طيبه زيادة عن اللزوم وبتوجعني.. ازاي أطور من نفسي؟

Mushroom_75066 🇪🇬

منذ أسبوع واحد

شعور مرتبك

عارفين احنا محتاجين ايه نطور من نفسنا محتاجين نتعامل صح في حياتنا انا مشكلتي ان انا بحس ان انا مش فاهمه الناس اللي قدامي وبتعب من كلمه انتي على نياتك وطيبه جدا نفسي ابقى واعيه ساعدوني ازاي اطور من نفسي انا عارفه ان الطيابه حلوه وربنا بيحب الطيبين بس الفكره بجد انا مش عارفه اتعايش بعيط من اقل حاجه كل حاجه بتجرحني وتوجعني طيبه زياده عن اللزوم ليه ما بقاش طيبه بس في نفس الوقت بنت فاهمه وركزه فاهمه الامور فاهمه اللي قدامي بيرمي كلام ازاي اقدر ارد عليه اعرف ارد مش ادخل جوه الاوضه وافضل اعيط بالساعات وقلبي يوجعني

تعبت من المدرسه وحاسس مش شاطر.. بس سعات ببقى شاطر 😂

انا تعبت........ انا في اولي ثانوي وحاسس ان الدروس والمدرسين عليا مش عارف في اي....... وبحس ان انا مش شاطر، هو فعلا انا شاطر بس مكسل وفي درس رياضيات في حاجات مش عارف احلها بحس ان الدنيا وقفت معايا خلاص........ بس بصراحه سعات ببقي شاطر 😂😂 والمستر بيشكر فيا، بس برضه مش حاسس، هو الاحساس دا بيبقي شويه بس بيكون الاحساس مش حلو انا بفضفض بس شويه بس حد يساعدني ازاي اطور من نفسي؟ ...عرض المزيد

13 الدعم

2 نصيحة

خايفة من التغيرات اللي جاية بعد ما فهمت قيمتي الحقيقية

ساعات كتير اهالينا بيقعدو يحاولو يوعو فينا وغالبا مش بنفهم غير لما نتدعك في الحياه مره واثنين وتلاته..بصراحه حاسه وانا داخله عال٢٢ سنه بتغيرات كتير في وجهات نظري مش عارفه يمكن علشان بقيت بقرا في تفسير القرآن بتركيز ولا علشان في كتب رهيبه جدا قرأتها حسيتها شبه بضبط الي عيشته من وجع وكده بس كل حاجه بيحكيها الكاتب بيقول بعدها وجهة نظره فيها فالي هو بشوف حاجه أنا عشتها وبسمع وجهة نظر ده حتى دفعت كتير بس جبت الكتابين التانيين ولو أن فيهم شبه من الاول دلوقتي فين الفكره حاسه اني وجهة نظري اتغيرت فحاجات كتير يعني فالاول كنت بنقص من نفسي لما احب الي قدامي وميحبنيش واجري ورا بنت او ولد ولا لما اعمل خير ومحسش بتقدير ولا لما بفكر فموضوع العلاقات حاسه حاجات كتير اتغيرت تفكيري وده مسببلي اني خايفه ومش منطمنه عالدنيا الجايه بقيت بحس أنه العمر قصير فالاصل أنه نعامل ربنا فالناس ولو صعبين وأنه البنت عزيزه جداا وبغض النظر بقى عن الكلام الكلاسيكي فأنا بقيت وجهة نظري أن مش اي حد اقول عليه صديقه او ادخلوا حياتي مش كله يستاهل ومش كله سالك ولا كله بيصون ولا بيبقى قد الثقه أنا بس بقيت شايفه أن لازم الشب هو الي يحاول وحتى مش بطرق وعره لا لازم يبين جديته ويبينها جدا حتى مش اي حد من البنات يقول صحبتي مش تكبر بس اكتشفت ازاي الدنيا بتختلف لما الواحد يفوق على حاجه اسمها قيمته كل انسان قيم جدا وحاجات كتير تقلل من قيمتنا وحاجات كتير تعليها واحنا الي بنختار بس بقيت مقتنعه اني مش هبص لاي حد مش بيبادلني وأنه لازم دايما اخد وعطى علشان أنا لليوم كنت الكلبه المخلصه الوفيه وياما اتخذلت من اقرب الناس حتى صحابي لما بيقولو ياا هو حطني فبالو ولا ايه بقيت أنا لو حصل معايا موقف شبيه الي هو جدا عادي الي عايز مش هيلف الي عايز خلي يجي يبين وبقولهم أنه سبيكم من اي وهم لحد ما ربي يبعت النصيب غير كده مفيش غير التطوير اكتر واكتر ف في طائر العنقاء فقصته أنا مش فارق معايا غير بي ونجاحي اكتر واكتر بس ارجع واقول النضج المفاجئ ده مخوفني وعاملي قلق ...عرض المزيد

13 الدعم

0 نصيحة

ربنا كريم وعوضني أكتر من حلمي!

السلام عليكم يارب تكونوا بخير و بصحه و احسن حال معانا و معاكوا واحده عاديه جداً بتسعى و بتحاول تكون احسن من نسختها القديمه لأننا لا نملك سوى السعى و المحاوله فقط ، حابه اوي اسمعكوا و تشاركوني باللحظه اللي وصلتوا فيها لحلمكوا او اللحظه اللي حسيتوا فيها ان فعلاً ربنا عوضكوا و ان ربنا كريم اوي و اداكوا اكتر من اللي كنتوا بتحلموا بيه و اهو بالمره نحاول نرجع الشغف لأخواتنا اللي في ثانويه عامه او في اي مرحله دراسه و فاقد الشغف في النهايه عايزه اقولكوا بحبكم في الله و اسأل الله أن يجمعنا في ظل عرشه يوم لا ظل إلا ظله اتمنى انكوا تدعولي دعوه حلوه في ظهر الغيب و لكم بالمثل ان شاء الله ...عرض المزيد

11 الدعم

3 نصيحة