انا شاب في تالته ثانوي مشكلتي اني اسود وقبيح ومعضم لدرجه ان الناس بتشبهني بعصايه المقشه وقعت بحب بنت معايا في المدرسه بس من كتر ما انا بكره نفسي مقدرتش اقولها عن مشاعري او اتقرب منها المهم كنت ببعتلها كذا حد من صحابي او صحابها عشان يشوفو ايه دنيتها فا غلطتي اني بعت اقرب صاحب ليا ، صاحبي ده ابيضاني غني ووسيم ومعضل مش زيي خالص وبيهتم بنفسو وشخصيتو حلوه وبيعرف يتكلم وعندو حياه وصحاب وانا عكسو تماما بس رغم كل ده انا عمري في حياتي مافكرت اغير منو المهم هو كلمها وهي اعجبت بيه وبصراحه مين يلومها الولد عندو كل حاجه البنات تتمناها المهم هو قالي انو ظبط الدنيا واني اروح اكلمها بكرا في الفسحه والحماس اخدني لماسمعت الكلمتين دول طالعين من بوقو واستحميت ساعتها مع اني بصراحه نادرا مابستحمى الا لو فيه مناسبه او كدا وغسلت سناني وسرحت شعري وحطيت برفيوم ورحت اقابلها باحسن صوره ، كانت واقفه مع صحابها بتضحك بكل رقخ وكنت قاعد بفكر ازاي وحده بلحلاوه ديه ممكن تبص لواحد زيي واترددت بصراحه اني اروحلها فا رحت لصحابي قلتلهم مش قادر اعمل كدا فا قعدو يشجعوني وياريتهم ماكانو عملو كدا رحت اكلمها واول مافتحت بوقي لقيتهم باصنلي اشمئزاز هي وصحابها وفجاه قعدو يهمسو لبعض ويضحكو واكنهم شافو مسخ مش بني ادم فا سحبت نفسي انا والباقي من كرامتي بهدوء ومشيت ووانا ماشي سمعت وحده من صحابها بتقول "هو الواد الاسود ده بجد كانفاكر انك هتبصيلو بمنظرو ده" ومن هنا كل حاجه فيا اتكسر. روحت البيت وانا مش عايز اشوف حد ولا طايق اسمع صوت حد وقعدت على سريري بفكر هو انا غلط؟ ليه مكونش محبوب زي صحابي التانيين ، فيهم ايه انا ناقصني؟ويوميها مانمتش من كتر التفكير. مرت الايام وكنت بحاول انسى لحد ماجالي خبر رجع كسرني من اول وجديد ، اكتشفت ان صاحبي وعشره عمري الي استامنتو انو يكلمهالي طلع كل ده بيكلمها وعايزها وانهم خلاص على وشك الارتباط صارحتو وفضل ينكر ويقول ان مافيش مابينهم حاجه وانهم "صحاب" ومبيتكلموش كتير وانا من كتر حاله الانكار الي كنت فيها صدقتو وقلت لنفسي ده صاحبك حبيبك يافلان مستحيل يخون ثقتك ومستحيل ده بلذات يعمل حاجه تاذيك مرت الايام وكنت كل مره اسمع حاجات عن فلان بس اتجاهلها واقول لنفسي ان كلام كل الناس غلط وهو صح وحاولت انكر وانكر وانكر واضحك على نفسي بس للاسف النكران ماستمرش كتير عشان في يوم اتبعتتلي شاتات مابينهم ومابقتش قادر ادافع عنو. كسرتي كانت كبيره لان ده كان صاحبي وعشره عمري من سنين الي وقفت ضد كل الناس عشانو وفي الاخر خاني وخان ثقتي ودلوقتي مش عارف اعمل ايه هو حاول يعتذرلي بعد ماسابو بعض وقعد يقولي ان مينفعش اخلي بنت تقف مابينا بس مش قادر انسى والمشكله فوق كل ده اني لسا بحبها فا تفتكرو اخليها تحبني ازاي؟

2

19