إحساس الأمان في العلاقات عمره ما بيرجع لو ضاع

Marshmallow_84171 🇪🇬

منذ 4 أيام

شعور عاطفي

حقيقي احلي احساس ممكن تحس بيه هو إحساس الامان ، انك تحس انك مرتاح ومطمن وتظهر كل اللي جواك من غير قلق من انك اللي قدامك يسيبك أو تتغير نظرته ليك ، الامان هو اللي بيخلي اي علاقه تكمل فبجد لو في شخص معين بتحس معاه بالأمان بلاش تضيعه من ايدك ولو في شخص بيحس معاك بالأمان بلاش تقلل من إحساسه ده لان بجد لو الاحساس ده ضاع عمره ما هيرجع

إزاي تحس إنك وقعت في الحب بجد؟

لو وقعت في الحب ازاي وقعت بجد يعني ازاي وقعتو وحسيتو ب ايه اي هو الاحساس يعني كنت حاسس بأمان ولا قولت في نفسك ( هي دي )وانتي قولتي في نفسك (هو ده). ولا ايه كان الشعور وهل فعلا فيه لهفه في الحب يعني كنتوا ملهوفين على بعض تحكوا مع بعض وتحبوا في بعض ... ... ..هل الحب جميل ؟..... ف عرفوني شعور الحب ايه ...عرض المزيد

18 الدعم

10 نصيحة

رسايل لن تصل أبدا.. وعد الأمان اللي سرقته مني

رسائل لن تصل ابدا ازيك ؟ .. انا عارفة ان فات وقت كبير .. سنتين و شوية كدة بطلت اعد الشهور بقيت اعد السنين و دى حاجة غريبة .. الدنيا وسعت اوى بينا المسافة بقيت بالسنين .. غالباً انت مش فاكر عنى اى حاجة دلوقتى اصلا و بصراحة يا بختك .. بجد يا بختك جداا انا فعلاً بحسدك اووى بمعنى كلمة حسد حقيقي 😄 اصل انت مش فاهم ازاى شخص يعيش سنتين من عمره و هو ريشة فى هوا و لسة مكمل فى ده مش طايل سما ولا ارض لا بقيت معاك ولا عارفة انساك فكل الحاجات اللى قالولى اعملها عشان انساك انت لسة فى بالى سامعة الفكرة اصلا بصوت " لو قولتلك ماتفكريش فى فيل يا بنتى هو اول حاجة هتيجى فى بالك " انى واى فات وقت كبير اووى عالكلام ده انا بس كان نفسي اتطمن عليك عارفة انه مش من حقي بس اعتبره فضول مثلا 😅 حقيقي نفسي اعرف يومك بقا ازاى بتكلم مين الصبح و تقوله صحيت و نازل الشغل و اما تخلص و انت مروح بترغي مع مين فى الفون طيب لسة الايربودز معاك ؟ و المج الاسود ؟ طيب و ازازة الميا يا ترى لسة عليها القلب الازرق ولا مسحته ؟ صورتى اللى كانت فى محفظتك ليه مارجعتهاش اما جيت تاخد حاجاتك ؟ يا ترى فى المحفظة ولا رميتها ولا حرقتها ؟ بصراحة حرقت شوية صور من بتوع كادو عيد ميلادك كنت فاكرة انى كدة هنسى بقا و الدنيا هتبقى زبادي خلاط 😄 بس ماحصلش ولا اى حاجة من دى عارف المشكلة مش بس اني حبيتك انا اتعودت انك صاحبي الوحيد و انت قولتلى انك هتفضل صاحبي و يمكن ده اكتر وعد اما اتكسر وجعني عشان ماكنش عندي صاحب زيك او حتى غيرك 💔 تعرف اني كل ما اعدي على مكاننا قلبي بيتقبض .. هو صحيح اتغير اوي عن ما كان بس كان متوقع انه يتغير اذا الوعود اتغيرت المكان هيفضل ثابت يعني !! 😄💔 اسوء حاجة سرقتها مني هو إحساس الأمان مش قادرة اسامحك عليه و مش قادرة اقولك اني عارفة اكون تمام تاني مهما حاولت من بعده اه فعلا الوضع كان بايظ من قبلك بس انت زودت الطين بلة 💔 كان بيكفيني من همي انه يكون طين و الله كنت راضية بس انت استكترته عليه 💔 عارف الاكونت الجديد كتبت عليه جملة ليك انت .. ( مش كان زمانك هنا و زماني بحكي لك ) الجملة ليك انت و بابا كمان لانكم مشيتوا و سيبتواني بوقت غريب حقيقي كأنكم رجعتواني بنت صغيرة و ضاعت من اهلها بالشارع و مافيش حد يعرفها و مافي حد عاوزها او بيدور عليها مافيش اى حد و فى الختام كان نفسي اقولك انى بتمنى لك الخير بس بصراحة هاكون بكدب لو قولتلم كدة 🤷🏻‍♀️😅💔 ...عرض المزيد

1 الدعم

5 نصيحة

بنت عمي بتحب ولاد وانا خايفة عليها اوي

انا عندي13سنه وبنت عمي عندها17سنه فرق بيني وبينها اربع سنين بس احنا بنحب بعض جداً وقريبين من بعض اوييي وانا بحبها اوي بس بتكلم ولاد وانا مش بحب امشي مع حد كده بتكلهم لدرجة انهم عرفوني وعرفو اني عارفة انها بتكلهم والمشكله الاكبر انها بقت بتيجي بتقولي اشوف واحد ل اختي الصغيره وانا مش بحب كده خالص وديمآ بتقع في غلط زي ان هي حد يسمعها وهي بتكلم حد وعايزيني انا كمان ارتبط عشان ما ابقا ش ماسكه عليها حاجة وديمآ بتحكلي ادق تفاصيل حياتها مش حبآ فيا لا عشان هي كمان تبقي عارفة عني حاجات وعشان انا ما اقلش لحد ومامتها عارفة انها بتكلم ولاد وساكته وهي اللي بتقولها تقولهم اي وكل اسرارها مع مامتها وبتعمل كده عشان انا كنت بعمل كده مع مامتي وكانت بتشوفني بتبقا عايزه تعمل كده المشكله ان هي خلتني ابعد عن مامتي فتره وكنت بقول ليها هي كل حاجة فا انا مكنتش حابه ابعد عن مامتي ف قربت من مامتي تاني وقالتلها علي كل حاجة ماما قالتيلي ابعدي عنها هي هتخلي الشباب تعرفك وهتطلع عليكي سمعه وانا مش عارفة اعمل عشان انا بحبها اوي😥 ...عرض المزيد

4 الدعم

6 نصيحة