مشاكل عائلية

المشاكل العائليه بتخلي الإنسان لا يبالي ببقية المشاكل الي ممكن تكون موجودة في حياته، عارفه إني بغرق وبقى عندي تبلد غريب، لا اجتهاد ولا سعي في دراسه أو غيرها، في إحساس غريب جداً جوايا مش بيفارقني بجبر نفسي اتعامل مع الناس الي في حياتي عشان مخسرهمش لأن محدش ليه ذنب في الي بيحصلي ولا حد يعرف أصلا بس الموضوع مرهق جداً، إني أكون جوايا مش تمام ورايحه اهتم ب دي ودي واخاف على زعل دي و دي

انا بجد كرهت البيت الي انا عايشة فيه ابويا كان مسافر و مرتاحين من قر//فه نزل مصر امبارح و انهادة قعدو يتخانقو مع اختي و ضربوها و اخويا الصغير لقيته قاعد بيعيط و انا مبقيتش حملهم يعني كل شوية مشاكل و خناقات و اهانة و كلام يوجع بس يعني ابويا نازل اسبوع المفروض يتلمو او اي حاجة دول قعدو يلعنو و يشتمو كتير و انا اقسم بالله خلاص انا شوية و هتجنن منهم و ييجو يقولو لي محتاحة دكتور نفسي و كل واحد بقى يشخص على مزاجه و انا الي عايزاه بحد اني اقعد ف مكان هادي قلبي يكون متطمن فيه مش اصحى من نومي مفزوعة انا والله لسة من قريب امي اتخانقت معايا جامد و جت تصحيني انا صحيت قلبي كان هيقف و قعدت اصوت و اعيط و مبقيتش عارفة انام ولا اذاكر و بكرة علي امتحان و حاجة بجد مقرفة نفسي اخرج من البيت ده بجد

انا تعبت من اهلي، امي كل ما اكلمها في اي موضوع تعمل معايا مشكلة وتخليني انهار وتحصل بيننا مشكلة، اخر مرة اليوم كنت بشتكي ليها من اختي انها قالتلي حاجة ضايقتني راحت امي بدل ما تحل المشكلة وتكلم اختي فضلت تقول لي اني انا السبب في طريقة تعاملها معايا عشان من كم سنة انا كنت في ذروة الوسواس القهري كإنه بإيدي وكملت خناق معايا وتدعي ع نفسها وعليا وتقول لي كلام صعب جدا لحد ما انهرت خالص وحالة البوردرلاين ظهرت عندي وبردو انا الغلطانة انا مش عارفة انا معنديش اي حد اكلمه لا صحاب ولا اهل ولا اي حد ومش عارفة اقول ايه انا حاسة اني مخنوقة ومحبوسة مفيش حد يقدر يسمعني ويساعدني حاسة بشلل مش قادرة اعمل حاجة مش قادرة اقوم من مكاني ومحدش يغلط في اهلي ياريت