تخطيت وفاة شخص عزيز عليك ازاي ؟وهل دا غير فيك حاجه ولا لا؟

Blueberry_61982 🇪🇬's موضوع

احكي تجربتك مع البُعد دا وفكرت انك مش هتشوفوا تاني اتعاملت معاها ازاي

Strawberry_72714 🇪🇬

منذ 32 ثانية

شعور وحيد

عبّر عن شعورك بشكل مجهول

بصى مبدائيا انا هقلك شويه نصايح وبعدها هبلكك وحقيقى مش عايزه اعرفك تانى و متحاوليش تبعتى  لمى والجو ده عشان حقيقى انتى متستاهليش اى حاجه حتى متستاهليش لمى حاولى بجد تكونى صحبه كويسه ليها وبلاش تطلعى كلمه قلتلهالك و اعقلى بجد و حاولى تعملى ليكى شخصيه مش اى حد يعمل اى حاجه تعمليها  زيي راحت جيم من هنا انا هروح جيم و جنى عملت تيك توك على فلتر معين تانى يوم هعمل عليه انا  بقلك كده عشان انصحك ممكن طريقتى مش احسن حاجه بس بجد اعقلى و اتغيرى و حاولى ما تهتميش با المظاهر اللى هو هشيل الريبوست عشان الناس تشوف قد ايه انا متدينه و اخر حاجه هقولهالك متضيعيش لمى با اللى انتى بتعمليه ده وحاولى تتغيرى بجد مش عشان حد عشانك انتى و اعرفى ان اى كلمه قولتلهالى عمرى ما هقولها ل حد وياريت تعرفى تعملى كده انتى كمان و متحاوليش توصليلى او تتكلمى معايا نهائى انا هبلكك من كل حته كانت فرصه سعيده مكانتش احسن حاجه بس ادينى بتعلم و انتى ربنا يوفقك بجد وتتغيرى عشان انتى محتاجه تتغيرى ول نفسك هقولهالك تانى متحاوليش تكلمينى من اى حته ولا تبعتيلى لمى والجو ده عشان مخسرهاش هيا كمان و خليكى ليها صحبه بجد مش اللى انتى بتعمليه ده و ربنا يوفقك

عموما دي كانت ماسدچ واحده صحبتي بعتهالي هي اسمها جنى و صحبتي اللي هيا بتتكلم عليها اسمها لمى انا مغيره في الأسماء بس لكن الرساله انا عملالها كوبي بيست حرفيا بخط ايديها معرفش ايه دا ولا ليه انا عملت ايه كل دا عشان سألت عليها وهي بتكلمني بطريقه زي الزفت واني مسألتش عليها فتره لاني كنت تعبانه وروحت عن اكتر من دكتور في نفس الاسبوع 🤷🤷🤷 عموما لمى صحبتي عملتلها بلوك من نفسها ف ابلعي بققا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_51536 🇪🇬

منذ دقيقتين

شعور محبط

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت

Avocado_84784 🇩🇿

منذ 3 دقائق

شعور مستنزف

انا كانت عندي صحبتي كنت دايرتها كيما ختي تاع الصح كنت نحكيلها كلش وفي وقت الحزن نبكي على كتفها ومام هي نفس الحاجة وكانت علاقتنا بزاف قوية وشابة وقليييل ما كنا ندابزو والعام لي فات ولات تخرح مع واحد وكنت نعرفه بحكم انو يقرا معانا منبعد لاحظت بلي الشيرة فري جبدت روحها مني وماولاتش تهدر معايا غي وحدها

Pineapple_84116 🇪🇬

منذ 10 دقائق

شعور ضائع

وصلت لدرجة نفسية صعبة جدا جدا حتي وصلت معايا صحياً بسبب كون شخص كان ليك نص عمرك معاه وبقا مع غيرك غصب نفسي افهم ليه وازاي واعدي ازاي مفيش حلول ولا حاجه بتعدي يوم مالمحت الصور بالصدفه بتاع الفرح كأن قلبك اتفتح جرح كبير وعمره ما هيتلم طب ليه انا عيشت معاها نص عمرنا يعتبر طب ليه يحصل مشاكل وامور تانيه

Banana_62981 🇪🇬

منذ 20 دقيقة

شعور عاطفي

انهارده كنت بشتري چاكيت من مكان معروف وكنت بلف ف كنت هخبط ف بنت ولحقت نفسي يعني مخبطهاش ف ببص ف وشها لقيتها ما شاء الله حلوة جدا وشكلها كيوت اوي ف ابتسمنا لبعض ومشينا كده البنت كانت عاجباني اوي وكنت عايز اتكلم معاها واتعرف عليها بجد متضايق اني معرفتش اعمل حاجه بس هو عموما مفروض اعمل ايه ف موقف ز

Orange_86778 🇪🇬

منذ 24 دقيقة

شعور محبط

محتاج اسألكوا ف حاجه و ياريت يبقي فية حل انا شاب عايز اتجوز و اعف نفسي و اكون بيت و أسرة و الحمد لله جاهز من كل شئ و كل حاجه تمام كا شكل و شغل و بيت الحمد لله بس انا مفيش اي بنات في حياتي نهائي ولا حتي فالشغل ولا قرايب مش حابب و متنيل ولا بعرف اعاكس ولا اشقط ولا ليا فالجو 😂😂 و مش عايز العمر يجري

Nutella_68871 🇪🇬

منذ 32 دقيقة

شعور ضائع

فراغ مش طبيعي بجد و مش بيتملي لو اشتغلت ٢٤ ساعه برده مش بيتملي لو عملت كل حاجه بحبها ببقى مبسوطة بس برده شعور الفراغ بيرجع تاني بقالي سنين بحاول و مفيش فايده اتعلمت حاجات جديده ، هوايات جديده ، اشتغلت كذا حاجه ، و لما لقيت ان الاحساس مش بينتهي وطاقتي بتخلص قررت اني اقلل شويه من شغلي ف اهلي رفضوا

Watermelon_55151 🇪🇬

منذ 35 دقيقة

شعور مهتم

هل فعلا في امل اني اروح اتقدم بعد ما اتخرج علطول ؟ مع اني لسا عندي سنه جيش بعد التخرج بس هل والدها ممكن يوافق انو يخطبهالي و بعدها يستناني اخلص جيش و اكون نفسي وانا معاها ولا مفيش حد هيقبل ب كدا؟

Avocado_74361 🇪🇬

منذ 37 دقيقة

شعور محبط

عبّر عن شعورك بشكل مجهول

انا بعاني من مشكلة ويارب حد يفيدني، انا علاقتي بابويا مضطربة جدًا بقالها خمس سنين وشوية لاسباب مش حابب اذكرها لكنها سابت فيا اثر نفسي صعب، بحاول اتقبله وامشي الدنيا على ما اكون نفسي واقعد في اي حتة تانية، لكن حرفيًا مهما حاولت امشي الدنيا وابقى كويس معاه، بحس بخنقة مش طبيعية، وبحاول مابقاش الابن العاق وابقى كويس وصبور معاه، لكنه بيعمل تصرفات بتخليني احس حرفيًا باني هموت من القهر لاني مش قادر ارد عليه او اديله رد فعل لافعاله وبلتزم الصمت، عمري ما قدرت اشتكيله او افضفضله من حاجة او اشاركه انجازاتي لانه حسسني انه مش فاضي ليا اصلًا، وكل كلامه "انت لسه شاب" و"مفيش حاجة اسمها كده" وحرفيًا بيبقى مش قدامي غير اني اقعد لوحدي اشكي لحالي، وكل ما اطلب منه فلوس، ببقى حرفيًا بدوق الذل عشان اخدها منه، ولما يعرف اني هشتغل عشان يبقى ليا استقلال مادي وماخدش من حد حاجة، يتعصب ويقلب الدنيا ورافض رفض تام اني اشتغل بحجة اني اشتغل بعد التخرج ومينفعش اشتغل وقت التعليم حسب عادات وتقاليد عيلته، وانا تعبت من كده لكن الحمد لله لقيت شغل بمرتب كويس وهبتدي فيه اول ما اخلص امتحانات، لكنه برضو رافض، بس انا خلاص اخدت قرار الشغل ومبقاش هاممني رأيه فيه، لاني مش هعطل حياتي ولا تكوين نفسي عشان عادات وتقاليد مليش ذنب بيها، وحاليًا علاقتي بيه كويسة شوية لكن مش خالية من التوتر والاضطراب، ومش عارف اعمل معاه ايه لاني مش عايز اعيقه وفي نفس الوقت مش عايز اطيعه طاعة عمياء على حساب نفسي ومستقبلي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_81360 🇩🇿

منذ 42 دقيقة

شعور مرهق

وصلت واحد مرحلة كرهت من كولش في دنيا ادي عايش بلا طعمة نتع دنيا ملقري نصلي جامي تكيفت ول تبعت طريق مخدرات حمد لله محل نتعي راح تحرق لي تعبت عليها يدي ورجلي تحرقو منعت بإردة ربي طفلة لي حبيتها وخطبتها كونت راجل معها جبدت وخلتني هي جارتي نتلقى بياها دائما كي شفتني محروق على يدي ورجلي حسيت بالسعادة في

Avocado_26405 🇪🇬

منذ ساعة واحدة

شعور مرهق

عبّر عن شعورك بشكل مجهول

عيلتى عبارة عن علاقة مضطربة جدا محدش فيها عارف يتعامل وكله بيلوم التانى ودايما فى مشاكل . مبقتش عايزة أقرب من حد خالص يعنى ماما لما أنا كنت صغيرة كنت بحبها أوى ومازلت بس من بعيد لإنها بجد شبه جبتلى اكتئاب وكلامها سم وأنا كان كل اللى نفسى فيه اكون صحبتها بس دمرت حاجات كتير فىّ بجد وهى مش شخص وحش بس هى بتعمل فىّ اى حاجة بتتعمل فيها ولاحظت ده كتير وحاولت اصلحه بس معرفتش. بابا عمرى ما كنت قريبة منه وكنت بخاف منه وانا وصغيرة ولإنه عصبى فكان بيتخانق مع ماما وبيزعق كتير ولما جت فترة اكتشفت انى بعيدة عنه اوى حاولت اقرب بس مستفدتش حاجة غير أنه بردو جرحنى وفى يوم اتعصب وضربنى بالألم على وشى. وبابا دمه خفيف وكده ولكل بيحبه بس عصبى اوى والحاجة التانية انه طول الوقت بسببه بحس بالذنب لانه دايما بيقول إن أنا مصاريفى كتير وأنا فعلا والله مش بطلب غير حاجات عادية مش فاهمة ليه بقى ذنبى فلوس المدرسة والدروس وزيت أو شامبو أو دفع فاتورة النت ؟!! ليه أنا السبب !!! الاوحش انى كنت بحرم نفسى كتير اوى بجد. وآخر حد أخويا الكبير من صغرنا واحنا بنلعب سوا بس كان اوقات بيتعصب ويضربنى المهم انى سامحته كتير بس فى مرة فتح حاجبى واتخيط وفكرت إنه خلاص هيندم بس بعدها اتخانقنا تانى وضربنى وبقالى فترة مش بكلمه وشبه قطعت علاقتى بيه . حاسة انى بجد خايفة اقرب من اى حد عشان بيأذونى نوعا ما . حاسة إن جدو واحشنى اوى لإنه الوحيد اللى كان بيفهمنى وبيدافع عنى دايما وبيخرجنى ويجبلى كل حاجه من غير ما اطلب كل ده وهو كان فى عز تعبه وبعد ما مات من وانا عندى سبع أو تمن سنين وفى فراغ كبير حاسة إنى لوحدى . المشكلة إنى الوقتى بقيت خايفة اقرب من اى حد سواء أصحاب أو انى احب حد فى المستقبل. بحاول اذاكر أو اعمل اى حاجه اتلهى فيها بس مش عارفه اركز فى اى حاجة حاسة انى مش كويسة أو فى حاجة مش قادرة احدد اى هى فاهمين ؟ حاسة بتشتت وضياع وكأنى بحاول انجو بس. والمصيبة إنى تالته ثانوى ومتأخرة اصلا فى المنهج . المشاكل العائلية والمادية بجد مدمرة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.