دايما بخاف المواجهة، يعنى بخاف اواجهه حد بعيبه او غلطه معايا ، كنت دايما ماشيه جنب الحيط والكل كان بيمدح فيا بسبب كدا ، المهم اتعرضت لموقف مش لذيذ وأخدت موقف ورديت ودى كانت اول مرة ارد على حد يحاول يجرحنى وبدال ما انا اللى اتجرح جرحتهُ هوا وبعد ما اخدت الخطوة الاولى لقيتِ اتحولت من البيت اللى جنب الحيط للبنت اللى مش بتسكت عن حقها او حق غيرها ، وفجأة لقيت اللى كانوا بيمدحوا فيا بقي يلومونى ويعيدوا فى جملة ((البنت لازم تبقي عاقلة مينفعش تقول رأيها ف حاجه تسمع وهى ساكتة وتنفذ)) بجد حابه بس اعرف من اللى طلع الجمله دى!! يعنى ايه البنت تسكت لمجرد انه رأيها غير اللى حواليها! يعنى ايه تسمع وتنفذ .. عامةً مسكتش بردو ورديت عارفين المشكله فين اللى قالت الجمله دى ست!! عامةً اكتشفت بعدها انه عملت الصح لما بعدت عن الحيطة اللى كنت ملازمها طول عمرى وأنه لما بعدت عرفت حقوقى مش بس واجباتى اللى كانوا محفظينها ليا....

1

1