من أصعب الابتلائات في الدنيا لما بكون الابتلاء ده في علاقتك بأهلك و خصوصا لما يكون امك . الموضوع صعب و مرهق نفسيا ولما بتكون صغير حرفيا بيضيعك و مش بتستوعب ده غير لما تكبر و وقتها بتاخد بالك أن حاجات كنت فاكر أنها صغيره و ملهاش تأثير عليك كانت هي السبب في تغير مسار حياتك وتعيش تجارب انت كنت ممكن اصلا متعرفش حاجه عنها لو كانت امك او ابوك قالو كلمه مختلفه أو موقف مختلف . انا بقول كل الكلام ده عن تجربه أو تجارب انا عيشتها ومازلت عايش فيها لحد دلوقتي مع اني مبقتيش صغير بس للاسف المجتمع بتاعنا بيفكر دائما علي الوحش حتي لو فات عليه سنين . انا مدمن متعافي الحمدلله من اكتر من 6 سنين و 10 شهور والحمدلله ولا مره انتكست بس للاسف دي حاجه بقيت ملزماني و بحاسب علي فاتوره لحد نهارده والوضوع بقي بايخ اوي و مرهق نفسيا وبالذات لما بيجيلك من الناس اللي مفروض كانو ساعدوك من البدايه مش العكس . ربنا ولا تبتلينا فيما لا نستطيع عليه صبرا

3

6