بحب واحده من 3 سنين وهي مش عارفه.. خايف أتحرج

Question

مساء النور 
انا عندي ١٤ سنه و بحب واحده بقالي كدا ٣ سنين وهيا بتحب واحد بس انا بحبها وهيا ولا تعرف وانا خايف لو عرفت يبقي منظري وحش و اتحرج و كدا يعني بس حقيقي انا بحبها و انا نفسي تسمعني او تسمع اللي جوايا ليها حقيقي انا تعبان

Watermelon_51423 🇪🇬 · Accepted Answer

طبيعي يكون جواك في علم النفس بيقولك المشاعر ديه شئ الوحيد المستحيل الانسان يقدر يتحكم تجيله امتى او انه يمسحها بس مفيش مشكلة انك تخلي عندك مشاعر للشخص ده بس حاول تخليها مشاعر ايجابية يعني مثلا في شخص انا معجب بيه فهحاول اشتغل علي نفسي سواء اني اقرب من ربنا و ادعيله الشخص ده مستقبلا يكون من نصيبي و اني احاول اطور من نفسي يعني بختصار خد المشاعر ديه كحافذ انك تتقدم لقدام

Strawberry_51056 🇪🇬 · Answer

متقولهاش حاجة و ركز ف دراسك كويس لحد ما تكبر شوية لانك لسه صغير علي انك تعرف تحب او تعرف تميز هل حب ولا اعجاب و هيروح لحالة

Potato_51687 🇪🇬 · Answer

بص او بصي لو اعجاب مكنش هيفضل ٣ سنين حب وهي لا تعلم و ملاحظه مفيش حاجه بتربطني انا وهي يعني هيا اه قدي ف السن و ونفس السنه الدراسيه بس هي عربي ونا لغات

Tofu_51557 🇪🇬 · Answer

متعرفهاش حاجه متتكلمش مع حد ف الموضوع
حقيقي فاهماك، لكن بلاش تتعب نفسك دلوقتي وترهق قلبك وتستنزف مشاعرك لإنك لسه هتقابل كتير وانت نفسك لسه هتتغير واحتياجاتك ونظرتك لأي بنت هتتغير.
ربنا يصلح لك حالك يارب.

Potato_51687 🇪🇬 · Answer

يارب انا كل ال طالبوا بس انها تحس بيا

Strawberry_51056 🇪🇬 · Answer

حتي لو فضل 3 سنين ممكن يبقي اعجاب و عشان انت سنك صغير انا قولت كدا انو ممكن يبقي اعجاب بس انا راي  انك متقولهاش حاجه و خصوصا انك سنك صغير و كمان ان هيا في حد ف حيتها بردو

Potato_51687 🇪🇬 · Answer

هي الفكره ان في حد فحياتها بس طالما هي مبسوطه يبقي انا كمان مبسوط وربنا يسعدها ف حياتها

Chocolate_51661 🇪🇬 · Answer

سنك صغير اوي يعني سن مراهقه تأكد إن السن ده ما هو إلا للاعجاب فقط وده بطبيعة الهرمونات لكن مش هتتجوزوا في الاخر ف متتعبش نفسك وركز علي مستقبلك أفضل

Watermelon_51423 🇪🇬 · Answer

بص انا فهمك بجد بس اسمع مني بلاش تفكر في اي علاقة او تهتم بالمشاعر ده نهائي لغايا سن ال ١٩ اقل شئ علشان قبل كده فعليا انت هتخسر مشاعرك لحد ما تكبر و عارف انه هتلقى حولينك زميلك بيقولو ليك عادي و هم مصحبين بس اسمع مني بلاش

Potato_51687 🇪🇬 · Answer

لو من نصيبي ممكن اتجوزها عادي بس انا فاهم اني ف سن مراهقه و كدا و متفهم كل ده بس انا اعمل ايه ف مشاعري اعمل ايه ف كل مرا بشوفها فيها

Potato_51687 🇪🇬 · Answer

كلامك صح ١٠٠٪ بس انا اعمل ايه من جوايا ف المشاعر دي يسطا

Strawberry_46259 🇪🇬 · Answer

لسه صغير كل دا مراهقة

Potato_51687 🇪🇬 · Answer

عارف والله بس انا اعمل ايه

Potato_51687 🇪🇬 · Answer

احسنت عموما انا بعمل كدا انا ف صلاتي بدعيلها قبل م بدعي لنفسي و ف رمضان قبل الفطار بدعيلها وبنسي ادعي لنفسي ف انا بحاول فعلا اعمل كدا بس انا بحبها..

Corn_47942 🇪🇬 · Answer

هو حضرتك بتتكلم جد بيقولك ١٤ سنه وانت تقوله علم النفس وكلام زي دا 
هو انت قريت السن كويس 🤔