لو رجع بيك الزمن ٥ سنين ايه اللي هتكرره وايه اللي مش هتعملو🤍

Question

قول الحاجة اللي هتكررها واشرح ليه وقول الحاجة اللي مش هتعملها وهتاخد بالك منها وقول برضو ليه ❤️❤️

Coffee_64566 🇪🇬 · Answer

لو رجع بيا الزمن هختار نفس كل حاجه بس اللى هيختلف انى هكون عارف كل حاجه نهايتها اى هعرف اغير ده هعرف انى لمه اصاحب الشخص ده هعرف امته هوه هيكسرنى هعرف ارد على اتا كنت عاوز اقولو هعرف اتصرف صح فى مواقف كتير انا كنت عاوز اعمل كده ومعملتش ومش هغير اختيارنى واجرب حاجه جديده لان ده يمكن يسيبنى بجروح جديده مع الجروح القديمه

Mango_64751 🇪🇬 · Answer

مش هكرر حاجه تاني بس هبقي أنانية و هختار نفسي وبس مش هاجي علي نفسي واضغطني و التخلي عن كل حاجه علشان ناس متستاهلش مع اول حاجه ييجوا يقولوا محدش طلب منك تضيع نفسك علشانا هطلب كل اللي نفسي فيه من اهلي مش هفكر في حاجه هعيش سني وحياتي زي بقيت دفعتي مش هكون شخصية اكبر من سنها مش هسيب بيتي مهما حصل علشان اخويا ننوس عين ماما يتجوز فيه مش ذنبي انو لسه في التعليم و واخد كليتين مكونتش هقول لأمي متحمليش هم القرض اللي جبتيه علشان ننوس عينك و انا مش هاخد دروس في أهم سنه في حياتي و هعتمد علي نفسي كنت اضغطهم بدل ما كان يحصل فيا العكس و ياريتهم قدروا بيحسبوا النفس عليا بعد ما ضيعوني و بيعايروني لحد دلوقتي هبطل افكر في غيري هشوف نفسي نفسي وبس

Mango_59012 🇪🇬 · Answer

تقريبا هعمل عكس كل اللي عملته .. 
مش هدخل هندسة، هحاول اتعرف ع نفسي أكتر من البداية و أحاول بكل طاقتي أبطل العادات السيئة اللي بعملها ، هحاول أطور في نفسي مفضلش واقف مكاني مستني حاجة تحصل تغير حياتي لا هحاول أغيرها أنا بنفسي هعمل صحاب كتير حقيقين أكون مبسوط وسطهم بجد مش صحاب كلية و خلاص

Coffee_65379 🇪🇬 · Answer

هعمل عكس الي عملته هبعد عن الناس الي اذتني هتتغير ومش هتعرف علي كل الناس بحسن ميه والعمل مع الكل بطيبه واخف من ناس معينه هعمل ثقة في حياتي ونفسي وابقي قويه بجد ده هيفرق الان دلوقتي انا مش عارفه

Avocado_64142 🇪🇬 · Answer

هختار نفسي لاني استاهل يتحاول عشاني من نفسي ع الأقل وافوق نفسي بجد هنصحني اني اركز واطور من نفسي بدل ما انا قاعد كدا حواليا اربع حيطان ومكتئب ووحيد وهقرب من الناس اللي تستاهل مني اقرب ليها وابعد عن ناس المفروض كنت بعدت عنهم

Watermelon_32587 🇶🇦 · Answer

لو رجع فيني الزمن خمس سنوات اكيد راح اغير تخصص الماجستير لاني اخذت شهاده عرفت بعدين انها ماتمثلني ولا تمثل ميولي 
للاسف ضيعت وقتي وفلوس في شي ما احبه 
بس ان شاء الله احاول الان ادخل التخصص اللي احبه

Apple_65275 🇪🇬 · Answer

لو رجعت ل سنتين بس كنت انتحرت بالطريقه للي كانت تموت علطول بدون ما اتردد للاسف توقعت الاسوأ فحصل الاسوأ منه مفيش غير كل اذيه من كل البشر كل انواع الخيانه وكل انواع الاهانه وكل انواع الغدر شهدته واتعرضتله وفي وقت قصير لدرجه انها جات حتي من أهلي للاسف حاولت انتحر منجحتش واتلحقت وبعد كده مش يشوفو مالي ؟ لا والله دا لاموني ان عايذ اجبلهم مصيبه وان اموت بعيد عنهم .

Biscuit_50330 🇮🇹 · Answer

أنا لو رجع بيا الزمن خمس سنين بس مكنتش اتعلمت الدرس على قد ما الدرس وجعني اوووي ساعتها بس و كنت هغير حاجات بس لو لاه الدرس ده مظنش إني كنت اتعلمت الصراحه في حاجات اه ببقى نفسي إنها تتشال من حياتي او متكنش موجوده كان نفسي ولله بس اهو النصيب بس أنا مش عايزه اقرر نفس الأخطاء الصراحه الحاجه بقى الي هكررها هنزل مصر تاني و هتبسط تاني من الأول و مش هخلي حاجه تزعلني

Mango_65644 🇪🇬 · Answer

اخد قرار اني اجوز تاني بعد انفصال دام ٧سنوات واحاول التعايش من جديد 
ايه رائيكم انا ٤٧ سنه
السن المناسب لي يكون ادايه
المشكله الاكبير عندي بنتين كبار
١٩
١٥
سنه
هل اخذ سكن جديد للزوجه واجعل منزلي كماهو للبنات بدون ام رئيكم يهمني فعلا لاني مقدم علي الزواج ولا أريد صدام بين بناتي وزوجه ابيهم

Corn_67299 🇪🇬 · Answer

لو رجع بيا الزمن خمس سنين:

ما كنتش هاسكت عن حقي.

كنت هاقول "لا" من غير خوف.

ما كنتش هأمن لأي حد بسرعة.

كنت هاهتم بصحتي ونفسي أكتر.

كنت هاشتغل على مستقبلي، مش على رضا الناس.

كنت هاحتفظ باللي حبني، وأنسى اللي وجّعني.

ما كنتش هضيع وقتي في علاقات فاضية.

بس رغم كل ده…
اللي حصل خلاني أفهم.
والفهم… أغلى من أي ندم.

Donut_62808 🇪🇬 · Answer

مش همسك فونات هو سبب لتدمير حياتي من كميه الحاجات الوحشه الي عملتها ربنا يسامحنيييييييييي أو يخدنييييييييييي عشان بجد تعبتتت من كميه الحاجات الي حصلت و م قادره انساهاااااااااااااا🙂

Avocado_67297 🇪🇬 · Answer

الى  مش  هعملو مش هثق ف حد ولا هحكي لاى حد عن اسرارى ولا كنت عايزه اعرف يعنى اي ارتباط ولا حب ولا زفت لان الحب ده اكبر خدعه وكدبه عملوها واحنا صدقناها زى الهبل 
والى كنت هعملو انى هشد حيلي ف الاعدادى واجيب مجموع وكنت دخلت تمريض بدل المرمطه الى انا فيها دى

Donut_66476 🇪🇬 · Answer

مكنتش هدخل الكليه اللى دخلتها عشان شوفت فيها اوحش الناس و الدفعه و الدكاتره و من اصغر حاجه لاكبر حاجه محتاجه حرب عشان اعملها و 
جابتلى اكتئاب و خرجت منها مستنفزه نفسيا مقدرتش ادى حاجه لحياتى بعدها

Cherry_68154 🇪🇬 · Answer

اللي مكنتش هكرره كنت هفضل ماسكه في الشخص اللي حبيته ومكنتش هقبل اني اتخطب أو اتجوز .. لحد دلوقتي اهو متجوزه عندي بنوته ومش قادره انسى الشخص الي حبيته ولسه بحبه .. اما الحاجه اللي كنت هكررها كنت بردو هسيب الشخص اللي كنت مخطوباله عشان مكنش كويس ابدا وكانت فتره منيله

Pumpkin_68569 🇪🇬 · Answer

هسيب كل حاجة زي ما هى الحاجة الوحيدة اللي كنت هغيرها هى اني كنت هحاول افهم نفسي أكتر بدل ما كنت طول الوقت بفرض عليها قوالب متشبهلهاش أبدا ، هتقبل عيوبها و فشلها و هفهمها و حقيقي مهما قولت مش هيوفي شكري و حمدي لربنا انه وهبني فرصة تانية إني اعيش من يومها كل حاجة اتغيرت .. المشكلة احيانا مبتكونش في اللي حوالينا بس اوقات كتير بنكون إحنا المذنبين في حق نفسنا بسبب نظرتنا الدونية ليها و ده بيبرهن تصرفات كتير اوي من الناس اللي حوالينا كل ده بيحصل اول ما نتخلص من عقلية الضحايا و نكون عندنا قدر كافي من الشجاعة يخلينا نعترف اننا كنا مشاركين في اذية نفسنا حتى لو بدون قصد

Coffee_68855 🇪🇬 · Answer

لو رجع بيا الزمن كنت هعمل كرير وبعد كدا اتجوز واخلف عشان دلوقتي مش عارفة اعمل كرير وعندي طاقة مش عارفة اخرجها وطموحي زعلان عليا بجد، يمكن الدنيا تتعدل بعد كدا بس كنت اتمنى شغفي مينتهيش وطموحي ميتهدمش، الحمدلله على كل حال❤️‍🩹

Watermelon_69102 🇪🇬 · Answer

لو رجع بيا الزمن 5 سنين كنت هغير حاجات كتير جدا
.
.
١. كنت هلتزم في الصلاة من بدري.
٢. كنت هحافظ ع المجهود اللي عملته في علاج معين واكمل فيه عشان اتعالج تماما ، للاسف انا وقفت علاج و حالتي بقت اسوأ بكتير.
٣. كنت هحافظ على علاقتي بحب عمري و روحي، الانسان اللي حبيته من كل قلبي.

٤. كنت هجتهد اكتر في شغلي واعمل كل اللي عليا بدون تقصير.

Lemon_69130 🇪🇬 · Answer

مكنتش هشرب حشيش ولا هقربله ولا هقرب لصحاب السوء ولا هحط سيجارة فرط حتى ف بوقى 
بس نقول ايه بقى محدش بيتعلم ببلاش ونصيحة لاى حد داخل ع الحوار ده اياك ثم اياك ثم اياك تدخل القصة دى وتقول اجرب وتفاريحى والهبل ده هتندم صدقنى بس بعد قوات الاوان واسال مجرب

Corn_68719 🇪🇬 · Answer

مكنتش هسحل نفسي في الشغل وكنت هركز مع اطفالي اكتر واقرب منهم. دلوقت كبروا في سن المراهقه وبحاول اعمل ده.. هو صعب جداا للأمانه لكن بحاول اقرلكب من منهم واعوضهم اللي ضاع مني استمتع بسنين طفولتهم. نصيحه مني اوعو تضيعوا وقتكم مع حبايبكم وخلوا حياتكم متوازنه وتجوش علي حق حد في اهتمامكم.
تحياتي 🌹

Apple_69270 🇪🇬 · Answer

كنت جيت علي نفسي واشتغلت اكتر وكنت كبرت ف مجالي مكنتش عملت الحاجات اللي اخرتني كان المفروض اكون فاهمه اكتر من كده حاجات كتير يارتني كنت فايقه وقتها كنت علي الاقل اخترت صح كنت علي الاقل هكون احسن من دلوقتي

Coffee_55489 🇪🇬 · Answer

مكنتش حعمل حاجات اخبيها على ابويا مكنتش حعمل الناس بحسن نيه ولا كنت سمحت لأي حد يتجاوز معايا حتى بكلمه مش تصرف ...
كنت حجات كتير معملتهاش ندمت عليها بس انا واثقه ربنا ليه حكمه في اللي حصل  ..
للاسف انا لسا متعلمتش ولا بدي خوانه وبقع في الغلط انقح من اللي قبله كان في غشاوه على قلبي ..
انا حرفيا مدمر ومبكرهش حد الا انا في الدنيا دي حجات كتير اميييييييين في حياتي بقول ياريت بس خلاص معادش ليه لازمه الندم الرصاصه فرقعت ودمرت كل حاجه للاسف ..  عشمي في ربنا انه يتولانا برحمته ويحمينا من نفسي

Marshmallow_69067 🇪🇬 · Answer

لو رجع بيا الزمن مش هعمل حاجة لاني هرجع بنفس قدر الوعي الي كان عندي وقتها ساعات بقول لنفسي لو عندي قدر الوعي الي عندي دلوقتي مكانش هيحصل حاجات كتير تعبتني .. بس الواقع ان لولا كل لحظة مريت بيها حلوة او وحشة مكانش هيبقى عندي قدر الوعي الي عندي دلوقتي مفيش حاجة بتحصل صدفة.. انا ممتنة لكل وجع حسيته وممتنة لله انه رباني بالابتلاء وممتنة لكل شئ متأخر لان دا بيديني أمل انه هيجي احلا بكتير مما اتخيل.. فكا شئ مريت بيه زمان انا موقنة انه سبب لشئ جميل في المستقبل ربنا اصلا الي الهمني الشعور دا كان ممكن اسخط واعترض لكن ربنا مالي قلبي رضا

Nutella_62161 🇪🇬 · Answer

5 سنين مش كفايه علشان اصلح الخراب اللي حصل في حياتي من بعد قرار غلط 
لو 7 سنين عمري ماكنت هثق في الحيوان اللي وثقت فيه و وافقت اتخطبله وهو بني ادم توكسيك عمل كل الحيل علشان اوافق اتخطبله ولما حصل اختفى من حياتي ومن غير اعذار ولا اسباب ولا حتى يعرفني انا عملت ايه سابني و انا كل يوم بسأل نفسي انا وحشه طب انا استاهل طب يمكن غلطت في حقه حسبي الله ونعم الوكيل فيه دمرلي حياتي سنين طويله وانا بفكر كل دا كان ليه علشان بني ادم جبان رفض يعتبرني بني ادمه و يفهمني قبل مايسيبني و للاسف لما حد يقول متعلقه بيه ليه مبلاقيش اجابه غير ان ال3 شهور اللي عشتهم معاه من اجمل 3 شهور في حياتي مقساش عليا مره ولا زعلني مره وبيهتم ب ادق تفاصيلي وعلمني حاجات كتيرر واول كل حاجه كانت معاه و في المقابل غمضت عيني وفتحتها لقيته مش موجود اختفى من غير مايقول ليه ساب رساله على فون امي ببعتذر انه مش قادر يكمل 
طب و الطفله اللي علقتها بيك دي فين

Strawberry_68567 🇪🇬 · Answer

اني معملش لاي حد يدخل حياتي لازمه و اشوف راحتي فين و اعملها  و اسأل نفسي سؤال هو انا بعمل ليه كده انتي مالك يعني سيبي الناس في حالهم وخليكي في حالك و كنت هتطلع بصحاب تفضل معايا لحد دلوقتي والله

Strawberry_69629 🇪🇬 · Answer

ياااااه لو يرجع بيا الزمن ورا ٥ سنين فعلا انا حياتى واقفة ف نقطة معينة من ٢٠٢٠ مكنتش هسيب زميلى اللى كان بيحبنى ف الكلية وانا مكنتش اعرف ودلوقتى ماشاء الله اتزوج وخلف ومكنتش هسمع كلام أهل. واتخطب لواحد اقل منى ف كل حاجة وكان آخره بس يلمحنى من بعيد ومكنتش هسيب الزعل يطول بينى وبين صحبتى واخسرها لان من يومها مش عارفه اعمل صاحبة جديدة ومكنتش هبقى جدعة ومعتمدة على حالى ف كل حاجة لأن بقيت بعمل كل حاجة وهى فرض عليا 💔

Mango_69841 🇪🇬 · Answer

هكرر نفس كل حاجه بالتفصيل لو خلعت من حاجه هفضل طول الوقت شايفها احسن حاجه في العالم 
في مقوله قريتها ان الحياه هتفضل تديك نفس الدرس كل شويه لحد ما تتعلمه ف في دروس اخدتها في الخمس سنين دول مسيري كنت هاخدهم كدا كدا ف خلصت منهم اتعلمت منهم نشوف الدرس الي بعده ومنطولش فيه عشان هيفضل يتعاد

Cherry_68541 🇪🇬 · Answer

ممكن نخليهم ١٠ مش ٥ هشبع من الحياة سفر وشغل مشكلتى انى اتجوزت بعد الدراسه ع طول محققتش اى حاجه برغم انى طموحى وهدفي كان غير كدا خالص انا كنت شخصيه بتحب السفر والخروج والسعى والطموح فاكتر حاجه بشتاق انى اعملها انى ارجع اعمل كل حاجه كنت نفسى اعيشها ونصيحى لأى حد نفس الشخصيه اشبع من حياتك ولما تستقر تماما اتجوز

Apple_70037 🇪🇬 · Answer

مش هدخل حد في حياتي غير لما اعمله حدود ايا كان صديق او صديقه .
لما اساعد حد من اهلي لازم يعرف ان ده كرم مني.
مشغلش بالي بحد مش قلبه عليا وبيحبني بجد حتي لو اخويا .
هدوس علي اي حد يحاول انه يجرجرني لمشاكله احلهاله
مش هعمل خير مع حد غير لما يطلب مني.
مش هبادر مع حد تاني واروح اساعده واحل مشكلته لان قلبي عليه ويقولي في الاخر محدش طلب منك .
اي حد هياخد لحظه من تفكيري بالسلب هطلعه بره حياتي علشان حياتي وشغلي ميتاثروش

Waffle_70319 🇪🇬 · Answer

هغير صحابى وهحاول اعرف صحاب كويسه صحاب بجد مش اى لمة وخلاص وهحاول اتعلم اكتر واشوف شغل كويس 
انا مش عارف انا محتاج اغير ايه بالظبط بس فى حاجات كتير غلط فى حياتى
لازم الواحد يعرف هو عاوز ايه ويعرف يختار

Cherry_70257 🇪🇬 · Answer

امم ممكن اتراجع عن قرار اني مكملتش تعليم بسبب اني تنازلت عشان اخواتي ومحدش مقدر والي هكمل فيه شغلي وكنت ههتم بيه اكتر حتى لو مش حباه كنت هحاول اشتغل اكتر عشان اوفر مصاريف دراستي وجامعتي ومكنش هيهمني كلام حد

Ice Cream_70019 🇪🇬 · Answer

لو رجع بيا الزمن 
كنت هستثمر في نفسي اكتر .. احط حدود واضحة 
مضغطتش ع نفسي عشان خاطر اي حاجة او اي حد 
كنت هتعلم ازاي ادي بحدود 
بشكل متوازن مابين الأخذ والعطاء 
كنت هبطل طيبة وثقة زيادة في الناس 
كنت هاخد كورسات واتعلم مهارات اكتر واهتم بنفسي وبشكلي وبحياتي 
كنت هحب نفسي اكتر بختصار .

Mango_70501 🇪🇬 · Answer

ع معتقد خليهم 6 سنين بالاخص فترة 2 اعدادي الي مكنتش هكرره الفضول واخلي شخصيتي اقوي واوقف التنمر الي كان بيحصلي
والي كنت هكرره اني اجتهد واذكر وبس

التنمر والفضول الي كانو بيحصلولي خلوني في دوامه ندم مبتخلصش لحد دلوقتي يعتبر
ام اتمني اني ذاكرت ف الثانوية زي اعدادي كنت هبقي افضل بس الحمدلله

Apple_70561 🇪🇬 · Answer

كنت مش هرتبط بالبنت الي حبيتها اكتر من نفسي كنت هركز في دراستي واقرب من ربنا وابعد عن أي ولاد مكنتش هأذي نفسي وأذي ايدي بسبب اكتئاب مش قادره اواجهه هبعد عن ناس كتير كان المفروض ابعد عنهم من بدري

Coffee_62833 🇪🇬 · Answer

مكنتش هضحي بوقتي عشان أسعد حاجة مش بتاعتي من الأول
كنت هفضل بعيد لحد م الي عايزني يقرب وياخد نفس خطواتي
مكنتش هقول لنفسي معلش وأنا كاتم الي جوايا مع إني مبسوط بنفسي دلوقتي بس مش مبسوط ب الي جوايا
كنت همشي ورا صوت عقلي لما قالي إني غلط
مكنتش هاخد طرق ومسافات لناس بس منبهره بيا من برا
مكنتش هعمل نفس الي عملته تاني
كنت هبقي بس أناني

Banana_70788 🇪🇬 · Answer

في حاجات كدا هكون مش عايز اعمله و ناس مش هكون عايز اتعامل معاها بس برضك لو التجارب و الاختيارات الغلط مش هعرف الصح الكلام ممكن يكون كلشيه و بتسمعه كتير بس مش هتفهم صح غير لم تمر بتجربه فيه الغلط و الصح

Chilli_71260 🇪🇬 · Answer

فيه حاجات كتير اوي هتتغير ومش هعملها
بس مش عارف ده هيكون خير ليا ولا لا
أعتقد ربنا بيوفقنا للأفضل لينا دايما وبتفتكر ان فيه حاجات خير لينا ومبتطلعش كدا فمعرفش

نفسي اتكلم مع حد بصراحه ممكن اي حد يكلمني نتناقش ونتصاحب بدل مانا لوحدي كدا!!

Marshmallow_71261 🇪🇬 · Answer

ماكنتش هتنازل عن حلمي و اصدق وعوده  انه هيحققلي جزء منه بطريقته بعد الجواز .. ونفسي اقول ماكنتش هتكوز بس بحس بالذنب لما بتمنى الامنيه دي علشان عيالي وعلشان مش قادره انكر ان عدت عليا اوقات كتير كنت مبسوطه .. بس مش قادره انسي حلمي.. واني بقيت مركونه في البيت وجوزي بيحقق حلمه..

Banana_71095 🇪🇬 · Answer

مكنتش عشرت الخيان ولا واطي مكنتش دخلت نفسي في مشاكل مليش دعوه بيها عشان شخص كنت فاكره باقي عليا مكنتش قعدت مع الخسيس الي في وشي حبيبي وصحبي وفي ظهري يقول اوسخ كلام.... مكنتش غلطت غلطه ندمان عليها لحد اللحظه دي

Lemon_71361 🇪🇬 · Answer

لو رجع سنتين بس مش ٣ ةكنت خدت كام شهادة كده و كنت اتعلمت عود و قعدت اكتب و اكتب الاغاني و الجو الخاص بيا و مكنتش اتجوزت لان دي أسوأ علاقه عشتها في حياتي و لكن ده ابتلاء و انا عليه صابر بس انا حاسس ان حياتي واقفه حرفيا مبيعملش حاجه غير اني بروح الشغل و ارجع انام و بس

Mango_71491 🇪🇬 · Answer

كنت هحافظ ع نفسي مكنتش هحب بغباء زاي ما عملت مكنتش هثق فى حد بزياده مكنتش هقدم حاجات كتير واتنازل علي حاجات كتير قصاد اني مبيتقدمليش حاجه انا ضيعت نفسي بنفسي حاسه اني معملتش حاجه فى حياتي ومضفتلهاش حاجه غير وجع القلب

Croissant_71322 🇪🇬 · Answer

مفيش حاجه هكررها ممكن ابقا اقرب ل جدى وقت تعبو لان انا بخاف من المرض و مش بعرف اتعامل مع اي حد تعبان ف كنت مستنياه يخف ونرجع زى الاول بس مرجعش و المكنتش هعملو انى كنت بهرب من فكره انو تعبان و كنت ببعد عشان خايفه ف ده مش هعملو

Toast_66105 🇪🇬 · Answer

في الغالب الي انتا عاوزة بيحصل عكسه 
فا مترجعش بالزمن ولا حاجة خليك معانا هنا انتا شخصية كويسة و تتحب متغيرش حاجة عشان هيحصلك نفس الي انتا فيه دلوقتي 
مترجعش بالزمن خليك هنا في ناس بتاكل في بعض هناك احمد ربنا علي الي انتا فيه

Blueberry_71907 🇪🇬 · Answer

مكنتش هحب ولا اوعد وعود واطلع مش قدها او لسه بدري عليها 
لو كنت اعرف ان حال البلد هيتغير اكتر من مره ف السنه كنت ذاكرت لغه وسافرت 
مكنتش هعلق بنت ناس محترمين بيا وارسملها البحر طحينه وارجع ابعد عشان خايف غليها منى مش نداله وخسه

Coffee_71965 🇪🇬 · Answer

لو رجع بيا الزمن بالظبط ل ٢٠١٩.مكنتش حسافر ادرس برا مصر مكنتش حدخل مجال الطب الي ضيع بس عمري وانا قاعد ف مكاني متقدمتش خطوه عشان أحقق حلم مش حلمي 
شاب ١٨ سنه يسافر بلد غريبه لوحده وكل الي يعرفه الجامعه وبس و يدور علي سكن لوحده و بعد م اتأقلم يجي دكتور يتعندني لاني مصري ويسقطني ولما امتحن السمر يسقطني مع اني تقديري امتياز السنه الأولى والسنه الثانيه امتياز ف كل المواد ما عدا مادته 
وبسببك اتأخر سنه وبعدين احضر الحرب و يضرب عليا رصاص و قنابل في السودان ولولا ستر ربنا مكنتش حعرف ارجع مصر و لما ارجع رجعت بالنسبه لأهلي عباره عن كافر غريب عنهم كل حاجه بخناق وحاليا سايب البيت ليا سنه مشفتهمش

حجات كتير مبنيه علي قرار غبي قرار سفري للدراسه برا مصر