ايه نقطة التحول في حياتك ؟

Question

بيجي وقت، موقف، او شخص يخلونا نغير وجهة نظرنا او شخصيتنا عن كل حاجا بنبقي في الاول في القاع بعدين بنفوق وبنحقق أحلامنا، قول تجربتك

Banana_53448 🇪🇬 · Answer

بكل بساطه ال*  ٣٠ سنه * اول موصلتلها كأن حد مسك دماغي و غسلها و وداها ف حته تانيه يعني بمجرد وصولي للرقم العجيب دا كأنه سحر و شئ غريب نضج و هدوء و رزانه  ف مش عارف هل هو السبب و لا كم المواقف اللي عدت عليا

Apple_53469 🇪🇬 · Answer

ان بطلت احب❤️‍🩹
حياة مرهقه كفايه ولو مافيش حد يساند و يقوي بلاش احسن الواحد بقي مش قادر يعافر محتاج سند لاكن مش محتاج عمل زيادة
ان بطلت احب❤️‍🩹
حياة مرهقه كفايه ولو مافيش حد يساند و يقوي بلاش احسن الواحد بقي مش قادر يعافر محتاج سند لاكن مش محتاج عمل زيادة

Strawberry_53517 🇪🇬 · Answer

الخطوبة، هي كانت نقطة التحول، لو كنت اعرف اللي بعيشه ما كنت افكر ف الجواز، برغم اني طول عمري ك فكرة رافضاها، ازاي خدت قرار  زي دا بكل سرعة وتهور، خصوصًا اني اكتشفت ان اختلافتنا وآرائنا زي السما والأرض، مش عارفين نتفاهم ولا نعيش ف استقرار، بجد اتأكد من صحة مقولة الحب لوحده مش كفاية، بحبه جدا ومش عارفه اقوله ازاي ان بعد المشاكل اللي عشناها انا قفلت من فكرة الجواز واني مش قادرة اكمل، اعتقد فهمت متأخر ان مش كل م تحتاجه الحياة حد جمبك ويسندك، أحيانًا م تحتاجه الحياه شخص عنده طموح يقدر ينجح ويبني نفسه ويبقي سعيد لوحده ع نجاحه بدل م يبقي تعيس وهو حواليه ناس، لو رجع بيا الوقت مكنتش هحب ولا هقبل اتجوز واحقق ذاتي، اعتقد العلاقات المرهقة كفيلة تخلينا نتدمر ونفقد ذاتنا تدريجيًا ونكره الحياه

Grape_53920 🇪🇬 · Answer

انا كنت بقتنع بالأشخاص بسهولة وممكن اقع في حبهم من اول كلمة أو اول نصيحة يقولوها معايا وانخدع بسهولة اوي وكنت شخصية هوائية لابعد حد لمجرد أن الشخص اثني عليا وحسسني أن مفيش مني وده خلاني وقعت نفسي في خطوة وهي غلطة عمري الي بدفع بيها التمن دلوقتي حرفيا مش عارفه أتجاوز ده لانه لسه متعلقة فيه مفيش حل لده 💔

Coffee_57335 🇪🇬 · Answer

نقطة التحول لما تركت خطيبتي
كان اكتر قرار صح  باخدو بحياتي ولعدة اسباب هي منطقية من وجهة نظري ولكن انا اصلا كنت متعلق فيها بشكل كبير جدا لدرجة اني وقت تركتها انا صرت عايش بأزمة نفسية حادة ويمكن صار معي حالة تسمى اضطراب ما بعد الصدمة بشكل قوي جدا الموضوع  من  ٧ اشهر ونصف بس لسا مأثر بشكل كبير على نفسيتي وعلى علاقتي بالناس عموما وعلى علاقتي بشغلي وحتى علاقتي بذاتي جربت كتييير طرق لحتى اتخطى ولكن للاسف كلها فشلت و هي دائما ببالي وين ما رحت و بكل الاوقات الامل دائما برب العالمين كبير وكلي يقين بالله بس الموضوع متعب لدرجة الناس بدأت تحاول تعصب مني

Coffee_56986 🇪🇬 · Answer

للاسف انا اتولدت و عشت بره لغاية الثانويه ونزلت على الجامعه و من هنا اتصدمت بالمجتمع و الانفتاح الشديد دا زي مثلا ان عادي الولد و البنت يمشو مع بعض كدا في الشارع قدام الناس و طريقة اللبس سواء كان ولد او بنت و التفكير كل دا كان بالنسبالي صدمه لأن البلد الي كنت فيها كان اساسا المدارس من أولى ابتدائي بيكونو الولاد لوحدهم في مدرسه و البنات لوحدهم في مدرسه و كان الكل لبسه محترم عموما حتى الي كان بيكلم بنت او بيقابلها كان بيستخبى و يروحو يتقابلو في اي مكان فاضي بعيد عن الناس كإنهم يعني اسف في الكلمه 😅هينامو مع بعض و دا لمجرد بس أنه يشوفها أو بيتكلم مش اي حاجه تانيه من الي احنا عرفنها 
و للاسف الناس هنا من شدة التعب و الضغوطات بتاعت الحياه بقى كلهم في الشارع شكلهم شايلين الهم و متدايقين اوي 
و من اكتر الحاجات الي وجعتني فعلا و بسببها عيطت و حسيت بالقهر و الظلم لما دكتوره في الجامعه حطتني في دماغها و حبايبها وجبو معاها لمجرد اني كنت بناقشها و بكل احترام والله و بيني و بينها كمان في انها احرجتني قدام الدفعه و اتفاجئت اني مقدرش اشتكي و لا اتكلم لا دا انا الاحسنلي اني اروح اعتذرلها متكبرش الموضوع 
انا كان في بالنسبالي أن الشخص طالما حلف يبقى خلاص كدا هو صادق و مبيكدبش 
لكن هنا اكتشفت أن الكداب هو الي بيحلف 😂😅
و الي غيرني فعلا و صدمني جدا 
انا مكنش ليا في جو الحب و كنت بقول خلص دراستك و اشتغل و افرش شقتك و بعدين ابقى فكر في الحب لكن قبل كدا دا لعب عيال و لكن طبعا مش كل الي بنفكر فيه بنفذه و حبيت واحده من الدفعه و ارتبطنا مده و بعدها سبنا بعض اتفاجئ إن أقرب صاحب ليا و كان بالنسبالي يعني اغلى حاجه عندي من قوة محبته في قلبي مش قادر اعبر عنها بعد كام من يوم ماشي معاها في الشارع و بيضحكو مع بعض طبعا كان شعور بالكسره و الوجع مش قادر اوصفه و فجأه هو و واحد كمان بعدو عني بدون اي سبب و عينهم تيجي في عيني و ميسلموش حتى و بقو معاها و مع صحاب البنت انا  مزعلتش على البنت خالص أو مكانتش فارقالي و صحبي دا الي لسه زعلان عليه لغاية دلوقتي و هو حاول يكلمني بعدها بشهرين بيبرر لنفسه و قال اي دي صحبتي زي ما انت صحبي 😂! و هو اصلا مكنش يعرفها مع العلم أن هو مرتبط اصلا أما البنت فمزعلتش عليها عشان كنت سايبها و انا ضميري مستريح لاني كنت عملت كل الي اقدر عليه عشان ابعد و أنا مرتاح 
دي بقى فعلا كانت نقطة التحول بالنسبالي 
و من ساعة الموقف دا و انا بقيت كل لما افتكر اي موقف منهم سواء كان حلو او وحش بقى بيجيلي حاجه زي تشنج لحظي كدا 
اعصاب دراعي بتتشد و بقفل ايدي جامد و ممكن اخبطها في الحيطه جامد أو احدف حاجه و عيني تقفل و رجلي ترفص الموضوع كله على بعضه مبيكملش كام ثانيه يمكن خمسه مثلا بس خايف احسن يزيد بعدين و مش عارف اعالجه ازاي و اتوقع انه بسبب اني مبتكلمش بكتم جوايا

Banana_56622 🇪🇬 · Answer

هي مش قصتي انا بس قصه تستاهل انك تسمعها 
هي قصه محمود صديقي في الكلية 
محمود كان شاب بسيط محترم من الارياف وهو من أحد اصدقائي المقربين لحد دلوقتي محمود كان عايش في بيئه مغلقه شويه ومتربيين علي الأصول والاحترام مكنش عندهم الانفتاح الرهيب اللي عندنا ،محمود لما دخل الكليه كان متفاجئ باالبس بتاع البنات كان وكان تعليقه أن دول خارجين من اوضه النوم 😂😂 ،وكان مستغرب جدا من البنات اللي واقفه مع الشباب والبنات بتضحك بصوت عالي وكان بيقولي دول لو عندنا في البلد كنا طخيناهم عيارين (ضربوهم بالمسدس) وكان بيقولي أن كل لما يدخل الجامعه يحس أنه دخل النار من اللي بيشوفه ،المهم عدي شهر فالتاني والثالث و لقيت محمود بيقولي عارف البنت فلانه اللي معانا في السكشن قولتله ايوه اعرفها مالها ؟ قالي احنا ارتبطناوكانت صدمه بالنسبالي !!! ازاي الشاب محمود يعمل كده !!
قعدوا مع بعض شهرين مرتبطين ومحمود اتعلق بيها جدا جدا لانها كانت أول واحده في حياته وهرمون الاكسوتوسين (هرمون الحب) كان ضارب في السماء ..فالمهم .اخر يوم امتحانات محمود كان زعلان جدا ومكنتش راضي يكلم حد شوفته كان بيدمع في الامتحان ومش عارف يحل لحد لما خرجنا من الامتحان وقعدنا لواحدنا واصريت اعرف ايه اللي مزعله للدرجه دي انفجر بالبكاء وقالي فلانه قالتله (انتا مش مناسب ليا !!! وانا استحق واحد احسن منك ) محمود كان مصدوم من اللي قالته خصوصا أن عمره ما زعلها وكان يتمنلها الرضا ترضي وفي الاخر تسيبه كده وكمان تقوله (انا عمري ما اتجوز واحد زيك فلاح جاي من ورا الجاموسه )!!!!!!!! ...فالمهم اليوم ده خرجته وخليته يفك شويه وقضينا اليوم سوا وعلي صلاه المغرب روحنا الموقف عشان كل واحد يروح البلد بتاعته 
وساعتها انقطعت اخبار محمود عني !!!!!!!!
مكنش معايا ساعتها وسيله تواصل غير رقم تليفونه وكان مقفول طول الاجازه وحتي معرفتش اوصل لأهله أو لاي حد اتطمن عليه حتي وقعدت ٣ شهور الاجازه في حيره الواد ده فين ؟ يا تري عمل حاجه في نفسه ؟ 
فالمهم خصلت ال٣ شهور وفاضل اسبوع عالدراسه بجرب ارن علي محمود عالعاده زي كل اسبوع لقيت التليفون بيرن بس محدش بيرد ...بعدها ب ١٠ دقائق لقيت رقم محمود بيرن عليا رديت فورا وعاتبته جدا علي اللي عمله ده وقالي لما نتقابل هتفهم كل حاجه !!طيب قولي طيب كنت مختفي فين ؟ محمود يرد ويقولي لا لما نتقابل ....اجي يوم الأحد اول يوم دراسه وعايز اشوف محمود وفعلا اتقابلنا وكنت مبسوط فشخ اني شوفته بس مكانش محمود اللي انا اعرفه ،محمود بقي محمود برو ماكس 😂 محمودكان تخين  خس جدا وبقي جسمه متقسم ...محمود زمان كان لبسه بسيط محمود بقي لبسه شيك جدا جدا وشكل الهدوم حلو عليه عشان كان جسمه ظبط جدا +.محمود حاطط برفيوم حلو فشخ ..وفي فرق واضح جدا في شخصيته وطريقه كلامه و عنده كاريزما بأختصار مبقاش محمود اللي انا كنت اعرفه بقي شخصيه احسن بكتير وكنت مبسوط فشخ بالتغير اللي هو عمله ده...ساعتها كرفنا المحاضره الأولي وقعدنا في كافتيريا الكليه وحكالي محمود أن آخر يوم امتحانات اليوم اللي فلانه سابته فيه كلامها خلي جوااه نار عايز يطلعها في حاجه قالي انا مختارتش اني اطلعها في بكاء عليها وابقي شبهي شبه النسوان قالي انا قررت اتغير ابقي شخص احسن وكما كلامه وقالي أن فعلا زمان انا مكنتش احسن حاجه وانا لو بنت مش هفكر ابصلي اصلا وكمل كلامه وقالي ساعتها قرر يروح الجيم يطلع طاقه الغضب اللي فيه وكان اول مره يروح في حياته جيم وحب الجيم جدا وكان ملتزم كل يوم فالجيم وكمل كلامه وقالي أنه اشتغل ٣ شغلانات !!!! الصبح في الأرض مع أبوه بعد الظهر كان شغال ماركتينج ولما يخلص بينزل علي توكتوك خاله ٣ أو ٤ ساعات ...بيقولي اكتر شغلانه اثرت فيه هي شغلانه الماركتينج قالي لازم اكون لابس شيك وانا ببيع وكلامي يكون منظم وريحتي كويسه ساعتها كنت مبسوط جدا من محمود وكنت مبسوط من اللي هو عمله ...محمود في ٣ شهور اتحول لبني آدم تاني احسن بكتيير وبقي شخص مختلف للاحسن ومن ساعتها محمود بيطور في نفسه كل يوم لحد دلوقتي 
محمود لما اتخرجنا من بيطري محمود بدأ يربي دواجن ومحمود دلوقتي صاحب شركه دواجن معروفه مش هقدر اقول اسمها حفاظا علي خصوصيته وعلي فكره هو مسموش محمود ... قصه بدأت من شخص جرحه ومكنش مستقبله الي شخص من أنجح الشخصيات اللي عرفتها في حياتي 
مستني تعليقاتكم عن القصه

Apple_57874 🇪🇬 · Answer

نقطه التحول بالنسبالي كانت ثانويه عامه

قبل ثانويه عامه مكنتش بعمل اى حاجه كنت بلعب كوره و علطول احتياطي 
كنت ف الدراسه درجاتي قليله 
لحد الثانويه العامه لما جبت مجموع قليل و دخلت معهد من ساعتها و انا شخصيتي اتغيرت 
عشان محسش اني قليل وسط أهلى او صحابي اللي بالمناسبه بعدت عنهم 
و كأني بدأت حياه جديده ف شغل و انا بدرس و بقالي 3 سنين مخلص ثانويه عامه و بادء الشغل  ف مجال التدريب واتعرفت وبقيت قوي بس مش عشان انا قوى بس عشان مكنش قدامي حل تاني مكنش ينفع منجحش عشان حرفيا دي الميزه الوحيده اللي فيا حاليا و شخصيتي اتغيرت بقيت أقوى وحتى لو مش واثق ف نفسي مش ببين لحد ده  الصوره الوحيده اللي قدام الناس اى كانت ظروفي اني واقف ع رجلي و واثق ف نفسي و قوى حتى لو مكنتش كده

Mango_60849 🇪🇬 · Answer

لما تعايشت مع  ناس مرضي بمعني الكلمه واحده كانت بتتنمر عليا وتستغل حبي ليها وانا علشان كنت صغيره في اعدادي  مكنش عندي وعي كافي بده ومفروض اعمل ايه كنت لما امشي معاها ومع صديقه ليها كانو ميشتمومي ويقولوا اني دبانه ملزقه من يومهم بعدت عنها دي اخر حاجه حصلت وصديقه تانيه عرفتها بعدها في ثانوي كان عندها مرض انها بتتخيل قصص وتقعد تحكهالي علي انها حقيقه وفمره قالت ليا أن حد معجب بيا وهو قريبها وعايز يكلم بابكي وكده بس هو مستني لما يخلص وفضلت تكذب لحد ما اكتشفت مره لوحدي أن كل القصص الي كانت بتحكهالي عنها وموضوع الاعجاب كله وهم في وهم ولاني كنت بحبها جدا فكانت صدمه ليا ومن يومها مش بحب ادخل حد حياتي كصديقه جديده كلهم صحاب علي الوش كده مفيش ممكن واحده بس ... بس بردو ممكن أتخيل اي حاجه منها بسبب صدمتي في غيرها