مش عارفة اتعامل في الشغل واخد جنب وحدودي بتتهان

Pistachio_51283 🇪🇬

منذ 18 ساعة

شعور ضائع

ازاي بتتعاملوا في الشغل أو مع الناس عموما؟ بفضل افكر كتير وبعدين افتكر الرد المناسب بعد الموقف ما يعدي، وكتعامل مع شباب ازاي احط حدود وفي نفس الوقت مبقاش قليلة زوق أو دمي تقيل، شغاله ف مكان كلهم واخدين ع بعض اوفر بطريقه انا مش شايفه انها صح ف واخده جنب منهم بس اكيد بحتاج اني اتعامل معاهم ومينفعش اتعامل برسميه اوي ف نفس الوقت لو اتعاملت بزوق بيعدوا حدودهم خايفه اتغير مع الوقت ابقي زيهم ومفضلش شايفه انهم غلط بس بيحاولوا يخلوني اخد ع المكان واتعود عليهم وانا مش عايزه كده في نفس الوقت بدأت أحس اني رخمه وطريقتي وحشه معاهم مش عارفه اتعامل ازاي أو ايه الصح

كيف وضعت حدود مع الممرضة الجديدة في الشغل؟

في ليلة من النبطشية، كنت شغال عادي جدًا، جنب الممرضة الجديدة اللي بدأت تِقَرّب مني بشكل واضح، سواء بضحك وهزار زيادة أو بمحاولة تلاقي أي فرصة تبقى جنبي في أي شغل. الموضوع كان بيزيد يوم بعد يوم، وأنا كنت بحاول أتجنب أي موقف ممكن يخرجنا برة إطار الشغل، بس في نفس الوقت مش عايز أجرحها أو أحسسها بالإحراج. مرة وأنا بنظم الملفات، جات وقالتلي بلهجة كده فيها تلميح: "إنت دايمًا مركز في الشغل قوي، ما بتفكرش تخرج شوية عن الروتين؟" رديت عليها بهدوء: "بصي، أنا بحب شغلي وبحب كل حاجة تكون في مكانها الصح. إحنا هنا عشان نخدم الناس، ومش عايز أي حاجة تأثر على تركيزي". كان واضح عليها إنها مستاءة، بس ما علقتش كتير وراحت بعيد. الليلة دي وأنا بلف في الممرات الهادية، شفتها مستنية عند آخر الممر. وقفت قدامي وقالتلي: "ليه واخدها بشكل جدي كده؟ أنا كنت بس بحاول نتقرب أكتر... مش غلط إننا نتكلم بعيد عن الشغل، صح؟" نظرت لها بثبات وقلت: "مش غلط نتكلم، بس لما الأمور تخرج برة الشغل بتتغير حاجات كتير، وأنا مش مستعد لأي حاجة تعكر صفو الشغل أو علاقاتنا هنا." كانت اللحظة دي حاسمة، شفت في عينيها خيبة أمل، لكنها بعد ثواني هزت رأسها وراحت من غير كلام. بعدها، الأمور اختلفت تمامًا، كل حاجة بقت في مكانها، والجو رجع هادي ومحترم زي ما كان، وكنت متأكد إنها فهمت الرسالة. مش عارف اعمل فيها الممرضين دول عليهم حاجات؟؟ ...عرض المزيد

8 الدعم

3 نصيحة