ثانوية عامة ومش قادرة أذاكر.. بدأت أفقد الأمل

Question

انا ثانويه عامه وحلمي من وانا صغيره ادخل صيدله علشان  ده كان حلم مامتي وقررت احققهولها وتعبت وذاكرت كل السنين اللى فاتت بس السنادي انا مش عارفه ليه عامله كده واول السنه كنت بذاكر ومش براكم دلوقتي مش قادره حتى افتح الحصص ومعنديش طاقه اذاكر ودماغي مش راضيه تستوعب مش عارفه اعمل ايه وبدات افقد الامل واخاف

Banana_25478 🇪🇬 · Answer

وتضيعي حلمك وحلم مامتك؟
اللي خلاكي تتعبي سنين مجاتش ع شهور كملي عشان تشوفي الفرحه ف عينيها بالدنيا والله

Lemon_71305 🇪🇬 · Answer

متفقديش الامل ولا حاجه اول حاجه لازم تعرفيها أن الإنسان طاقه ادي لنفسك وقت عادي بس مش معنى كدا انك تركني المذاكره لا عادي شوفي حصصك واعملي الواجب بتاعها وخلاص مش لازم تذاكري أو تضغطي على نفسك دلوقتي ثانيا الروتين حلو بس ممل والملل لما بيدخل في حياة الإنسان بيرهق اوي ف حاولي تجددي انزلي جربي تذاكري في مكان هادي برا البيت أو جربي تغيري طريقه مذاكرتك

Lemon_71305 🇪🇬 · Answer

ثالثا المذاكره مش إرهاق بس متعه حاولي تحبي المعلومه وانتي بتذاكريها حاولي تشوفي المعلومه عملي قدامك يعني في الكيميا مثلا شارع العلوم كان بيشرح المعادلات عملي قدامك ودي حاجه جميله في الفيزيا شوفي فيديوهات عملي للماده والاحياء برضو حاولي تخلي مخك حابب المعلومه وفاهم كل معلومه محطوطه ليه وايه لازمتها متجبريهوش يحفظ بس خليه يحب يفهم فهماني

Olive_73027 🇪🇬 · Answer

انا صيدله وبقولك اهربي ، ضغط فظيع اسنان اسهل بس محتاجه فلوس عشان الماتريال اللي هتجبيها والأدوات اللي مبتخلصش

Waffle_80234 🇪🇬 · Answer

فترة و بتعدي على الناس كلها بس تيجي في اول السنه احس ما تيجي في اخر السنه انتي بس محتاجه تفصلي ما بين وقت و التاني عشانتلاقي طاقه تكملي و عشان الشيطان ميضحكش عليكي