ازاي بعدت عن شخص انت بتحبه عشان نفسك ؟

Question

احكي عن رحلتك في انك تبعد عن حد انت لسه بتحبه

Coffee_28425 🇪🇬 · Answer

بعدت عن حد كانت روحي فيه لحد دلوقتي مش قادرة اتخطاه و انساه عملي كل حاجة حلوة الا اهم حاجة الامان كنت فاكرة ان خروجنا كل يوم مع بعض و اننا نعيش مع بعض كل تفاصيل حياتنا يومنا هو الامان لحد ما لاقيت نفسي بتحول لشخص عايش عشان حد بيحبه بس مش عايش لنفسه ولا مع اللي حواليه بقيت بتضايق لما يعمل حاجة بعيد عني و انا مش فيها و الاقيه مبسوط ازاي مبسوط من غيري ؟ ممكن يكون تعلق مرضي او اكيد 
كنت بخاف من الفقد طول عمري كنت مطمنة انه مش هيسبني لحد ما سابني فعلا سابني عشان واحدة احسن مني في كل حاجة من وجهة نظره و نظر اهله سابني بأسوأ طريقة ممكنة في الدنيا بعد ما فوقت لنفسي رجعنا تاني رجعنا احسن من الاول بس دا كان في مخيلتي انا بس رجع عشان يكمل عليا و ياخد مني وقت و مجهود و حب غير مشروط و احدة اتوجعت و اتجرحت و اتخانت و سامحت لما رجعلها واحدة لقطة مش هتتكرر في حياته اخد مني اماني و سلامي اديتهمله و سلمتله و عيشت معاه كل حاجة لحد ما حسيت اني بضيع عمري معاه و جاتلي الفرصة اني اسيبه سيبته و انا بعيط على نفسي و هو مستهتر بمشاعري مستهتر انه فيها ايه اعرف انه مع واحدة من دفاتره القديمة قرر يفتح فيها تاني عشان الفضول و مش مهم احساسي انتي مكبره الموضوع مفوقتش غير و انا بعايره باللي قدمتهوله عشان كنت حتى بقدمله الدعم المادي اني اقبله و هو ظروفه مش احسن حاجة حسيت اني كنت محوشة كل دا عشان اطلعه وقت ازمة و فعلا طلعت كل دا من غير تردد طلعته و انا مش مكسوفة من نفسي بس دلوقتي ؟ وحشني و نفسي اصلح كل حاجة رغم ان عمرنا ما هنرجع ولا حاجة هتتصلح انا اتكسرت و كسرت رجولته على قد احساسي بالكسره و الحسرة بس كان نفسي الحياه تديني فرصة زي ما اديته فرصة

Avocado_28448 🇪🇬 · Answer

انا اصلا قابلتها في الجامعة وحاولت اتقرب منها لحد كا اعترفت ليها علي ال اتس في ريك مش عارف ليه مقولتهاش في وشها بس ما علينا ملقتش رد واتعاملت تاني لحد ما كلمتها في الفون وقولتهاا اقالت انا مش حاسة ومتضغتش عليه وكدا قولت مش مشكلة استني وكلمتها اكتر من مرة لو شايفة اني مش مناسب ليكي ارفضي وهتكبري في نظري وتعاملنا  هيبقي عادي مابينا عادي وكدا قالت لع مش كدا وقالا سيبني براحتي لحد ما لحظت اني انا ال دايما بسأل واطمن وان بطلت هي مش بتسأل وقولت ليها علي الهمال دا وطنشت كلامي وتاخده في سكة هزار لحد ما طنشتها وممكن اكلمها مرة كل شهرين او ٣ كاصدقاء تعاملي رسمي والمكالمة بينا مبتولش فسبتها لاني حسيت انها بتستنزف مشاعري وحرام اقابل غيرها ياخد مني بواقي مشاعر

Cherry_28486 🇪🇬 · Answer

بنحاول نبعد عن بعض و مش عارفين روحنا في بعض حرفيا..عرفنا بعض من الجامعة و فضلنا صحاب سنة لحد ما حبينا بعض و احنا عارفين اننا مش شبه بعض في التفكير و اجتماعيا و كل حاجة و مع ذلك اصرينا نكمل..لحد ما حصل مشاكل كتير و ادركنا اننا مش هينفع نكمل كدة من رغم اننا لسة بنحب بعض..حاول يصالحني و بيقول انه هيتغير لكن هو خلاص اذاني نفسيا

Mango_26929 🇪🇬 · Answer

طب احنا مخطوبين ومبقاش قادر يفهمنى دا بقا بيفهم كلامى معاه بطريقة خلط مبقاش عندى طاقة بجد كل حاجة بيفهما ع مزاجو وعايزنى اعمل الى يقول عليه بس هونت عليه قعد 20 يوم ميكلمنيش ولا يرفع سماعة الفون عليا بالعلم انو مسافر بقالو سنة و3 شهور بس هو مبقاش بيحس بيا ولا فاهمنى تايهه اووى ومش عارفة اعمل اى ابعد ولا لا

Mushroom_28565 🇪🇬 · Answer

كنت بحبه اوي و كان بيحبني، وجودة كان بيشكل خطر على حياتي بسبب ظروف خارجه عن ارادتو و ارادتي و اكبر منو و مني و تقريبا كدة من حبنا، كنت فاكرة ان لو اتنين بيحبو بعض مستحيل حاجه تفرقهم خارجه عن ارادتهم، اكتشفت ان الكلام دة بيتقال في الافلام و الروايات و بس، صحيت ف يوم لقيته اختفى من حياتي و لحد دلوقتي معرفش عنه حاجه
فات اربع ينين على غيباه وكل ليله قلبي بيوجعني اكنها كانت امبارح، مش عارفه ولا اعيش حبه طبيعيه و اكمل مع الشخص اللي ف حياتي دلوقتي ولا بقا ينفع بل يكاد يكون يستحيل اصلا اعرف حتى عنه لو بخير ولا لا ، كان نفسي كل حاجه تمشي زي ما اتمنينا. كان نفسي نحقق سوا كل حاجه اتفقنا هتعملها ف بوم من الايام 
كان نفسي اعمل كل حاجه اتفقنا نعملها ف يوم من الايام معاه هو 
اتعايشت مع فكرة ان عمري ما هنساه و مش شرط لصلا انساه 
لسه بفتكره 
بس اللي متأكدة منه ان فعلا مبقاش ينفع و انو جايز حتى لو رجع مينفعش نكون مع بعض من تاني ، جايز ف حياه تانيه زي ما بيقولو

Chilli_28520 🇪🇬 · Answer

وانا طفله صغيرة اتعرفت ع شخص قريب واحده صاحبتي حبيته حب مش طبيعي واكيد طفولي وهو كمان مكانش كبير الفرق بينا كان كام سنه مرت السنين الكتير وكبرنا مع بعض فضلنا عارفين بعض 10 سنين كاملين حصل فيهم كل حاجه الحلو والوحش والمشاكل والفرح وكل حاجه عشناها مع بعض بس انا كنت المستضعفة في العلاقه كنت اللي بضحي وبسكت وبصلح وبعمل كل حاجه عشان علاقتنا متبوظش دخلنا ف مشاكل كتير اوي كبيرة وهو اتأذى فيها كتير وانا يعتبر نفس الكلام مع أني كنت بحبه ويمكن مازلت بحبه ولكنه كان اناني لدرجه مش طبيعيه ممكن يبيع أهله عشان خاطر نفسه مكانس له امان ولا كان ليه عزيز زي مابيقولو اما عدت السنين بدأت اشوف عيوبه واحس أنه مش المظلوم من كل البشر زي ماهو مقتنع وعاوز يقنع اي حد حواليه ساعتها حطيت نهاية لعلاقتنا يمكن لحد دلوقتي بشتاق ليه وساعات كتير بضعف بالذات لانه شخص نرجسي جدا ومش قادر يستوعب اني فعلا سبته اما بيدخل يكلمني بقا يتحايل عليا اكون معاه ساعات كتير وانا بقوله لا بكون بعيط بس انا عارفه ان ده افضل كتير ليا مش عارفه انا حتى كاتبه الكلام مترتب ولا لا بس تماااام.

Watermelon_28768 🇪🇬 · Answer

والله كانت اصعب حاجه علي قلبي كنت بموت و انا بقولهاله 
اهلي رفضوه و مكانش قدامي حل غير اني اقوله 
مقولتلوش السبب الحقيقي قلتله حاجه هبله بس برضو وجعته حسسته انه قليل غصب عني والله 
و هو ماصدق باعني و سابني حتي مكلمنيش و جرا ينساني بواحده مكنتش اصلا متقبلاها في حياته 
خزلني اوي كنت ناويه اهد الدنيا علشانه 
بس ربنا شافه ميستاهلش ده و اثبتلي بكل الطرق ان انا كنت مخدوعه فيه قد ايه 
بس برضو بحاول و بفشل اني اعدي كل ده ربنا يعوضني

Pineapple_25718 🇪🇬 · Answer

انا مبعدتش هي اللي بعدت ولما بعدت وخلاص فقدت الامل اتعرفت ع حد تاني علشان مسبش فرصه لنفسي اني ازعل او افكر فيها ونجحت ف دا الي حداً ما والحمدالله ربنا كرمني وكان ف حكمه اننا نبعد  عن بعض والحمدالله

Pineapple_28978 🇪🇬 · Answer

انا ما بعدتش هو اللي بعد ما كنت معاه سنتين من عمري ضيعت فيهم طاقتي ومجهودي كله عليه .. شوفت منه كل حاجه وحشه ممكن تحصل في البني آدم ومع ذلك كنت مكمله من غبائي لأنه كان بيديني حُب محدود اوي ،ربنا يسامحه

Grape_28903 🇪🇬 · Answer

بعدت بعد سنين من عمري ضيعتها ف حبي ليها بعد ما ادركت انها حبا تاخد مني مشاعر الحب والدعم بس عمرها محسستني اني موجود او اديتني اي مشاعر حب مع اني عارف انها بتحبني بس هي مكنتش بتظهرلي دا و بعدت عنها وانا لسه بحبها بس مكنتش قادر اكمل ف دا بس بقيت بلا مشاعر و طاقه ومبقتش عارف اتعامل مع اي حاجه ولا اتكلم كان كل اللي نفسي فيه احس اني موجود و هي بتحبني

Mango_15394 🇶🇦 · Answer

كانت واحده صحبتي و عشره بقالنا ست سنين و كنا بنتخانق كتير لأسباب تافهه 
بس هيا سلبيه اوفر وانا ايجابيه اوفر و احنا الاتنين كنا تركيبه مش لايقه 
هيا كانت دايما تعيط على اتفه الأسباب و تبقا محبطه و ده كان بيأثر عليا بسلب و كنت دايما بحس اني متعصبه و مش طايقه تصرفاتها و لما بلاقي نفسي متعصبه ببعد عشان مزعلها مني ..ساعتها هيا حست اني ببعد عنها خالص و بعدت هيا تماما بدون ما تقول حاجه 
و عشان كرامتي معلقتش على بعدها نهائي مع اني حسيت اني بقيت لوحدي و محدش معايا بس بينت العكس و مليت الفراغ اللي هيا سالتو و حاولت اقرب من صحاب تانيين و كان الموضوع صعب اوي 
واحده واحده لقيت نفسي مش عايزه أرجعها حياتي تاني أصلا و مش محتاجاها في حياتي واني من غيرها احسن كتير

Kiwi_29064 🇪🇬 · Answer

ازاى بعدت عشان (نفسك) 
نفسك هي الاساس اول متفكر فيها هتعرف علطول هل الشخص ده يستحق او ينفع اني اكمل معاه 
اول معقلك يوصل للسؤال ده انت تلقائياً هتجاوب، ومش محتاج اي مساعده
عشان مينفعش تقول:اصلو حنين اصو مش عارفه اي، اول متحس ان في حاجه غلط وانك مش مرتاح (متكملش) متخيل السنين الي هتعشها في عذاب لو كملت مع شخص غلط، لو اتحملت علاقه سامه، لو فضلت تقدم كل حاجه عندك بس انت مش مبسوط. 
طب تعرف ان السعاده والرضا هما اهم حاجه. 
هل انت سعيد وراضي؟!

Mango_29085 🇪🇬 · Answer

انا بعدت عن شخص كنت بحبه واتمنى انو كان يبقى معايا دلوقتي بس هوا سببلى اذى كبير نفسى بعدت علشان كانت علاقه محرمه وعلشان عمرى ماحسيت انى فارقه معاه وقت الزعل كنا ممكن نقعد بالتلت اوايام مبنتكلمش بحجة انو شاكك فى حبى ليه بس انا كنت كل مره انا اللى بصالح وانا اللى بمشى الدنيا علشان اثبتلو عكس كدا انا دلوقتى مشاعرى متلخبطه اوى مابين انى نفسى يبقى شخص كويس ويحبنى بجد وياخد خطوات رسميه اتجاهى زى الخطوبه ومابين انى زعلانه منو اوى على الايام اللى كان بيخلينى انام معيطه فيها وقلبى واجعنى. انا بدعيلو ساعات ربنا يصلح حاله ويكفيه شر نفسه

Sugar_29090 🇸🇩 · Answer

الصراحة احس نفسي انا الغلطانة.. في البداية اتع فت عليه على اني ولد و طلع gay.. و بعد ارتبطنا و لاحظت اني ماشة اتعلق فيه اكتر و صرت بحكي عنه لصديقتي قالت لي الاحسن اني اقول ليه الصدق اني بنت بس بعد قلت طلب ننفصل و انا الوقت داك نسيت كرامتي و بقيت اقول له طيب على الأقل ممكن نكون بس أصحاب و بعد فترة حتى وافق.. و حاليا مر اسبوع بدون ما نتكلم.. و انا ما عارفة امشي ارسل ليه او اسكت و انساه..
دا كان أول ارتباط لي مع انه معقد بس كنت صادقة بحبه.. و كنت متمنية انه يقول انه موافق نرتبط بعد ما عرف اني بنت.. بس للاسف ما وافق و دي كانت أكبر غلطة غلطتها في حياتي و اتمنيت لو من البداية اتعرفت عليه على اني بنت...
كل يوم بفكر اتخطاه ولا ارجع اكلمه..

Cherry_29525 🇪🇬 · Answer

انا بس عايزه اعرف ليه ممكن حد يجيلي لحد عندي كذا مره ولما كل حاجه تبدا توصل للجد يقولي انا اسف او انا خايف او غيره وفعلاً بيكون بييعك انا مش معترضه الحمد لله ع كل حاجه بس دماغي مش بتبطل تفكير مع العلم بحبه بس بحاول ديماً اظهر العكس

Strawberry_29538 🇪🇬 · Answer

مش عارفه بصراحه انا بعدت عن حد بحبه ولا حد بكرهه بس انا عندي اعتقاد ان ساعات الكره والحب بيكونوا مختلطين ببعض ..
قررت من شهر ونص اني ابعد عن شخص كنا صحاب بس كنت على مدار السنتين اللي عرفته فيهم بحاول بكل الطرق وبستغل كل فرصه اني ابعد عنه ..وجزء فيا كان بيحاول يخليه يحبني 
كنت بكتب في مذكراتي كتيير اني بكرهه .. في مره قالي انا عارف انك بتكرهيني بس انا بحبك والله .. ساعتها  اخدت الموضوع بهزار بس انا في الحقيقه من جوايا كنت بقوله اه بكرهك ..
ايه اللي خلاني اكرهه كدا ؟ معرفش 
وايه اللي هلاني اكمل معاه سنتين برضو معرفش 
بعدت من غير مقدمات ولا اسباب عملت بلوك وبس يمكن دي مش احسن طريقه نبعد بيها عن حد بس دي بالنسبالي كانت الطريقه الوحيده اللي هتخليني اعرف ابعد بجد

Blueberry_30489 🇪🇬 · Answer

الحد اللي بعدت عنه كان اقرب صاحبه ليا كانت اختي حرفيا بقالنا مع بعض صحاب 14 سنه كنا مع بعض ف كل حاجه كانت اول واحده بجري عليها ف اي حاجه حلوه او وحشه اول واحده باخد رايها ف كل حاجه كنا متفاهمين لدرجه اننا دماغنا زي بعد ف كل حاجه طب بعدت ليه و ازاي فجاه لاقيت الشخص اللي انا مرتبطه بيه باعتلي صور ليها مش كويسه بيقولي انه لاقاهم صدفه ع موقع ما و واجهتها وفضلت جمبها لحد ما الصور اتشالت بس مش قادره اشوفها زي الاول صحبتي اللي كانت كل حاجه ليا لسه لحد دلوقتي مش قادره استوعب اننا خلاص مش هنكون ف حياة بعض تاني بعيد عن رد فعل الشخص اللي مرتبطه بيه و انه مش هيبقل اني اكون صحبتها انا مش هعرف اكون معاها زي الاول مش عارفه اتاقلم اننا مش هنحقق كل اللي كنا بنحلم بيه سوا حاسه اني بقيت لوحدي اوي بعدها لانها فعلا كانت كل حاجه ف حياتي الشخص اللي معايا بيحاول يعوضني بس مهما حصل مش هيعرف يكون زيها بجد ده اسوا شعور

Coffee_30709 🇪🇬 · Answer

من شهر ونص تقريبا خدت قرار بالبعد من شخص اقرب ليا من روحي
شخص مكنتش عارفة اتخيل يومي من غيره
بعدت عشان حساني مستاهلش معاملة زي كدا معاملة انا لفت نظره ليها بدل المره كتير..
مشيت عشان سلامي النفسي بس ورغم ده حاسه بالتوهان والحزن الشديد على فراقه شعور بالضياع و أنه ليه محاولش يتمسك بيا ويطلب مني العودة لحياته وأنه هيتغير!!
انا بعدت بس حاسه اني لسه واقفه عند نفس النقطة ايه العمل؟

Peanut_30695 🇪🇬 · Answer

ولله هو كان اقرب صاحب ليا من ساعه ما شوفنا بعض وكان في واحد صاحبتي تالت هو الي كان معرفني عليه كنا احنا التلاته اكتر من الاخوات وكان الكل عارف انن مع بعض ٢٤ ساعه بجد وكلو عارف بنحب بغض قد ايه لحد ما صاحبي اتعرف علي واحد كدا ومكنش عندي مانع اتعرف زي مانت حابب لاكن بداء يعمل حركات نقص معايا كتير و يشتمني فضهري وكل دا عشان بس قلتلو انت ماشي ورا صاحبك الجديد منغير ما تفكر فا سحبت نفسي من حياتو وطردتو برا حياتي هو اه كان شعور صعب لانو كان اقرب حد ليا بس قررت اني اشتري نفسي و دماغي احسن

Strawberry_31385 🇪🇬 · Answer

انا داخله الابلكيشن مخصوص عشان اعرف ازاي ابعد عن شخص بحبه جدا جدا ومتعلقه بيه اوي وللاسف هو فعلا بيأذيني نفسيا جدا وهو مبيحبنيش اصلا وشايفني صحبته وبس بس انا بحبه ومش بعرف اتخطاه وكل ما بشوفه قلبي بيتعلق بيه جامد وبيتخطف كده جدا 
اعمل ايه😔

Strawberry_32251 🇮🇶 · Answer

اول فترة هي اللي استوعبت بيها انو هذا الشخص مو مناسب الي بعد ما جنت شايفته احسن شخص بالعالم و متعقلة بي كلش بعدين الفترة اللي قررت اخذ اراء الناس اللي وياي عنه رغم اني ما احب ادخل الناس بقراراتي الشخصية بس حسيت بضياع و بالتأكيد اجابات الكل جانت انو هو مو مناسب و مأذيني و مأثر على نفسيتي ف هنا جان وقت لازم اتقبل انو راح اتركه . تقريبا الموضوع ما اخذ نقاش طويل مثل مجنت متخيلة جانت شغلة ثواني وراها بدأ شعوري بالندم عقلي ما ندمان و يعرف انو هذا الصح بس مشاعري اللي جانت تريده ومتعلقة بي وراها مريت بفترة صعبة كلش جانت طاقتي كلها منتهية كل اللي اسوي اكعد و افكر معقولة جان قراري غلط معقولة عفت الانسان الصح ؟ طبعا بالنهاية عرفت قراري جان صح و هو جان الانسان الغلط و الشي اللي خلاني اتخطاه تماما و ما افكر بي و ماعندي اله ولا قطرة مشاعر هم الناس اللي وياي صديقاتي يعني صدكوني الناس اللي وياكم نعمه و صدكوني اللي يخربه بشر يصلحه الوقت و يهونه بشر ثاني و هسة الحمد لله اني تمام صح نص مشاعري ماتت بس هواي تعلمت و هواي تغيرت للأحسن بسبب هيج قرار

Lemon_30733 🇯🇴 · Answer

الحد الي بعدت عنه كان اصدقائي من حوالي 8سنوات حاجة كدا هي مش وحدة بس هم الي كنت فاكرهم حرفياً اصدقاء عمري او كنت بوهم نفسي انهم كدا انا بعدت عشان نفسي بمعنى الكلمة لاني اكتشفت اني عمري ما حبيتهم ولا هم طول عمري حاسة انو انا بعيدة ومش منهم ومش زيهم ولا بيئتهم هي بيئتي ولا تفكيري هو تفكيرهم كانو ما يحبوش طريقتي لا بالكلام ولا بأني شخص مش خاضع او شخص ما بيعمل الغلط لو هو شايفه غلط فاهمين ؟كدا بعد فترة اكتشفت انهم كلهم بيتكلموا عليا من ورا ظهري بين بعضهم والي قالي الكلام دا حد منهم تصدقوا ؟!بالاول كنت اقول ليش متكونش الي حكت كدابة مهي منهم بس بعد كدا اتأكدت من الموضوع بطريقتي وعرفت انهم فعلاً ناس قذرة والكلام الي انقال يحسسك ان انا معذباهم بحياتهم بعدت وطلعتهم من حياتي وقللت علاقاتي مع كل حدا قريب منهم كنت صريحة معهم كلهم هسا صارو هم الي يسألو عني وكل فترة تكون على لسانهم اشتقتلك زمان عنك وانا بعيدة وحاطة حدود بين كل علاقاتي بسببهم ممكن يكونو فعلاً كان ليهم تأثير عليا لكن الحمدلله التأثير دا اختفى ولاقيت نفسي من اول وجديد ودلوقتي عايشة عشاني مع بعض الصداقات الجديده وفعلاً هم ناس بحس اني لاقية نفسي معاها مش مجبورة اني امثل الفرح او ان اكون متصنعه لا بكون على طبيعتي وبضحك وبحترم تفكيرهم وهم كذلك درست حاجة في علم النفس وخلتني اقوى من ناحية العلاقات وخلتني افهم الصح وافهم ازاي ابعد وازاي اقرب ولسا بدرس وبتعلم كل يوم حاجه احسن وهي مش شماته لا والله لكن الي سمعته ان هم حياتهم مش احسن حاجه ربنا يسامحهم وكنت دايماً ادعي ان ربنا يشغلهم بنفسهم بدل ما ينشغلو بالناس وتركتهم لربنا هم وكل حدا اذاني لان متأكدة ان ربنا يمهل ولا يهمل وحبيت نفسي اكتر واكتر والحمدلله

Cherry_33009 🇰🇼 · Answer

لما حاولت كتير و عطيت فرص اكتر و ما شفت نتيجة، و لما كنت بشرح اللي بيضايقني بالتفصيل الممل و اشرح كيف لازم يعاملني و بلاقي تطنيش، لما كنت مرة ببكي لأنه كان مطنشني اسبوعين و حكالي (انتي بتجمعي دمعتين من اهلك و تجي تطلعيهم عندي) ادركت اني فضفضت لشخص غلط، و لما مرة بكيت و انا بحاول اشرحله اديش بحبه و قعد يضحك و يحكيلي اني دراما و ياليت يقدر يحكيلي نفس الكلام بس هو صريح و ما بيحب يكذب، ادركت اني ولا شي بالنسبة له، جرحني و اهان كرامتي بحبي ليه، بس لأنه ضمن وجودي صار يتعالى علي، و هلأ لما انا مشيت صار بده يبوس الارض اللي بمشي عليها لحتى ارجع، احياناً قلبي بيغلب عقلي و بحن و بفكر انه ممكن يكون تغير فعلاً، بس برجع بتذكر الوجع و البكا اللي بكيته ليالي بسببه، ما تحسبت عليه بعمري ولا بتمناله الشر، بالعكس! بتمناله الخير بس بعيد عني، لأنه انا تعبت و مش مستعدة اتعب نفسي اكتر من هيك.

Banana_37081 🇪🇬 · Answer

أنا كنت بحبها اوي والله ممكن يكون اكتر من نفسي بس انا اللي كنت بعمل كل حاجه كنت مش حاسس بيا كانت هي و بس الدنيا كلها هي و بس حصلت مشكله هي اللي غلطانه و الدنيا عادي اللي هو مش فارق معاها بس انا كنت متأكد أن هي بتحبني اكيد ما كنش كل دا كدب

Coffee_36288 🇪🇬 · Answer

بعدت لما لقيت اني الوحيده الي بحاول اصلح وانا الي بتكلم واسال وفي الاخر مش بيرد عليا بعدت وبطلت احاول لما قعدت احلم بيه وحلم بيقومني مرعوبه بعدت لما اكدلي ان الكلمه الي ديما بيقولهالي 
"الكلام مش بفلوس"

Watermelon_38407 🇴🇲 · Answer

انا تعرفت على شب وحبينا بعض ونتكلم بالساعات ونسهر كل يوم بس تحت مسمى الاصدقاء ما حكينا لبعض انه بنحب بعض كان كله تلميحات وانا بعد ما الموضوع طول وصرنا نحكي ٣ شهور خلالها كان في تلميحات انا خلص جبت اخري وقولتله انه لازم نفترق لانه الي نسويه علاقة محرمة وما في من كلامنا فايدة مع انه كل كلامنا كان مواضيع علمية ونتناقش وكلام يجيب بعضه ، المهم هو اعجب بالفكرة عشان غضب ربنا وافترقنا والحين النا ٧ شهور مفترقين وما يمر يوم الا افكر فيه ، مع العلم قبل ٣ شهور كلمتو عشان اشوف اذا هو اتأثر من الفراق زي م انا انكسر قلبي لاني حبيته من كل قلبي بس ما قلتله شعوري ، حكالي جملة انه لا تخافي انا ادعي كل فترة وفترة انك تكوني لي بالحلال ، مع العلم مستحيل يكون جاهز بالحلال الا بعد ٥ سنين ، مش عارفة اصدقو واستناه اخاف بهذي الحالة يكون نسيني وانا الي اكون استنينتو ع الفاضي ، واخاف انساه وهو يكون مش ناسيني واكسر قلبه ، شو اعمل ؟؟؟