تجربة غيرتك 180 درجة

Question

وش صار معك وغيّرك؟ وش كانت الظروف؟ كيف طلعت منها؟ شاركنا قصتك

Avocado_68382 🇪🇬 · Answer

قررت أي شخص يدخل حياتي مش لازم يعرف تفاصيل حياتي اللي عشتها قبل كدا ومخليهاش نقطة ضعفي 
عشان هوا يعالجها او اتعافي منها لان مش الكل صادق ف مشاعرو تجاهي ولا آمن 
وكانت تجربة خلتني اطلع بأقل أقل الخساير 
تجربة تانية بقيت افهم شخصيتي من الكتب بجد الكتب بتعلم وبتغير وبتثقف وبتخليكي شخص واثق من نفسه 
مبقتش اعتمد ع شخص ف موضوع سعادتي محتاجة اتبسط واغير جو انزل coffee واطلب اللي بحبو واتمشي واتصور واشتري حاجة جديدة
وأخيراً علاقتي بربنا التواصل الاساسي الصلاة بسعي دايما احافظ عليها وادعي ربنا  يجعلني من المصلين ويكتبني من التوابين فنعم العبد إنه أواب يعني كثيرالتوبة والرجوع الي الله والاهم ولو اية كل يوم احفظها بتدبر وافهم معناها اي دا بيغيرني 180 درجة 
ادعولي أثبت ويرزقني الخير وإياكم يارب 🍀❤️

Cookies_68867 🇪🇬 · Answer

اكتر حاجة حصلتلي ف حياتي رغم تأثيرها النفسي عليا الا انها علمتني حاجات كتير جدا وهي ان انا و بسبب سلبية اهلي اتجاهي ف حاجات كتير بقيت مضطره اعتمد على نفسي في كل حاجة والموضوع ده حسيت بيه اكتر لما جربت الاغتراب وسافرت محافظة بينها وبين محافظتي سبع ساعات ومكانش بيربط بينا غير مكالمة كل يوم مش اكتر من خمس دقايق من ماما بتطمن فيها ان انا عايشة و مؤخرا بتنساها اصلا لكن فكرة ان انا ابقي واخدة حريتي ف السفر و الشغل و الحياة بشكل عام غير فيا كتير و خلاني اقوي و رقيبة طول الوقت على نفسي عشان ربنا مش عشان حاجة تانية وحقيقي رغم احساس عدم الامان و القسوة ومعنديش حد اقدر اثق فيه خالص الا ان الموضوع علمني كتير جدا و بني جزء كبير من شخصيتي عشان كدا الحمدلله ♥️

Strawberry_68964 🇪🇬 · Answer

تجربه العلاج النفسي عموما علي اد ما كنت مش مستحمله الحياه في الفتره دي علي اد ما هي خلتني كويسه قدام اه ساعات لسه بتعب وجدا وبحس ان محتاجه اروح اتعالج تاني بس فتره العلاج خلتني احاول اقوم بعد ما اقع او علي الاقل اخد وقتي في ان ابقي كويسه

Tomato_68279 🇪🇬 · Answer

كلمت بنات كتير اوي وكان في تجاوزات مع كام واحده ،في بنت منهم ربنا ينتقم منها عاملالي سحر بالمرض ، متبهدل ورايح جاي بتنقل بين الدكاترة ومحدش مشخصني صح لحد ما عرفت انه سحر ، الحمدلله علي قد ماهو وقت صعب وبالكاد عايش مبقدرش امشي ولا اتنفس كويس لكن قربت لربنا اكتر وبعدت عن كل البنات وبطلت تدخين وعادات مقززة ,ويارب المشكله دي تتحل عشان ابص علي النسخه الافضل مني .

Strawberry_50711 🇪🇬 · Answer

انا نفسي يكون عندي صحاب بجد وميبعدوش بعد وقت ما يزهقو كل ما يكونو معندهمش حد يكلموني لكن لو عندهم صحاب يبعدو 
انا كنت بحبهم بس خلاص زهقت منهم بقيت بخاف اصحب حد ويبعد بقي عندي فوبيا بجد تعبت اوووي

Watermelon_69389 🇪🇬 · Answer

من بعد الحرب قررت اني اتغرب عن بلدي وعن اهلى ورحت ارد ف الغربه اتغيرت كتييييررررر وغيرت حاجات كتير في شخصيتي للأحسن فعلا بس قلبي بدل ما يقوى صار ضعيف جدا كل لما اكلم حد من اهلى بالتلفون ابدا ما اتحمل ع طول ابكي مع انه ف الحياه عادي مافي شي يبكيني بس اسمع صوتهم قلبي يكون ضعيف وطول الوقت تفكير وخوف من اني افقدهم

Watermelon_69522 🇴🇲 · Answer

كلنا بنغلط متزعلش . ولاتزعل خليك لذيذ وواعي خليك طيب مش اهبل . اولوياتك للاهم مش لا رايح واللي جاي . متستنظرش اي حاجة الا من اللي خلقك وأي حاجه واجعاك . دا درع بيقوي يوم عن يوم مش انت اللي هتستفيد بيه اهلك وبيتك واولادك .
اوعي . الاوجاع تخلي درعك يصدي ويدبل.
دا مش دورك ف الحياه . انت ليك رساله افهمها قبل ماتقضيها.واعرف أن كل اللي حصلك . 
هتعرف أن دا أحلي حاجه حصلت لان لولاه مكنتش فهمت واتعلمت واستفدت .

Strawberry_69768 🇪🇬 · Answer

تجربة السكن ، كـ بنت أول مره تطلع من بيتها طلعت على سكن؟ كانت تجربه صادمه! لا انكر إيجابيتها و إني اكتشفت حاجات عن نفسي ماكنتش أعرفها ، بس قابلت ناس كتير اشكال و ألوان!
اتعلمت فيها اعتمد على نفسي ، أسافر لوحدي ، و أكون شايله حاجات تقيله و ممكن توصل ل آكتر من نص وزني! كنت ممكن أتمرن بيهم 😂
بس الحمدُلله ، تجربه خليت من عظمي ناشف ، و اسِّد فـ اي موقف ، و حقيقي من تجربة الغربه دي شوفت كلمة كرم ربنا قدام عيني! الحمدُلله.

Coffee_69785 🇪🇬 · Answer

تجربه انفصالي وازاي بيت قعدت سنين ابني فيه وفجاة تحس انك ولا عملت اي حاجه وكل الي عشته اتمسح بأستيكه وكمان اتحرمت من حضن ولادي إحساس القهره وانك فجأة بقيت لوحدك ربنا ما يكتبها ع اي حد نصيحه بجد اوعي العمر يسرقك اوي تفتكر ان في نعمه دايمه

Corn_70158 🇪🇬 · Answer

طلوعي للشارع والسفر ف سن صغير اوي واحتياجي للاحتواء والطبطبه والحنيه وقتها من اهلي 
طلعت القاهره وانا من محافظة تاني ف سن تقريباً 15 سنه للشغل والاغتراب وقتها اهلي ممنعونيش 
روحت واتبهدلت واتمرمط كمان
وفاة بابا شيلت البيت ومسؤليه اكبر مني وبهدله وخسرت كتير اوي 
المجتمع هيقولو اي
لا وجهتو يولع الناس والمجتمع 
دلوقتي انا انسان صلب محدش يقدر يكسرو مريت بظروف ومواقف قادرة تموتني لكني حيت وهحي

Coffee_70175 🇪🇬 · Answer

اني عرفت ناس كتير جدا سوشيال واتكدب عليا كتير واضحك عليا وكنت عيله ساذجه جدا وصاحبت ناس برضوا نفس موضوع وبرضوا اكدب عليا ، دي اكتر حاجة غيرتني بعدها جت 3 ثانوي كبرتني جدا شيلتني الهم بدري حسيت اني دخلت فجاءة الحياه وانا مش مستعدة نفسيا ومش مستوعبه اي جابني هنا

Cherry_70257 🇪🇬 · Answer

تجربة الوحده والعزله عن الأهل والأصدقاء تبقى لوحدك في بيت بعيد عن كل ده حاسه اني بقيت اعقل وارزن بقيت شخصية ناضجه اوي وعرفت اميز مين باقي عليا ومين مصلحجي عرفت اتغير واغير تصرفاتي تفكيري شخصيتي عموما ومصدر دخلي

Ice Cream_70019 🇪🇬 · Answer

رحلة بنت صغيرة نحو القوة

بابا وماما اطلقوا وكل واحد فيهم راح لحياته الجديدة 
أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة

من يومها وأنا بقيت أم وأخت… وأحيانًا زوجة كمان.
كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل، وأكنس.

ومع بابا… كنت بعمل له كل حاجة 
أكوي له لبسه، أرتب هدومه، أظبط طلباته، وأتأكد إن الأكل جاهز قبل ما يرجع من الشغل.

كنت لسه في أولى إعدادي… سن المفروض أكون فيه بتعلّم، بتدلع، وباخد من الدنيا أكتر ما بديها 
لكن أنا كنت بدّي كل حاجة، وباخد الصبر من ربنا.

كنت محتاجة حب واحتواء، لكن ما لقيتش… فادّيت أنا الحب ده لإخواتي.
التجربة دي كانت قاسية، الأيام فيها كانت تقيلة، لكنها صنعت مني إنسانة جديدة.
علمتني إزاي أكون صامدة، حتى لو جوايا مكسورة.

كبرت وأنا بعرف أعمل كل حاجة، وأطبخ أكل يخلي كل اللي حواليَّ يقولوا:
"يا بخت عيالك وجوزك… هتطبخيلهم كل يوم."
تعلمت إزاي أتصرف في مصاريف البيت، وأدبر الموجود مهما كان قليل.

حتى بعد ما ماما وبابا رجعوا لبعض… أحيانًا بابا بيعتمد عليا أنا في مصاريف البيت، ويديني أنا الفلوس، عشان عارف إني بعرف أظبط كل حاجة وأحسبها صح.

لسه بيحبوا أكلي، ولسه أختي الصغيرة بتعمل فرح في البيت لو عرفت إني أنا اللي هطبخ.

يمكن لو ما كنتش مريت بالرحلة دي، ما كنتش هطلع بالقوة والشطارة دي 
الحمد لله… على الابتلاءات اللي بتكشف جوانا أجمل الحاجات ❤️‍🩹

Coffee_70641 🇪🇬 · Answer

في لحظه وفي اقل من ساعه حياتي انقلبت رأس علي عقب 
خسرت كل ما املك بمعني الكلمه 
وبدات رحله جديده عمرها ٥ سنوات من الصفر الي مانا عليه بفضل الله 
الرحله لم تكن متوقعه ومحفوفه بكل الالم والتعب 
من المال الي لا يوجد مال 
من الهاتف الي لايوجد هاتف 
من الملابس الي لايوجد الا مانا البسه واشياء قليله 
من النوم في شقه راقيه الي النوم علي الرمال وسط بيت غير مؤهل 
وكثيييير وكثييير

ولكن بقدره الله خطوه بخطوه كل ما تظنه مستحيل ( سيمضي ) 
ولكن اذا تسالني ما هي  الدروس المستفاده 
- شئت ام ابيت ستقضي فتره من حياتك وحيدا تماما وان كنت وسط العالم 
- لا يوجد معني واضح للاصدقاء هم مجرد وهم ولكن الحقيقه ( نفسي نفسي ) 
- لا يوجد غير الله 
- لن ينفعك اي شئ في الحياه سوي علاقتك مع الله 
- امك هي الداعم الوحيد لك في الحياه مهما كانت خصالك وطباعك 
- لا تعطي الثقه لاي شخص قبل اثبات منه انه يستحقها 
- اعمل لنفسك ولا تهتم لاثبات ذلك للاخرين 
- اقتنع بنفسك وثق بها فوالله لا يوجد مخلوق يستحق منك ان تضر نفسك لاجله
والكثيييير

واخيرا وليس اخرا حتي ولم احصل علي ما انا عليه الان يكفي انني تغيرت ١٨٠ درجه برجوعي الي الله

Chocolate_64110 🇪🇬 · Answer

ان انا ابويا من و انا اقل من عشر سنين لحد دلوقتى و هو كانت بيتحرش بيا و حاول يغتصبنى قبل كده يوم عيد ميلادى و انا ١٣ سنة و انا كنت اشتكيت لامى و هو لما عرف بطل يصرف على البيت لغاية دلوقتى . و امى كانت فى الاول بتحمينى و مش بتخلينى ابقى معاه لوحدى ابدا لكن دلوقتى مبقاش زى الاول كانه نسيت الى حصل ده انا حرفيا بخاف استحمى و هو قاعد فى الصالة .. لازم امى او حد من اخواتى يبقى قاعد و فى نفس الوقت انا ممنوع عليا انى احكى لاى حد .لان حتى امى لما حكتلها بطلت تهتم بالموضوع . حرفيا من طفولتى و انا فاقدة شعور الامان و ان يكون ليا اب و كل م بشوف حد من اصحابى من ابوهم بزعل قوى مش لانى بحسدهم بس لانى فاقدة الشعور ده و لحد دلوقتى مش عارفة اثق فى حد تانى ابدا حتى امى مش بحكيلها اى كلمة حرفيا .. اهلى ميعرفوش عنى حاجة خالص . بقيت بحاول كل الطرق انى اشتغل و اعيش لوحدى عشان اخلص من كل ده . ده طبعا غير انى حؤفيا معنديش خصوصية خالص فى البيت حرفيا باب الاوضة عمره م بيتقفل عليا و كأنى هقتل حد .. ف انا بحاول اخد قرار انى ابعد عنهم باى طريقة حتى لو كانت دراسة المدرسة دى فوق قدراتى . لانى حرفيا مش متخيلة ان الناس بيتعبوا عشان يروحوا مدرسة للمتفوقين عشان هما فعلا متفوقين و انا بعمل كده بس عشان اهرب من اهلى مش اكتر

Cherry_68541 🇪🇬 · Answer

كل تجربة فى حياتى دخلتها خرجت منها بنضج كبير الحمد لله ولسه بتعلم بس يمكن من اكتر التجارب اللى حبيت تاثيرها ع حياتى تجربة انك تكون شخص متوازن ف كل شئ مينفعش تبقى عاطفي بس او عقلاني بس احساس انك توازن بين مشاعرك وعقلك بيخليك ف حته تانيه هو حاجه صعبه بس لما بتوصل ليها بيديك ثقه ف نفسك كبيره غير انك دايما بتبقى واثق ف قرارتك وعلى قدر عالى من المسؤليه انك تتحمل نتايجها

Mango_70809 🇪🇬 · Answer

محدش مهتم بيا عمتا من اهلي 
بصرف علي نفسي في الحاجات للشخصية وكل اللي انا محتاجاه فحاسه اني استرجلت وبقوم بدور مش دورى هما بيصرفو علي دراستي لكن بردو حاسه طول الوقت بالقرفه من ناحية ابويا واخواتي خصوصا انه انا بنت علي ولاد

وطول الوقت مفيش بينا تفاهم وبيصنفوني علي اني الابنه العاق مع انهم وقت ما يحتاج اي حاجه يقولولي هاتي فلوس هاتي كذا ليا هاتي كذا ليا وقت مانا اطلب حاجه ابقي عاقه ومش شايله مسؤليه 
ولو رفضت أدى بتعامل معامله سيئه جدا فبضطر أدى عشان ابقي محبوبه مؤقتا 
طيب ما تشتغليش وحطيهم أمام الأمر الواقع مش هيعبروني ف احتياجاتي حرفيا لو نفسي في سندوتش مش هعرف اجيبه الاجره علي اد المواصلات

Nutella_65508 🇪🇬 · Answer

انا اتغيرت كتير بعد م اكتشفت ان ابو بنتي اوجوزي ساقا ع علاقه ب اختي الوحيده وخيانتهم ليا.. نار مبتنطفيش بتوف روحت وهي بتتحرق قدامك وبين اصعب قرارين افضح  ولا استر علشان بيتها وغيالها وطبعا سكت بس حتي السكوت بيغير..  بقين انسانه معدمه الثقه لا ف لللي قدامها ولا حتي ف نفسها....  بقيت ميته بس جسم حي... عارفين يعني اي اكتر اتنين بتحبخم يكسروك..  بس,  مش ده لللي غيرني اتفيىت لما مخاوله انتحاري فشلت ولحقوني.. لما رجعت منالمزت بعد مكنت متاكده اني سبت الدنيا دي الغداره الغروىه اللي بتضحك علينا وتطلعلنا لسانها وتقولي دوقي كمان وكمان.... لما رجعت من الموت نظرتي لدنيااختلفت للناس لنفسي اختلفت بس مقدرش اقول انها للاحسن لان فكل ساعه لا دقيقه لا ثانيه بتمنر الموت.. ياااااه... الله ع الجمال. تروح للناس الطيبه اناس اللي وحشوني ومتاكده اني وحشتهم.. الناس اللي مأذوناش ولا فكره... لناس اللي ربنا رحمهم من بشاعتها... ادعولي ❤

Ice Cream_69878 🇪🇬 · Answer

ماحدش ليه امان! مشكلة حصلت زمان قلبت موازين حياتنا 180 درجة خليتنا مانثقش بحددد حتى اخواتنا اتغيرنا اوي بقينا اندفاعيين . 
لحد الان معلمة معانا ومانسيناش من 12 سنه ولسه مستمر بس بنقول الحمدلله على كل شئ 💔
الاخوات بيأذوا والاذى الوحش لما ييجي من القريبين .

Mango_71165 🇪🇬 · Answer

هو ممكن يكون هايف بالنسبه ليكم
بس انا بدأت في متابعت الانمي من حاولي 3 سنين من ساعتها وانا بطلت احفظ قرآن و بقيت اخر في صلاتي ودرجاتي بقت اقل واحد في الفصل بعد لما كنت ببقى من الاوائل على المدرسه ف نصحتي محدش يفكر يتابع انمي

Corn_71708 🇪🇬 · Answer

تجربة مريرة 😅
يوم خطوبتي ع البت اللي كانت مش ترشيح اهلي اصلا 
عملو مشكلة و قررو كلهم يمشو و اتحطيت بين اني اسيب البنت و افضحها وسط اهلها او اروح ورا اهلي 
الحمد لله قررت اني اكمل الخطوبة ومن ساعتها و انا لوحدي و محضروش فرحي و طلعت بنت اصول و تستاهل اللي عملته 
بس كان قلم وحش اوي لسة بياكل فيا لحد دلوقتي

Cherry_72057 🇪🇬 · Answer

صاحبتي اللي كنا ٥سنين عشره 
كانت بتحبم انها تجوزني اخوها وانا مكنتش اعرف 
كانت بتبعتله صوري وهوة مسافر لحد ما مره عرضت عليا وانا من حبي فيها منرددتش مع اني لاكنت شوفته ولا اعرفه اصلا
ومن هنا بدات قصه سواد حياتي كلها
اتاري الهانم مريضه بحب اخوها شي مش ممكن حد يصدقه لدرجه انها كانت بتقوله انا عمر ماهحب جوزي زي مابحبك كلام غريب وعجيب
كانت بتروح تكتبله ع العربيه انا بحبك وانت قلبي 
طبعا انا شوفت في الجوازة دي من السواد الوان بسببها ويشهد الله اني كنتي بدورلها ع عرسان يتجوزها وعلي شغل لكن هي الغيره مني كانت عامياها مش شايفه حاجه كويسه عملتها معاه ولا حتي صحوبتنا زمان
ياما داريت عليها بلاوي كانت بتحكيها ومردتش اقول لاخوها
فضلت تقوله مراتك لو كويسه تبقي لنفسك احنا لاعايزنها ولابنحبها دي اصلها تربيه وسسسس،،،،
وكلام قذر مايطلعش غير من تربيه غير سويه
وانتهم القصه بالطلاق وطبعا التلقيح وحكت لصحابنا كلام محصلش وبداو يغنوا ويردوا ع بعض ع الفيس بوك عليا
الخلاصه 
التجربه دي غيرتني ١٨٠ درجه مفيش صحاب يضمنوا من هنا لاخر الشارع

Avocado_68584 🇸🇦 · Answer

الشغل ثم الشغل ثم الشغل الفراغ قا - تل
املا وقتك بالشغل ما تسيبش نفسك لنفسك
محدش هيدمر نفسك غيرك
ارمي نفسك مشاكل الناس هينة قصاد مشاكلك النفسية ودي نصيحتي يعد تجارب ٢٨ سنة وخلاص داخل ع ال٣٠
خير موفقين يا شباب