ازاي بتتخطو الناس اللي بتشوفوهم مره واحده ومبتقدروش تنسوهم؟

French Fries_26139 🇪🇬's موضوع

احكولي عملتو ايه لما شوفتوه/ا وانتو عارفين انها اول واخر مره هتتقابلو فيها و مش قادرين تتخطو الفكره دي وان ازاي علقو معاكم بسهوله

Cookies_89868 🇯🇴

منذ دقيقة واحدة

شعور محبط

بحس اني ضايعه مو فاهمه انا ليش بلحياه وليش هيك حظي الناس بتفكر اني مبسوطه واني عايشه وكلشي بدي ياه بلاقي بس ما بعرفو انو من وانا وصغيره عايشه باشياء بحاول انساها ومو قادره اني انساها لانو سببتلي صدمات ولو حكيتها رح يفكروني كزابه وبتخيل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_89862 🇪🇬

منذ 14 دقيقة

شعور محبط

لما اخذت الصدمه انها بتحب حد ثاني قلت ما ليش دعوه بيها وربنا يسعدها قلت اهتم بنفسي والحمد لله فتحت برند ملابس انا واحد صاحبي ونزلت الجيم كنت نازل الجيم 58 كيلو وصلت 75 كيلو ومريت سنتين لما عرفت الموضوع ده وبردك مش عارف انساها و قلبي لسه معاها يعني شاب عنده لسه 19 سنه بره بكل ده في حياته و هوا

Cherry_74548 🇪🇬

منذ 17 دقيقة

شعور مستنزف

عبّر عن شعورك بشكل مجهول

عندي مشكلة مجرد فضفضة بإختصار.. 
انا والدي ووالدتي منفصلين بقالهم سنة ونص انفصال رسمي(طلاق) بسبب مشاكل كتير بسبب والدي وانا البنت الكبيرة وكنت عارفه وفاهمه كل حاجه بتحصل من البداية انا يعتبر مكنتش بشوفه غير يوم او يومين ف الاسبوع من يوم م اتولدت بسبب ظروف شغله مع انه عايش معانا عادي م بيسافر بره البلد يعني وطول عمري قريبه ل امي اكتر منه ..دايماً كان بيتكلم عن الجواز وانه عاوز يتجوز اتنين وتلاته واربعه وان الشرع محلله كدة واول م بقي معاه فلوس اتجوز علي امي ف السر وبعدها عرفنا وحصلت مشاكل كتير وبعدها طلق الست اللي اتجوزها دي ومن وقتها واحنا يومياً ف مشاكل الموضوع ده عدي عليه حوالي ست او سبع سنين ومن سنه ونص المشاكل كانت بتزيد ف امي طلبت الطلاق واتطلقو رسمي واكتشفنا بعدها بسنه انه قرأ فاتحه وعمل خطوبة للبنت اللي كانت سبب ف تخريب حياتنا البنت دي اكبر مني بكام سنة كدة هو مقالناش احنا عرفنا من بره ومن وقتها وانا مش قادره اروح ازوره ولا اشوفه ولما بيكلمني بكلمه بس عكس الأول كنت دايماً انا اللي بكلمه وبروحله سعات لما بفضي بس دلوقتي مش قادره اعمل كدة انا مش صغيرة وهو بيعاملني اني صغيرة ومفتحش معايا الموضوع خالص لغايه دلوقتي ولا قالي اي حاجة بس كل م يكلمني يحس ان صوتي مش كويس ويقولي ليه انتي زعلانة واتبسطي وبتاع هو من زمان معيشنا انه بيدينا فلوس وبس عمري م قعدت معاه قعدت بنت وابوها طبيعي كدة دايما لازم ابقي اخده بالي من كلامي ومن طريقتي لاني لو قولت اي حاجة غلط بسمع كلام محدش يقدر يستحمله ومقدرش اني اقول نص كلمة طول عمري نفسي يبقي عندي اب بمعني الكلمة مش شخص بشوفه كل فتره واخد منه فلوس وبس موجوعه اوي ومش عارفه اعمل ايه ومش قادره اشرح احساسي 
منكرش انه بيصرف علينا عادي ومش بيقولنا لا علي حاجه بس مش ده اللي انا عوزاه انا كنت محتاجه اب 
وقال انه لو متعاملناش معاه ومع مراته الجديده دي كويس هيمنع عننا الفلوس اللي هي الحاجه الوحيدة اللي بناخدها منه
انا غصب عني اني مش قادره اروحله ولا قادره اكلمه 
عارفه انه حرام وانه لازم اكون باره بيه مهما حصل بس انا بعمل اللي اقدر عليه والله وغصب عني بس هو مش فاهم ولا حاسس ب ده 
كل البنات حلمها تتجوز واحد زي بباها وانا بدعي ان ربنا ميكتبليش حد زيه ابداً لاني مش هقدر استحمل بجد
ماشيه بصبر واهون علي امي واخواتي وانا اللي محتاجه اللي يهون عليا مش قادره اتكلم ولا قادره اقوله حاجه خوفاً منه لاني لسه مشتغلتش ومعييش اللي اقدر اعيش بيه نفسي واخواتي
وفاضلي سنه ف الكليه خايفة يقعدني منها بجد مبقتش عارفه اعمل ايه
وهو طالب انه يشوفني بس انا مش قادرة بجد غصب عني 
وقبل كل ده الشخص الوحيد اللي حبيته واديته حياتي كلها (خطيبي) سابني هو كمان ودي لوحدها وجع تاني خالص 
كل مره بزعل وبعيط ببقي مش قادره انسي اللي عمله فيا لان مبقاش ليا حد دلوقتي احكيله ولا حد يقف جمبي كان هو الوحيد اللي جمبي ف كل حاجه بتحصلي 
انا راضيه بكل اللي ربنا كاتبهولي والله وعارفه ربنا كويس جداً الحمدلله وعارفه ان كل حاجه بتحصلي خير ليا بس بفضفض مش اكتر لان مليش غير ربنا وامي ومبقتش قادرة اتقل عليها لان هي مبقتش حمل اي حاجه زيادة 
هو انا مش من حقي ازعل ؟
مش من حقي اتوجع علي كل اللي بيحصل ده ؟
محتاجه حد يقولي اعمل ايه بجد علشان والله تعبانه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_89814 🇪🇬

منذ 18 دقيقة

شعور لا مبالٍ

عبّر عن شعورك بشكل مجهول

اهلا عاملين ايه' الحقيقه كنت بعاني من مشكله جايز تبان بسيطه لاكنها بتقتلني كل ليله بعد رجوعي من شغلي"
انا ولد 19 سنه بشتغل سيلز" من الطبيعي اي شخص تحت ضغط شغل بيتوتر و نادرًا ع م اعتقد لم شخص يتحكم في الحوار و يكون هادي و عندو ثبات انفعالي' انا من الناس الي عندها ثبات و هدوء مميت زمايلي في شغلي خصوصا زميلي ليا بتوصفني بالهادي البارد بمعني ادق زميل لينا في الشغل كان حصل مشكله و كان هيمشي و هما زعلهُ جدا و في اشخاص دمعت ع انه هيمشي لاكن انا لا. كميه البرود و الامبالاة الي انا فيها مش طبيعيه اصلا كنت فاكر انه لم يمشي عادي هيجي غيرو بس بعدها بفتره اتضح و الي اكتشفته كنت اليوم دا غايب ف عرفت انهارده ان هما زعلهُ جدا و كدا ف لم قالولي فلان عيط عشان هيمشي انا استغربت و بما انه كان في القعد معانا سألته  بنبره صوت فيها استغراب و قولت بجد عيطت؟ قالي مش عايز اقولك ايوا عشان شكلي.. قولتله لا عادي انا بس مستغرب ردت زميلتي قالتلي م انت عشان بارد ي اسلام مش فارق معاك" نيجي للمصدر الرئيسي للمشكله الي طالع اتناقش فيها و هي انا فعلا بارد؟ انا مش بارد و لا هادي ولا ثابت انا جوايا بركان كبت و غضب و كميه ألم و معاناه مش طبيعيه بس بحاول بقدر الإمكان مبانش ضعيف او مكسور مع الوقت اصبحت بارع في حاجه زاي دي و بتحكن في غضبي و نفسي بطريقه مرعبه بقيت  لم اتضايق او غضبان الي قدامي ميعرفش انا مضايق  ولا لا' انا شخص ابان من برا هادي وقت غضبي او وقت منا مبسوط  اي حاجه عمتا بس من جوايا ببقي عايز اعيط ببقي عايز اقتل شخص ببقي عايز انفجر و هكذا ف انا مش بارد بالعكس الكلمه دي بتقتلني بجد' كل الموضوع و مافيه ان معنديش شخص افضفض له ف طلعت اتكلم هنا و اقول ان مش بارد و هادي و جامد زاي م كتير بيشوفها ميزه' انا بس ملغبط داخليا و مبقتش قادر اتكلم او ابرر عشان مهما حاولت الي قدامي مش هيفهم زاي منا متأكد دلوقتي ان كلامي مش مترتب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.