خايفة أتعلق.. أعرف إذا كان معجب بيا ولا لا؟

Question

عايزه اسأل سؤال 
دلوقتي في شخص حصل بينا تواصل من فترة كنت كلمته لحاجه ليها علاقة بالخير و كدا ف كنت عايزه اساعد و المهم انه من وقتها بنتكلم ، فالبداية مكانش كتير بس مؤخرا بقينا نتكلم كتير و بقيت احس في تلميح حتي لو بسيط او يمكن انا اللي شايفه دا بس ، المهم اني خايفه بل مرعوبة اني اتعلق بيه خصوصا اني بقيت بحس اني مبسوطه و احنا بنتكلم ، سؤالي هنا أعرف ازاي انه معجب بيا او انه بيتكلم عادي مش اكتر

Watermelon_57983 🇪🇬 · Answer

لما يحصل منه تجاوات

Strawberry_84556 🇪🇬 · Answer

تجاوزات تقصد ؟ 
ازاي مش فاهمه

Marshmallow_70805 🇪🇬 · Answer

الوضوح الوضوح الوضوح 
البيت بيدخل من بابه

Strawberry_80896 🇪🇬 · Answer

الأفضل متعرفيش ولا تحاولي انتي بتفتحي باب لنفسك 
ابعدى أفضل ليكي لأن كل علاقة بدايتها لا ترضي الله نهايتها لن ترضيك

Strawberry_84556 🇪🇬 · Answer

خالص و الله هو دكتور فالجامعه و محترم جدا جدا جدا و حافظ للقرآن و كلامه حتي مفيهوش اي تعديات بس انا معرفش حاسه بانجذاب ليه من لما اتكلمنا كذا مره خصوصا مؤخرا ف انا كل خوفي اني اتعلق عالفاضي و بعدين يقولي لا انا كنت بتعامل عادي مثلا حرفيا مرعوبه

Candle_87072 🇪🇬 · Answer

حاولي انك متفكريش في الموضوع غير أنه هو يكون صريح و اياكي و التلميحات بتاعتو لأن اغلبيه الشباب بيلمحو و بيكون النوايه مش خير ف لو هو شخص جدي هيقولك بصراحه أن هو بيحبك و عايزك مش ارتباط و خلاص

Strawberry_84556 🇪🇬 · Answer

مش منطقي يدخل البيت من بابه دي و هو لسا عارفين بعض من شهرين حرفيا و كمان متكلمناش فيهم متواصل غير اخر اسبوعين دول و بقي في سيكة تلميح صغننه

Avocado_80965 🇪🇬 · Answer

متعرفيش حاجة ولا متدوريش تفهمى حاجة هو مصرحش بيها والأصح إنك تقطعى معاه كلام خالص

Strawberry_84556 🇪🇬 · Answer

مظنش دماغه ارتباط هو شخص عارف ربنا و خلوق اوي غير انه كبير كفايا انه يفكر ف ارتباط مش رسمي هو عنده حوالي ٢٩ سنه

Cherry_83300 🇪🇬 · Answer

التلميحات مش بتنفع لازم يقولها صريحه ويتكلم  لو معملش كده يبقي يفضل صحاب

ونصيحة بجد  الارتباط والحوارات دي ملهاش لزمه وفرهده 
الاهم أنه يدخل البيت من بابه

Strawberry_84556 🇪🇬 · Answer

لو سكت الكلام حرفيا بيتلكك عشان نتكلم حتي لو هيبعت بوست او ريلز ليها علاقة بأي حاجه اتكلمنا فيها و منكرش اني حبيت الحوار دا شويه 😂😂

Strawberry_84556 🇪🇬 · Answer

مظنش ابدا انه يرتبط ارتباط مش رسمي و حتي طريقته محترمه معايا جدا جدا و شخص خلوق و حافظ لكتاب الله

Candle_87072 🇪🇬 · Answer

كويس بس بردو الاحسن أن انتي متبدئيش أو يبان انك بتفكرني في الموضوع و اكيد هو لو في حاجه هيجي يقول

Avocado_80965 🇪🇬 · Answer

طيب أنت عندك فرصة ووقت تقفلى باب الهم يا إما جهزى نفسك لدرس جديد هتتعمليه

Watermelon_57983 🇪🇬 · Answer

هل انتي منجذبة له

Strawberry_84556 🇪🇬 · Answer

اكيد يعني بقيت بحس اني معجبة بيه و بكلامه و هزاره و تفكيره و أدبه و أخلاقه و تدينه و كمان لما قالي انه بيأم بالناس في صلاة الفجر اوقات و دا حرفيا كان بالصدفة كمان مش بغرض التفاخر يعني و هو شخصية حلوه ف حاجات كتير

Strawberry_80896 🇪🇬 · Answer

علشان كده تبعدي و ادعي ربنا

Watermelon_57983 🇪🇬 · Answer

هل ممكن تدخلي بنت وسيطة بتثقي فيه و هي تسأله و تعرف رأيه فيكي بشكل غير مباشر

Strawberry_84556 🇪🇬 · Answer

مفيش بينا ناس وسيطه خالص لا 🙅🏻‍♀️ 
هو حتي دكتور فالجامعه بس مش الجامعه اللي  كنت فيها و الجامعه اللي هو فيها معرفش حد فيها

Watermelon_57983 🇪🇬 · Answer

هل ممكن تدعي ربنا أنه يكون من نصيبك لو فيه خير ليكي

Strawberry_84556 🇪🇬 · Answer

ما دا اللي جنني اني دعيت كتير مؤخرا و بعدها كنت اسكت و ابطل كلام و هو اللي يتكلم و يبعت عارفه زي انه بيتلكك عشان نتكلم و احساس كان بيزيد !!
انا خايفه جدا خصوصا ان تجربتي قبل كدا مكنتش أحسن حاجه ف مرعوبه احس احساس الحب دا

Watermelon_57983 🇪🇬 · Answer

فكري في حاجة تانية ماتشتغليش نفسك به خالص غيري احداث يومك