ابتسامة ساخرة مع نفس عميق و تنهيدة طويلة بعد كل مرة باخد ريسك واقنع نفسي واصدق ان المرادى الوضع هيكون مختلف عن كل مرة لكن بيتكرر نفس السيناريو لدرجة ان بقى عندى مناعة ومبقتش بضايق اوى زى الاول او انا مفتكرش انى كنت بضايق بشكل طبيعي دايما كنت بتقبل كل حاجة بصمت وعيون تايهة .. هل دا عشان انا حظى قليل او فيا حاجة غلط ؟!! بالعكس انا إنسانة رائعة ومميزة عارفة دا من اعمق نقطة ف قلبي و انى جوايا جوهرة محدش لسة اكتشفها مهما بان من برة انى مضايقة شوية لكن دى حقيقتي الى انا مقتنعة بيها يمكن تعبت شوية شويتين من تكرار السيناريو ع مستوى كل العلاقات الانسانية بس انا بكون اقوى نفسيا كل مرة و بحس دايما ان دا بيحصل لحكمة كأن رينا بيخبيني عنهم عشان محدش يضرنى بينجيني كل مرة بطريقة مدهشة بعدها ممكن افهم الحكمة وساعات لا بس دايما بقول لنفسي ولكل الى حوليا انا واخدة اغلب رزقي من ربنا في النجاة وانى عارفة انى ف يوم هعيش السيناريو الى أستحقه🩷🩷

2

3