يا جماعة، محتاج أفضفض لأن الحمل بقا تقيل.. أنا خلال أيام هتم الـ 26 سنة، والمفروض ده سن القوة، بس أنا حاسس إني وحيد، والأصعب من الوحدة هو إحساس إني "متحبتش". ​المرة الوحيدة اللي فتحت فيها قلبي وقررت أحب بجد، البنت اللي اخترتها طلعت بياعة.. في الوقت اللي كنت مستني منها كلمة إنصاف أو وقفة شجاعة جنبي، عاملتني كأني مجرد "زميل شغل"، لا دافعت عني ولا قدرت اللي كان بيننا. ​الموقف ده كسر فيا حاجة غالية، وخلاني آخد قرار إني أموت مشاعري تماماً وأقفل عليها بميت قفل، وأركز في نفسي وبس. تعبت من فكرة إني أكون دايمًا الشخص اللي بيدي وما بيلاقيش، الشخص اللي بيتحارب في شغله القديم ولما يحب يتخان.. ​أنا دلوقتي بحاول أرمم اللي انكسر، بلجأ لربنا، وبحاول أحط حدود لنفسي عشان مأذيش قلبي تاني، بس لسه الوجع موجود، ولسه سؤال "ليه أنا؟" بيطاردني. هل فعلاً التركيز على النفس كفيل ينسيني المرار ده؟ وإزاي أقدر أبدأ سنتي الـ 26 وأنا حاسس إني فعلاً "محبوب" من غير ما أحتاج تأكيد من حد؟ لان مفيش حد حبني

1

0