اليوم 2 في رحلتي للتخلص من الإباحية والعادة السرية

Pumpkin_45379 🇪🇬

منذ 4 ساعات

شعور قلق

اليوم 2 انا أستاذ يقطين وبشارك رحلتي اليومية في التخلص من إدمان الإباحية والعادة السرية امبارح كان اول يوم يعدي عليا من غير ما اعمل، دي حاجة محصلتش بقالها اكتر من شهر ف بالنسبالي كان إنجاز كبير، امبارح اتعلمت ازاي أقاوم ( لإن المقاومة عندي كانت صفر ) ولسة مكمل انهاردة كمان وباقي الأيام الجاية لحد ما أتعافى منها تمامًا بإذن الله عندي سؤال هنا امتى بالظبط هحس اني خلاص مش محتاجها

رحلتي مع إدمان الإباحية والتعافي بعد الثلاثين

تعرفت على العاده في سن صغيره حوالي عشر سنين قبل البلوغ والسبب غريب هو حبي للقراءة كنت ملازم للمكتبة المدرسية ووقع تحت يدي روايات مترجمة اجنبية وكانت بعض الروايات جنسية ومن هنا تعرفت على العادة واصبح كل همي في المكتبه البحث عن هذه الروايات وما يشبهها. ‍‍‍‍‍‍ كنت اصلي وانا جنب واقرا القران عادي لم اكن اعرف ان هذه نجاسة من الاصل واستمر الحال مع العاده كل مرحلتي الاعداديه طوال ثلاث سنوات مرة او مرتين شبه يوميا واعترف انها لم تؤثر على تفوقي العلمي بالاعدادي حيث تم تكريمي من قبل المحافظ بحصولي على المركز الخامس على مستوي المحافظه وكان هذا اخر تفوق لي. ‍‍‍‍‍‍ الكلام ده من حوالي 15سنه تقريبا مع العلم اني ختمت القران ايضا في هذه المرحله. لكن كنت شديد الانطوائية خجول جدا جدا اعاني من رهاب اجتماعي واضح. ‍‍‍‍‍‍ في المرحله الثانويه بدأ مستواي التعليمي يقل والنسيان فظيع ولم التحق بكليات القمه التي اتمناها وسط استغراب شديد من اهلي. ‍‍‍‍‍‍ في الجامعة اول مرة اتفرج على اباحية حيث لم تكن متوفره بهذا الشكل ولم يكن معنا موبيلات وبعدها اصبحت مدمن مشاهده مع العادة على دش (ستالايت) الكافتريات للاسف في مرحلة الجامعة اول مرة ازور دكتور ذكوره حيث لاحظت ان الانتصاب اصبح اقل من الاول بكثير لكنه طمني واعطاني فيتامينات وطبعا لم تفعل شيء معي. ‍‍‍‍‍‍ بعدها بفترة زرت طبيب آخر حولني اشعة على العضو الذكري ولا بد من حقنه في العضو نفسه مؤلمه جدا الاشعة طلعت طبيعي فحولني لدكتور نفسية اعطاني علاج اكتئاب ولم يحدث اي تحسن الغريب مفيش حد من الاطباء نصحني بالبعد عن الاباحية انما نصحوني باني اخف منها شوية وان مرضي نفسي بحت. ‍‍‍‍‍‍ دخلت الجيش بعد الجامعه لقيتها فرصة ابعد من الاباحية زرت دكتور مشهور جدا وله كتب نفساني على اساس اني مريض نفسي اقسم بالله دكتور كان مستغرب جدا من قصتي لدرجة عملي استشارة مجانيه برغم انه ليس عنده استشارات علشان اكمل معاه اعطاني ثلاث انواع اقراص ضد القلق والتوتر والاكتئاب وقالي بعد ثلاث شهور هتبقى طبيعي الغريب جدا اني صدقت الكلام ده وقتها وقالي مفيش ممارسه وفعلا من اول يوم اخدت العلاج ابتعدت من الاباحية مش بسبب العلاج انما لاني توقعت بعد المدة دي هبقى كويس وده شيء غريب جدا كنت بفكر فيه بعد كده.. ازاي بعدت ثلاث شهور كاملين.. لاني كنت عايش على الامل مش بسبب العلاج العقيم اللي كنت باخده. كنت بنام حوالي 18 ساعة يوميا حصلي موقفين طراف اخوي الاصغر مني شك اني بتناول حاجة بسبب النوم الغريب ده وفي الجيش تم تفتيش دولابي وهدومي لشكهم فيا كنت خيال انسان للاسف.. عدوا الثلاث شهور لم يحدث اي تحسن رجعت اسوء من الاول ولم اذهب للطبيب مرة اخره…اه ثم اه من هذه الايام ‍‍‍‍‍‍ بعد كده طلعت من الجيش على وظيفه كان معظم الموظفين من الاناث من الاخر تعرفت في هذه المرحله على اسوء انواع الادمان عافاكم الله وهو المكالمات الاباحية اكتر من اربع سنين للاسف واصبح الانتصاب الضعيف معدوم نهائيا سواء مشاهده اوعاده ولا يوجد احتلام نهائيا اصبحت ميت على هيئة انسان حي واعتبرت ابتعادي عن الاباحية مستحيل واني مش لازم اتجوز وهقضيها كده اثناء تصفحي على النت عثرت على موضوع عن ادمان الاباحية من حوالي سنه فقط واستغربت من اعتباره ادمان واصبح همي الوحيد البحث عن التعافي من الاباحية وكان المصطلح نفسه غريب جدا عليا بعد كده عثرت على صفحة الفيس (علاج إدمان الإباحية) التي امدتني بمعلومات رهيبة كنت داخل على رمضان اول مرة احس بطعم الشهر الكريم فضلت عشرين يوم نظيف وانتكست اخر عشر ايام مكنتش مصدق نفسي ازاي عشرين يوم من غير اباحية ومن غير العلاج النفسي كده ممكن اعملها ليه لا! ‍‍‍‍‍‍ وبدا تفكيري يتغير وانا اقدر وانا استطيع بدايه من شهر شوال بدأت التعافي من جديد وعلى قد المعلومات اللي عرفتها بدأت امارس الرياضه على كبر بعد الثلاثين للاسف بس فرقت جامد معايا وبدات كل يوم اقرأ موضوع او قصه عن الادمان كان عندي حماس شديد للتعافي وفعلا اربع شهور من غير اي زله او انتكاسه بسبب تغيير شديد في عاداتي.. ‍‍‍‍‍‍ اخر الشهر الاول بدا الانتصاب الصباحي يرجع تاني وفي الشهر التاني الانتصاب زاد في عدد مراته وفي قوته لدرجة كان بيصحيني من النوم كنت بحلم اني بنتكس اصحي فرحان ان ده حلم مش حقيقه اخر الشهر الثاني ومعظم الثالث الانتصاب اختفى نهائيا مكنتش اعرف وقتها ان ده طبيعي وان دي مرحلة اسمها مقتول جنسيا (Flat line او فترة الخمود) فجالي احباط شديد زود الاحباط ان طوال الاربع شهور لم احتلم للاسف فوقعت وانتكست للاسف…. ‍‍‍‍‍‍ بعد النتكاسات المتكررة دخلت في التعافي الثالث وسجلت خمسين يوما الى الان والحمد لله الشيء الوحيد الذي يقلقني هو عدم الاحتلام مع العلم اني لم احتلم طوال عمري. ‍‍‍‍‍‍ انا اعزب تجاوز الثلاثين جاهز ماديا للزواج ولم اتزوج بسبب الادمان ولا حول ولا قوة الا بالله ‍‍‍‍‍‍ ‍‍ ‍‍‍‍‍‍ اجمل ما في التعافي انه بيرجع علاقتك مع ربنا بيرجعك انسان تاني بيرجع مشاعرك واحاسيسك الضحكة بتطلع فعلا من القلب الاكتئاب والرهاب والخوف من الناس بيتلاشوا بتشوف الدنيا بنظره ثانية لكن هناك مساويء للتعافي بيشيل الغشاوة اللي على عينيك فتفاجا بعالم تاني اصحابك اجوزوا وخلفوا واولادهم هيجوزوا وانت محلك سراقرانك متقدمين عنك دراسيا وماديا واجتماعيا وانت محلك سر كل العالم اللي حواليك تغير وانت واقف مكانك بتهرب من بيتك واهلك واخواتك علشان اسئلتهم اللي ملهاش اجابه…اذا كان التعافي بيرجعك انسان لكن هو نفسه اللي بيعيشك دوامه من الاحزان الكلام الكتبييير ده كان جاثم على صدري من سنين طلعته وطلعت الطاقه السلبيه معاه….نسالك اللهم الثبات ‍‍‍‍‍‍ ‍‍ قصة حقيقية من منتدى موقعنا www.antiporngroup.com ‍‍‍‍‍‍ ‍‍ #واعي ...عرض المزيد

13 الدعم

4 نصيحة

كيف أتخلص من إدمان الإباحية وأستعيد حياتي؟

السلام عليكم ورحمة الله وبركاته أنا رجل وعندي 19 سنة منذ زمان وأنا أعاني من شيئ خلاني لا أنام ولا أكون صداقات وذالك بفضل الإباحية التي أدمنتها فماذا تنصحوني حتى أتركها وأعيد إلى حياتي الطبيعية ...عرض المزيد

22 الدعم

4 نصيحة

محتاج نصيحتكم عشان أطلع من العزلة والإدمان

محتاج منكم تنصحوني من غير ما حد يحكم عليا انا كنت انسان اجتماعي جداااا وكنت عندي اصحاب كتير جدا جدا بس ديما كانو بيخذلوني ديما كنت اقدم الحب ومالقاش منهم غير حقد ولو انا بطلت اهتم مش بلاقي حد فيهم بس ف حبيت العزله وبقيت بحب الوحده ومش بخرج من اوضتي ف لما بقيت لوحدي بقيت افتكر كل حاجه حصلتلي وانا صغير من تعديات ومن عنف مش هقدر احكي عنها للاسف ف لجاءت اني اعمل اكونتات فيك اعمل بيها اصحاب جديده الاكونتات دي كنت عاملها للشغل ف البدايه بس بعدين اتعرفت من عليها علي ناس جديده وكلمت بنات وبقينا نعمل سكس شات مع بعض للاسف وانا بقيت مدمن للمواد الاباحيه وبجد حياتي مبقتش احسن حاجه ومش عارف اطلع من الدايره دي وكل ما بخرج برجع تاني لنقطه الصفر ونفسيتي مش اجمل حاجه محتاج نصيحتكم بجد واسف طولت عليكم ...عرض المزيد

9 الدعم

4 نصيحة