أحكيلنا معاناتك مع الأكتئاب؟

Question

ازاي اكتشفت ان عندك اكتئاب، هل عرفت تتغلب عليه، طب متعايش معاه ازاي؟

Coffee_27700 🇪🇬 · Answer

بداية ظهوره في أول مراحل الدراسة الجامعية. كنت بعيط بليل بدون سبب وبدأ يجيلي ارق ومش بعرف أنام روحت لدكتور من ورا أهلي ٣ شهور مكملتش لأسباب مادية بس كنت اتحسنت شوية وفهمت.
بعد التخرج ونتيجة صدمات مع ناس مقربين رجع وبشدة أكبر فقدان شهية وأرق وعياط وانعزال ورغبة في الموت. طولت الحالة جدا واخيرا أخدت قرار اني اروح لدكتور.
بقالي اكتر من سنة بتعالج وفي تحسن الحمد لله.

Donut_29872 🇪🇬 · Answer

كنت فى تانيه ثانوى و بدء الموضوع بعياط بدون سبب و فقدان شهيه و بنام كتير اوى الصبح و اسهر بليل بدون هدف ابص لسقف و اعيط و بدأت اكره نفسي و الحياه و الافكار الانتحاريه كترت اوى بس انا مفكرتش انو اكتئاب و انو عادى فتره زعل و هتعدى لغايت ما فى مره و انا بصلى الشيطان وسوس فى أذنى ازاى طريقه انتحار استعذت بالله و كملت صلى و لما خلصت بحثت عن اعراض الاكتئاب و طلع عندى أكتئاب حاد بس مقدرتش اروح لدكتور نفسى و مقدرتش اقول لاهلى و بدأت مقعدش على السرير خالص فى الصبح و حاولت افكر بطريقه ايجابيه و اتفاعل مع الناس و عملت كدا6شهور و الحمدلله رجعت طبيعيه تانى 
بس و فخوره بنفسى انى عرفت اتخطى دا لوحدي الحمدلله

Watermelon_30366 🇪🇬 · Answer

كنت في اجازة مابين تانية اعدتدي وتالتة كنت بتاع ١٥ سنة وفي الفترة دي كان في مشاكل في البيت كتيرة وكنت بطنش واكتم في نفسي وانا في الاساس عندي ربو بس جات فترة لقيت بيجيلي ازمة ربو كل يوم تقريبا وده غير انني بقيت اتوتر واتعصب بسرعة والفترة دي ماكنتش باكل كويس وكنت بنام كتير ولما رحت لدكتور عشان موضوع النفس قال ان الازمة سيبها نفسي وبعدين كتبلي علي ادوية وبخاخة ربو عشان الازمة 
وبعد فترة زادت المشاكل في البيت واللي كنت بسببها بحبس نفسي في اوضتي ومش عايزة اشوف حد زاد نومي وبقيت منعزلة جدا وطول الوقت اصحي اعيط شوية وانام كنت شايفة ان النوم والاحلام فيها راحتي وبعد فترة حصلت مشكلة كبيرة ووقتها كنت حاسة ان مافيش امل حياتي تتحسن وطبعا بسبب انني كنت منعزلة الفترة دي كنت بكلم نفسي كتير وكان يومي عبارة انني اصحي واكام نفسي وانام كان ده يومي لحد ما جالي افكار انتحارية ومادريتش بنفسي غير وانا كاسرت ازاز من النيش وجرحت ايدي وبعدين ماما لحقتني قبل ما اقطع شرايني...بس بعد وقت ولما هما في البيت ادركوا اللي عندي بداو يراعوني ومع الوقت اتحسنت بس طلعت من التجربة دى وانا بتوتر بسرعة وبالمعني الحرفي كان اي انفعال او حاجة تاثر علي نفسي وبقيت استخدم البخاخة كتير ...بس الحمد لله بقيت اخرج واتكلم تاني واتحسنت علاقتي بمامتي من ساعتها وبقت تسمعني وبطلت اكتم في نفسي

Coconut_31488 🇪🇬 · Answer

البيت هو اساس اي شخص 
لو الاسره متفاهمه بيكون الانسان سوي وصحيح نفسياً 
لكن او العكس بيكون متفتت وهش 
زي المبنى اللي أساسه قوي يشيل برج 
والبرج اللي أساسه غير مؤهل ل ده ف مهما كان شكله مثالي مسيره هينهار 
بحاول اشغل وقتي ب حاجات مفيده 
واساعد الناس ع قد م بقدر 
واسمع  اللي محتاجه تتكلم
بحاول اأجل انت7اري كل يوم بعد م جربت العلاج والأدويه سنين ومش بتحسن من حالتي 
انا شخصيه طيبه جداً ف مجتمع مرعب 
بفتح صفحه جديده مع العالم كل كام يوم واحاول اتصالح مع الدنيا وامشيها بس بقع تاني 
نفسياً ..انا مش بخير ابداً 
ادعولي فضلاً 🤍

Cookies_31992 🇦🇷 · Answer

الاكتئاب صعب جدا لان عقلك بيكون هو عدوك الاول، جزء منك هو الي بيحاربك، انا اكتئب في عمر صغير بسبب الضغوطات و المشاكل الي كانت حولية خسرت من وزني 17كيلو في شهرين و نص، فقدت الرغبة في كل شيئ الاكل، الشرب، الاستحمام حتي هواياتي المفضلة فقدت الشغف فيها، بقيت بشوف الناس الي بحبها بس مش عارفة اطلع مشاعر ولا اتكلم، حسيت بالشلل و العجز، احمدالله اني خرجت منه عايشة و اتعافيت بفضل ربنا و الشخص الي حبني و حبيته و حببني في نفسي و في الحياة من تاني

Chocolate_29725 🇪🇬 · Answer

مش عارفة أحدد إذا كان عندي ولا لأ بس بتيجي عليا أوقات مبعرفش أنام لمدة طويلة جدًا من التفكير في حياتي ومشاكلي ومن كتر منا شايلة الهم ومتوترة بلاقي نفسي مقفولة من كل الناس اللي حواليا وأهلي ومش عايزة أقعد مع حد ولا أشوف حد

Strawberry_30275 🇪🇬 · Answer

انا عندي مشكلتين اهلي واخويا 
اول حاجه أن اهلي مش بيفهموني ومهم اتكلم مش بيفهموني وصلوني لي مرحله اني بدعي علي نفسي اني جربت انتحر كتير ومحدش حس بي 
تاني حاجه اخويا الي بيتهجم علي من سعت مدخلات أوله ثانوي في الترم الثاني وانا دلوقتي في ثالث ثانوي قلت لي ماما مسدقتنيش وكدبتني وقلتلي اخوكي عمرو ميعمل كده ولم جت وجهتو قلها لا انا عمري معمل كده هي بتتبلي علي انا هسيبك البيت وعمل حوار وفي الاخر انا الي شلت الليل لم لقي فرصه أن مكنش حد بيكون موجود في البيت بيحول معاي وانا ببقي اكتر الوقت لي وحدي بابا بيروح الشغل وماما بتروح الشغل واخويا الكبير بردو بيروح الشغل بس مش على طول لم البيت فضي فضل يضربني علشان قلت لي ماما على الموضوع واني اخويا مبقش يكلمو واخويا الكبير لم ماما قلتلو قطعني وقلي مش عوز اشوف وشك طول منا موجود هنا ومكنش بيكلمني كتر من خمس شهور والزفت الي بيحول يتهجم علي بقلو 5شهور هادي ومبيعملش حاجه ولا بيلمح بس انا خايفه انا مبقتش بقعد في البيت لي وحدي بسبب أن هو ممكن يحول تاني وانا تعبت من كده انا مبقتش بعرف انام ولا بقيت بنام وانا مطمنه زي الاول بابا ميعرفش حاجه وانا مش عوزه اعرف حاجه علشان ممكن يحصلو حاجه هو سنو كبير مش هيستحمل انا بحول اصور علي حل وفي نفس الوقت انا مطلتش في حاجه علشان البنت سمعي والحل الي وصلتلو أن لو اتجوزت هيكون احسن

Pineapple_34151 🇪🇬 · Answer

أنا روحت عند أكتر من متخصص وإتشخصت عندي إكتئاب وفي الحقيقة مشكلتي الأساسية اني مش بعرف أشوف كل حاجة لوحدها لا أنا بشوف كل المشاكل مع بعض وفي الأخر بتزيد المشاكل وبيزيد إحساسي بالاكتئاب أكتر

Coffee_34191 🇪🇬 · Answer

انا سني صغير، محتاجه ثيرابيست بس صعب انزل واروحله عياده وكده، مفروض اعمل ايه؟ مش عاوزه اكبر وانا كده.بجد مش عارفه اتصرف محتاجه مساعده، انا 17سنه لسا صغيره على كل ده، مبحبش اسمع كلمه انتي عقلك اكبر من سنك دي، اصل انا مبقتش كده غير عشان الي مريت بيه

Cherry_32412 🇪🇬 · Answer

الاكتأب للاسف يصنف من الامراض الخطيره .. و للاسف انا اتشخصت ب مريضه اكتأب حاد .. و معرفش التشخيص ده صح ولا ايه بس اللي اعرفه اني فعلا مش كويسه نهائي.. اللي عانده رأي ممكن يفيدني بيه يكتبلي.. بس انا للاسف عادني امراض نفسه و صحيه تانيه كتير اوي و مش عارفه اعالج حاجه فيهم حرفيا و كل ما اسكن حاجه و ده بيكون مجرد تسكين بس .. بلاقي المفعول راح ولا كاني أجدت مسكن خالص و للاسف ده كان تشبيه بسيط اوي عن اللي انا فيه .. حاجه كمان مهمه اوي اني انا اصلا 3 ثانوي.. بس انا اصلا بتعرض للضغط النفسي من زمان اوي للا سف من و انا عندي حوالي 3 سنين تقريبا .. هو اكيد كانت معظم المشاكل كانت بتحصل من قبل ما اكون 3 سنين اساسا بس ده الوقت اللي انا كنت بدأت اكون واعيه شويه كطفله .. طبعا اللي حابب أنه يساعدني و يكون عانده حل اشون شاكره له .. و اه نسيت صح في حاجات تانيه كتيييير اوي لسه ما قلتهاش عمتا ...

Watermelon_34377 🇮🇶 · Answer

انا من سنة ونص وانا اشعر بهذا الشعور وهو التعب النفسي وكل الأعراض التي لدي عندما ابحث عنها على الانترنيت فهي اعراض الاكتئاب الحاد اهلي لا يتقبلون المرض النفسي لذلك لم استطع اخبارهم بما أشعر وحتى إذا أخبرتهم لن يفهمو أنني بحاجه لطبيب نفسي واضافه الى ذالك أن حالتنا المادية لا تسمح بالذهاب لطبيب نفسي لان في بلدنا الاسعار غالية جدا وسيتطلب تشخيصي بالاكتئاب والتأكد والعلاج عدة جلسات وهي ليست بمقدوري المادي حاليا خلال هذه السنة والنصف كانت تأتيني دائما افكار انتحارية حاولت مرة أن اشرب العديد من الأدوية ولكن لا اتذكر ما الذي حدث لقد نمت كثيرا وبعد أن استيقظت لم يحدث شئ وفي المرة الثانية حاولت أن اشرب أدوية أكثر لكن بعد دقائق شعرت بأنني لا اريد الموت حقا وانما اريد ان يرى من حولي أنني اتالم فذهبت واستفرغت الدواء كنت دائماً اتخيل صورتي وانا اعلق نفسي في مروحة غرفتي بحبل مشدود برقبتي لكن لا أجرؤ على فعلها اعتقد ما اوقفني حقا هو ديني .

Lemon_32050 🇪🇬 · Answer

بعد 4 سنين مش عارفه اتصور او اخرج او اقرا كتب وارسم زي الاول ودرجاتي في الكلية ضايعه ومش قادرة اذاكر وكل شوية يجيلي مرض سببه الحالة النفسيه، جالي بهاق واخدت له كورتيزون بوظ جسمي خالص فبقيت حاسه اني وحشه بجد كل ما ابص في المراية مشكلتي مكانتش اني وحشه غير علي قد صعوبة ارجع تاني بس المهم انه اخيرا بعد 4 سنين من الحالة دي
خفيت و رجعت تاني زي الاول اه مش تماما بس هرجع عادي، رجعت ارسم واقرا وانزل مع صحابي، شراهة الاكل راحت بقيت اكل لما اجوع بس رجعت اذاكر تاني

ده كله بعد ما بعدت الشخصيه النرجسية اللي في حياتي للاسف كانت امي

نصيحتي يا جماعه
1 محدش ياخد حبوب للاكتئاب خالص كانت حقيرة اخدها انام باليومين هي مش تعالج هي تهربك من الواقع بس كنت واخداها علشان دكتور قالها مستحملتش اسبوع

2 طلعو الناس التوكسيك من حياتكو حتي لو ابوكو او امكو سطحو التعامل خالص متقعدوش معاهم انعزلو وكلامهم مش تسيبوه يأثر صدقوني صحتكو النفسية اهم بكتير

Donut_39897 🇪🇬 · Answer

بقالي اربع سنين بعاني من الاكتئاب وبتعالج منه وباخدله ادويه ...اربع سنين بجد ون بحاول اتعافي وابطل الادويه كل مبقي كويسه ارجع اجيب تاني من الاول مبقتش فاهمه فين المشكله وهل هي دي فتره العشرينات الي الانسان مفروض يبقي مبسوط فيها مبقتش فاهمه بجد فين المشكله😅🙂

Biscuit_39778 🇪🇬 · Answer

مات اقرب حد ليا وظهر شخص في حياتي من سنة حولها لجنة 
بعد كدة قرر يتغير ، اتغير وبعدين اختفى وانا انتكست اسوء مما كنت 
ان محتاجة اصوت بس مش عارفة اعمل دا
ياريت الحياة كانت بتدي فرصة انك تختفي ومتظهرش منها الا على الموت