموضوع دا جدا يعني باختصار كدا انا مبقدرش اعبر عن مشاعري اتجاه حد أو حتي ابسط من كدا انا مبقدرش افضفض مع حد عن حاجه لو فضفضت بفضل طول اليوم اكلم نفسي وقول للدرجاي انا مش قادره اكتم مشاعري أو مشاكلي أن كنت أنا مش عارفه احافط عليها اللي حكتله هو اللي هيحافظ عليها وكلام دا كتير

Coffee_41002 🇪🇬 · Answer

انا بتوتر اوي ف التعامل مع الناس، يعني لو مع صحابي بكون عادي وبتعامل مع اي حد وصحابي مقتنعين اني اجتماعيه و جريئه، بس لوحدي بجد بتوتر وبتكسف، بروح جيم الفتره دي وانا اصلا بحب التمرين اوي، بس زهقانه من اني فالجيم لوحدي، وحاسه بملل واني بدئت اكون مش عاوزه اروح، انا اشتركت 6شهور ف كد كد مجبره اروح، وانا اصلا بحب التمرين وي ومشتركه بعد اقناااع كتير لبابا، بس زهقت بجد، محتاجه حل ابطل اتكسف واتوتر، حته من الكابتن. 
انا خلاص هكمل 18سنه في شهر 7.

Popcorn_35495 🇴🇲 · Answer

انا ك شخص مش بعرف احكي لحد انا بحبه قد ايه يعني مش بقدر اوصف لكن من تصرفاتي معاه بتحدد انا بحبه قد ايه بس في ناس مش بيقدرو الكلام ده و بيفتكرو ان معنديش مشاعر بس انا اكتر واحد بكون حاببهم والله و بيكونو عندي رقم واحد ☝️

Durian_52455 🇪🇬 · Answer

عندى مشكلة مع الناس فى إنها مش بتدى فرص لناس تانية عندها مشاعر!!
كون إنك مبتعرفش تعبر عن مشاعرك ف ده سببه الناس مش إنت
لإن إحساس دايمًا إنك مش لاقى اللى يسمعك أو يهتم لأمرك أو يخليك قادر تعبر بحرية… كل ده سببه الناس
لإن مفيش إحساس الأمان منهم.. ولا إنك ضمن إهتمامتهم.. ولا انهم ُمجبرين يسمعوك
إحساس الأنانية بقى طاغى بشكل مرعب!

Mango_52458 🇪🇬 · Answer

اه عندي مشكله انا بقالي 5 سنين تقريبا بكتم في نفسي و دلوقتي عندي 15 سنه و بقيت شخصيه بارده بس الحمد لله بقيت بعرف اتحكم في برودي بس بقي صفه من صفاتي للاسف
يعتبر السنه اللي فاتت اول سنه ابدا احكي لحد (صحبتي)بس مش بعرف اعبر عن مشاعري زي مثلا لو حاجه مضيقاني مش بعرف اجمع الجمله كلها او اقولها بشكل مظبوط و مش بعرف اتكلم قدام الناس و بقعد اتلغبط في الكلام مع اني ممكن ابقي عارفاه بجد منصحش اي حد يكتم في نفسه و يقول لاي حد زي مامته او باباه او الصاحب/ة او حتي لو مفيش دول يبقي تكتب/ي في ورقه الملاحظات او تتكلم/ي قدام المرايا او حتي علي الموبايل

Biscuit_28797 🇪🇬 · Answer

مأثر موت عامة انا و هو نفس الكلام و ف الاول كنت بحاول اعودو يحكيلي و يفتحلي قلبو و اني كلي اذان صاغية و اديلو الاهتمام اللي محتاجو و كده بس انا من النوع اللي معرفش احكي علطول كده الا انا اجرب اللي قدامي رد فعله ايه اما حكيت بس مكنش عندي حد غيره احكيله و بعدين واحدة واحدة حسيت منه انه مش مهتم بيسمع و خلاص اي حاجة حتي مش بيواسيني مجرد بيفضل يقولي كلام اسكت بيه و خلاص و فجأة ننفجر ف بعض و هو كان الاول يحوشلي و يجي يجيبلي كلو و انا مش كده انا م النوع اللي بنسي بسرعة و كمان بكون عاملة حساب للوقت الحلو اللي بينا و غير كده بقول يمكن مضغوط يمكن حسسته ب احاسيس وحشة اسيبه يطلع اللي ف قلبه ع الاقل بس برضو انا مش ملاك و كذا مرة نسيب بعض بسبب الحوار ده بس هو كان بيرجعني و بعدين بقيت انا برجعه بس بجد مبقتش حاجة مريحة خالص

Pistachio_29992 🇪🇬 · Answer

ملقتش حد يقولي معلش لما بابا مات كان الاكتر مركز مع تيتة و ماما و دايما قي دماغهم ان احنا هنعيشو حياتنا و ماما و تيتة لا محدش طمني أو حاول يخرج الشعور اللي كان جوايا ف كنت بنزل بوستز علي النت عشان أخرج الطاقة اللي جوايا و أدعي لبابا و أحكي لغاية ما حد قريب جدا مني قال أني ممثلة ف مسحت كل دا و بقيت بكسل أحكي

Lemon_52518 🇪🇬 · Answer

مشكلتي اني مش بعرف اتكلم عن مشاعري خالص قدام اي كد لكن هنا ف توهيل عشان محدش عارفني بتكلم بكل اريحيه و دي حاجه مديقاني بصراحه و مش عارف اعمل ايه جربت كذا مره اتكلم في مشاغري مع اكتر من شخص بس بفشل و بحاول اغير الموضوع بسرعه

Pumpkin_52727 🇪🇬 · Answer

عمري ما اتعودت على ان اقول انا حاسة بايه و لا عرفت ازاي اسمي مشاعري و كبرت علي اساس ان مشاعري مش حاجة مهمة لحد ما هي دلوقتي عملتلي ازمة في كل حاجة علشان مش ببقى فاهمة انا حاسة بايه فبتالي مش بعرف احل ولا اتعامل مع حياتي

Chilli_52684 🇪🇬 · Answer

انا عمري ما قلت الي بيحصل جوايه لحد حتي اقرب الناس ليا بمعني انو حتي لو في حرب جوايه انا ساكت فرحان ساكت متدايق من حاجه ساكت فا انا الناس بترميلي همومها بس انا مش قادر ارمي همومي او اشاركها مع حد كل اصحابي الي زعل و الي فرح انا كنت بفرح علي فرحهم و ازعل علي زعلهم

Apple_52946 🇪🇬 · Answer

دئماً بزهر عكس الجويه عمر ما حد خد بالو ان الإنسان الديمن واثق من نفسه و مش بيهمه حد و بياخد حقه انو ممكن كلمه سخيفه ممكن متخليهوش يعرف ينام ، كل يوم الفجوه بين الببينه و الأنا 
حسه بتكبر و بتتملي زعل و حزن و وحده علشان حتي اقرب الناس ليه هما بيتعملو معيا علي الأنا بابينه مش الأنا حسه

Mango_14658 🇪🇬 · Answer

جدا مبعرفش احكي بجد بحس انو احكي اقول ايه يعني على طول ببين اني مبسوط أو عادي مفيش حاجه بس في حاجات كتير اوي معرفش المشكله فيا أنا اللي مبعرفش احكي ولا اصلا محدش مهتم ولا أنا اللي حساس شويه فاللي بيزعلني تقاهات معرفش بس ببقى نفسي فحضن بس و افضل اعيط

Peanut_53383 🇪🇬 · Answer

انا مبعرفش اتكلم عامتآ ما بعرفش اعبره ودبش اوي  اقرب والناس ليا مفكرني ما عنديش قلب مش حنينه ما بحسش كده يعني بس انا عادي بحس بس بحتفظ بالاحساس ده ليه بس هم عندهم حق برده دي مشكله فيا ومش هيشموا مع ضهري ادهم احساسي يعني😅

Potato_53484 🇪🇬 · Answer

الصراحة اه 
انصحكم كلكم تتفرجوا على سلسلة دكتور عماد رشاد عثمان عن التعافي 
الصراحة ساعدتني جدا في التعبير عن مشاعري واكتشفت انه كثير من البؤس اللي أنا فيه سببه اني مش بعرف اعبر عن مشاعري وبكتمها وبدوس عليها

Apple_53207 🇪🇬 · Answer

انا راجل عندي ٢٥ سنه و كنت معالج نفسي و اخدت مجستير ف علم النفس و اشتغلت المهنه دي و كان معايا كارنيه بس حقيقي من كتر القصص الي كنت بسمعها و المشاكل ال الولاد او البنات يحكوهالي مكنتش بعرف انام و كنت كمان شغال ف قسم البيرسونالتي يعني كلهم اكبر حد فيهم عنده ٢٠ سنه بس كنت بسمع حجات حرفيا كانت بتخليني عايز اقتل نفسي و الحمد لله ساعدت منهم ناس كتير اوي و وصلو انهردا لي مرحله حلوه من التعافي و لسه شغال يعتبر لايف كوتش مع كام حد 💔💔

Coffee_53420 🇪🇬 · Answer

أنا بسبب دا عندي إضراب شخصيه لاني شخصيتين مختلفين واحده اللي جوا عكس اللي بره و بفكر أتعالج عند دكتور نفسي بس خايف اظهر الشخصيه اللي جوا الناس متحيبنيش زي الشخصيه اللي بره وحقيقي مش عارف اعبر عن الحقيقه اللي جوا ولا المشاعر

Cookies_53926 🇲🇦 · Answer

هاد البلا أتر عليا بزاااف وخلاني نعيش وحيد والناس مكتفهمنيش وضحية للإستغلال و كنت ديما كنقمع مشاعري مكنبارطاجيهاش مع الناس لي كنعرف و لا صاحبي لي كنتيق فيه خوفا من أنه يضحك عليا شي نهار 
وكنحس بالخذلان

Cookies_17164 🇪🇬 · Answer

اه جدًا انا مش بعرف اعبر عن مشاعري الحقيقيه يعني مثلا مفتكرش اني عمري قولت لاهلي اني بحبهم يعني عمري ما قعدت جمب ماما كدا و قولتلها ماما انا بحبك بحس اني مكسوفه اقول كدا معرفش ليه رغم اني متربتش على اني اكتم مشاعري بالعكس بابا كان دايما يقولي عبري عن مشاعرك متتكسفيش تقولي كلمه حلوه لحد و ماما كده بردو و كمان لو حد عيان مثلا و ف المستشفى قدامي ونا بحبه جدا بس مبقدرش اقوله حاجه غير الف سلامه يعني مش بعرف اطبطب عليه مبعرفش اقوله كلام يخفف عنه و بردو الموضوع ده حتى مع صحابي يعني عمري ما قولتلهم كلمه بحبك بطريقه مباشره ولا بينتلهم مشاعري ولما بلاقي حد منهم بيعيط مثلا مببقاش عارفه اقوله ايه او اخده ف حضني رغم اني بيبقى نفسي اعمل كدا عشان عاوزه اهون عليهم بس مش بقدر بتكسف اعمل كدا ف اغلب تعاملاتي مع الناس كلها بالذات اللي بحبهم بتبقى هزار و ضحك و رغي و كدا انما مشاعري الحقيقيه ناحيتهم مش بعرف اقولهالهم رغم كدا ممكن لو اتكلمت ف الشات اعبر عن مشاعري عادي و اتكلم ف مواضيع كتير و انصحهم لو في مشكله و اتكلم بطريقه جد و اعبر عن مشاعري عادي و الموضوع دا ضيع عليا حاجات كتير اوي لأني بسببه لما مثلا حد يقولي كلمه حلوه مبعرفش ارد عليه و الرد بيطلع دبش غضب عني

Lemon_54140 🇪🇬 · Answer

اكبر مشاكلي بالحياه لان في حرب بتحصل بدماغي هل الي قدامي يستاهل المشاعر دي هل انا مندفعه بالمشاعر دي هل دي مشاعر حقيقيه ولا حتخف بعد كم يوم لان مشاعري دايما مندفعه بالبدايه هل وهل وهل والكثير من الافكار الي تقتل المشاعر قبل قدرتي على التعبير عنها بعيدا عن صعوبة الفكره والمشاركة

Pineapple_53398 🇪🇬 · Answer

كتير بحس اني تايهه وسط دماغي وسط افكاري تايهه مش عارف احدد حالتي المزاجيه تايهه مش عارف مالي بكون حزين او مهموم و بسال نفسي لي مش بعرف ارد و لو حد سألني لي مش بيكون عندي رد مقنع ف بجاوب ب اي حاجه و خلاص و ديما بكتشف ان التراكمات بتأثر و مش لاقي طريقه اخرج بيها الطاقه دي قبل ما تتراكم و ديما ماثره عليا

Hazelnut_41669 🇪🇬 · Answer

عندي مشكله كنت متعرف علي بنت عنطريق نت قعدنا سنه نتكلم كل يوم فجاه كلام قل وختفت فتره ورجعت تكلمني ولمه سالته اقلتلي انها كانت مشغوله في تخرج بتعها رجعنا نتكلم تاني شهر وعملت نفس موضوع ده تقريبآ تلات مرات فانا دلوقتي اعمل اي مش عارف اخد قرار بجد اتجهاا.. !?

Mushroom_55147 🇲🇦 · Answer

oui .. je n’arrive plus à m’exprimer 
je n’étais pas comme ça 
Avant j’étais une personne expressive, sociable et bonne vivante 
Aujourd’hui je ne trouve plus le plaisir, je n’arrive même pas à décrire ce que je ressens

Biscuit_55779 🇪🇬 · Answer

انا نفسي حد يحضني بس من وانا صغير محدش حضني وللاسف لو قولت كدا لحد هيفتكروا حاجة غلط عني
الموضوع صعب
معرفش ايه أسبابه بس انا والدي كان مسافر وامي كانت بتشتغل معرفش دي سبب ولا انا اوفر شوية والموضوع دا مخليني اكون حذر ف اني مقولش اي حاجة مهمة لاي حد

Strawberry_54925 🇧🇭 · Answer

اي هاي شي أعاني منه من زمان ان ما اقدر أقول الي بدخلي و صعب جدا اشرح الي بداخلي حق الي حولي و احس إذا طلعت مشاعري حق احد راح يفكر ان أنا دراما و ما اعرف ليش احس بالاشمئزاز من مشاعر أحسه شي حق مراهقين و الأطفال

Chocolate_56837 🇪🇬 · Answer

يااااااااااااااه. دي اكبر مشكله ف حياتي اني مبعرفش اعبر عن مشاعري لدرجه ان امي بتفتكرني بكرها واخواتي نفس الكلام بس بعكس ده تماما لدرجه اني يمكن مبحبش حد غيرهم  وده خلاني احس اني عاااق بس انا مش كده اللي حاصل اني مبعرفش اعبر عن مشاعري بالتالي هما مفكرين وحش بالتالي بيعاملوني بجفاف وأسلوب وحش بالتالي ضميري يانبني بتالي مش عارف من صح ومين غلط

Grape_57402 🇪🇬 · Answer

نفسي اعرف اعبر عن مشاعري من ساعه ما اتخذلت في زوجي وانا بقي صعب عليه اعبر حقيقي بقيت اخاف اقول بحبك واو بكرهك حتي حقيقي الواحد حب من كل قلبه بمشاعر صدقه وعفويه رهيبه اخذت احلي ما فينا لأشخاص غلط لكن بعون الله بتحاول وبنجاهد

Mushroom_55112 🇪🇬 · Answer

المشكلة انك لما بتعبر عن مشاعرك و تطلع الجواك ممكن محدش يفهم و لازم تشرح اكتر عشان المعلومة توصل و بعد كل دة هتلاقي نصيحة غبية او القدامك هيعلي عليك و يقولك دة انا بيحصلي اكتر من كدة هي دي حاجة دي

Avocado_57638 🇪🇬 · Answer

انا ما بعرف اعبر عن اي حاجه ما بعرف اتأسف حتي من والدتي ما اقصد بس موضوع اني اتأسف تقيل عليّ اووي مابعرف ابين حنيتي معظم اللي حواليّ شايفني اني جديه اوي وقاسيه بس انا ماني كدا وطيبه جدا بحاول ما ابين اني طيبه لان اصدقائي يستغلوني لكن ما اقدر حاجه فطريه عندي كدا ولما بزعل ما ابين ومستحيل اعيط قدام حد حتي اهلي هما يقولون عني اني ما بحس لان مهما كان كلامهم قاسي ما ببين اذا اضايقت او زعلت دايما يقولون اني بارده في مشاعري وانا ساعات احس اني بارده لاني ما بعطي اي رأكشن مهما كان حجم الموقف 
اعمل اي؟ 🙂

Avocado_57638 🇪🇬 · Answer

ازيكم عاملين اي 
انا في حاجه حابه احكيها 
انا عمري ما عرفت احب حد عمري ما جربت الحب الحب اني اشوف حد واقول خلاص دا حب حياتي فاهم يعني مثلا عندي واحده صحبتي بتحب واحد وهو سابها وكدا وعمل مواقف مش حلوه خالص معاها واكونتات فيك والحوارات دي وبعد دا كله لسه بتحبه ونفسها تتجوزه انا بحكي دا عشان انا مش قادره استوعب هي ازاي بتحبه ازاي احب حد كدا حتي لو حصل كم موقف لطيف حركه جدعنه كدا اصلا لو حصل دا معايا يعني حد عمل حركه جدعنه معايا بحس ان دا واجبه لانه راجل او دا ذوق منه حتي لو الشخص دا بيحبني او معجب او هو دا فعلا ذوق منه ورجوله 
بس عمري ما اتعلقت بحد انا لوحدي اعجبت بحد تاني يوم بكون ناسياه اصلا اللي هو انا شوفت ملامحك دي فين قبل كدا بكلمك بامانه انا ممكن مبعرفش احب او مقابلتش لسه الشخص اللي يخطف قلبي واحبه 
جايز بس مش عارفه 
وبصراحه انا مبحبش فكره الاتباط دي نهائي بعيدا عن انها حرام بس بحس ان انا مينفعش ادي مشاعري لاي حد لازم الحد يكون خطيبي اوجوزي الشخص اللي هيجي البيت من بابه وشاريني بحس ان هو احق بكل دا يعني زي ما تقول بحوش كل حاجه له مع اني مش متاكده هل هكون انا اول بنت في حياته زي ما هو هيكون اول راجل في حياتي مش مش عارفه 
هي بالنسبه اني مبعرفش احب او كدا دي مشكله ولا عادي ولا عشان مجربتش احب ولا عشان مقابلتش حد خطف قلبي مثلا مع اني بعجب عادي بس عمري ما حبيت حد فاهمني يعني اخري اكراش او اعجب بحد عشان طريقه لبسه شيك او بيغني حلو شاطر محترم كدا غير كدا شكليات يعني

Coffee_57918 🇪🇬 · Answer

اه جداً جداً
حتى لما جربت اتكلم مع ثيرابيست (لأني بعاني من مشاكل وحاجات كتير وبجد تعبانة ) معرفتش أوصلها إحساسي أو أنا حاسة بايه بالتالي هي معرفتش تعالجني كويس 
وجربت كذا ثيرابيست كلهم نفس المشكلة، مش بعرف أقول اللي جوايا ولا أوصفه ف مش بيعالجوني ولا بيفهموني 
بجد مش عارفة المشكلة فين والله وليه مش بعرف أتكلم 
حتى اللي المفروض ده تخصصهم وشغلهم معرفوش يفهموني، حاسة هفضل بعاني طول عمري والله

Strawberry_58705 🇪🇬 · Answer

مشكلتي مش ف تعبير ... مشكلتي ان احيانا ببقي مش فاهمه سبب المشاعر دي اي ... ليه انا حاسه بدهه .. و كنت دايما اسمع جمله اصل مش بعرف ازعل و كنت بستغرب جدا عشان كنت حساسه جدا و اعيط من اي حاجه ... بس فجأه فهمت احساسهم لان بقيت زيهم .. مشكلتي مش ف ده لان ده بيرحني احيانا .. مشكلتي لما بيجي وقت انفجار حزني جوايا .. ببقي مش عارفه هعدي من الفتره دي ازاي .. و ازاي هرجع تاني كويس بخاف اتبلع ف دوامه الزعل بس سبحان الله هة يومين تلاته بكتير ة اصحي يوم الاقي ربنا مطبطب ع قلبي ة صاحيه كلي نشاط و كأني ببقي عاوزه اعوض كل الي فاتني

Coffee_58315 🇪🇬 · Answer

في نقطة لازم تخدو بالكم منها المشاعر بتتحس مش بتتشاف او بتتسمع و طول ما هي محسوسة مش متشافة او مسموعة ممكن تغير فيها لاكن مجرد ما تقولها او تكتبها و تتعامل علي أساسها كده بقت حقيقة و موجوده علي ارض الواقع و اول حد بيصدها هو عقلك مجرد ما تقول انا بحب فلانة او انا معجب بيها و الفرق مبينهم كبير لو تاخد بالك بس ده انت بترجم شعورك لكلام و مجرد ما ترجمتو غلط عقلك هيتعامل بناء علي الترجمة الي انت قولتها بلسانك طلع بعد كده انو كان مجرد اعجاب مش حب بقت مشكلتك انك كنت فاهم شعورك نحتها غلط
الخلاصة خد بالك من لسانك و مش ديما المشاعر الي بتحس بيها تقولها او تعبر عنها علشان ممكن متبقاش فاهم شعورك صح و استنا لم تتأكد من الي انت حسو كويس جداً قبل ما تقولو....

Watermelon_58876 🇪🇬 · Answer

من زمان وأنا كنت بعاني إني باخد كل حاجة على أعصابي ومبعرفش اطلع اللي جوايا وكان الموضوع دا اختفي سنتين او تلاتة فاتوا وحاليا أنا رجعت أسوأ مبعرفش اتكلم ولا قادرة افهم المشاعر اللي حاسة بيها ايه او يعني ايه أو معناها ف بتمنى ابقا كويسة تاني علشان قلة التعبير تعباني أوي

Apple_59652 🇪🇬 · Answer

دلوقتي انا ساعات بحس نفسي تقيل علي واحد من اعز صحابي فا ابسط مثال يعني انا بحب اقعد معاه كتير جدا فا ببقي عايز انزل معاه و هو بيبقي مش عامل حسابه فبقله انزل و انا هحاسبلك و اكتر من مره بعملها و هو بيردهالي ساعات بس من نحيتي اكتر فا انا ساعات بحس انه ممكن يتضايق انا متردد ابعتله اقوله ان لو انا تقلت عليه في يوم يقلي عشان مبقاش تقيل و لا اسكت و متكلمش عشان انا شخص باخد بالي من ادق التفاصيل و غصب عني و كده

دلوقتي ابعتله و اقوله ان لو حس في يوم اني تقيل عليه يعرفني ولا هتبقي شكلها وحش و غريبه

Hazelnut_41669 🇪🇬 · Answer

{ محتااار بجد }
لسه متعرف علي بنت معايا في شغل من شهر تقريبآ  و علاقتنا كويسه جدا مع بعض.
 من فتره شافت هستوري لياا وأنا بشرب خمره المهم استغربت من ردها لياا جت تقولي عاوزه أجرب أشرب معاك 
هل هي كده غردهاا ايه...؟

Strawberry_47491 🇺🇸 · Answer

انا زواجي انهار لأني انسانة كتومة و منحكيش بزاف خاصة مع الغرباء ، علاقاتي قليلة جدا و هذا الشئ خلى زوجي يعتبر انني اكرهه و أكره عائلته ..رغم اني فسرتلو ان هذا جزء من شخصيتي انا انطوائية لا أستطيع الاندماج

Watermelon_60393 🇪🇬 · Answer

في الواقع لا، انا بعرف اعبر عن مشاعري وبعرف افهم اللي قدامي كويس، تقريبا دي من اكتر الحاجات اللي سمعتها فحياتي

المشكلة بقى مش في كدا، المشكلة انك تلاقي حد حابب يعمل شوية effort معاك

يسمعك او يهتم زي ما انت سمعته واهتمت بيه

Basically it should go both ways

بس عمري، عمري ما لقيت دا

Coconut_58539 🇪🇬 · Answer

بعرف اعبر عن مشاعرى وبدقة
مشكلتى فى ان الشخص اللى بعبرله يفهمنى
ومن البداية هل الشخص ده يستحق انى اعبرله عن مشاعرى ولا فاكس

كسزيوينؤزيمسكثهويويمءكسمبزورؤظدءكبككديميككيكرميميزيميمرككرم

French Fries_57250 🇪🇬 · Answer

عندي مشكله دايما في التعبير عن مشاعري مع اصدقائي اولا بحس ان لا لو مشتمتوش هبقا كدا متدايق منه و مع اللي بحبه بقا بخاف اعبر عن اللي في قلبي عشان مش عارف اللي قدامي رد فعله ايه وهل ممكن اندم علي دا او لا.

Chilli_61221 🇪🇬 · Answer

كتير ودايما بتكون عندي المشكله دي ومش بعرف اوصلها خالص حتي لما بحاول اعبر بقول كلام غير اللي حاسس بيه 
او اللي عايز اقولهه ...........
ازاي بقي يكون ليها حل او تعديل السلوك يكون ازاي دي حاجه مش سهله  خالص

Strawberry_62458 🇪🇬 · Answer

اه طبعا مبعرفش اعبر عن مشاعري بتكسف وبخاف ابينها هو اه احساس سيء اني كاتمة حاحة جوايا بس بيحميني كتييير من ناس الحمد لله اني معترفتلهاش اني بحبها وناس مبينتش قدامهم اني حزينة او محتجالهم وحقيقي الحمد لله علي نعمة الكتمان عشان لسه مقابلتش حد يستاهل ابوح له بمشاعري

Coffee_62498 🇪🇬 · Answer

مش بكون فاهمة سبب تصرفاتي ومشاعري ايه 
بفهم مشاعري واحساسي بعد فترة فبفهم ليه تصرفاتي كانت كده 
انا تقريبا مش عارفة نفسي او مش عارفه افهم واتعامل مع مشاعري ازاي 
مش فاهمة احدد المفروض اشتغل على ايه عندي
أوقات بحس اني محتاجة Therapy

Carrot_62530 🇪🇬 · Answer

خالص انا اي شعور بحسه بعبر عنه بشكل عفوي جدا لكن الحياه علمتنا بقي أن احنا نتريث شويه ومش كل نحسها نقولها يعني بقي فيه ضبط وظبط عشان مناخدش فوق دماغنا بس 😄 نازةوتلناةمارتناامتىنناننناىلةنناىىىرننةةررمهلبببمتلبرىرننايننناىررنتابرننىرننمتلىتنىرلناررنتلىرراالبللىبررننمممتاىرررررىىرررؤييراااا

Biscuit_62485 🇪🇬 · Answer

اه مش بقدر اوصل للقدامي انا اقصد ايه يعني و خصوصا اني ولد بس خجول جدا و بسعي يعني اني ارضي ربنا قبلها كنت حاكي اني فعلاقة حرام و عشان اطلع منها انا بقي مكونتش عايز اطلع منها بظبط لا كنت عايز نبطل كلام و نفضل متمسكين بحبنا لحد ما تيجي الفرصة و اروح اخطبها فورا المهم انا حكيت كل حاجة لقيت الطرف التاني رد عليا ابرد رد شوفتو فحياتي (تمام الانت شايفه ) ركزت شوية و قولت رضا ربنا اهم و قفلت و فضل ضميري مأنبني بعدها بفتح بالصدفة قائمة المحظورين و اكيد انت اتوقعت انا عملت ايه دخلت فعلا كلمتها المهم حسستني قد ايه شخص اناني بس بالطريقة فضلت تقولي انا كنت افضل قاعدة اعيط و انا كنت محتاجاك و انا عادي متعودة علي الوحدة وقتها حسيت الدنيا ضلمت و فضلت جنبها و سندها و علي نفس هذه الدائرة كل مرة ابعتلها مقال و امشي و ارجع تاني في اشخاص قالولي انت معرفتش تقولها انت عايز ايه ؟!

Coffee_62749 🇪🇬 · Answer

مش مشكله كارثه تخيل أنه في شخص جواك سايكوباث مجنون مختل وده الي بيحصل معايا اني مصاب بالإفصام أو بشكل مثقف شويه DID أنا مش هتكلم كتير بس انا حاولت اقتل على الأقل خمس اشخاص قبل كدا ويمكن قتلت فعلاً عشان أنا لا اتذكر 70٪ من حياتي بس انا بعيد عن الشخص الي بداخلي أو كما يدعي في Alter  في علم النفس وكما أنا اسمي هذا الشخص LEO فأنا سلوكي غير عنيف إطلاقا

Chocolate_62747 🇪🇬 · Answer

انا احيانا بخبي مشاعري جوايا يعني زعلانة متضايقة متغاظة حزينة المشاعر الوحيدة الي بسيبها تنطلق هي مشاعر الفرح والسرور والسعادة بس انا بتصرف بطريقة عفوية جدا مع اي حد وبسبب كده الناس مفكراني عيلة ومش قد المسؤلية بس انا بطبعي وطول عمري بخبي مشاعري حتي ان اجا حد وسالني مالك وانا زعلانة مش بقول وبضحك وبقول انا ميه ميه ومافيش فيا حاجة وانا ببقي بتقطع من جوايا

Chilli_63344 🇪🇬 · Answer

انا شاب ٣٠ سنة م اسكندرية بكالوريوس تجارة وموظف 
مريت بتجربة جواز فاشلة فشل لابعد الحدود طبعا وانتهت بالطلاق ضعيت عمري ع الفاضي بدور ع انسانة بنت حلال محترمة اتمني الاقيها وتكون مناسبة ليا

Hazelnut_64540 🇪🇬 · Answer

اه فعلا 
بس الجديد إن كان كل المشاعر ماتت عندي 
بجد مش كلام حاسس بي دا علي نفسي وا علي الناس كلها مش شرط قريبين حتي في أماكن تنيا بعيد دا طبيعي ولا انا اروح اتعالج ولا اي 
الشعور الموجود الضغط وا الغضب
#اناـغير

Sugar_65376 🇪🇬 · Answer

يااااه😅
انا اساسا بخاف من كلمه تعبير اساسا 
الخوف والانفعالات بخاف ان اللي قدامي ميقدروش فمبعبرش ولو معبرتش وقتها يتقال ما انتي متكلمتيش ولو حاولت اخد بالنصيحة للمرة اللي بعدها بحس اني بعمل عمليه شاقه
المشكله اني بحسب لكل حاجه هتقدر هيعرف اللي قدامي يحتوي المشاعر دي ازاي طب لو معرفش وحكيت هكون اتعرفت قدام حد معرفش يفهمني اساسا
اعمل اي🙂

Avocado_61871 🇪🇬 · Answer

انا مرتبطه بشخص وبحبه اوي بس هو دايما شايفني وحشه واني دايما ظالمه وهو مش مقدرني ولا مقدر مشاعري دايما بيلاقي مشكله علشان يقل مني انا بحس بيعمل معايا كده عشان بظهر ضعفي ف كل خناقه بفضل ابكي قدامو وطريقه كلامي بتوضح اني ضعيفه وهو بيستغل ضعفي واني مش بتحمل الزعل مع ان مرضتش ارتبط بحد غيرو هو كده مش بيحبني من الاول ولا هو لقي وحده غيري 🙂؟

Strawberry_66877 🇪🇬 · Answer

هو مش مشكلة في التعبير بحد زاته لاكن انا مبعرفش اثق بحد بسهولة بسبب مشاكل حصلت في عيلتي خلتني اتعلم ان تتوقع اي حد يسيبك في اي وقت و بعد الي حصل لما حبيت لاول مرة اتعلقت بيه و وثقت فيه بس الثقة مش كلها عشان حساه هيسبني في اي وقت و دا اتسبب في مشاكل و المشكلة انه عنده مشاكل في التعبير مبيحبش الكلام كثير و كان بيختفي مرة واحدة فكنت بقلق و مشاعرى تقصر عليا و احس انه هيسبني هو كان سيبني لدماغي و مبيطمنيش ف الاخر حصل مشاكل ما بينا بدل المرة ٤ و في الاخر بيقول عليا زنانة و ملحة في الاخر مش عارفة كدا سبنا بعض و لا اي لاكن لما لقيته بيكلم معايا بالاسلوب دا زعلت جدا و مشيت بعد كل الي حصل نفسي نرجع تاني , مشكلته انه مشغول ومش فاضي و دلوقت هو مركز علي مستقبله و فعلا ربنا معاه وعارفة ان دي اهم حاجة في حياته دلوقت بس كان بيحسسني اني زيادة و خلاص باني لو جيت في يوميه هبقي ضفط و خلاص عايزة افهمه ان مستنياه و اني لسة بحبه و ان المشاكل الي مابينا مفرقش معايا حاجة منهم هو الي فارق معايا و ان لو اتقابلنا بعد ٣ سنين احب نتعرف تاني و مش عيزاه يبقي مجرد ذكري في حياتي و خلاص عيزاه يبقي جزء من يومي مع انه بجد المرة دي جرحني مخليني اكلم معاه واني هبقي ثقيلة بعد كل دا مش عارفة اعمل اي انا مستنياه هو الي يكلمني .

Coconut_66795 🇪🇬 · Answer

مشكلة واحدة!!؟ دي مشاكل 
من وانا صغير وانا مش بعرف اعبر عن مشاعري إذا كانت حب او كراهية مش بعرف اعبر عن زعلي لو في حاجة مضايقاني بسكت وبقعد اهزر و اضحك حتي لما والدي اتوفي من سنتين من ساعتها وانا كاتم جوايا ومش عارف اعبر عن زعلي اللي مكتوم جوايا بعبر عنه بالنوم بس لدرجة أن أهلي كانوا عايزين يودوني لدكتور نفساني من كتر القفلة و السكوت اللي انا فيه

Pear_68000 🇪🇬 · Answer

طبعا في مشكلة في التعبير عن اللي جوايا .. مش اي حد هيفهمك للاسف زي ما انت 
كل واحد بيكون وجهة نظره عنك من خلال فهمه هوا ووجهة نظره لوحده .. يعني لو حكيت عنك حاجة لشخصين بنفس السيناريو .. كل واحد هيفهمها بمزاجه هو والفكرة ان الاتنين هيفهموك غلط برده

Marshmallow_69067 🇪🇬 · Answer

انا عندي اعتقاد ان مشاعر الي قدامي ممكن تتغير في اي لحظة فدايما بسيب الباب مفتوح عمرى ما هبدأ الكلام عمرى ما هتصل عشان لو الطرف التاني عايز يمشي براحته .. لو روحي فلي قدامي مش هبين برضو لاني هخاف مكونش الموضوع متبادل  .. انااكبر كوابيسي اني متحبش بجد وحد يكمل معايا مضطر عشان كدا انا ببعد

Tofu_69753 🇪🇬 · Answer

بالعكس دايمًا بقدر أعبر عن اللي جوايا بكل صراحة ووضوح، لكن المشكلة عندي بتكون في الطرف التاني أنه ميفهمش ولا يقدر ده
دي من أكبر مشاكل التواصل اللي بعاني منها 
يعني لو مش بعبر كانت مشكلة لكن تعبر ومحدش يفهم دي مشكلة أكبر 
بصراحة مش عارفة أعمل ايه وهل المشكلة فيا طيب ولا لأ

Marshmallow_69067 🇪🇬 · Answer

بعبر بالافعال اكتر بس لازم اكون مطمنة ومصدقة انى محبوبة وانى غالية والا مش هعرف اكمل

بحب اعبر عن مشاعرى بالطبخ لما بحب حد بحب اطبخلة وبكرهه الناس الي مش بتحب الحاجات الحلوة لان دا نوع من انواع تعبيري عن مشاعري

لما بحب حد بحب ارسمه خصوصا العيوب

لما بحب حد بهتم بتفاصيلة وباخد بالي من كل حاجة بيحبها ومبنسهاش

لما بحب حد بحب اسمعه وافكر معاه

يمكن مبعرفش اعبر بالكلام بس كل افعالى بتبين لكن مشكلتى في تعبيري عن مشاعرى انى لازم احس انى محبوبة اضعاف م بحب واحس طول الوقت ان الطرف التاني ممتن لوجودى وعايز يسعدني والا مش هحس ان دا مكاني وحهرب

Marshmallow_70264 🇪🇬 · Answer

للأسف أنا ده عندى اكبر مشكله فى حياتى مش بعرف اعبر ولا اتكلم عن اللى مضايقني شخصيه كتومه جدا وده بيخلى عندى تراكمات كتير اوى ومش بعرف أتخطاها ولا أنساها
فكرت اروح للايف كوتش علشان يساعدنى انى احاول اتكلم لان حتى الكتابهمش بحبها لان  بحس انى بكلم نفسى  بكون اكتر عاوزه تفاعل معايا اللى بقوله ده واللى مزعلنى صح ولا غلط

Watermelon_65402 🇪🇬 · Answer

جدا خصوصا مع أشخاص معينه يعنى أولهم بابا حقيقي انا بحبه وكل حاجه بس عمرى ما قولت دا ولا هو عمره قالى كدا علاقتنا سطحى ف بيكون مثلا لو يوم تعبان انا ببقي قلقانه ومليون فكر ف دماغى بسببه وانى خايفه عليه بس عمرى ما بينت دا ليه معرفش دا ليه بسبب أن دا أسلوبه معايا ف دا بينعكس ع اسلوبى ولا اى ع العكس مع ناس تانيه

Avocado_73427 🇪🇬 · Answer

مش ديماً بشوف ان المشكله ف التعبير او المصطلح الي يوصفها 
احنا ديماً بتكون مشكلتنا الاساسيه هى اننا نفهم اي المشاعر دي نفهم الي بتحسه دا واي حقيقته هل ده خوف او تروما  من حاجه قديمه خلتنى احس كدا ولا دي مشاعر حقيقيه