الحل الوحيد عشان تكمل.. إنك تعفو عن نفسك

Avocado_77684 🇪🇬

منذ 3 أسابيع

شعور آسف

الحل الوحيد عشان تقدر تكمل (هو إنك تعفو عن نفسك) .. تستوعب إن مفيش حاجة بإيدك مهما سعيت وحاولت تخلي كل حاجة مظبوطة .. مفيش حاجة هتمشي صح غير لما ربك يأذن .. مهما تعبت وصدقت نيتك وعملك في النهاية الأمر كله لله .. مفيش حاجة متأخرة ولا حاجة حصلت كان مفروض ماتحصلش ولا في حاجة فاتتك، ومفيش حاجة لو كنت جريت أسرع كنت هتاخدها وهى مش بتاعتك ولا حد مشي كان مفروض يكمل واللي مكتوب له يكمل معاك مش هيمشي ..

ربنا صرف عني اللي دعيت فيه واداني راحة القلب

أنا عايز أقول حاجة من قلبي يمكن تبين بسيطة، بس أنا حاسس إنها غيّرتني. زمان كنت بدعي لربنا بإخلاص إن بنت معينة تبقى من نصيبي. كنت بحبها جدًا، حتى لو كان حب من طرف واحد. كل يوم كنت بدعي وأتمنى وأتخيل إنها هتكون شريكة حياتي. كنت شايف إن سعادتي كلها مرتبطة بيها. لكن اللي حصل كان عكس اللي اتمنيت. مع الوقت بدأت أحس بحاجة غريبة، كأني بكره التعلّق ده، كأني بفوق. لقيت نفسي مش عايزها زي الأول، مشاعر النفور دخلت قلبي فجأة. في الأول استغربت، إزاي بعد كل الدعاء والحب ده؟ لكن دلوقتي فهمت إن ده يمكن يكون لطف من ربنا. ساعات ربنا بيصرف عننا اللي كنا شايفينه خير، وهو في الحقيقة مش لينا، ويدينا راحة في القلب بدل ما يسيبنا نتعذب في وهم. اللي عايز أقوله إني مش ندمان إني دعيت، بالعكس أنا راضي. لأن الدعاء عمره ما بيروح هدر. يا إما ربنا يديك اللي بتتمنى، يا إما يصرف عنك شر، يا إما يديك راحة وأجر. وأنا شايف إني دلوقتي باخد راحة وحرية. يمكن لسه موجوع، لكن جوايا يقين إن اللي جاي أحسن، وإن ربنا هيعوضني باللي فعلاً يستاهلني وأستاهله. قاعدين في نفس المكتب بس كأنها مش موجوده ...عرض المزيد

6 الدعم

4 نصيحة

صموت محتسب، مستخف بآلامي، أجد راحتي في سجود الذل لله

والأصل في الإنسان أن يكون صموتا محتسبا، باش الوجه معمورا باليقين، يستر عمن يحبهم ألمه ويجعل مستراحه في سجدات الذل لله تعالى، أواها منيبا مفلسا متحببا إلى من لا أرحم منه ولا أكرم منه، مستخفيا عن الخلق بحاله وآلامه، فإن الله تعالى يحب شهود عبده لمنته وإظهاره لفاقته وذلته، وهذا باب نعيم يعرفه كل من رحمه الله فأطعمه لذة السجود له وحلاوة التضرع بين يديه سبحانه. ...... ...عرض المزيد

1 الدعم

5 نصيحة