حب من طرف واحد

Heart_88586 🇪🇬

منذ يومين

شعور ضائع

هو ليه لما نحب حد ونهتم بيه بيبقا بيتعامل ببرود وهدوء اعصاب انك مضمون ومش بيبين حبه ولا اهتمامه ولا كأنك موجود ولما تيجى تبعد يبقا مش عارف يعملك ايه عشان تفضل موجود ويعتذر ويحلف ويقول حقك عليه اصلى مشغول فى الشغل غصب عنى طيب سؤالى هو ده الطبيعى فى كل العلاقات انها تبقا كده نفضل كل واحد يجرى ورا ال

Orange_75300 🇪🇬

منذ 5 أيام

شعور مكسور القلب

30/11/2025❤️‍🩹 هنا انتهت القصه التى لم تنتهى ــــ»❤️‍🩹... طلع بيحب !...طِلعت فى واحده غيرى لحقت وسرقت قلبه ...!❤️‍🩹 فضلت احبه من طرف واحد زى الغبيه 4 سنين وهو ولا حاسس بيا... 💔!. مش ندمانه انى حبيته لان ده مش بإيدى بس ندمانه على كل لحظه كنت بقنع فيها نفسي زى الغبيه انه ممكن يكون بيحبنى وانا عارف

Potato_87935 🇪🇬

منذ أسبوع واحد

شعور متحمس

موضوع:

قرارات من الأهل كانت سبب في تغير حياتك

غيرو رايهم بالانسانه الوحيده الي حبيتها وده كان من طرف واحد وهيا عارفه بس محسستنيش فيوم بحاجه. وكل مكلها تقولي انا مهتميه بدرستي وتعليمي ومبفكرش فحاجه دلوقتي مع اني انا كونت مش عايز حاجه منها غير اني احس منعندها بالقبول ونا مكونتش هشغلها بالعكس كونت هقف جمبها ودعمها وهستناها رغم اني لما بكلمها بيب

Chocolate_52091 🇪🇬

منذ أسبوعين

شعور مكسور القلب

جماعة انا بحب بنت من تونس وانا من مصر هي اكبر مني بس كنت حاسس ان حبي كان من طرف واحد فقالتلي متبعتش رسايل غير لما ابعتلك وكل ده علي اساس اننا اصدقاء فهمت من كلامها انها زهقانة مني فأختفيت يوم كامل لقيتها بتسأل علي لقيت قلبي يقولي رد وعقلي يقولي اعمل seen ومتردش المهم عملت seen ولايك قالتلي يعني تمام

Watermelon_55151 🇪🇬

منذ أسبوعين

شعور محبط

حد دخل في علاقه قبل كدا مع شخص و حبيتو جدا بس الشخص محبكش و كان بس بيحب حبك له و الحاجات اللي بتعملهالو من حب و اهتمام و كل حاجه فا بالتالي كان اي مشكله بتحصل كان بيغلطك انت و كان دايما محسسك انك مش غالي عندو و انو ممكن يستغنى عنك في اي وقت و خلاك متبقاش مستني اي حاجه منو و دايما بيقف لك عالغلطه و ي

Lemon_52708 🇪🇬

منذ أسبوعين

شعور ضاق ذرعًا

عبّر عن شعورك بشكل مجهول

حاسس باللا-شعور… الحالة اللي بين الوجع والفراغ، لما تبقى عايز تقول كلام كتير وفي نفس الوقت مش لاقي حتى إحساس ترتّب عليه كلامك. أقسى حاجة فعلًا إنك تحب بني آدمه غبية، مش لأنها قليلة، لكن لأنها مش شايفة قيمتك، ومش قادرة تفهم إن اللي قدامها كان بيحب بصدق. وتلاقي نفسك ناسي إن فيه ربنا، فيه نبي، فيه أهل بيحبوك حب صافي من غير أي مقابل… أبوك، أمك، أختك، الناس اللي حبّهم ثابت مهما حصل، وحتى الحيوانات اللي حبها أصدق من قلوب ناس كتير.

وأكتر حاجة بتكسر فعلاً هي حرمانية الحب من طرف واحد… الإحساس إنك بتدي كل حاجة، مشاعر واهتمام ودعاء ووقت وروح، وفي المقابل ما بتاخدش غير الصد والتجاهل. تحس إنك واقف قدام باب مقفول وبتخبط، وبترجع تقول يمكن يتفتح… لكن الحقيقة إنك بتعذب نفسك بإيدك. الحب من طرف واحد مش حب… ده استنزاف. ده عبادة مشاعر مش في مكانها، وده اللي يخليك تبعد وتفوق، لأن ربنا عمره ما يرضى تشيل نفسك العذاب ده.

أنا دلوقتي مش بكرهك… ومش بحبك. المشاعر دي خلاص ماتت. بقى فيه حالة غريبة… إنك بقيتي مجرد «attention» في حياتك إنتي. عايزاني أتكلم؟ عايزاني أرد؟ عايزاني أبقى موجود؟ كإنك مستنية تشوفيني لسه متعلق. بس اللي اتلسع من الشوربة بينفخ في الزبادي، وأنا اتلسعت بما فيه الكفاية.

أنا كنت زمان بحبك من طرف واحد وكنت فاكر إن ده كفاية، فاكر إن التضحية هتغيّر حاجة. بس دلوقتي فوقت لنفسي، لقيمتي، للناس اللي بتحس بيا وبتحبني بجد من غير شروط. فوقت إن فيه حاجات مش المفروض نسمح لها تستنزفنا.

إنتي بقيتي محطة وعدّت. درس وتقفل. وأنا راجع لنفسي… وراجع لربنا… ولسه الحب الحقيقي حواليا، بس مش عندك. انتي صفحة واتقفلت، ومش ناوي أفتحها تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_87388 🇪🇬

منذ 4 أسابيع

شعور مكسور القلب

جماعة عايز إجابة من حد هن لو انت حبيت واحدة و كانت في نظرك ملاك فيها كل الصفات الحلوة الي انت نفسك فيها بس لما تعدي فترة صغيرة من غير ما تشوفها و ترجع تاني و تقابلها و تقولها علي الي كان جواك و هي ترفضك و تكتشف انها كانت بتحب حد تاني هل المعاملة و الصداقة الي كانت في الاول ده وهم مني علشان بفكر فيه

Strawberry_58144 🇪🇬

منذ 4 أسابيع

شعور مكسور القلب

و اشطر كتكوت خاب😊 الشطور ده اتمرمط و اتبهدل و اتداس على وشه.. الجامد اوى ده والى ما بيتهزش و مبيفرقلوش.. راح حب من طرف واحد.. اترفض.. اتهان.. كرامته اتبعترت كتير.. جرى ورا حد مش عايزه حد عايز اى حد حرفيا الا هو بيدور على اى حد الا هو بقا وقعه الشاطر متجيش الا هنا؟ يوم ما اختار حد ميختارنيش؟ ليه.. ب

Potato_31970 🇪🇬

منذ شهر واحد

شعور مكسور القلب

السلام عليكم ورحمة الله وبركاته عساكم بخير إن شاء الله عندي سؤال بجد هو احنا ليه لما بنحب حد وبنهتم بحد بحس انه مش ببادلنا نفس الحب ده؟؟؟؟؟؟ بجدد!!! وليه بيبقى صعب اووووي ان احنا نطلع الشخص ده من تفكيرنا بالرغم من وجود ناس تانيه كتييير بتحبنا اكتر ليه بجد دايما شاغلين تفكيرنا بحد ممكن اصلا اكو

Strawberry_58144 🇪🇬

منذ شهر واحد

شعور مكسور القلب

ازاى بتتخطو شعور الرفض لما تحب من طرف واحد.. و ازاى تتاقلم مع شعور عدم الاهليه للحب ان الحب مش ليك.. ملكش نصيب فيه.. مش هيجيلك محدش هيحبك بجد يمكن العيب فيك؟ الله اعلم بس ازاى بتعيش كده؟ ازاى فى انسان يقدر يعيش بدون حب بدون انتظار للحب حتى يعيش وهو حاسس انه ميستحقش الاحساس ده.. لما يحب يترفض محدش بي

Strawberry_58144 🇪🇬

منذ شهر واحد

شعور مكسور القلب

عبّر عن شعورك بشكل مجهول

يمكن دى اول مره اعترف انه كان حب من طرف واحد.. 
كنت بقول انه لا.. بيحبنى.. اكيد بيحبنى.. اصل كل ده معناه اى؟ كل النظرات دى.. كل المشاعر دى.. كل الهروب و الخوف الى فعيونه ده.. كل المشاعر الى عشناها من بعيد.. ولا حد خد باله بس احنا كننا عارفين.. ان فى حاجه بيننا.. كنت بقول انه يمكن خايف يتكلم..
اصل كل ده.. و لمده سنه كامله.. يطلع ولا شيء؟
اه طلع ولا شيء..
عادى جدا.. لا جه.. ولا اتكلم.. ولا همه ان صورته تتهز قدامى بتصرفاته الغبيه
بقا بيهزر مع البنات عادى.. رغم انه مكانش كده
كل بنات الدفعه بقا بيهزر معاهم.. الا انا..
انا الوحيده الى لا بيتعامل معايا.. ولا بيرد عليا عالجروب صدفه حتى.. تجاهل.. تجاهل و بس
طب ليه؟ ليه لسه بيبصلى رغم كل ده؟ عشان مبيحبنيش.. ولا عمره حبنى للاسف
انا معنديش تفسير لكل الى حصل بيننا.. بس اكيد كان اى حاجه غير انه بيحبنى..
كفايه الاقلام الى اخدها فقلبى و كرامتى.. ده مهتم بالبنت الى عالجروب الى اصلا مرتبططه اكتر منى.. ده لو جاوبت لحد سؤال عالجروب مبيعملش رياكت حتى.. بيهربب.. بيشوفنى بيترعب.. انا شعور الرفض بيقطع فكرامتى.. بحاول اجيب العيب فيه وانى هبعد لانه مش كويس زى ما كنت فاكره وانو قليل الذوق.. بس الحقيقه انا عارفه انى ببعد التهمه عنى.. ببعد شعور انى اترفضت.. بحاول ارفضو جوايا زى ما رفضنى.. انا اتبهدلت بسببه كتير.. و متت من الغيره كتيير.. واتهانت.. ده الوقت الى هشيب فيه الساحه لغيرى و هنسحب.. ممانى مش هنا.. مش وسطهم.. مش معاه..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_86284 🇩🇿

منذ شهر واحد

شعور مرهق

عبّر عن شعورك بشكل مجهول

انا مكتئبة جدا جدا حد الانهيار، حبيت انسان منذ اربع سنوات و انا معجبة به إعجاب من طرف واحد، نحنا مش من نفس البلد، هو معروف نوعا ما، يوم 26 جويلية الماضي رديت على ستوري، صار يحادثني و يكلمني و أراد التعرف علي، لن اكذب فرحت كثيرا، كنت احبه و شعرت ان القدر جلبه لي، تكلمنا و تكلمنا و اصبح دائما نتحدث، أصبحنا في علاقة مع بعضنا، اشعرني بالحب و انا كنت احبه جدا، لطالما فعلت شجعته و مدحته و اي فعل يفعله اكون معه، كانت علاقتنا عن بعد فكنت دائمة استعمال الهاتف من اجله، وعدني انه سيتزوجني و انه سيأتي إلى بلدي، حتى مضت ثلاثة اشهر و نحن نتحدث و كنت اشعر أنني ابذل مجهودا من اجل الحفاظ على العلاقة، في آخر فترة (الاسبوع الماضي) اصبح يغيب عني يوما كاملا ثم يأتي دقيقة و يقول انا متعب، من فرط حبي له عاتبته في يوم من الايام و قلت له اريد ان نعود إلى أيامنا السعيدة ان نتحدث، ان كنت تعاني من مشكل أخبرني انا هنا من اجلك، ارسلت له جرائد عتاب حنين عبرت فيها عن أنني اريد ان يبذل مجهودا و أنني لا اريد ان تنطفئ الشعلة بيننا، اصبح لا يرد و كأنه يمارس الصمت العقابي علي، في منتصف الليل من يوم ميلادي ارسل لي: لقد فكرت مليا، لن نستطيع الاستمرار، قلت له هل يمكنني أن أعرف السبب؟ ام انها كانت مجرد تسلية بالنسبة لك و انتهت، قال ليست تسلية لكن لن نتمكن من الاستمرار، هذا ما خسره من اجلي، انصدمت، بكيت لدرجة ان دموعي لم تتوقف، بكيت في المنزل و في الشارع، انهرت أمام الجميع، انا الصامدة التي لم يرى الناس يوما دموعي، احتضنتني امرأة غريبة لا اعرفها و حاولت التهوين علي، ذهبت في نفس يوم الانفصال إلى طبيبة اعصاب، بكيت حتى تعبت وصفت لي دواءين اشربهما صباحا و مساء، انتهت علاقتي به منذ ثلاثة ايام و انا منهارة لا أقوى على شيء، حظرته من جميع المواقع، حتى يوتيوب الذي هو مشهور فيه فقط كي لا اراه، لقد كنت جادة في علاقتي معه و دائما ما اضع خططا للزواج و بعدها، أدركت انه لم يحبني يوما هو فقط كان يتسلى و هذا اكثر ما حطمني، لو لم يعطني الأمل من البداية لما تحطمت الان، لكنه استغل حبي له، لقد احبني أشخاص من قبل لم ابادلهم المشاعر، كنت واضحة جدا معهم بأنني لا يمكنني أن أكون معهم و انا لا احبهم، و قد أخبرتهم بهذا بكل احترام و اعتذار، انا مرهقة، أنا احترم مشاعر الناس كثيرا، لماذا عاملني و كأنني شيء بلا قيمة تخلص منه!? لا اعرف من قال هذه العبارة اهو احمد خالد توفيق ام محمود درويش? "لو لم اغامر و اقترب لبقيت اظن ان شيئا مميزا قد فاتني" لقد كان أول حب بحياتي و أعطاني درسا قاسيا في الغدر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_56919 🇪🇬

منذ شهر واحد

شعور مكسور القلب

كنت بسمع اغنيه كان فيها كوبليه بيقول (الحلوه لو عاوزاك هتيجي سيبك انت من المعافره) المشكله اني لو عافرت أو معافرتش مفيش حلوه هتبصلي ولا هتعبرني اصل انا مش وسيم زي ما هما عايزين انا كل لما اجي اتعرف علي بنت تديني واحده انت شكلك مش وسيم تجبلي جلطه من الحياه عمتا و دا خلاني بحب في صمت حب من طرف واحد ب

Watermelon_86010 🇪🇬

منذ شهر واحد

شعور محبط

هو لي لما نحب حد و نفضل نحاول عشانه و نكون مستعدين أن احنا نموت نفسنا بس عشان يكون الشخص ده سعيد هو مش بيجاول عشنا لو مره واحده و مع اول مشكله تحصل يستغني عندك و يشوف بديل علي طول ده لو مكنش عنده اصلا بديل لكن احنا الي بنفضل تتعافى من الشخص ده عمرنا كله

Apple_84199 🇪🇬

منذ شهر واحد

شعور مكسور القلب

عارف احساس انك لسه بتحب حد والحد دا مش شايفك اصلا عارف احساس انك اديت للشخص دا كتيررر وهوا مقدرش دا وظيفه ووظفتتها وقفات معاها ف مواقف ووقفت وهدايا وجبت حب واحتمام واديت مشاعر افرطت عارف كل دا ايوا هوا دا اللي حصل وف الاخر مش شايفاني اصلا

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع