خوف من الجواز

Peanut_84060 🇪🇬

منذ يومين

شعور محبط

ديما اللي بيخوفني من فكرة الجواز هو اني ممكن اضرب الموضوع صعب اوي و لما بفكر فيه بيكسرني من جوايا بحس ان الموضوع ده بالذات عملي أزمة و بيخليني اتقفل من فكرة الجواز لان ممكن حتى لو شخص بيحبني هيجي في يوم و هيضربني و بعدها ممكن يعتذر عادي ويقول كان غصب عني أو كنت متعصب و الكلام ده مش عارفة ساعتها هعمل

Sugar_84881 🇪🇬

منذ 3 أسابيع

شعور متوتر

جماعه محتاجه حد يفهمنى انا ليه جوايا خوف غير مبرر من الجواز انا مش عارفه ادى فرصه لا لنفسى انى اجرب واخوض التجربه ولا يامحه لحد انه يقرب منى ويدخل حياتى انا تعبت وزهقت من كلام كل الناس الى حواليا انا فيا ايه غلط محتاجه والله اغهم نفسى

Coffee_85123 🇪🇬 اياكي تخوضي تجربه انتي مش مستعده ليها... راجعي خوفك ده. واسألي نفسك ايه سبب الخوف.. وشوفي هل كل الناس كدا؟ ولا باختيار الشخص المناسب هعيش سعيده؟... الجواز مش لعبه.. ناس كتير اتدمرت لانهم لم يكونو مستعدين ليها..

عرض الكل 7 نصيحة

Coconut_71798 🇪🇬

منذ شهرين

شعور محبط

هو ليه بجد بقى معظم البنات واغلبهم ما بقوش مصدر ثقه انا بقيت خايفه اتجوز وخايف ارتبط من كتر اللي بشوفه بيحصل من البنات تعرفت على اكثر من واحده اللي تقول لي اتكلمت معاها ولقيتها ماشيه شمال لا بقى بقيت مرعوب بصراحه من العلاقه مع اي بنت كرهت البنات كلها ده غير كمان ان في بنات عايزه تستغلك وبرده هنا في

Chilli_19172 🇪🇬

منذ شهرين

شعور متعب

اقنع خطيبتي ازاي ان الجواز مش سئ زي ماهي شايفة او متخيلة لأننا سيبنا بعض فوق ال٤ مرات خلال الفترة دي من وقت ماحددنا معاد الفرح وهي تفضل تقولي اصل حاسة ان لسة بدري اصل خايفة من المسؤولية اصل لا لسة الشقة مخلصتش وبتفضل تتلكك كتير وانا مضغوط ومش ناقص التلاكيك بتاعتها دي والله بتتعبني وكل شوية تقولي مش

Nutella_75843 🇪🇬

منذ شهرين

شعور وحيد

بابا و اخويا مش أصحابنا دايما مخوفينا و كل حاجه عيب و كل حاجه غلط لغايه ما اتعرفت جوايا فكرة اني عاوزة احب و اتجوز و اخلص و بعد كده جالي تروما من فكرة الجواز ليطلع زيهم كان دايما بيضربنا وعمره ما كان حنين علينا كنت بشوفه و هو بيطلع في بنات اخواته و عماتي واحنا الضرب و الشتيمه طلعت جوايا فكرة اني اد

Banana_61238 🇪🇬

منذ شهرين

شعور قلق

عبّر عن شعورك بشكل مجهول

طب الكلام اللي هقوله مش غرور والله مني انا بقول بناء عاللي دايما بيتقالي وفعلا انا كده 👇
انا خايف اني ملقاش نصيبي خايف يتضحك عليا وانا مش واخد بالي واللي قدامي طلعت فنانه علشان عرفت تضحك عليا انا شخص كنت حافظ القرآن وانا صغير بحب اذاكر وبحب اصلا اني اكون قد المسؤولية واشتغل تحت ضغط .انا علي قد اني عصبي بس حساس شوية وحنين يعني بجد مفيش حد عرفني وندم وللأسف بسبب ان الناس شايفني مفيش مني اتنين والكلام ده دايما بتعرض الحسد من قرايبي واخاي عارفين كده وبيقولو كده وهما كتير كمان حرفيا سعات كده بكون مدايق وزعلان قوي ومش قادر اقوم من عالسرير رغم اني محصلش حاجه واعمل غلطات يعني ليه مش عارف ،ورغم اني طالع من فترة صعبة وكبيرة بس راضي الحمدلله وحطيت هدف جديد في حياتي هي اني اتجوز وافتح بيت وانا مش كبير قوي علشان قولت دي الحياة العملية الجديدة عارف انو مسؤولية بس عادي انا الحمدلله دايما قدها وده اللي نفسي فيه بس ارجع لأول البوست واقول اني خايف مختارش الشخص الصح خايف العلاقة متكملش بشوف بنات كتير اوي بقول هما دول هيتجوزو ازاي و رغم اللي انا مريت بيه حسسني بفراغ بس مكلمتش بنات برضو وفضلت ماسك نفسي 
مش عارف حاسس اني مش عارف اقول ايه حاسس اني مش فاهمني هل ده علشان مكنتش انا كفلان   علي طبيعتي100%  مع شخص مثلا لو قابلته في حياتي كده  الله اعلم 🤷‍♂️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_68867 🇪🇬

منذ شهرين

شعور مرتبك

سلام عليكم ... انا عندي خوف مرضي من الإرتباط و الجواز يعني العلاقات بشكل عام .. دا حصل بسبب بابا و انه عمره ما اداني اى مشاعر حنية و لا آمان ، قهر و تعب بس ف اتعودت على كدا و معنديش اى علاقات سابقة بسبب كدا و اى علاقات عموما بخاف و عقلي بيتلغي و بعمل بلوك لاى شخص بيحاول يتواصل معايا بس الموضوع دا خا

Lemon_70080 🇪🇬 وهتخلي عقلك سابق لسانك وسابق قلبك وسابق افعالك اتمني اكون قدرت ابسطلك الفرق سريعا ببن الخوف علي نفسك والخوف من نفسك والخوف من الغير والفرق بين الخوف الايجابي والسلبي

عرض الكل 10 نصيحة

Mango_66883 🇪🇬

منذ 3 أشهر

شعور مستنزف

عبّر عن شعورك بشكل مجهول

انا يعتبر المرتين الرسمي اللي كانو ف حياتي كل واحده فيهم عملولي فوبيا من حاجه او من حاجات ب أسبابها 
يعني اول رسمي كان فوبيا من جوز الاخت والاب 
اولا كده الاب ملوش رأي وكان بيجري علي جوز اخت مراته بحيث انو هو مجوز بناتو الاتنين وعامل فيها فاهم وعارف كل حاجه ومن اول اعده كان جايبلي فيها جوز اخت مراته انا قفشتو عشان كان بيتكلم ف اتفاقات علي مزاجه وأبوها ساكت
أما بقا جوز اختها كان عامل فيها شبيح العيله واللي مجاش منو اتنين
أما العلاقه الرسمي التانيه طلعلي خازوق وعملي فوبيا اسمو امها وكانت من النوع بتاع المظاهر والمناظر اللي علي الفاضي وطبعا (اقلب القدره علي فمها تطلع البت ل امها) حرفيا بقا ف البنت من امها ب ليفل اعلي وده كان سبب من اسباب الفشكله
فوبيا تاني كان ف العلاقه دي بردو ابوها كان مهمشين شخصيته اوووي كانو معملينو معامله البنت المتنقل 
وفوبيا تالته العيله كلها كان علي طول اعدين عندهم وسهر وخروجات ف اوقات غريبه لدرجه اننا مكناش بنتكلم اصلا كان آخرها روحت نزلت رجعت وشكرا
طبعا كل ده ف العلاقتين جزء من أجزاء المشكله
وده عملي فوبيا في حتت الخطوبه عمتا والحواز بقيت شبه عندي خوف وبشيل الحوار من دماغي الحمدلله على كل حال وكل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_37898 🇪🇬

منذ 3 أشهر

شعور قلق

انا عندي 25سنه وبخاف من الشخص اللي ممكن اتجوزو بخاف من فكره الجواز بكل تفاصيلها ومش بحس اني ملهوفة لجواز زي كل الناس اللي ف سني ومش قادره اشوف حد مناسب ليا وبخاف من كل الشباب ومش قادره احس ان في حد يطمن لدرجه اني اتجوزه واسيب اهلي وبيتي واروح اعيش معاه ديما بتجيلي سيناروهات سيئه وبقعد افكر طول الوقت

Cherry_59421 🇪🇬

منذ 3 أشهر

شعور مهتم

هو فعلا ممكن لما اتجوز اتطلق او جوزي يكرهني بسبب لون الأماكن الغامق؟ لاني سمعت وقريت قصص كتير عن كدا وخايفة اوي ومع اني فعلا بهتم كويس جدا بنضافتي الشخصية بس حاسة اني مستحقش اتحب بسبب الموضوع دا حرفيا وعشان كدا رافضة الجواز

Carrot_67634 🇪🇬 مفيش الكلام دا، القصص دي قصص ناس مش ناضجة هو متجوز عشان اسف في الكلمة الحنs بس؟ أكيد لأ. والاماكن دي الطبيعي بتكون أغمق من البشرة بدرجة أو 2 وليها كريمات تفتيح عادي بس بتفتح للون الطبيعي مش بتخليها بتلمع يعني بتفتح لو حصل غمقان بسبب احتكاك اللبس أو ليزر أو أي حاجة لما تختاري زوج ليكي شوفي اللي عنده أخلاق ودين و بيصلي وبيبر بأهله ... مش أي حد وخلاص ولو عايزة اقولك

عرض الكل 15 نصيحة

Popcorn_69069 🇪🇬

منذ 3 أشهر

شعور مرتبك

عبّر عن شعورك بشكل مجهول

انا في حيره من امري الفتره الاخيره او تقريبا من بعد ما بقيت مستنيه نتيجه تخرجي وانا قاعده افكر هعمل ايه بعد ما تظهر هشتغل ايه ف مجالى ولا ابعد عن مجالى نهائي واشوف شغل ارتقي بيه وهل ممكن امشي فكلوا ولا هبقا بضحك على نفسي وما بين اني كشتغلش خالص واقعد ف البيت واستني يبقا عندي بيت واسره وحياه احبها وتحبني ومابين اني اصلا بوردرلاين فانا مش عاوزه اتجوز وخايفه من الجواز بس حاطه امل انه هيبقي حاجه حلوة اوي هحبها اوي لما اشوفه واتعامل معاه هتخليني ابقا شايفه انه هو ده شريك عمري اللى جاي فانا محتاره وامي واخواتي البنات واخويا الصغير مش عاوزني اسافر واشتغل واحقق نفسي وكل الحاجات اللى بحلم بيها واخويا الكبير شتيف انه لا محدش ينفعك وانه لازم تشتغلي على نفسك وتطوري ومتقفيش ومتسمعيش كلامهم فده واعملى اللى عاوزاه وارجعي اقعدي ف البيت بعدها كده كده هتجوزي بس يبقا معاكي حاجه لو احتجتي تشغلي نفسك تعملي ده انا زمان كنت دخلت كليتي ظي عشان عاوزه اشتغل يبقا معايا فلوس واجيب لنفسي كل حاجه بحبها ومفكرش فان ايه ده انا مينفعش اصرف ده واحس انه كتير عليا اصرف يبقا معايا فلوسي واحوش وغيرو بس انا مش عارفه ابدء وبفكر اتعلم انجليزي بس تعبي مخليني مش قادره اعمل حاجه وكمانبقيت احس نفسي مش عاوزه اتكلم او افضفض لاني ممكن مبقتش سهل عليا اسمع الناس رغم ان عندي استعداد وبحب اسمع اللى حواليا بس اتقالي مره اني انانيه عشان بتكلم عن اللى بحسه كتير رغم اني مكنتش كده غير مع الكل بس اتقالتي ومن وقتها بفكر هو انا فعلا انانيه ومينفعش اتكلم عن حياتي ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Pineapple_65613 🇪🇬

منذ 3 أشهر

شعور محبط

انا بنت اتخطبت قبل كده وخطيبي الاول كنت بحبه جدا ولكن محصلش نصيب وجربنا نرجع تاني وانحديت الدنيا كلها وأهلي وكل الناس عشانه واتنازلت كتتتتير اوي عشانه وفي آخر موقف معايا قبل منرجع رسمي قالي هسيبك بسبب موقف عبيط بعد كل البي عملتهوله سابني عادي للاسف مش عارفه اتخطاه رغم اللي عمله معايا ومش عارفه ابدا

Almond_63696 🇪🇬 انا مش هقدر احكم عليكي منغير معرفك لكن ازاي؟ ازاي ممكن تكوني لسه بتحبي حد عمل فيكي كدا ومش عارفه تتخطي؟ يعني بتحسي ب ايه مش فاهمه بتحسي انك عايزه الشخص ده؟ طب ولما بتفتكري ان هو ندل كدا وبياع ومشتراكيش بتبقي بردو عايزاه؟ احنا كبنات مفيش اهبل مننا والله

عرض الكل 22 نصيحة

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع