مشاكل عائلية

Strawberry_77311 🇪🇬

منذ يوم واحد

شعور مرهق

سؤال لو في بنت ابوها شاكك فيها لمجرد أن سنها كبر من غير جواز هي ٢٦ سنة يعني مش كبيرة للدرجة بس دايما أفعاله بقت شك لو خرجوا لمصالحهم لازم يسيب اخويا معايا ف البيت أو اي حد عموما لو روحت اي حت واتأخرت خمس دقايق بس يقولي اتأخرتي ليه و يعملي تحقيق لو ركبنا اوبر يفضل باصص عليا ف المراية اكني بعاكس السوا

Marshmallow_52511 🇪🇬

منذ يوم واحد

شعور وحيد

عبّر عن شعورك بشكل مجهول

هو انا ممكن اقول ان دي اوحش اجازة وحشه في حياتي 
حصل مشاكل كتير اوي و كل يوم نكد من الاهالي بس برص صغير مايسواش و سبب مشاكل كتير اوي لناس كتير اوي كلهم قرايبنا و كل ده بسبب انه مترباش و ولا حد عرف يربيه 
حصل مشكله منه من يومين ثلاثة و لحد دلوقتي مش قادره اسامحه لانه قلب الدنيا كلها فوق بعضها و دلوقتي الي وصل كل ده ان بنت عمتي اضايقت مني بسبب تسرع مني و التسرع ده سببه حتت برص ما جبش 12 سنه حتى لانه انسان غبي ميستاهلش اي حاجه حلوه مننا لانه انسان غبي لا و كل حاجه كملت و انهكت قليلة النصف من شعبان كنت عايزه ادخلها و انا مبسوطة و مش حامله هم حاجه او مضايقة من حد حرفيا بعد ما سافرت لي قرايبي و انا كنت بتحايل على اهلي اني مسافرش و مش عايزه و مليش نفس قالولي لا قرايبنا و لازم نصل الرحم قولتلهم الاجازة دي لا طيب رفضوا مع اني كنت حاسه ان هيحصل مشاكل و بتاع فالاخر نزلنا حصل مشاكل و اتنكد علينا كلنا من حتت برص صغير ميسواش سبب اذى و ظلم كبير اوي لينا و للاسف هو الي متدلع و اخر العنقود و جدتي بتحبه اكتر واحد و بجد يكرهه اوي و يعتبر كده عمل مشاكل بين اهالي و عائلات مش اسرة بس و بسبب اني انشحنت من نحيته حصل تاتش معايا انا و بنت عمتي و كان تسرع مني رغم اننا ملناش علاقة بالموضوع اضايقت مني و انا مش فهمه ليه كل ده 
بعد الي حصل ده من البرص ده قولت عادي صفحه جديدة و الي حصل حصل اذ بقى بيقول كلام محصلش على ماما و بيزعل اهالي من بعض عشان هو كداب حقير و كل عبر الدنيا فيه 
بجد مضايقني اوي الي حصل بيني و بين بنت عمتي و مكنش بيه اي ثلاثين لازمه و انا بكره ادعيله دي كلها لانها سببت تروما كبيره اوي جوايا و ياريت بقى اسرتي تفوق و تعرف ان كلمتي حق و للاسف بيرجعوا يقولوا كان عندك حق بعد ما الدنيا اتهمت خلاص 
و حسبي الله و نعم والوكيل فيك يا برص يالي في بالي 
دلوقتي انا بلوم نفسي على غلطة عادية جدا غلطها بس عشان انا شخصية مش بتحب تغلط او تتقبل النقد و بتحافظ على انها متغلطش فالبنسبة ليا غلط مني يحصل زي ده و لا غلط انا بكرهه كمان و ملوش لازمه اصلا مش قادرة اطلع الموضوع من دماغي بسبب الزبالة ده بجد اعمل ايه انا عندي over thinking  و مش سهل اعدي اي موقف كده انا غلطت فيه 
مش بهدى غير لما حد يهديني رغم انه عادي اغلط و اهم الدنيا اصله عادي كله بيغلط و كله بيعك و محدش بيتعلم ببلاش بس ليه بجد ليه احساس وحش اوي و بتبقى صورتي قدام نفسي وحشه اوي رغم انه الغلط ولا حاجه بالنسبة للزبالة الكداب ده ربنا ياخده و يقع في شر اعماله منه لله بجد هو و كل الي شبهه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_30115 🇪🇬

منذ يومين

شعور محبط

موضوع:

ثانوية عامة غيرت فيك ايه؟

عبّر عن شعورك بشكل مجهول

انا ف ثانوية عامة السنة دي علمي علوم و حابة اطلع اللي جوايا و اللي بقعد احكيه لشات جي بي تي و يقعد يديني نصايح مبعملش بيها و فالاخر الشات بمسحه ف الابلكيشن ده كنت محملاه من سنة تقريبا و اتكلمت فيه و اخويا مسحهولي ف حملته تاني لاني حسيت اني محتجاه عشان كنت مسموعه هنا اتمني ان اللي يقراء كلامي يدعيلي و ينصحني .
انا مبداتش دروس غير تقريبا ف شهر ٩ الاحياء اشتريت اول فصل اون لاين و طلعت مصيف ف فاتني و اتراكم محاضرات كتيرة و مكنتش فتحت ولا محاضرة لما رجعت نزلت فيزياء و عربي و انجليزي الفزياء هي المادة الوحيدة اللي كملت فيها مع المدرس لحد دلوقتي انما العربي نزلت لمدرس اختي كانت بتاخد معاه و مكملتش عشان هو بجد كان بيلخص الشرح كانه بيتكلم مع عباقرة مش عامل حساب ان ممكن طلاب ميعرفوش حاجة المهم سبته و الانجليزي الحصه كانت الساعه ٩ الصبح كنت بروح بلاقي القاعه اتملت و مفيش مكان قدام ف بقعد ورا و ببقا الصبح لسه صاحيه مش فايقه ف كنت بنعس و مش بركز و بزهق و مش فاهمة حاجة حرفيا و سبته بردو و المادتين دول لحد دلوقتي معرفش فيهم حاجة بجد خالص ممكن العربي شوية فتحت اونلاين اليومين اللي فاتوا سمعت ربع محاضرة و لحد دلوقتي مكملتهاش بس ف مكنتش بنزل ف شهر ١٠ ده غير الفزيا بس و ف نص ١١ نزلت اول حصه كيمياء كانوا ف بداية الباب التالت اصلا و ف نفس الاسبوع اللي نزلت فيه الكيمياء ده حصلي مشكلة وقفتني بجد يوم ٢٠٢٥/١١/١٩ كان يوم اربع انا مرتبطة ف اللي بكلمه ده اتقدملي مرتين اول مره خالص قبل ما نتكلم و نعرف بعض اصلا شافني فالشغل وقتها كنت ما بين اولي و تانية ثانوي  اعجب بيا و كلم صاحبة الشغل و هي طلعت لماما المصنع ده كان تحت البيت جمبنا المهم ماما قالت لسه لما تخلص تعليم قدامها سنتين ف صاحبة الشغل اقترحت عليا انا و هو اننا نتكلم لحد مثلا ما اخلص تانية ثانوي و طبعا ماما مكنتش تعرف المهم اخويا شافني و انا بكلمه فالبلكونه و مره تانية كان بيديني العيدية فالعيد و ماما كانت معايا و سبتها و روحت اخدها وسط الزحمة ف كانت شنطة كبيرة بوكس باين ف ايدي ف ماما استغربت و قالت ايه ده و جت منين قولتلها ع طول منه ف سحبت الفون مني ف وقتها و اخويا بردو قولتله ان هو كذا كذا و سحب الفون و مره تانيه اخويا كان واخد مني الفون بيعاقبني عشان هو مكنش عارف اللي حصل فالعيد و لما رجع يديني الفون جه بليل لقه الشات بتاعه مخفي و هو كان لاغي الحركة دي و انا معرفش ف عملتها بس ساب الفون اخر مره دي بقي اللي هي يوم ١٩ ده انا من اخر مره عرفوا قولتله نتكلم تليجرام و بلاش واتس ف قبل اليوم ده باسبوعين كدة رجعنا نتكلم واتس و انا اخويا بيشتغل بليل ف اول ما كان بيمشي بفتح الفون و ابعتله و لما بيجي الصبح بشيل الفون وومش بمسكه قدامه خالص عشان بابا قاله لو مشافنيش بذاكر اسحب الفون و هو كان بيستغرب ف كنت بقوله بروق و بعمل اللي ورايا مش فاضية امسكه ف المهم هو كان اجازة فاليوم اللي قبل ما يعرف اني بكلمه تاني اخويا كان تحت ف انا كلمته قبل ما يرجع من تحت و تاني يوم بقا سبت الشات و ممسحتوش مع اني بمسحه اول باول ف كنت لسه راجعه من الشغل مع ماما كنت بساعدها فالشغل بتاعها بعد الظهر مشرفة باص للمدرسة ساعة بظبط و برجع ف كنت قاعدة ع السرير انا و ابن اختي صغير و بنلعب بالفون و اخويا كان نايم ف هو صحي و عدي من قدام الاوضة روحت انا خبيت الفون راح رجع قالي شوفته قولتله ماشي ف قالي قومي اعمليلي ينسون و كنت قايمه قالي وريني الفون قولتله لا عشان خايفه و الشات موجود ف جريت ع ماما و قعد يضربني و قولت لماما مش هديهوله و تقولي ما انتي لو مش خايفه اديه المهم ماما خدته و قالت ولا انت ولا هي و كنت واثقه ف ماما و كان نفسي تبقي ف صفي بس لا هو بعدها بشوية اخده منها و هي نايمه و فتح شاف الشات ع طول كان عارف الباسورد و عامل بصمة و من قبل ما ارتبط اصلاا و قعد يضربني لولا عمتي فالشقه اللي قصدنا جت و خدتني عندها ساعدتني اكلمه و اعرفه اللي حصل و فضلت عندها نمت شويه و صحيت روحت ماما قعدت تزعقلي ع كان فالشات و ضربني هو مكنش فيه حاجة عيب و كان كلام عادي بس في حبيبي و حببتي و كده الفون بقا من ساعتها و هو متاخد شهر ١٢ و ١ و ٢ اهو بدا انا كان عليا تاني يوم فيزيا مروحتش و قعدت شهر ١٢ كله منزلتش درس الفزيا ده ولا كنت بذاكر لقيت الفون من وراهم و كنت بفتحه فالخباثه اكلمه اوقات اعرف و اوقات لا و ااه ع فكرة هو اتقدم تاني بعد العيد الكبير مامته جت و ماما كانت موافقه بس متردده من بابا و التعليم و قالوا بعد تالته نشوف و بابا قالي ركزي ف دراستك و اي حاجة ربنا يحلها بعدين المهم لحد دلوقتي بفتح الفون متاخر لما الكل ينام و اوقات بدري شوية لما ينزلوا عند بيت جدي بتصل بيه و ف مره شوفته صدفه فالشارع ف محل خاله هو شغله ف المنطقة اللي انا فيها انما بيته ف منطقة جمبنا قريبه مش بعيدة رجعت انزل الفزيا تاني نزلت حصتين و تالت حصه كنت تعبانه و نزلت الاسبوع اللي فات لقيت انه اجازة اسبوعين و كنت نزلت حصه احياء و مش عارفة اعمل ايه عاوزة اظبط نومي و مذكرتي و مش عاوزة اقصر معاه بردو لانه شخص مهم جدا ف حياتي بجد او اقرب حد ليا و معنديش صحاب قريبين ف بس بعيد شوية عن حياتي مفيش حد اللي هو ٢٤ ساعه مع بعض و محدش فالبيت فاهمني و كلهم بيحبطوني انا الاخت الرابعه و احنا ٦ تلاته اولاد و تلاته بنات اخواتي البنات اكبر اتنين ع طول مع بعض و يتريقوا عليا هتسقطي انتي فاشلة و يقعدوا يحددوا مستقبلي و كلامهم المستفز بس برد عليهم و اخويا اوقات يتريق معاهم و شوية يعمل انه بيحبني و فالاخر يقولوا عاوزين مصلحتك و بنكلمك ف مصلحتك لما اقولهم بطلوا و ملكوش دعوة حتي بقوا يخلوا الولادين اللي اصغر مني يتريقوا بردو تعبت بجد و انا اسفه ع الكلام الكتير ده ده لو حد قراء اصلا هيصدع و مش هيستحمل بس بجد تعبت و مش عارفة اعمل ايه المصدر الامان الوحيد بالنسبالي بعيد و مش عارفين نبقي جمب بعض و نساعد بعض اكتر و هو كان بيشجعني و بيدعمني بجد غيره .
يارب

Coconut_52562 🇪🇬

منذ 3 أيام

شعور خجول

عبّر عن شعورك بشكل مجهول

حصلت مشاكل في البيت وحوارات وابويا قالي مفيش خروج وبتاع 
ف سمعت اذان المغرب ونزل اصليه في المسجد (للاسف بقالي فتره مش بنزل المسجد) المهم انا كنت مخنوق مووووت ومش طايق اي حاجه وربنا الهمني ان ليه مقولش للراجل الكبير ان ادخل انا امام(حلم من احلامي بس مكانش عندي شجاعه اقوله و مش حافظ اوي )
قولت طب ما تقوله هو انت خسران حاجه حتى لو قال لا انت مش اهل للامامه اوي عشان تزعل 
خلصت صلاه المغرب وروحت البيت وقبل العشاء بعشر دقايق كنت هكتب بوست اني مخنوق وحاجات كدا 
فقولت انزل اصلي العشاء وقبل الصلاه قولت يللا يلا قوله وقولتله وقالي ياسلام خير خلف لخير سلف دا الشيخ احمد استاذنا (ابويا) المسجد مكانش يساعني من الفرحه وكنت بترعش وجه راجل تاني كدا وقالي طب خليك النهارده ومره تانيه انا فرحت اوي انه حطني ف حساباته 
اللي هو ممكن ادخل عادي 
ومشاعري متلخبطه اوي شكرا يارب على جبر خاطري والله كنت مخنوق اوي وهعيط لقيت نفسي دلوقتي بعيط من الفرحه شكرا يارب 
لو سمحتم انا كدا كدا مش اهل للامامه بسبب اني مش حافظ كتير لكن تجويدي حلو ومن النهارده هبدا حفظ عشان ابقا خاتم رمضان الجاي باذن الله 
لو حد يقولي ازاي اخفف التوتر عشان انا خايف اوي اوي اغلط انا ممكن ادخل بكرا الفجر و المغرب او العشاء 
وشكرا مقدما

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_88400 🇪🇬

منذ أسبوع واحد

شعور محبط

Strawberry_84012 🇩🇿

منذ أسبوع واحد

شعور مرهق

بابا طلع بيخون ماما و يصرف على بنات شوارع مقابل. .... و ماما انصدمت اصلا مبارح اكتشفت و اختي هي الي فضتحتو و طبعا صاروا يلوموها و هي ارسلتلي كل العفن الي كان يسويه مع اكثر من وحدة هلأ انا عايشة بعيد عن اهلي بغير مدينة و بابا ڨاعد يتصل و مش قادرة اشوف فيه كرهتو من البي جد مش متحملتو و مابدي رد و مابع

Strawberry_90562 🇪🇬

منذ أسبوع واحد

شعور غير مكتمل

موضوع:

المشاكل الي اهلك كأنه سبب فيها و اثرت ازي عليك

بحس ديما اني بقيت بتعامل بقناع مع اهلي و بالاخ مع أبي بكون مش حابة اشوفها ولا اتعامل معاه بس بضطر اتعامل معاه بحب بالاجبار المشكلة أنه معملش ليا انا حاجه كل مشاكله مع ماما بس يمكن ماما هي الي بتحكي عنه ف كرهته و ممكن حاجات هو عملها في طفولتي كرهتني فيه ، ليه ممكن الأهل يعملوا الغلط و يمنعوك انت من ا

Chocolate_52580 🇪🇬

منذ أسبوع واحد

شعور وحيد

المشكله او هي مش مشكله اوي بس بكل اختصار اهلي بيقولولي تروح لثيرابي؟ فضحكت و الموضوع اتغير دي مش اول مره يقولهالي، دي التالته أو الرابعه أو حتى الخامسة المهم أنا مش عارف انا يعاني من حاجه ولا اصلا و قلقان اروح حتى لو كلها خصوصيه فستيل في ناس هتبقى عارفه و اصلا معرفش هقوله ايه و حاسس اني سليم و ف

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

السلام عليكم انا شاب في أولي كلية علوم انا كنت شاب محترم و من عيله محافظه لحد مدخلت ١ ثانوي و انا كان معروف اني من الناس الشاطره  اوي و من بداية ١ ثانوي و الدنيا بدأت تبوظ مذاكره مش عارف و بقيت امشي في سكك مش سكتي و بقيت مدخن و مشاكل عائليه ووالدنيا بدأت تبوظ لحد مدخلت ثانويه عامه و الدنيا بدأت تبوظ اكتر و مخدرات و حجات متتخيلهاش لحد قبل الامتحنات ب حوالي شهرين روحت لشيخ و الي اكتشفت اني كان معمول لي سحر بسبب أن بيتنا كلو متعلم وسط عيله محدش ليه في التعليم من الاخر بسبب الحقد و سبت البلد و روحت مكان تاني اكمل فيه باقي ٣ ثانوي و لاكن كنت برجع للبيت بين الوقت و التاني و نفس المشاكل و يرجع يتجدد لحد قبل الامتحنات باسبوع و كنت ناوي أجل السنه كلها بس في الاخر قلت اعمل الي اقدر عليه و ذاكرت في ليالي الامتحان و جبت مجموع كان 85 و اهلي عجبهم المجموع بس انا زعلت علشان كان نفسى في علاج طبيعي و تمنيت حياتي انا حاليا توقف حوار السحر الحمد لله لاكن بسبب عدم تحقيق حلم عمري و اني في كليه تاني مش قادر استوعب و أنا دخلت قسم كريدت في علوم و دفعت مصاريف ترم واحد لحد ما رجعت للتدخين و المخدرات بشراهه و بقيت محتاج فلوس ف صرفت مصاريف الترم التاني و بعدين خدت قرض من مايلو و انا دلوقتي الحمد لله بطلت كل حاجه بس المشكله اني مقدرش اصارح اهلي بسبب أن ظروفهم المادية سيئه خالص او اي حد و الدنيا بقت بايظه خالص و انا كشاب مفروض في اجمل ايام حياتو زي ما بيقولوا في أيام الجامعه بس انا بقيت مديون ب مبلغ لا استطيع سداده و الدنيا في اسوء أحوالها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_90531 🇪🇬

منذ أسبوع واحد

شعور مستنزف

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_90156 🇪🇬

منذ أسبوع واحد

شعور متعب

حياتي عامله زي حياه ادهم في مسلسل ميدترم ويمكن اسوء لان الاخ المدمن عندي اخت مش اخ وثانيا الاب مش موجود متغرب ومش قريب مني ومش بيهون عليه زي المسلسل مفيش غير الام طبعا بس مفيش تفاهم بينا انا حرفيا بعاني نفسيا ومش لاقي حل والاوسخ ان اختي معندهاش اراده تبطل ولا نفسها تبطل وبقت مريضه نفسيا ف واحد زيي ش

Carrot_90519 🇪🇬

منذ أسبوع واحد

شعور مرتبك

عاوز اخد رأيكم فى حاجة بفكر فيها بقالى فترة وهى انى اسيب البيت واعيش لوحدى البيت عندنا صعب اوى وكل يوم خناق وزعيق ومشاكل وده مسببلى قلق مبقتش قادر اعيش بشكل طبيعى وكمان عاوز استقل عشان اكون مسؤول عن نفسى لأنى طول ما انا قاعد مع اهلى مش هكون مضطر انزل شغل زى ما اكون لوحدى لأن وقتها لازم اشتغل عشان ا

Tofu_51816 🇪🇬

منذ أسبوع واحد

شعور مكتئب

النهارده امي شالت هدوم ابويا الله يرحمه عشان تحط هدوم جوزها النهارده امي قالتلي ان جوزها زي ابويا واعامله زي م كنت بعامل بابا ومن شهرين عرفت ان ماما متجوزه اصلا انا كرهت الدنيا كلها وكرهت نفسي ازاي هان عليها تعمل كدا فيا ازاي كانت بتبصلي وتضحك وانا بقولها لو اي حد زعلك انا ف ضهرك وانا امي مبتغلطش

Apple_18785 🇪🇬

منذ أسبوع واحد

شعور مكسور القلب

ابويا قالي منك لله وانا والله العظيم ما عملتله حاجة صحيت قبله ب 10 دقايق ومعملتش اي صوت وصحي قالي انت صاحي قولتله اه قالي منك لله وبدأ يصحي البيت وكان فاضل نص ساعة علي الصلاة وابويا اه بيصلي الحمد لله بس الصلاة بالنسباله مهمة بس مش بالقدسية الموسوسة دي ف هو منفعلش غصب عنه ولا كان مش قاصد امي بتحا

Moon_90634 🇪🇬

خطيبي مش بيجبلي هدايا وبيزعقلي، مش عارفه أعمل إيه

جماعه بجد هو عادي ال مخطوبه ليه بكون مش بيجبلي هدايا خالص حتا مش بيدخل عليا باي حاجه مش بديلي حتا بفلوس بالعكس بيطلب مني ودائما بيتقمص وبيزعقلي علي اي حاجه والفاظه مش كويسه أنا اتخطبت مرتين دي ال ٣ ومش عاوزه افشكل علشان اهلي والناس بس حاجات كتير اوي فيه وحشه بحور بكذب علي الصغيره والكبيره حاجات كتير ومش عارفه اعمل اي ...عرض المزيد

0 الدعم

20 نصيحة

Tofu_90613 🇪🇬

يا جماعه انا بطلت كل العادات الدينيه ورمضان قرب

جماعه ممكن نصيحه انا حرفيا اتحولت لوحده مش بتصلي خالص حته الجمعه بصليها مره اه و مره لا و بطلت حفظ قران و بطلت كل العادات الدينيه اللي كنت بعملها يا جماعه انا كنت مش بسيب فرض ارجوكم قلولي اعمل ايه رمضان قرب و مش عارفه اعمل ايه حته النهارده مصومتش 😭 انا جرتب حلول كتير مفيش حاجة جايه معايا ...عرض المزيد

1 الدعم

16 نصيحة

Strawberry_74955 🇪🇬

يعني ايه "علشان انتي بنت"؟ انا بتخنق من الكلمة دي!

سؤال بس معلشِ يعني ايه ( علشان انتي بنت ) ؟ بسمعها كتير جدا بس انا مش فاهماها، بقول لأهلي عايزة أخرج يقولوا لا علشان انتي بنت ، عايزة اتمشي شوية ، عايزة أزور صاحبتي ال بقالي كتير مشوفتهاش ، عايزة أسافر ، عايزة أطلع البلكونة او السطح ، عايزة احط منكير عادي او ميك اب خفيف لا انتي كدة بتفتني الشباب ، كل الطلبات دي وكان ردها علشان انتي بنت وكدة هتجذبي الشباب طب وانا ؟ انتم كدة بتخنقوني بجد ! ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع