وحدة

Toast_52320 🇪🇬

منذ 3 دقائق

شعور لا مبالٍ

انك تكون عايش فاهم الناس وعارف الاعيبهم وخبثهم وشايف حاجات محدش شايفها غيرك وبتفكر في كل فعل وفي اصغر تفصيله بشكل عام في اي حاجه في حياتك وعارف تفرق الصح من الغلط وواعي ومراقب ومحافظ علي افعالك علي قد ماتقدر ودايما حَذِر عشان مدرك المخاطر، وبتفضل تسأل نفسك اسئله ملهاش اجابات ودايما في دماغك سيناريو

Avocado_26405 🇪🇬

منذ 3 ساعات

شعور مرهق

عبّر عن شعورك بشكل مجهول

عيلتى عبارة عن علاقة مضطربة جدا محدش فيها عارف يتعامل وكله بيلوم التانى ودايما فى مشاكل . مبقتش عايزة أقرب من حد خالص يعنى ماما لما أنا كنت صغيرة كنت بحبها أوى ومازلت بس من بعيد لإنها بجد شبه جبتلى اكتئاب وكلامها سم وأنا كان كل اللى نفسى فيه اكون صحبتها بس دمرت حاجات كتير فىّ بجد وهى مش شخص وحش بس هى بتعمل فىّ اى حاجة بتتعمل فيها ولاحظت ده كتير وحاولت اصلحه بس معرفتش. بابا عمرى ما كنت قريبة منه وكنت بخاف منه وانا وصغيرة ولإنه عصبى فكان بيتخانق مع ماما وبيزعق كتير ولما جت فترة اكتشفت انى بعيدة عنه اوى حاولت اقرب بس مستفدتش حاجة غير أنه بردو جرحنى وفى يوم اتعصب وضربنى بالألم على وشى. وبابا دمه خفيف وكده ولكل بيحبه بس عصبى اوى والحاجة التانية انه طول الوقت بسببه بحس بالذنب لانه دايما بيقول إن أنا مصاريفى كتير وأنا فعلا والله مش بطلب غير حاجات عادية مش فاهمة ليه بقى ذنبى فلوس المدرسة والدروس وزيت أو شامبو أو دفع فاتورة النت ؟!! ليه أنا السبب !!! الاوحش انى كنت بحرم نفسى كتير اوى بجد. وآخر حد أخويا الكبير من صغرنا واحنا بنلعب سوا بس كان اوقات بيتعصب ويضربنى المهم انى سامحته كتير بس فى مرة فتح حاجبى واتخيط وفكرت إنه خلاص هيندم بس بعدها اتخانقنا تانى وضربنى وبقالى فترة مش بكلمه وشبه قطعت علاقتى بيه . حاسة انى بجد خايفة اقرب من اى حد عشان بيأذونى نوعا ما . حاسة إن جدو واحشنى اوى لإنه الوحيد اللى كان بيفهمنى وبيدافع عنى دايما وبيخرجنى ويجبلى كل حاجه من غير ما اطلب كل ده وهو كان فى عز تعبه وبعد ما مات من وانا عندى سبع أو تمن سنين وفى فراغ كبير حاسة إنى لوحدى . المشكلة إنى الوقتى بقيت خايفة اقرب من اى حد سواء أصحاب أو انى احب حد فى المستقبل. بحاول اذاكر أو اعمل اى حاجه اتلهى فيها بس مش عارفه اركز فى اى حاجة حاسة انى مش كويسة أو فى حاجة مش قادرة احدد اى هى فاهمين ؟ حاسة بتشتت وضياع وكأنى بحاول انجو بس. والمصيبة إنى تالته ثانوى ومتأخرة اصلا فى المنهج . المشاكل العائلية والمادية بجد مدمرة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_87666 🇪🇬

منذ 23 ساعة

شعور مرهق

كنت من وأنا صغيرة overweight شوية ما كنش في عيال كتير بيتصحبوا عليا فكنت بزعل أوي ووصلت لابتدائي والموضوع بقي اوحش عشان العيال كانوا بيعملوا شلل وبيسيبوني انا برة علي طول وحتي بعد سنين لما لقيت الصاحبة المناسبة أنا كنت علي طول ال second option ليها، عمري ما حد عزم علي خروجة أو عرفت اظبط خروجات مع ح

Apple_79237 🇪🇬 بس ايه علاقه overweight بالصداقه ؟ او هو عموما لييه حاطه الشكل الخارجي هو معيار الصداقه !!!

عرض الكل 3 نصيحة

Pineapple_87671 🇪🇬

منذ يوم واحد

شعور مكتئب

مش عارف فى ايه حاسس ان الواحد بيكبر بطريقة مخيفة يعنى عدد صاحبى بيقلوا احزانى بواجهها بكل هدوء كانى بتجاهلها بحاول اتمسك بالل اعرفهم ع قد م اقدر مبقتش اعرف اكره ولا احب حد يعنى الناس بالنسبالى كويس او وحش و مش منتظر من حد اى حاجه الل عايز يعمل حاجه يعملها حاسس بوحدة و مش عارف ليه انا عارف ان م

Orange_69336 🇪🇬

منذ يوم واحد

شعور ضائع

عبّر عن شعورك بشكل مجهول

انا حزين اوي ان كل مره ببقى مخنوق وزعلان بسبب او من غير مش بلاقي حد اقوله اني زعلان حتى، عندي ٢٢ سنه مفيش مره كان عندي حد اقدر اقوله مالي اما ناس معارف شغل ف اللي بيننا شغل او معارف كليه ف اللي بيننا دراسه او معارف سوشيال فيهم اللي مكفيهم، انا حتى بعد ما كان نفسي احكي لحد مالي بقى نفسي ف لحد اقوله اني زعلان بس عالاقل مش عاوز اكتر من كدا ولا عاوز حد يسمعني بالساعات يعني، كل حاجه كانت سبب في خنقتي وضيقتي وزعلي لحد انهارده مفيش مخلوق يعرف عنها حاجه وعمري ما حسيت ان فيه حد ادالي المساحه دي حتى في علاقاتي العاطفيه بحسهم بيفيكوا انهم مهتمين وعاوزين يسمعوا وعيط قدامي عادي وبلا بلا بلا، معنديش فكره هل هكمل حياتي كدا خلاص ولا فيه امل اعمل اصحاب والاقي شريكة حياه ارتاحلها انا اكتر واحد دخلت علاقات واكتر واحد عنده اصحاب بس عمري ما حسيت اني واقف في حد اقوله اني مخنوق وتعبان حتى من غير تفاصيل عشان خايف يحكموا عليا ونظرتهم ليا هتتغير للضعيف والكلام دا، حتى اهلي في حالهم وانا عايش لوحدي في حالي ودا مزود الطين بله، والابلكيشن هنا كل مره افتحه تصعب عليا نفسي اني مفيش حد في حياتي طول السنين دي طلعت بيه وداخل هنا اكلم ناس معرفهمش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_87072 🇪🇬

منذ يوم واحد

شعور لا مبالٍ

انهارده اتاكدت أنا لو جرالي حاجه عمر ما حد و لا هيحس و لا يعرف حتي لو مت مش هيعرفوو غير بعد فوات الاوان حصل موقف و انا لوحدي و كنت بجد محتاجه حد ينقزني منو أو علي الاقل معايا بس اكتر ناس قريبين مني مش معايا و لا موجودين كنت خايفه و مرعوبه حاسه ان في حاجه انكسرت جوايا و انا مش عارفه اي هي مش عار

Blueberry_87327 🇩🇿

منذ يوم واحد

شعور محبط

سلام عليكم يا اخواني ني نعاني بزاف من وحدة حادة نكر تجمعات كترت كلام 🗣 وكاءاب شديدة وليت نخسر لعزاز عليا وزيد راه عندي كره من عند ناش معا ان خطيني مشاكل واكن منيش عرف كفاه نعبر بصح ني حاب نتاح*ر كمندبش على كتير من اشياء لأني عايش في باطل ملقيتش راحتي منكدبش مكانش ليفهمني حتى كل شيء برد من قلبي والل

Watermelon_58109 🇪🇬

منذ يوم واحد

شعور مكسور القلب

عبّر عن شعورك بشكل مجهول

حد يقولى اتخطى اازاى انا تعبت تعبت من امى خلاص بقيت بعيط فى الموصلات والكليه والشارع بس عمرى ما اعيط قدامها بقيت نفسيتى وحشه اوى بسببها كنت شايله ماده فى الكليه السنه الى فاتت والحمد لله عديت فيها ❤️‍🩹 بتعايرنى بتقولى انت شكلك وحش ووشك اسود وانا والله ما وحشه انا عندى 20 سنه بتجيب حاجات من جهازي بتقولى خساره فيكى طيب متجبيبش انا مش عاوزه بتقولى ربنا يخدك أن شاء الله تتجوزى فى اخر بلاد المسلمين وتاخدى واحد يطين عيشتك حسبى الله ونعم الوكيل فيكى وحياه ربنا انا طول الليل برتعش من السخونيه وتعبانه وبروح الكليه سفر كل يوم مش بسمع منها غير الاهانه انا تعبانه اوى مبقتش عارفه اعمل ايه مبعرفش احكى لحد اصل هى فى الاول والاخر امى هقولهم اى امى وحشه 💔 نفسى حد ياخدنى فى حضنه واعيط ادعولى بالله عليكم 
دايما تدعى عليا وتقولى الله لا يوفقك بحس أن دعواتها بتستجاب لما الاقى الدنيا صعبه معايا فى الكليه 💔 مبتسيبش اي حاجه فيا غير لما تعايرنى بيها بتكسفنى قدام اخواتها واهلها انا بنت وحيده على الولاد وبتقولى انت سودا وقلبك اسود من جوه علشان كدا ربنا خلقك وحيده انا خايفه اوى من دعها عليا حياتى تتدمر اكتر واتجوز واحد قاسى عليا اعمل اي 💔💔💔💔حزن الدنيا كلها فى قلبى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_52197 🇪🇬

منذ يومين

شعور مكتئب

انا عندي 20 سنه شاب دينا ديما كاره البيت وعلطول مخنوق وحتى فى نومى مش بعرف انام من التفكير وحالتى النفسيه سالب 1000 مدمر حرفيا على كده بقالى سنين مع أن حواليا ناس كتير بس عمرى مشوفت نفسى مفضل عند حد ابدا حتى أهلى خذلونى كتير هل ممكن يكون ده معمول عمل ليا ولا ده طبيعى ولا اي انا فى ضغوط من وانا عندى

Mushroom_86882 🇪🇬

منذ يومين

شعور مرهق

الواحد بجد تعب جداً من كونه شخص مثالي لازم يبقي مثالي في كل حاجه في الحب والطبخ والجنس والشكل والفلوس والشغل والكورسات ، حياتي بقت اشبه بلعبه وبتعامل معاها ك level Up لدرجة ان كل سنه كل حاجه بتتغير حتي شكلي لا ليا صديق ولا حبيب ولا اي حاجه وكل ال بيجي بيتعامل معايا علي نفس المبدأ ، بس انا مبسوط لان

Strawberry_64200 🇪🇬

منذ يومين

شعور مرهق

لسا منزله منشور من شويه وبحكي مشكلتي وسبحان الله لسا الثانيه دي جمله اتقالت في الراديو " لا وحشه أشد من العزله فالعزله باب الحزن و مأوى القلوب المتعبه. " فعلاً انا حاسه براحه في عزلتي دي، بس في نفس الوقت حاسه بالحزن والوحده، ووحدتي دي بعوضها بخيالي. وحاسه ان قعدتي لوحدي مع افكاري وتخيلاتي خلتني زي

Orange_78979 🇪🇬

منذ 3 أيام

شعور وحيد

أتمني حد يساعدني أو تفضفض معاه حتي مفيش حل في موضوع الوحدة وعدم الاهتمام والتقدير المشكلة اني عايش لوحدي فده مآثر عليا بطريقة كبيرة غير اني طالب تالتة ثانوي لسا فمبقدرش اني اخش في علاقة مع حد وانا أساسا شخص مليش صحاب مليش حد اقعد تفضفض معاه احكيله مشاكلي ويساعدني واحس بالحنية الي فقدتها بعد وفاة ام

Avocado_87613 🇪🇬

منذ 3 أيام

شعور وحيد

لو انتو في فترة مش كويسة زيي ممكن تعملو ايه حاسة اني تايهة ومش عارفة انا بعمل ايه ولا عايزة اعمل ايه وكمان محدش فاهمني ولا حد مهتم احساس بالفشل والعجز والوحدة والتوهان مش طبيعي واول مرة اعيشه تنصحوني بايه

Toast_62844 🇪🇬

منذ 3 أيام

شعور مستنزف

الواحد امتة هيحس ان لسه صاحب او شريك حياه حد يفهمه ويشاركو بعض كل حاجة ف حياتهم عاوز اتعرف على واحدة ونبقا اصحاب اوي ونفضل مع بعض ويبقا افضل لو طلعنا من هنا عشان الدنيا هنا مش احسن حاجة بدل احساس الوحدة والفراغ العاطفي ده؟.

Banana_64028 🇪🇬

منذ 4 أيام

شعور متعب

نفسي ابطل تفكير في حاجات ممكن محصلش انا بجد قلقانه و خايفه من كل حاجه حواليا نفسي ابطل تفكير و توتر بس انا الي عملت في نفسي كدا عمتن اي حاجه غلط عملها في حياتي انا ندمانه عليها دلوقتي ندم عمري بجد انا بقيت حاسه اني لوحدي محدش جنبي و محدش عايز يكلمني و كلهم وخديني عني فكره وحشه انا كنت شخصيه كويسه دل

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع