تخطيت وفاة شخص عزيز عليك ازاي ؟وهل دا غير فيك حاجه ولا لا؟

Question

احكي تجربتك مع البُعد دا وفكرت انك مش هتشوفوا تاني اتعاملت معاها ازاي

Banana_64545 🇪🇬 · Answer

ابني الاولاني كان جنين خمس شهور وراح كان نفسي يكمل ودخلت في اكتئاب 3 شهور اهلي رجعوني لجوزي غصب مسكت كل تصوير السونار بتاع الجنين واعدت اعيط بحرقه لوحدي بس الله عوضني بابني التاني عنده سنتين و8 شهور غير فيا اني لازم ابقى قويه ومامشيش ورا كلام حد غير الدكتور

Banana_63510 🇪🇬 · Answer

ابويا مات النهارده حاسس اني بق مليش ظهر ومليش سند عاوز اموت نفسي واللهي بس ممكن تدعولو ونبي ودعولي عشان بقيت وحيدا وشيل مسولي امي انا وهي دلوقتي والمفروض اني اشتغل واصرف ع البيت ادعولي اني اقد اسد مكان ابويا

Onion_64725 🇪🇬 · Answer

متخطيتش خالص والله انا عديت ب 4 حالات وفاه ف سنه
والدي وجدتي وعمي وجوز عمتي
كلهم ورا بعض بقالهم 6 سنين ورغم ان سني مش صغير بس لا الموضوع صعب وبتيجي ف بالك طول الوقت بتبقي كمان مستغرب لما تلاقي حد من اخواتك جه طلب حاجه لازم تعملها علشان انت كبير

Toast_64388 🇪🇬 · Answer

متخطيطش ابدا بس بحاول مفكرش عشان متعبش اكتر ناس كتير اوي ماتوا عزاز علي الواحد من ساعتها بس من ساعة امي مبقتش حاسس ف كل اما افتكر بدعيلها كتير عشان اي حاجة حلوة موجودة في الواحد هي اللي زرعتها راضي والله الحمدلله باللي ربنا كتبه بس وحشتني اوي ربنا يرحم امهاتنا جميعا

Blueberry_65424 🇪🇬 · Answer

وفاة ولدى كانت بنسبالى قلم سخن على وشي علمنى وغير فيا كتير اوى فى وجوده كانت الحياه صعبه ضغط نفسي فضايح فى كل حته سرتنا على كل لسان و بعد وفاته اترحمت الكلمه كبيره اوى ولكن احترمت نعم كتير جدا وشكرت ربنا على كل حال ةالرضا بيفرق وبقيت شخص مسئوول اكتر بهتم بنفسي سواء فى دراسه او شغل الحمدلله

اه وجوده كان هيفرق فى حاجات كتير كان حنين وطيب ولكن الضغط على الانسان وخصوصا لو الضغط دا بياثر فى اللى حواليه اكتر بيبقا الوضع غير مريح 
اتمنه يرجع والظروف تسمح نعيش عادى من غير وجع دماغ

Hazelnut_65471 🇱🇾 · Answer

21 سنه عدو مش عارف اتخطي وفاة والدي رحمه الله عليه 
اه يمكن عايش حياتي و بروح و اجي و اللي حواليا مش هيلاحظو بس جوايا طفل بيبكي علي فقدان والده حتي الآن 
الله يرحمه ويغفر له ويسكنه فسيح جناته ويرزقه اعلي عليين

Mango_65673 🇪🇬 · Answer

بابا سنه كامله وهو بعيد عني متخطتش ولا نسيت بس تعايشت لاني مدركه انه ف مكان احسن مكنتش هحب اشوفه تعبان وبيتعذب قدامي اتعب انا ف فراقه ارحم عندي من تعبه قدامي وانه بيتألم رحمه الله عليك يافقيد قلبي

غير فيا ايه غيرني انا ظهر لي حقيقة ناس كتير وبقيت بتعامل علي تعاملهم ومنهم الاهل واشتغلت لاول مره ف حياتي من تاني شهر مسكت القسم اللي كنت فيه وكنت حرفيا شاطره ف كل المجالات ف الشركه لحد ماوصلت Operations Manager  لكن مافيش حاجه بتدوم استقلت من شهر
 9 شهور شغل غيرو فكرتي عن الناس وعن اللي برا بيتي حسيت اني جايه من كوكب تاني وان ازاي الناس بتضحك ف الوش وجواها حقد وغل وان مش كله هيتعامل بهبل زي وكلمة بابا رنت ف ودني وقتها البنت متتهنش ف شغل وبرغم ان ماما مقطعتش مصروفي برغم شغلي لكن انا اتغيرت بكل حاجه فيا بعد بابا حسيت بالمسؤليه اكتر واني بقيت شخصيه ناضجه

Coffee_62959 🇪🇬 · Answer

والدي توفى و انا عندي ١١ سنه كنت انا و امي لوحدنا من ساعتها و انا و امي بنشتغل و نحط القرش علي القرش ديلوقتي الحال الحمدلله و انا ف تانيه كليه بس اتكسرت جامد كنت لما ابقا راجع من الشغل و اشوف العائلات خارجين مع بعض و الاطفال مبسوطه بحس بالنقص مش نظره غيره بالعكس بتخيل اني ف يوم اقدر اعمل ده مع عيالي و مخليهومش يعيشو الي انا عيشتو و عمري ما تخطيت ولا هتخطى لأن الظروف و الايام الي اتحطيت فيها اصعب من اني اتخطاها

Grape_67035 🇪🇬 · Answer

ابن اختي اتوفي من ٩ شهور لحد الان مش عارفه اتاقلم طول الوقت بتجاهل الموضوع ومش عايزة اصدق انه خلاص ما بقاش موجود وكل ما حد.يتكلم عليه ع اساس انه متوفي مش ببقي قادرة اسمع الكلام ده لا هو ما متش هو مسافر مش عارفه استوعب يعني اي موت اصلا يعني كان لسه معايا فجاة بقي مش موجود

Pistachio_67460 🇪🇬 · Answer

ابنى توفى وايام حيكمل سنة انا مش عارفة اتخطى واتعايش مش عارفة 
طول الوقت بفكر فيه وجع قلب مستمر وتأنيب ضمير فى انى ياريتنى كنت معاه ياريتنى ما سبته ينام لوحده ياريتنى ياريتنى 
انا عارفة انه قدر ورضيت بقدر ربنا بس غصب عني مش عارفة اتخطى

Strawberry_65724 🇪🇬 · Answer

تيتة اتوفت من سنتين عمرى عمرى عمرى ما هقدر انسي اليوم ده كإنه امبارح من صويت ماما لما حالها الخبر و احنا بنجهز عشان ننزل الشغل لصوت دموعي أنا بستأذن انى مش هاجى الشغل لنزولنا ع السلالم و مشينا ف الشارع و احنا بتعيط ف التاكسي و السواق يهدينا لحد ما وصلنا المستشفي ملحقناش نشوف تيتة غطوها بملاية و نزلوها المشرحة و وقوفنا قدامها و لحظة دخول امى عشان تودعها و عياط ولادها وإصرار ماما تركب معاها ف العربية و عياطنا طول الطريق و صلاة الجنازة و الدفنة أنا مش قادرة انسي انى منمتش اليوم ده مكونتش مصدقة انى مش هترمى ف حضنها تانى ولا هسمع دعواتها ليا

Coffee_68775 🇪🇬 · Answer

للاسف مش عارفه اتخطى يمكن مش عارفه اصدق انه خلاص مش هشوفها تاني صاحبه عمري اتوفت في حادثه يوم ٧ اغسطس ٢٠١٧ لحد دلوقتي بدخل ابعتلها اسالها احكيلها بس مش عارفه اكمل من غيرها من يوم ما بوستها في كفنها وانا مش قادره اكمل وقتها حسيت اني انا اللي بتدفن و اني بموت واني اتيتمت واني مش قادره اتنفس خالص و لحد دلوقتي حاسه انه كابوس واكيد هصحى الاقيها ما هي كانت جارتي و اختي و صاحبه عمري و تؤام روحي ازاي هكمل من غيرها انا معرفش غيرها اصلا

Coffee_69032 🇪🇬 · Answer

انا وحيد بابا لسا ميت من كذا شهر  وكل ما افتكر شكل جسمه وهوا ميت بيجيلي احساس بشع بالاختناق اكن كهربا شديده مسكت فدماغي 
من لما كنت ٨ سنه كنا رايحين ننام جاله ازمه قلبيه الموقف قبله كانت حياتي حاجه وبعده حياة مختلفه ابسط تعبير  يتقال  اقرب مايكون للجحيم 
واصبت بالاكتئاب والقلق المعم ونوبات الهلع والقلق الاجتماعي من بعدها بابا كان بتجيله نوبات برانويا كنت بتعب نفسيا لما كنت اشوفه بالشكل دا المشكله ان معارفه وقرايبه استغلوه ماديا فلحظات تعبه وخسروه اللي حيلته واغتنوا من ورا القصه دي ولما مات عايزين يخدوا اصل عيني بسيط باقي مكفهمش فجور واجرام 
ودا اللي بيخليني فلحظات الافكار الانتحاريه اني ادمرهم قبل مسيب الدنيا وامشي

Watermelon_69349 🇪🇬 · Answer

وفاه بابا من ٤ سنين وخالو من سنتين وصاحبتى من مام شهر مش قادره اتخطى موتهم وبالاكتر بابا من بعدة بجد مبقتش أنا خالص...💔💔وعملت حجات كتير كتير غلط عشان دماغى متفكرش.. بس هو وحشنى اوى ربنا يرحمهم بجد أكتر حاجه بتوجع هى الفراق والذكريات حرفيااا بتكسر القلب....

Blueberry_69976 🇪🇬 · Answer

لا
انا لسه متخيله ان عمي قاعد في البيت هناك ومن يوم العزا وانا يعتبر مرحتش هناك عشان محسش انه اختفي حتي لو رحت مره بحس انه خارج وهيحي تاني 
يوم ما اتوفي كنت خارجه من درس واخويا اتصل بيا قالي هو عمو اتوفي قلتله معرفش انا في درس قالي بابا منزل بوست ان عمو اتوفي وانا قعدت اضحك ومش مصدقه لان دي اخر حاجه ممكن تيجي علي بالي ومن ساعتها كب ما حد يقول ربنا يرحمه بعيد علي طول لاني بفتكر أنه اتوفي وقد ايه انا كنت فاكره اني مش محتاجاله وهو كان بيحبني ازاي 
ادعوله بالرحمه

Lemon_65229 🇪🇬 · Answer

وفاة ابويا 
لحد دلوقتي في بالي ضحكته وهزاره 
كان شديد بس دا من حنيته 
كل اللي في العيله وبره العيله مفتقدينه ومفتقدين حنيته 
فاكر جمله قالهالي مره واحده كنت في فترة الثانويه والمراهقه والفتره دي بتبقي صعبه بين الشباب والاهل وكان مفيش تفاهم بينا 
قالي فين ابتسامتك اللي بتقابل بيها كل الناس 
بحب ضحكتك 
انا متخطيتش الوفاه وعمرى ما هتخطاها 
عشان عارف ان انا هقابله 
هقعد كام في الارض ٣٠ ٤٠ سنه كدا كدا هقابله 
انا بس مفتقده ومفتقد حنيته

Banana_71311 🇪🇬 · Answer

مريت بمواقف وفاة كتير و مدرك تماما ان دي نهاية كل انسان مهما كنت بتحبه و دي نهايتي في يوم من الايام

اكتر موقف كان صادم ليا هو ان صاحبي شنق نفسه واحنا في ٣ ثانوي و مكنتش متوقعها تماما و مكنتش متوقع الطريقة الي هيموت بيها دي. ابدا و مكنتش مصدق حاجة لحد ما كنت واقف على دفنه

Coffee_89549 🇰🇼 · Answer

انا ماتخطيت ولكني تعاشيت مع الموضوع وهذا الطبيعي الى يصير ولكن تغيرت اشياء فيني مثل اني ماصرت اقدر اثق ب اي شخص وصرت اشوف الكل مذنب وصرت اشوفني مذنبه وبعد محاولات واجد اكتشفت باني مجرد انسانه ضحية للظروف ولكن الى تغير وعورني هالتغير سعادتي والاشخاص الى حولي بس الايجابي اني صرت اعتمد على نفسي وصرت اقوى وصرت اعرف الشخص من عيونه لان كان هالجزء اكثر جزء يحبه ف بلشت اتعمق فيه