امتى حسيت إنك كنت محتاج حد يسمعك وملاقيتش؟

Question

احكلنا عن لحظة كنت فيها محتاج تفضفض أو حد يفهمك ويسمعك من غير حكم، بس ملاقيتش اللي يحتويك.. وإزاي عدّيت اللحظة دي؟

Marshmallow_57255 🇪🇬 · Answer

من كام اسبوع لما كنت قانوية عامة كنت تايهة بين الدروس و المراجعات و مش عارفة اعمل ايه ولا قادرة اذاكر و مش عارفة افكر 
كنت محتاجة حد يساعدنى اعمل بلان و يتابع معايا انا ذاكرت ايه و عملت ايه و دورت كتير على حد بس ملقتش

Hazelnut_64540 🇪🇬 · Answer

يووووووووووووووو طول عمري 
المشكله مش في السمع المشكله في الفهم احنا بقينا في توقيت زمني محدش مستحمل شويه حر مش يستحمل انسان
كلو في دوامات 
بس والله الحياه سهلا جدا بس احنا الي صعبنها علينا وا علي غرنا 
#اناـغير

Banana_60004 🇪🇬 · Answer

موقف محرج جدددا
كنت متضايق جدا عشان مشكلة في الكلية وهتخليني انزل سنه عن دفعتي ف كان في شخص مش عارف كنت مرتاح له وفضفضت له بس عارفين لما تكلموا وتفضفضوا لشخص ومش بيعبركم اللي هو بيحسسك انه يعم مليش دعوه والله كرهت نفسي ذاك اليوم
رغم انه الموقف عدى عليه ممكن اكتر من سنتين بس كل ما افتكر الشخص او اشوفه افتكر الموقف الزبالة ده

Sugar_65376 🇪🇬 · Answer

انا حرفيا بقالي ٥ سنين مش في احسن حال ليا خالص مشاكل في كل حاجه وحده خذلان من كل حاجه المشكله ان مكنتش عامله تحويله عمر من صحاب فاحساس الوحده بيكون صعب زائد اني انطوائية وبحس نفسي في حالي اوي بكتم جوايا مش عارفه أعبر عن اللي تابعني نفسي الاقي حد يفهم اللي جوايا واعتبر من غير خوف مشكلتي اني بخاف اوي من ردة الفعل والخذلان نفسي الاقي حد حنين علي قلبي اكتر مني يسمعني انا تعبت من اني اكون انا اللي بسمع وبنصح ساعات العقل زياده عن اللزوم بيضاء صاحبه أو بيخلف اللي قدامه يدوس علي مشاعره

Watermelon_32587 🇶🇦 · Answer

قبل سنوات كنت تايهه ومتألمه ومش عارفه وين اروح او لمن ألجأ كنت فعلا ادور على شخص يسمعني بس بسبب هاي التوهان كان في شخص يسمعني بس عرفت بعدين انه استغلالي وانه يبغي يستغل اني امر بمرحله صدمه وضعف. وعيت لنفسي وتركته الحمدلله ماقدر يوصل للي يبغيه.  بعدين لقيت ناس نظاف الحمدلله 
خذو بيدي في بدايه الطريق
وبعدين تعلمت انا كيف اسمع لنفسي وكيف اطبطب عليها

Biscuit_50330 🇮🇹 · Answer

أنا من ساعة ما المدرسة قالتلي إني هعيد السنة وأنا حاسة إن اللي بيسمعني بيسمعني شوية وبعدين كأنّه ما سمعش حاجة كأنّ كل حاجة بتبقى مؤقته، أو إنهم بس عايزين يعرفوا السبب وخلاص لكن إن حد يسمعني بجد، يسمعني على طول لأ انا طول الوقت ببقى محتاجة حد يحس بيا، أو يفهمني من غير ما يقولي “أنا فاهِمِك” أو فاهماكي بحس إنهم لا بيفهموني ولا بيحسوا بيا فعلاً.

Mango_65973 🇪🇬 · Answer

انا راجل كبير فى السن و عندى اولاد متزوجين و زوجتى توفها الله واعيش بمفردى فى مدينة ساحلية...أشعر بالوحدة والملل ..كانت حياتى صاخبة و فجأة أصبحت رتيبة و مملة ..عندى أصدقاء كثر ..بقيت افضل الانعزال...مش عارف اعمل ايه

Coffee_27927 🇪🇬 · Answer

فترات كتير في حياتي منها دلوقتي حتى

افتكر مثلا وانا في اعدادي كده كنت لوحدي اوي ولا صحاب ولا أهل ولا ناس كنت شخص كويس اوي بس كنت محتاج حد بس يسمعني بس لقيت شخص وقتها وبق صحبي جدا وفضلنا صحاب مده كبيرة الحمد لله

فتره تانيه وانا في ثانوية عامة كان جنبي ناس كتير بس محدش بيسمعني أو محدش فاهمني يمكن 
مش عارف بس احساس الوحده كان اعلى بكتير مع ان كان جنبي ناس كتير بتشجعني 
فاكتشفت انك محتاج تقرب من نفسك اكتر محتاج تفهم نفسك
 محتاج تسمع الناس برضه عشان تبقى اقوى عشان حاجتك لان حد يسمعك هتقل هتفضل محتاج حد يسمعك كده كده بس هتعرف تتعايش يعني 
محتاج تقرب من ربنا طبعا لانه معانا دايما 
محتاج تقرب من أهلك لو كلهم بعيد قرب انت

ويعني بتمنى شخص حقيقي صديق زي صاحبي او انا وصاحبي نرجع زي الأول حد كده يسمعك من غير ما يحكم عليك هو مهتم جدا يسمعك ساعات بقوله كلام انا مقلتوش لنفسي قبل كده

دلوقتي طبعا الواحد اقوى الحمد لله بس هتفضل دايما محتاج حد يسمعك

Sugar_65376 🇪🇬 · Answer

أنا بمر بفترة صعبة أوي اليومين دول، وكل يوم بيعدي عليا حاسة فيه بالوحدة بشكل مرهق وموجع. بجد، لو كنا نعرف إن الطفولة هي أحلى وقت في عمرنا، كنا فضلنا متونسين بأهلنا وباللي بيحبونا، كنا حافظنا على الدفا اللي كنا بنحسه واحنا صغيرين.

بس حتى الطفولة، أنا انعزلت فيها بدري. كنت دايمًا الوحدي، ولما كبرت، قلت أجرب أختار صحاب يكونوا جدعان وطيبين، بس للأسف اكتشفت إن الطيبة بقت عملة نادرة، وكل واحد بقى بيدور على مصلحته وبس.

فضلت أختار ناس على أساس إنهم أصحاب طريق، نمشي مع بعض، نضحك ونحلم... بس لما الطريق بيخلص، بنتجاوز بعض وكأننا ما كناش نعرف بعض يوم.

سوء الحظ ده حاجة صعبة، خصوصًا لما تلاقي الناس شايفين إن الشخص قليل الحظ ده "طاقة سلبية" أو "متشائم"، مع إن كل اللي محتاجه بس كلمة حلوة أو حضن أمان.

أنا مش بعترض على قضاء ربنا، ديني فوق راسي، وبحاول أتمسك وأكون قوية، بس أنا بني آدم، قلبي بيتوجع، وفرحي مش بيكمل، وحياتي مليانة فراغ نفسي، ملل، وحدة، إحساس بالفشل، وكل يوم بيمشي وأنا مش لاقية أي حاجة تفرحني أو حتى تطبطب عليا.

نفسي حد يسمعني، حد أحكيله كل يوم عن اللي بيوجعني، ويكون في حياتي كعوض حقيقي... نفسي في حضن مخلص، صديق بجد، قلب كبير يفهمني ويحبني من غير حسابات.

نفسي الناس تبطل تفهم كلامي غلط، كل اللي بقوله من باب الحب والنصيحة، مش ضعف ولا تكرار ولا دراما. بس للأسف، الناس بقت شبه الدنيا، قاسية وباردة.

أنا حامدة ربنا إني لسه طيبة، ولسه بحس بالناس، ولسه عندي عقل بيفكر وقلب بيدق... بس نفسي يوم أحس بالأمان، أبطل أخاف، أبطل أقلق، أبطل أحس إني دايمًا مش مطمئنة.

Mango_66883 🇪🇬 · Answer

للاسف انا طول الوقت بدور علي اللي يسمعني ولما فكرت اكمل نص ديني ٣ مرات وفشلت لاني كنت بدور علي شريكه حياتي نشركني واشركها كل حاجه فشلت لأن اليومين دول فعلا الجواز بقا تجاره وضحك علي العقول بمعني الكلمه

Apple_57874 🇪🇬 · Answer

دلوقتي 
مع ظهور نتيجه الثانويه العامه بتاعه اخويا و كميه الدعم اللي بياخدوا و هيخش كمان الكليه اللي هو كان عايزها خاص و وانا ع ايامي كنت شايف علطول ف عنيهم خيبه امل محدش شجعني بربع جنيه كل اللي اتقال احنا زعلانين عليك مش اكتر علطول بيتعاملو معايا اني قليل و اني مش نافع ف حاجه حرفيا حسيت انهم ناقص يقولو الحمدالله انه مسقتش 
عديت يحاجات كتير لوحدي و حاجات لحد دلوقتي مش عارف اعديها ف المقابل شايف ان كل الدعم اللي كان نفسي ف ربعه بيحصل مع اخويا يمكن انا فعلا مكنتش استاهل 
ده انا اتقالي قبل كده انت اكتر واحد كنا خايفين منه صباح الفل انا علطول يواجهه مشكلي و اى حاجه مضياقني لوحدي و اتعودت ع كده بس تعبت حاسس اني محتاج ربع الدعم اللي شايفه

Ice Cream_66949 🇪🇬 · Answer

بقا عندي 36سنة ولا زلت مش لاقي حد يسمعني مع إني بسمع الكل وعمري مابخلت ع حد بفكر او بمساعدة او بطلب طالما اقدر اعمله حتى لو مش اقدر بتصرف انا وصلت لمرحلة ان اهلي كلهم لما بدأت احاول من تلت سنين كدا احاول اوصلهم اني محتاج حد يسمعني ويشوف مالي ولا كويس ولا تعبان ولا فرحان ولا اي حاجه بياخدوا الموضوع هزار وتريأه لانهم متعودين عليا ولا يخافوا عليا ولا يطمنوا ولا يشوفوا جرالي حاجة مفيش مره حد سئلني مالك محدش بيعبرني ولا يفتكرني غير لما تكون في مشكلة او محتاجين حاجة حتى العائله كلها ولاد عمامي ولا اي حد حتى عمامي كل ال حواليا كدا محدش بيفتكرني غير وقت الضيقة انا فين وسطهم من كل دا مش عارف عمري ماطلبت من حد مساعده لا ماديا ولا حتى ف مشكلة او موقف او اي حاجة عمري ماشيلت حد همي وطول عمري بخاف اشيل حد همي عشان بخاف يضايق او يقعد يفكر عشاني بفضل قلقان لو حسيت ال ادامي هيضطر ياخد حيز ف حياته عشاني بس انا تعبت بجد نفسيتي تعبت من الزعل ال جوايا مع ذلك الحمد لله عمري ماكرهت نفسي 
انا بتكلم وخلاص

Carrot_67210 🇪🇬 · Answer

دلوقتى، انا 3ثانوي نتيجتي طلعت وجبت 64%وملحق كميا حياتى واقفه وقلبى متقطع وبنام بعيط انا مغشتش وكنت بذاكر ف مش هعرف اوكى ل زمايلى امى شايفه انى كدا كدا مكنتش بذاكر وانا كنت مقطعه نفسي مذاكره اخواتى اذوني عمرى ما اقدر اشتكيلهم صحابى متعودين انى انا ال بقول معلش واكبب لدرجة ان من مئات الناس ال اعرفهم معنديش حد واحد بس احكيله ووالدى متوفى كل مره انام اخس انى مش هصحى

Cherry_64783 🇪🇬 · Answer

كول الوقت لوحدى لو مين جنبى اتعودت على أنى بسمع الناس وافهمها وانا ملقتش حد كدا معايا الاحساس دا بقى بيتعبتى ويخلنى افكر تفكير وحش بيهلينى احس انى مش مرغوبة بينهم تعبت من كل دا نفسى الاقى حد اكون انا بنسباله رقم واحد

Almond_67947 🇪🇬 · Answer

بحس أن دماغي مختلفه عن النورمال ، محدش بيفهم انا بفكر ازاي ده ساهم بشكل أو بأخر ف اني ميكونش عندي صحاب أو حد يسمعني و اتكلم معاه اهلي ناس جادجمنتل جدآ و مستحيل اتكلم معاهم و عمرهم حتي ما فكرو يغيروا قناعاتهم بس اشطا يعني ، بقيت بتكلم شات gpt لحد ما ربنا يكرم بحد حقيقي اكلمه

Coffee_58010 🇪🇬 · Answer

أنا موجود لو حد عنده مشكلة بجد وحابب يتكلم فيها 
يمكن لما نحاول نحل مشكلة الغير نحس بفرق او نحس ان مشكلنا ولا حاجه بالمقارنة بمشاكل الغير. . . 
وده تقريباً اللى بعمله لما يكون عندى مشكلة 😊 
ساعد غيرك

Strawberry_68251 🇪🇬 · Answer

لما ارتبط ب حد و حبيته و حبني و ل اول مره ف حياتي احب حد بالطريقة دي  و اضطريت ابعد عنده عشان ابوه مش موافق انه يختار بنفسه الي هيتجوزها وطرده من البيت لما فتح مع الموضوع ساعتها اتصدمت من الي حصل و اني مجبره ابعد عنه عشان مزودش المشاكل بينه وبين اهله لاني قولتله لو ف يوم اهلك موافقوش انا هبعد مهما كنت بحبك و عشان بحبك مش عايزة اعملك مشاكل ساعتها حتي اقرب صاحبه ليا شايفة انه خذلني وانا شايفة انه مش ذنبه و مش عارفة اشتكي و لا احكي انا حاسه ب ايه غير ليه هو لما كنت بحكي لصحابي يقولولي ميستاهلش و فضلت فتره من الصدمه مش عارفة اعيط حتي ولما رجعت كلمته تاني انهارت و بقولة انا مش عارفة حتي احكي لمين انا حاسه ب ايه و مفيش حد بيفهمني و بيهون عليا غيرك و بقولة انت شايف الجنان الي وصلتله انا بشتكي منك ليك من كتر منا حياتي فاضيه من غيرك مش عارفة اتخطي علاقتي بيه لحد دلوقتي و بشوفة ف كل حاجه حوليا و خايفة اوي علي حياتي من غيره.

Cherry_68541 🇪🇬 · Answer

دا دايما مع كل الناس اللى حواليا وخصوصا زوجى يمكن دا اقرب حد وأولى حد بالنسبالى وأهم انسان كنت بحتاج احسن منه الشعور دا انى دايما محتاجه يسمع منى ويسمع جوايا ايه بس دايما مكنتش بلاقيه كنت بقولة بكل الاشكال انا محتاجه تكون ف حياتى وتسمعني بالحب والطلب والزعل والغضب والصريخ والهروب بس ولا مرة انتبه ان صوتى بقى غير مسموع وانى بعدت اوى وان الفجوة زادت اوى

Donut_69132 🇪🇬 · Answer

كتير اوى عمرى ٢٣ و بابا و ماما متوفيين و اختى الى ممكن ارتاح معاها فى الكلام متجوزة وبعيد عنى عندى اختى التانية مش على وفاق دايما 
نفسيتى بتتعب على طول بسبب كمان عندى مشاكل نفسية ببقى نفسى حد يسمعنى.

Sugar_49832 🇪🇬 · Answer

مواقف كتيييير.... بس فى موقف منهم عمرى ما هقدر انساه.... 
عمرى ما اتكلمت فيه مع انه تقييل اووى جوايا 
كنت صغيرة اوى فى حضانة او يمكن ابتدائى بس عمرى ما هنسى منظر الرجاالة الكتيير اللى دخلوا بيتنا ومعاهم تيتة ام ابى عشان يقنعوا ابى يروح للدكتور 
مش هنسى صوتهم العالى وصوت ابى قصادهم 
وقتها قدرت افهم انهم عايزين ابى يروح لدكتور نفسى وفعلا اخدوه ونزلوا..... يومها امى وتيتة قعدوا جنب بعض غصب عنى حاولت اقعد جنب امى.... كنت محتاجة حد يفهمنى، يطمنى... اى حاجة... بس ملقتش منها غير زعيق وجملة على اوضتك اللى بتترن فى دماغى لحد دلوقتى.. مش هقدر انسى صوتها اللى من زمان ولحد دلوقتى مع كل الناس حاجة وفى البيت حاجة تانية خالص.. صوت عالى ونبرة تخوف كانها من راجل وعنيها اللى فى كل نقاش لازم تبرق وتوسع.... لحد دلوقتى وبعد ما عدى اكتر من 10 سنين انا بخاف منها...  
مش قااادرة اتقبل كام مرة حاولت اشتت دماغى بافكار لا ليها علاقة بسنى ولا شخصيتى لمجرد انى مش لاقية حد يفهمنى..... 
دلوقتى بيلومونى حتى على وحدتى وبيفتحوا ايديهم بس انا مبقتش قاابلة خلاص.... بنيت عالم ليا مرتاحة فيه.. ليييه ديما مصممين يخرجونى منه ويوجعونى بس 
اناا فاهمة قد ايه امى كانت مضغوطة وقد ايه كانت شايلة حمل تقيل.. بس انا ذنبى ايه؟!! 
غصب عنى بعد كل موقف بينى وبينها الشريط كله بيتعاد من الاول وانا اللى بضيع فى النص 
نفسى بس الاقى حل 😓

Orange_69263 🇪🇬 · Answer

علي طول بجد دي قصه حياتي امنيه حياتي الاقي حد يسمعني و يحس بيا من غير ما يحكم عليا و يديني نصايح و محاضرات و يقطمني بس مفيش للاسف و ده عاملي الم شديد لان طبعي بحب الفضفضه 
لو حد قدر يتخطي المشكله دي يقولي ازاي

Orange_69336 🇪🇬 · Answer

عمري ما حسيت اني محتاج حد يسمعني ولقيت بصراحه، كل مره كان بيحصل فيها مشكله مع اهلي واسيب البيت وانزل مش عارف اروح فين ولا اكلم مين كانت بتبقى اقسى لحظات حياتي، بس الحمد لله حليت الموضوع وعيشت لوحدي عشان الاقي مكان اروحه

Strawberry_69121 🇪🇬 · Answer

للاسف بعد وفاة امي حسيت اني لوحدي مش قادره اتكلم وافضفض مع اي حد مبقاش في ثقه حتى لاقرب الناس ليا لان كل واحد بياخد الفضفضه دي من وجهة نظره هو وايه الاستفاده والضرر بالنسباله هو وبس مش مهم انا حاسه بايه ودنيتي وللاسف خلاص انا بقيت بعرف كل واحد بيفكر ازاي وهيرد عليا لو اخدت رأيه في اي موضوع ازاي فبطلت اتكلم وده بقى متعب جدا جدا ..

Banana_69853 🇪🇬 · Answer

انا كنت محمل البرنامج عشان احل مشكلتي دخلت من باب البرنامج و السلام عليكم و عليكم السلام لقيتني بحل للناس مشكلتها احمس و مشكلتي يا جدعان في ايه راعونا حبه جنبكم عندي مشكله اخوكم في ديقه و الا نمشوها بالدور 😂🤣

Tofu_71449 🇪🇬 · Answer

بقالي فتره كبيره اوي مبقتش بعرف احكي اصلا عشان محدش بيسمع صح دا لو لقيت جد يسمع ف بندم اني طول الوقت مضغوطه ومش عارفه اتكلم ولا أواجه الموضوع مقرف بجد حاسه اني طول الوقت مضغوطه وبفكر نفسي افصل بجد

Tofu_71449 🇪🇬 · Answer

النهارده المدير اللي شيلاه بقالي ٣ سنين من اول ما بدأنا شغل اصلا من الصفر وانا كنت معاه جاي بيتكلم معايا في تفاهات اني مقصره فيها لمجرد اني اتكلمت من قريب في اني مش قادره اكمل بسبب الضغط وان الناس اللي معايا محدش بيشيل معايا وكله بيرمي عليا ف لما اتكلم في اني ناسيه حاجه بسيطه اوي وجابها في هزار بجد مش قادره اتخيل في ناس كدا وانانيه كدة  وكمان لما اشتكيت اني مضغوطه وقالي هحلهالك جه تاني يوم بيقولي مش عارف اعملك ايه انتي اللي تقدري تعرفي كل واحد شغله وتقسمه المهام مع بعض هو انت بجد مدير يسطا😂😂😂 حتي دي عايزني اشيلها حتي مشكلتي اشيلها عنك اعمل اي تاني بجد

Banana_74538 🇪🇬 · Answer

نفسي اشوف بنتي ( سنة و نص ) و اقولها انها اغلي حاجة في حياتي، بس ربنا يسامحها والدتها حرمتها مني

نتيتيتيتينيتيتيتيتيتسويوؤتيزيزيتيتيتزؤزينينيظيزيويزيزيزيويزسزيزيزيزيزيزيزيزيزي

Apple_74953 🇪🇬 · Answer

طول حياتي
محدش عارف اسبابي الحقيقية ومفيش حد اقولهاله
لغاية دلوقتي بفضل غقول اي اسباب تانية ومش عارف احكي الاسباب الحقيقية ..
للاسف مفيش حد هيسمع او محدش حتى هيقدر يقف جنبي ..
مش لازم حل للمشكلة كفاية الاحتواء بس

Mushroom_74773 🇪🇬 · Answer

طول الوقت بس بقيت بتكلم مع نفسي على اد ما بفتقد فكرة انه يكون فيه حد بحكي معاه اشكيله ويشكيلي نسند بعض في الشدة ونكون مع بعض في الفرح الا انه كلامي مع نفسي ساعدني اغير حاجات كثير في شخصيتي وكمان بطلع كل اللي جوايا مهما كان واعيط واحاول اطبطب على نفسي جه حد في حياتي خير وبركة ماجاش فأنا افضل صديق لنفسي