ازاي تغلبت على الرهاب الإجتماعي

Question

احكي ازاي قدرت تواجه الناس 
وايه اللي ساعدك في دا؟
و البدايه كانت ازاي ووصلت ل ايه دلوقتي ؟؟

Chilli_31688 🇪🇬 · Answer

زمان كنت وانا صغير كنت بقدر اكون علقات وصدقات لاكن حاليا مبقتش اعرف اعمل ده حاسس ب اهمال واني غير مرغوب فيا واني حمل تقيل علي اي حد وده مخليني كابت جوايا ححجات كتير ومعنديش حد احكيلة ممكن مساعدة

Coffee_27927 🇪🇬 · Answer

تعبت من الموضوع مبعرفش اتعامل مع الناس ساعات كتير بحس اني ضعيف مبعرفش اخد حقي 
تعبت اوي وانا بحاول اتغير  
اتحسنت عن الاول 
وانا اصغر مكنتش بتكلم اصلا كانوا بيقولوا عليا اخرس 
مكنتش بثق في شكلي في صوتي في مشيتي في قعدتي كنت دايما بفكر الناس هتشوفني ازاي لو عملت اي حاجه في حياتي 
دلوقتي بثق في نفسي شويه بس ما زلت مبعرفش اتعامل مع الناس مبعرفش اتكلم بيبقى فيه حاجات كتير في دماغي بس مبعرفش اعبر

Biscuit_32456 🇸🇦 · Answer

فيه فرق بين الي ماتعود عالناس والي عنده رهاب اجتماعي 
انا كنت اعاني    
اشتغلت خدمة عملا اتغيرت ميه وثمانين درجه احيانا تكون مكبر المواضيع ومركز بزياده بس لما تتعود يكون الامر ابسط 
الي يواجه مشكله حقيقيه لازم يروح لمختص والحل بسيط جدا لاتضيعون حياتكم عشان خايفين من شي الناس ماتخاف منه

Strawberry_33558 🇪🇬 · Answer

انا متغلبتش على الرهاب الأجتماعي بس اتمنى اني ابقى كويسة انا دايما شايفة اني فيا حاجة غلط دايما شايفة الناس كلها احسن مني مش بعرف اتكلم مع الناس حتى صحابي اللي هما من سني مش بعرف اتكلم معاهم لو حصل موقف اضطريت اتعامل فيه مع حد او اتكلم مع اي حد غير اشخاص معينة فحياتي اللي هما عيلتي ايديا بتترعش و بحس ان انا خايفة و مش ببقى عارفة اقول ايه ساعات كتير و انا فالحصص بتاعتي كان بيبقى في حاجات مش فاهماها و مش بتكلم و كمان اجابات ببقى عارفاها و برضو بخاف مجرد ما افكر ان انا اقف اتكلم ايديا تترعش و قلبي نبضاته تبقى سريعة مش عارفة ليه دايما وحيدة و معنديش صحاب مش واثقة فنفسي انا مروحتش دروس خالص بسبب خوفي ده 
حتى مش متأكدة اذا كان ده رهاب اجتماعي او اي حاجة تانية.

Watermelon_33698 🇪🇬 · Answer

انا معنديش رهاب اجتماعي بس انا بخاف أخرج لوحدي أو اتعامل مع ناس معرفهاش لوحدي مش بعرف اعتمد ع نفسي لوحدي بره لحد م كنت ف درس مره وكنت راحه مواصلات ف كنت واحده فلوس قد الموصلات بس روحت وخوفت آخد باقي فلوسي ونزلت ومعرفتش أروّح خوفت وأيدي اترعشت لأن اول مره أخرج لوحدي ف بلد معرفهاش  صعبت عليا نفسي اوي وانا واقفه لوحدي بعيط ومش عارفه اعمل حاجه وكنت قاعده بدعي ربنا إن أعرف اروح لقيت فلوس ف الشنطه بالصدفه ومكنتش اعرف جت منين بس فرحت جدا ومن ساعة الموقف ده وانا بحاول لوحدي بحط نفسي ف اي موقف لوحدي بخرج نفسي لوحدي بالعافيه يحاول اتكلم مع نفسي بعزم نفسي بعد اي تحدي بعمله مع نفسي لوحدي محدش عارف كم المجهود اللي كنت بعمله ع اعرف أخرج لوحدي وكمية انتقادات كنت باخدها بسبب الموضوع ده بس حاليا انا فخوره بنفسي جدااا اني بحاول اتغلب حتي لو اتغلبت ع خوفي ده ولو واحد ف الميه بس حتي💗💗

Apple_32338 🇪🇬 · Answer

الرهاب الاجتماعي دا حاجه صعبه اوي بجد ومقدرتش اتغلب عليه حقيقي مبعرفش اتعامل مع الناس وديما بكون مكسوفه وخايفه اتكلم مع اي حد وحقيقي، نفسي ابقا اجتماعيه واصحاب وكد بس محتاجه دعم تشجيع حاجات تخليني اقدر اتعامل مع الناس

Pineapple_27750 🇩🇿 · Answer

من كتر مكان عندي رهاب احتماعي كنت  مش حسجل فالجامعة لان معنديش حد يروح معايا و مستحيل اروح مكان فيه ناس كتيرة واتكلم بس كان عندي  حد كان فحياتي ديما معايا فراح معايا فاخر لحظة والحمد الله سجلت(اليوم انا متخرجة و اشتغل)  بس بعد سنة الحد دا مبقاش فحياتي لقيت نفسي وحدي موقفة حياتي مدة 6 شهور صدمة فيوم اضطريت اخرج وحدي كان اسوء يوم فحياتي كان عندي التزمات و دراسة و حجات كتير لازم ارحها فبدات اخرج وحدي واتعامل مع ناس وحدي ياما معرفتش اتكلم وياما حطيت نفسي فمواقف تمنيت اني اختفي فيها بس بعد سنة ونص كان عندي معاد عند طبيب رحت وانا متحمسة استنيت دوري و كنت احكي و اضحك مع كل الي كانو موجودين من كتر الضحك و الحكيات كان دوري بس محبتش اروح كان لازم اكمل القصة لي كنت احكيها و قبل ما اروح رحت اشتريت كم حاجة من السوق و كان يوم هايل لما وصلت البيت افتكرت كيف كنت و انني فهداك الوقت مكنتش اتخيل اني يمكن اوصل للمرحلة دي اكون فرحانة لاني اقضي اليوم وحدي و اتعامل مع ناس معرفهمش كل دا لان اتحطيت فالامر الواقع انصح كل حد عندو رهاب اجتماعي يرمي نفسو وسط الناس حتاخد وقت حتبكي حتكره نفسك بس لازم تعرف انو فيوم مش حتسدق انو كنت متقدرش تواجه ناس و تتوتر منهم و غيها من الاحاسيس انا عانيت من الرهاب الاجتماعي الشديييييد لمدت 4 سنين مكنتش اعرف اعمل اي حاجة مع ناس ديمن معايا حد يتكلم مكاني حتا دخلت فاكتاب من كره نفسي سعات الحاجة الي تكون متوقع انها حتنهي حياتك يمكن تكون هي مفتاح بداية جديدة لحياتك اتمنى ان كل حد يعاني من الرهاب الاجتماعي يقدر فيوم يتخلص منو اعرف انكم تقدرو

Pineapple_33445 🇪🇬 · Answer

كونت خايف جدا من الناس لدرجت ان انا كونت ببص عليه م وانا خايف ان حد يسئلني على حاجه. بس  بعديه انا روحت نادي سباحه وكان في ناس كتير وانا كونت مرعوب اول ما نزلت الميه و المدرب قعد يكلمني حبه بحبه بقيت مش بخاف

Watermelon_34478 🇩🇿 · Answer

انا مزالني عندي شوي رهاب اجتماعي خاصة يوم البريزنتاشين لانو انا ادرس بالجامعة بس حاسة انو مبقيتش زي قبل ...لانو قبل كنت اقدم افضل بكثير مما عليه الان ولحد الساعة مافهمت لماذا اصبحت هكذا.انا تايهة ومحتاجة توجيه

Orange_34558 🇾🇪 · Answer

تجربتي معه كانت سيئة جداً كنت بستحي اتكلم او اطلب او اكل او امشي او اتحرك او او او
كثير أشياء وكنت كارهه حالي لان ما عندي ثقه بنفسي اني اسوي اي شي صح او اي شي ابغاه وبس انتظر شخص يتكلم بدالي لحد ما وصل عمري ١٤ ووعيت على نفسي واني لازم اتحرك قبل ما يصبر الخجل هو جزء من يومي بدأت من المدرسة كنت بخاف أطلع المسرح تشجعت َكان اي شي يتطلب شجاعه اسويه بالبدايه هتتعب بس بعدين هتلاقي النتيجة وان مافي احد مهتم لك غير نفسكك وانت الي بتضخم الأمور الأشياء الي كنت بستحي اقولها للمعلمين بدأت أقولها لمن ما أفهم الدرس بقولها لو سمحتي عيدي لمن بتكلم بش بخاف بدأت أعلي صوتي بدون ما أخجل اي حاجة بتخوفكم سووها!! مافي غير ذي الطريقة عشان تتجاوزوا الرهاب

Strawberry_29654 🇪🇬 · Answer

عندي مشكلة وهي ان اخويا زمان كان بينتقدني كتيرر بهزار وبجد لحد ما بقي عندي رهاب اجتماعي من الناس الي برة ومن البيت كله كمان🥲بقيت الاقيهم قاعدين مع بعض اخواتي وكدة وانا عايزة اطلع بس صعب جدا عليا اني اطلع من اوضتي واقعد معاهم عكس الاول وبقيت فاقدة الثقة فنفسي تماما بسببه🥺وعندي اخت واحدة مش بقعد غير معاها هي ومش بطلع اقعد معاهم غير وهي موجودة او صاحية لكن مش بطلع لوحدي خالص ومش عارفة ابدا اتخطي المشكلة دي كل ما احاول افشل ومكملش ٥ دقايق وارجع تاني وعندي اكتئاب بسبب الموضوع دة😭😭

Cherry_33009 🇰🇼 · Answer

بصراحة اللي ساعدني اتغلب على الرهاب الاجتماعي هو لما ادركت اني حلوة 😂 صار عندي ثقة اكبر شوي بحالي و بعدين بدأت اطور شخصيتي و اتعلم من اخطائي و اهم شي احرص اني اكون لبقة و مهذبة بكلامي، انشأت لنفسي شخصية معينة كنت حابة صفات معينة تكون بشخصيتي و اشتغلت على نفسي لحد ما حققت هدفي و حالياً الحمدلله اعتبر نفسي محبوبة بين الناس❤️

Marshmallow_33883 🇪🇬 · Answer

صراحه الي خلاني كده هو صحابي رغم انه متناقض برضو لانهم كانوا بيضايقوني ومش بيخلوا عندي ثقه في نفسي لكن الي خلاني اتغلب من موضوع الرهاب هو اني بحب اقرأ ف كنت بقرأ واروح اقولهم في الفصل  وده بحكم اننا بنات بس ف كنت اول ما اشوف فيديو حلو اروح اقولهم عليه في الفصل اقف في النص واقولهم ركزوا معايا وافضل اعلي صوتي مكنوش كلهم بينتبهوا بس كان في واحد او اتنين مركزين معايا لحد ما بقيت بطلع في المسابقات واتكلم واتناقش في المواضيع لحد ما بقي معنديش رهاب اجتماعي يمكن موجود لما ببقي لوحدي في مكان مش معايا حد اعرفه لكن اوقات كتير بقيت مبحسش انه موجود اصلا وكمان بقيت بحب اسمع بودكاست واقرأ كتب ففهمت ان مفيش حاجه اسمها رهاب اصلا وان لما بعمل الحاجه الي بحبها والصبح يبقي انا مش بعمل حاجه غلط وكده ثقتي في نفسي ازدادت والحمدلله لما تيجو تمشوا في مكان وحاسين انكم هتتوتروا حاولوا تطلعوا لبانه وتكلوها براحه وامشوااا بطييييئ جدااا وركزوا في بطيئ دي اوي وبعدين الامر هيبقي حلو ومش فيه حاجه

Coffee_35096 🇲🇦 · Answer

ما زلت أعاني منه و مش عارفة أتغلب إزاي . كلما أحاول أجدد ثقتي بنفسي بيصير موقف بيخليني منغلقة على نفسي. أكثر . مش عارفة أعمل اييه . بليز إنصحوني إزاي أتغلب على هالشيء.  رح أستنى مساعدتكم و نصائحكم شكرا…

Avocado_35141 🇪🇬 · Answer

مفيش حاجة ساعدتني غير التدبيس دبس نفسك ف اي موقف انت مش هتقدر عليه يعني حط نفسك فجأه ف برزنتيشن مثلا، قدم ف كورس من غير صحابك، روح اسأل او هزر مع ناس غريبة واتعرف عليهم مرة على مرة الموضوع هيبقا طبيعي جدااا ودايما لما تروح مكان جديد قول لنفسك انا محدش هنا عارفني محدش عارف هو انا اجتماعي ولا انطوائي محدش عارف شخصيتي عاملة ازاي ف مثل انك شخص اجتماعي وادخل كدا بثقة واتكلم مع كله لحد ما هتصدق نفسك وتبقا كدا Fake it untill make it

Mango_29366 🇪🇬 · Answer

انا مش عارف اذا كان عندي رهاب اجتماعى ولا لا يعني مثلا انا معنديش مانع اعمل حاجات مجنونه و اصوت في الشارع او اوقف ناس غريبه و اسئلهم اسئلة غريبه و غبيه بس لو معاية صحابى حتي لو انا الوحيد الهعمل كده بس لما ابقا في مكان من غير صحابى بتكسف حتي ان انا اطلب من حد ان هو يعديني علشان انا مستعجل

Banana_29279 🇪🇬 · Answer

لحد دلوقتي مش عارفه اتغلب عليه حته ببقا عايزة اتلكم واضحك معاهم عادي بس حاجه غريبه بتمنعني دايما بتخيل ان بدأت اتعامل عادي بس لأ ده بيفضل في تخيلاتي بس مش لاقيه حل ولا عارفه اتعامل مع حد ولا اكون صدقات وبخسر ناس بسبب كده

Coffee_36169 🇹🇷 · Answer

مبدىيا تغلبت عليه صار عندي فرط اجتماعي
بعد مافكرت ان كلشي انا قاعده اسويه او ايشي مدامه مو غلط ولايغضب ربنا ليش امنع نفسي اعيش حياتي تحت مسمى الرهاب او الخجل او الخوف الكلام سهل صح والفعل صعب بس مره على مره تتعودو
كنت اخاف اشارك بلحصه واذا عرفت انو عندنا موضوع ولازم نتكلم قدام الصف تجيني نوبات خوف وهلع
حاليا كلشي تغير
محد حيتذكر انت شو سويت او شو عملت
اه يمكن يضحكو معلش؟اضحك معهم!!كون على مبدى كلنا نضحك علي وكلنا نضحك عليك وكلنا نضحك على بعض
 وربي بتشوف كلشي تغير وقتها 
حتى اذا توترت اول فتره عادي تتعود
لاتحرم نفسك عشان لاتندم بعدين
لاتحرم نفسك تضحك او تتسلى او تعبر عن راىيك عشان فكره اوه….هذا ممكن يضحك علي…او ممكن مايعجبه شي فيني او اسلوبي…
مدامك ماشي صح بدون لاتغضب ربنا كلشي تمام وبلسليم

Mushroom_37399 🇪🇬 · Answer

انا لحد الان معرفتش اتخطى لاء دانابيزيد عندي لدرجه انى مقدرش اطلع لوحدي اخاف وبخاف اكلم حد معرفوش او حتى اكلم مدرس فى التلفون الموضوع ده بقا يديقنى انا بدانت احسن انى داخله على توحد بقيت احب العزله واحب دايما اقعد فى البيت

Croissant_39905 🇪🇬 · Answer

ازاي اتغلب عالرهاب اجتماعي لو انا لدغة في حرف معين ف بتكسف اتكلم قدام الناس 🙂
و خصوصا قدام أولاد يعني الموضوع بيكون اخف شويه لو بنات بس لكن قدام الاولاد بحس اني متراقبه و ان اي حاجه اقولها هبقا مادة خام للسخريه
لدرجة اني بغيب من المحاضرات اللى الدكاتره بيخلونا نجاوب فيها او نقرأ قدام باقي الدفعه