رحلتك مع الoverthinking

Question

احكي تجربتك مع فرط التفكير ولو بتعاني منه وايه السبب وازاي تسيطر عليه ؟

Cherry_33009 🇰🇼 · Answer

ما كنت بعرف اني بعاني من التفكير لحد ما بديت اصحى من النوم فكي بيوجعني لدرجة بقعد يومين ما بعرف اكل لأني مش عارفة افتح تمي منيح، اكتشفت اني بجز على اسناني و انا نايمة و مش عارفة الاقي حل للموضوع، طول عمري بحكي عن حالي اني مش overthinker بس للاسف طلعت هيك، بفكر بالمستقبل اكتر بكتير من الماضي و بسبب هالشي مش قادرة اركز على الحاضر و استمتع باللحظة، جربت اكتب افكاري بس مافاد، و جربت افضفض بس كمان ما فاد، الطريقة الوحيدة اللي بتنفع معي و بتخليني ارتاح شوي و بتخلي مخي يهدى هي اني اتكلم مع رب العالمين و اشكيله، لأني بعرف انه الله سبحانه و تعالى ما بيمسكني من ايدي اللي بتوجعني او يستخدم نقطة ضعفي ضدي او حتى يفضحني، بالعكس بيسمعني و يساعدني، ممكن تجربوا هالطريقة صدقوني رح تفرق معكم كتير❤️

Sugar_25534 🇪🇬 · Answer

طول عمري بعاني من الاوفرثينكينج ومازلت ولكن حقيقي وقت الانشغال نعمة لو مليت يومك بحاجات كتير تعملها وتخلص يومك وتنام مش هيكون عندك وقت تفكر لكن الفراغ مهلك مهلك بطريقة مش طبيعية ممكن ساعات تفكر او تضيع ساعات قبل ما تنام في انك بتفكر بس ولكن مع تعب اليوم هتبطل تفكير وتنام

Ice Cream_35657 🇪🇬 · Answer

أحياناً بوصل لدرجة حاسة هتجنن من التفكير وفى الحالة دى بسمع أي حاجة وببقى محتاجة حاجة أعلى من صوت أفكارى ..
لدرجة إن بفكر فى كل شيئ حتى مثلا لو محتاجة أجيب كذا حاجة أفضل أفكر فيهم ودماغى متوقفش تفكير بجد .. فبقيت عشان أهدى لازم أنا اللى أهدى نفسى بإن أقول مش لازم كل شيئ يكون بيرفكت واهدى مفيش شيئ يستاهل كل التفكير ده

الأفكار السلبية بقا بحسها بتتكاثر بشكل أسوأ فى الليل .. لذلك بجد عن تجربة النوم بالليل أفضل كتير كتير 
والانشغال نعمة 
الفراغ مهلك وبيخلى الإنسان يوصل لمرحلة صعبة وخصوصاً لو لوحده ..
الانشغال مهما كان ف هو نعمة 
ومفيش مانع كل فترة والتانية ناخد ريست نفصل بس هيكون ريست صحى فعلاً لأننا هنكون محتاجينه وهنرجع بعده وفينا طاقة لمواصلة اللى كنا بنعمله ❤️

Biscuit_31702 🇪🇬 · Answer

ولا بعرف اركز في حياتي ولا بعرف اركز في مذكرتي خصوصا ان انا ثانويه عامه الموضوع مئثر علي كل حاجه بالمعني الحرفي انا لدرجه اني بفكر كتير افكار تخرجني من المله اصلا بعدين بستغفر واقول يارب سامحني انا عارفع ان ال بفكر في دا حرام بس هو بجد بيبقي غصب عني بحاول مسبش نفسي افكر كدا لما بلاقي نفسي دخلت ف الدين بحاول اشغل دماغي ب اي حاجه تانيه عشان بس ربنا وعارفه انه حرام بس بجد ببقي نفسي اكمل تفكير واشوف انا هوصل ل ايه، اكتر حاجه مئثره فيا بطريقه بشعه ان انا لما بيحصل موقف او حاجه بقعد افكر في كتير اوي في كل حرف انا قولته وحتي لو انا صح بقعد اغلط نفسي واقول الشخص التاني حس ب ايه لما انا قولت كدا طب يارتني كنت قولت كدا بدل كدا وكميه افكار وكلام بتوجعلي دماغي وطبعا غثر احساس الذنب الفظيع انا قبل كدا صحبتي كانت سئلاني علي حاجه من اربع سنين انا قولتلها رد تاني كل يوم الموضوع في دماغي الموضوع لحد ما دخلت بعتلها مع العلم ان احنا بعدنا عن بعض اصلا بس بعتلها قولتلها الرد الي كنت عايزه اردو عليها هي اصلا وانا ببعتلها مكنتش فاهمه ولا فاكره انا بتكلم في ايه وكذالك بقي مواقف كتير في دماغي وحجات الشخص التاني مش واخد بالو منها اصلا وممكن كمان يبقي نسيها حتي وانا في الأمتحانات التفكير مش بيسيبني بقعد كتير اوي عشان احاول اصفي دماغي واركز في الي انا بعملو بس الموضوع بيبقي صعب اوي

Peanut_20217 🇵🇸 · Answer

الموضوع مؤرق جدا وما أدركت خطورته الا من فترة قريبة بعدما خسرت اقرب شخص الي بسببه
لما بصير معي موقف بضل اقلب فيه براسي وبكبر حجمه اضعااااف وبعدما يمر بدرك انه كان مجرد موقف سخيف وما بستحق كل هالقصة
لحد الان ما لقيت حل لهالموضوع ولسا بخسر حالي ونفسيتي وصحتي واللي حوالي بسببه

Biscuit_37062 🇪🇬 · Answer

حقيقي تعبت ف دوشه جوا دماغي مش بتسكت نهائي كأن في خناقه جوا و صوتهم عالي اوي مش بيسكتو نهائي بقيت بحس ان حتي وانا نايمه دماغي شغاله و الاصوات مش بتهدا حتي نفسي دماغي تفصل نفسي ابطل احسب كل كلمه و موقف و افتكر اللي و اقلق من اللي جاي

Nutella_37085 🇪🇬 · Answer

تعب وتفكير في حاجات مهمة وحاجات غير مهمة كل يوم بليل بحس أن في خناقات بتوصل أن ساعات بحس بيها وانا مغمض ونايم بجد شى مرهق ومفيش اي حاجه عملتها جابت نتيجة إذا كان اني اشغل نفسي أو الكلام ده كله وبجد تعبت نفسيا

Banana_29935 🇪🇬 · Answer

الموضوع الحمدلله قل بنسبة كبيرة جدا عن زمان
أنا زمان كانت دماغي بتودي و تجيب كتير فكل حاجة، كنت دايما اسأل "ماذا لو" على أي حاجة و كل حاجة في المستقبل و الماضي و الموضوع كان متعب جدا
لحد ما بدأت اقلق على حجات كتير في المستقبل و انا بتخرج زي هشتغل فين و ازاي و هتجوز ولا لأ و كدة

بعدين كنت بشوف فيديو لواحد بيسأل مصطفى حسني نفس السؤال و كان رده "سيبها على الله، الهم بتاع المستقبل ده مش هم انت اللي مفروض تشيله ده ربنا بيشيله عنك"، بدأت واحدة واحدة اقتنع و كل ملاقي نفسي بفكر في حاجة مش بإيدي أقول "مش بتاعتي دي بتاعة ربنا" لو نفسي حاجة تحصل بدل مقول يارب تحصل بقيت بقول يارب "لو فيها خير" تحصل و لو مفهاش ارضيني بالأجل اللي مكتوب

خد الدنيا ببساطة، مش كل حاجة تستاهل انك تقلق عليها بل أغلب الحاجات متستاهلش

و افتكر ان لما تفكر في المستقبل و تيأس من الدنيا بسبب ده فا ده شيطان عايز ييأسك من الحياة، الناس كلها قبل نتيجة ثانوية عامة كانت فاكرة حياتها هتبوظ لو سقطوا، و مع ذلك بعد سنين كتير مبتكونش فارقة كتير، الناس اللي كانت خايفة جدا من دخول الجيش (اللي كنت منهم) دلوقتي عايشين عادي جدا

متخليش الشيطان ييأسك و تفائل خير، حتى لو ملقتش الخير اللي في بالك فا خليك متأكد ان ده الخير من منظور ربك اللي أعلم منك

Marshmallow_37896 🇪🇬 · Answer

التفكير المفرط اكتر حاجه دمرت صحتي البدنيه والنفسيه، الموضوع عندي مبالغ فيه لدرجه خلاني معرفتش استمتع بااي حاجه ف حياتي بحس عمري بيضيع هدر بدون ماعيشوا زي باقي الناس 
انا حتي لما احب الهي نفسي ف حاجه عشان مفكرش بلاقي نفسي سايبه الحاجه وبفكر برضوا

Chilli_37941 🇪🇬 · Answer

الموضوع وحش اوي بجد لدرجه انك تحس انك اتجننت أنا بقالي ست شهور بالظبط مش عارفه اوقف تفكير ف نفس الموضوع حتى وانا نايمه بفكر مش بعرف انام اصلا طول الوقت بفكر ف نفس الحاجه لدرجه اني بقيت حاسه ان مفيش اي حاجه ف حياتي غير الموضوع دا وطول الوقت مصدعه من كتر التفكير ومش مركزه ف اي حاجه ومش عارفه ابطل تفكير بجد مش عارفه

Banana_34681 🇪🇬 · Answer

الموضوع صعب بطريقة وحشة تخيل بقالي اكتر من سنتين بفكر كل يوم ف نفس الموضوع وكل ما اقول هسيبه على ربنا بردو ارجع اقولطب لو حصل كذا لو محصلش كذا حرفيا تعب جسدي وبدني وعقلي .لدرجة ان شعري بدأ يقع من كتر التفكير وم لاقي حل بردو كنت سألت حد قالي الهي نفسك ف اي حاجة عشان متفكرش بردو كنت برجع افكر وافكر تعبت

Donut_38353 🇪🇬 · Answer

انا اكتشفت مؤخرا انه عرض لمرض، يا اما اكتئاب او قلق
هو ف حد ذاته ممكن يبقي مفيد لو فعلا بتمر بحدث كبير شاغلك
لكن وجوده من اللا شئ او مع احداث بسيطة هي ديه الكارثة
عن نفسي، هو طلع اكتئاب وهدي للاسف بأدوية الاكتئاب
سببه المرضي بيبقي كتر مشاكل ملهاش حلول وضغوط حياة او ظروف حياة صعبه
وحدة ومفيش حد يشاركك

Apple_39290 🇪🇬 · Answer

يااااا انا مش بعرف انام بسبب الoverthinking وبقعد اتخيل حجات مش بتحصل اصلا و بتخيل اني علطول مش محبوبة وسط الناس و مليش صحاب ولا حتا صحابي بيحبوني و صحابي البنات بتغير مني و دايما مليش واحدة صحبتي بتخاف عليا اوبتخاف تخصرني و علطول مش بعرف انام الا لما افتكر كل الذكريات دي وكل حاجة مع اشخاص خلاص راحت لحالها

Banana_38314 🇪🇬 · Answer

كونت حابب اقول تركايا حلو تبعد عنك التفكير الزائد بكل بساطة وقف عنيك و متعوتش تحركها لمين ولا شمال خليك كيدا باصص و متحركهاش ببساطة انت لما بتكون بتفكر عنيك بتتحرك تلقئيا من نفسها على علشان تسعدك في التفكير علشان كيدا لما بتيجي بتفكر عنيك بتقعد تتحرك و لو معجبتكش التركايا دي شوف النصايح دي... 
التفكير الزائد ممكن يكون مرهق جدًا، لكن في طرق تساعدك تسيطر عليه وتخفف منه:

1. حدد وقت للتفكير: خصص وقت محدد يوميًا للتفكير، وخلال باقي اليوم إذا بدأت تفكر، قول لنفسك "الوقت ده مخصص لاحقًا للتفكير".

2. ركّز على اللحظة الحالية: حاول تمارس التأمل (مثل التأمل الواعي "Mindfulness")، وركز على الأشياء اللي بتعملها دلوقتي زي التنفس أو تفاصيل الأشياء حواليك.

3. اكتب أفكارك: لو في أفكار شاغلة بالك، اكتبها في ورقة. الكتابة بتساعد إنك تطلع الأفكار من دماغك، وتفصل نفسك عنها شوي.

4. ابحث عن حلول بدل التحليل الزائد: لو في مشكلة، فكر في خطوات عملية لحلها بدل الاستمرار في التفكير فيها من كل زاوية.

5. حد من المحفزات السلبية: قلل من التعرض للأخبار السلبية أو القصص اللي بتزيد من تفكيرك الزائد.

6. مارس الرياضة: الرياضة بتساعد الجسم يفرغ التوتر والطاقة الزائدة، وده بيساهم في تقليل التفكير الزائد.

7. استبدل الأفكار السلبية بأخرى إيجابية: كل ما تجي فكرة سلبية، حاول تستبدلها بأخرى إيجابية أو محفزة.

8. اتكلم مع حد تثق فيه: أحيانًا مجرد الكلام عن مشاكلك وأفكارك بيساعدك إنك ترتاح وتخفف من الضغط.

جرب تطبق شوية من النصايح دي تدريجيًا، ومع الوقت هتلاحظ إن التفكير الزائد بيقل بشكل ملحوظ.