كنت شايف topic عن اهلك و مشاكل سببوها.. اسف هشارك معاكم حاجات صعبة كانوا دائما ينتقدوني بطريقة اوفر لأني مختلف و طريقتي مختلفة ف التفكير و الحكم ع الاشياء و النتيجة أنه بقيت بحس اني مينفعش اتقبل زي منا انا لازم ابذل مجهود د مضاعف عشان يتم قبولي لازم افضل احساس ف كل علاقاتي و اتعامل بالشوكة و السكينة عشان العلاقة تستمر و ده خلاني اققل من شأني و مكونش عارف قدري كويس و سببلي متاعب كتير ف حياتي . كانوا دايما مش بيعلموني اي حاجة ولا بيتناقشوا معايا و لو ظهرت اني مش عارف حاجة أو مش منتبه لحاجة كنت باخد انتقادات تقيلة و مقارنات بين كل الي ف سني و بيني و ده عمل حاجتين دمر ثقتي ف نفسي .. و خلاني بتكسف اطلب اتعلم حاجة جديدة خلاني لازم اعمل اني فاهم الحاجة و انا أجهل الناس بيها لحد ما نشوف هتمشي ازاي .. زي الي ركب عربية و مش عارف يسوقها هو بيتعلم ع الطريق يا يعرف يسوق و يتعلم يا يعمل حادثة دمروا خصوصياتي و سخروا مني و قالوا من أي مشاعر انا بحس بيها .. مكانش قريبين و الحب كان بالقطارة و النتيجة اني بقيت اشحت الحب حتى من الغرباء و اتجهت لعادات غلط و كأني بكمل و ينتقم من نفسي و كأن العادات الغلط دي هي المأوى الوحيد ليا خلوني اكره كل التجمعات لأن كل تجمع مرتبط معايا بموقف محرج

4

0