ليه بانسحب لما ألاقي ألعاب نفسية واستعراض؟

Lemon_52708 🇪🇬

منذ 6 أيام

شعور مستنزف

الشخص الواضح لما يلاحظ تصرفات فيها ضغط نفسي أو إحراج مقصود، غالبًا ما بيدخلش في صراع… بيختار ينسحب بهدوء ويحافظ على كرامته. بكتب عشان أتكلم عن سلوك بيتكرر أحيانًا: لما حد يستخدم وضعه الاجتماعي أو العاطفي كطريقة للمقارنة أو التقليل من غيره. مش المشكلة في الارتباط، بالعكس ده نعمة جميلة. المشكلة لما يتحول الارتباط وسيلة لإحراج حد أو وضعه في زاوية ضيقة. فيه فرق بين الفخر الصحي، وبين إن الشخص يبالغ في الاستعراض لدرجة توصل رسالة غير مباشرة إن غيره “أقل”. ومن حياء المؤمن إنه لا يُحرج أحدًا، ولا يُضيّق عليه، ولا يتعمد كسر خاطره. قال رسول الله ﷺ: "إنَّ شَرَّ النَّاسِ عندَ اللهِ مَنزلةً يومَ القيامةِ، مَن تركهُ الناسُ اتِّقاءَ شرِّه." — رواه محمد في صحيح البخاري وصحيح مسلم. المقصود مش الحكم على حد، لكن تذكير نفسي قبل أي حد: القوة الحقيقية إنك لما تكون في موضع أمان أو سعادة، تختار اللطف. لأن الإحراج المتعمد أو المقارنات الجارحة بتسيب أثر. وأنا شخصيًا لما بحس إن الجو فيه مقارنة أو ضغط، باختار الهدوء والانسحاب. مش ضعف… لكن حفاظًا على نفسي من صراع ملوش داعي. السؤال اللي بسيبه لنفسي قبل غيري: هل وجودي بيطمن اللي قدامي؟ ولا بيحطّه تحت اختبار مش لازم؟

مش عايزه اخون ثقة أهلي وخايفه من الذنب

انا كنت مرتبطه تمام انا بعدت عنه من حوالى شهرين عشان انا مش عايزه اخون ثقة اهلى ومش عايزه ربنا يزعل مني وان انا خايفه عليا وعليه من الذنب بس هو اعترض وقال حاجات كتير وانه مش عايز يبعد وانا قعدت اقنعه كتير لحد ما تمام اتفقنا صحيت فى يوم لاقيته بيقولى انى مبحبهوش وكل البعد ده عشان انا عايزه اسيبه لأسباب كنت قايلاله انها متفرقليش كا انا وقعدت يقول حاجات كتير توجعنى وهو كان واعدنى انه ميقولش حاجه تزعلنى تاني(كان قال انى مش محترمه🥲)المهم عشان انا بتأثر بسرعه من وقت وفاة صاحبتى وبيجيلى بانيك من اقل حاجه فا هو وعد واتأسف وقال انه يموت من غيري وكل ده حب وغيره وانا النفس وكل الحاجات دي المهم بعد الحوار بتاع انتى مبتحبنيش رجع واتأسف وحقك عليا وانا تمام بحبك واخر مره جه من فتره بعتلى قالى انا مش قادر وعايزك وبحبك ومش هقدر على البعد يا نتكلم يا خلاص نبعد واللى ربنا رايده قولتله تمام ربنا يوفقك ويوفقنى ولو لينا نصيب كدا فل؟ يومين عدو ولاقيت مبعوتلى من قريبته اللى هى مرات اخوه ريكوردات فيها كلام انها تعملى بلوك ولو بعتلها مردش عليه وانه هينسانى ويشوف حياته(بعد ما خلاص اتعشمت وقولت هستناه لحد ما اخلص جامعه ويجهز نفسه مع العلم هو فى جيش بس معاه قانوي ازهرى وكمان حاجه عشان حصل حوارات وكدا والمهم انه بعد الجيش كان هيسافر عشان يجهز نفسه) عشان هو فى فتره صعبه ومحتاج احتواء وطبطبه ودلع وكل الحاجات دي وانا سيبته فى نص الطريق وانى ندله وانى وانى وكدا طبعا عملتلها بلوك وكتبتله ماسدج انى انا اللى عملت لكل حاجه تخصه بلوك ومش هعوزه فى حياتي تاني وكل الحوارات دي جه بعدها طبعا محيت اي حاجه توصلنى بيه جاب رقم تاني ودخل كلمنى قال انا والله متفق مع قريبتي دي عشان ترجعيلى وتبعتلك كل ده انا مكنتش شايف قدامى انا بحبك ومقدرش من غيرك وانا وانا وكلام حرفيا تقولى الواد شاريني ولو سيبته ابقى بنى ادمه ندله مستاهلهوش والموضوع صعب عليا اكتر بس انا كنت خلاص تعبت انى رجعت تجيلى بانيك تاني بسبب كلامه اللى فى الريكوردات وقعدت اعيط كتير ونفسيتي باظت وقولتله كل ده وانى مش هقدر اتأسف تاني وقال انا مستعد انحت فى الصخر عشانك وهيعمل اي حاجه عشانى المهم قال كلام كتير قولتله تمام وسكت بعدها انا من جوايا مكنتش مرتاحه دخلت كلمته وقولتله والله انا كذا كذا ومش عايزه اظلم نفسب واظلمك وابقى غير سويه وانا بقنعك انى قادره اكمل قعد يحسبن عليا ويقولى والله ما هسيب حقى وانتى كنتى بتلعبى بيا وكل الحوارات دي انا اتصدمت اكتر وقولتله ازاي انت ممكن تقول حاجه زي دي وتهددنى رجع وقال انا والله مقصد انتى حته من روحى مقدرش اذيكي وانا بحبك وبموت فيكي وفكرة فراقك مميته وبحبك متبعديش عنى وانه هيعمل كل حاجه انا عايزاها بس مسيبهوش ورجع تاني لكل الكلام ده مع انه كان قايلى لو مش مرتاحه قولى عشان متبقيش ظلمتيني واستناكى على الفاضي خلصنا كل ده وسكت وعملت بلوك تاني وقولتله لو ربنا رايد وبس بعدها بفتره دخل كلمنى فيس قعد يقولى انه لحد دلوقتي شاريني وعايزني وبيحبنى ومتمسك بيا وهيعمل اي حاجه عشانى ومسيبهوش عشان انا كل حياته والحاجات دي وانا جزء مني عايز وجزء تاني لا بس انا كل افكارى مشتته قولتله سيبها على الله وكل ما يتكلم اقفل كلام لحد ما راح الجيش النهارده بعتلى قالى لاخر مره قولى انا مش عايزاك وانا هبعد بسلام زي ما دخلتها بسلام وانا لسه عايزك وشاريكي وكل الحاجات دي وطلع ان قريبته مش هى اللى بعتتلى ولا هو متفق معاها حتى وكان هو اللى بيبعت الكلام اللى زي السم ده بمزاجه عشان يخليني اخش اكلمه وانا اتصدمت اكتر هو فضل يقول كلام كتير وقولتله خير قالى انا هستنى ردك متسيبينيش متعلق كتير وانا استشارت صاحبتى وقالتلى ده ضعيف دين اخر واحد تآمنى نفسك عليه فا انا قولتله انى خلاص مبقتش عايزه العلاقه دي فا هو قال كلام كتير يحسسنى بالذنب وانا تايهه وحسيت بالذنب فعلا فى نصيحه؟ ...عرض المزيد

4 الدعم

4 نصيحة