خايف أتجوز واحدة ليها ماضي ومش كويسة

Question

انا بدأت اخاف من كتر الحاجات و الكلام و الفضايح اللي بشوفها على بنات كتير كنت بحسبهم محترمين. بقيت بخاف لما اجي اتجوز أقع في واحدة مش كويسة أو ليها ماضى. عارف ان الخوف و القلق مش هيعمل حاجة بس الموضوع شاغل بالي و مش عارف اعمل ايه

Moon_89717 🇪🇬 · Accepted Answer

في الاول والاخر بيكون نصيب من ربنا بس انت عليك السعي انك تتقي ربنا وتكون صالح عشان ربنا يخليك تستحق واحده كويسه وادعي كتير ان ربنا يرزقك بالزوجه الصالحه واوعي تخلي الخوف يسيطر عليك عشان هيخليك تخاف من كل حاجه وهيهليك تشك في كل الناس وصدقني ربنا هو الهادي كلنا بنغلط وممكن في يوم وليله ربنا يبدل حال اللي شوفتهم وحشين للاحس والعكس ف انت سبها علي ربنا واتوكل عليه وحتي لو بتغلط ادعي بالزوجه  الصالحه

Marshmallow_82020 🇪🇬 · Answer

حقك بصراحه 
بس اعرف انو لما تتقى الله ربنا هيكرمك بالافضل 🤍

Chilli_89685 🇪🇬 · Answer

القلق لو سيطر عليك هيبهدلك
حاول متخليش الخوف يضيع عليك فرص كويسة
وطول ما نيتك كويسه ربنا هيكرمك

Blueberry_89239 🇪🇬 · Answer

الحاجات ده اه كترت بس هي مش بسبب البنات بس و مافيش ولد ماشي صح و بيتقي ربنا ف بنات الناس هيقع مع واحده مش كويس طول ما انت ماشي صح ربنا يبعتلك اللي شبهك و تستاهلك

Banana_31651 🇪🇬 · Answer

انا بردك بخاف اتجوز بخاف يطلع بني ادم مريض بخاف يطلع مدمن بخاف يهنئ وميخترمنيش بخاف يطلع خاين 
الخوف من الجواز ده حاجه رعباني وانت بتخاف لتطلع ليها ماضي انا معرفش اي هو الماضي التقصد بس الاقدر اقول. ان مش كلنا حلوين وكويسين وانتو بردك مش كلكم حلوين وطيبين مش بقولك أن كلمك غلط لان انا كمان شافت بردك 
بس ما عممتش علي الكل رغم أن كلكم كل رجاله زباله

Coffee_78803 🇪🇬 · Answer

بغض النظر عن آخر الرساله 🤣?
? بس اه معاكى حق للأسف المستوى عام للبشر عموما رجاله و ستات بقى فى النازل و انا مش بقول ان الرجاله كويسين بالعكس للأسف اكثر الرجاله معندهمش أدنى مستويات تحمل المسؤوليه 
هو الصح ان اه اسيبها على الله و كل شئ قسمه و نصيب بس للأسف الواحد ال overthinking مبوظه

Moon_61982 🇪🇬 · Answer

الطيبون للطيبات ف قبل ما تبص للبنات وفضايحهم راجع انت نفسك وشوف هل انت خالي من الذنوب دي ولا انت بس مستور ولو انت شخص كويس ف متقلقش هتتجوز واحده زيك كويسه عشان زي ما قولت ف الاول الطيبون للطيبات

Coffee_78803 🇪🇬 · Answer

الحمدلله انا معملتش الحاجات دى و ده الى احيانا بيوترنى اكتر كون ان انا مدخلتش المجتمع ده فمش عارف هم عاملين ازاى فمقدرش اتجنبهم و معاكى أحق اهم حاجه الثقه بالله بس للأسف ال overthinking احيانا بيغلبنى