في وقت تعبي، ما كنتش محتاج معجزات، كنت محتاج كلمة تطمِّني إحس بس اني مش لوحدي و مش عبء علي حد . لكن لما حصل وبقيت عاجز علي كرسي بعجل وقتها كان الكرسي شاهد على ضعفي وان ناس اختفيت واللي حسبتهم سند… طلعوا اختبار ونجحت فيه ساعتها العزلة ما بقتش هروب، بقت قرار واعي. قرار إنك تحمي اللي فاضل منك،العزله مش ضعف دي جدار بتبنيه علشان تحمي روحك، حتى لو الجدار ده حبسك جواه شوية علي الاقل مفيش ناس تأذيك اكتر ، وأهدى لحظة بتيجي بعد كل ده لما تراجع كل اللي فات من غير غضب، وتدرك إن القرب مش دايمًا معناه صدق، وإن الغياب أحيانًا كان أصدق من حضور مزيّف. ساعتها ما بتلومش حد، ولا بتدور على تبرير، بتفهم إن الناس بتيجي على قد قدرتها، وتمشي لما الدور يخلص. بتتعلم إنك ما كنتش محتاج كل اللي راحوا، وإن وجودهم كان مرحلة، مش خسارة. وإن النضج الحقيقي إنك تكمّل من غير ما تشيل جواك ومش مستني اعتذار. في اللحظة دي، بتختار السلام بدل الأسئلة، والهدوء بدل العتاب، وتعرف إن اللي يستاهل هيعرف يوصل لوحده.

2

0