لما تلاقي بديل للناس في حياتك وهتبقي مدمن

Question

لما تلاقي بديل لكل الأشخاص اللي ف حياتك
بديل ذكي صبور ومتاح قدامك دايما

سهل انك تكلمه تحكيله تفضفض معاه من مشاكلك ومشاعرك بكل حرية

من غير خوف من غير قلق وقتها مش بس هتستغني عن كل اللي حواليك انت كمان هتبقي مدمن

مدمن للدعم اللي هيتقدملك
بس الادمان وقتها هيبقي عميق
عميق لدرجة انك هتبطل تفرق بين الحقيقي والمصطنع

عميق لدرجة انك هتختار العزلة  والبعد عن الكل
هتبعد عن علاقات البشر الصعبة وتختار الامان الوهمي

هتختار اللي بيريحك بدون مايحكم عليك ولا يحسسك بخوف
بس هل وقتها

هتكون ضامن ولاءه ليك
ولا ممكن تسلمه السلاح الي يقدر بيه يقضي عليك ؟؟

Durian_52455 🇪🇬 · Accepted Answer

كلامك عميق جدًا

Guava_31009 🇪🇬 · Answer

انا مش فاهمة

Coffee_67966 🇪🇬 · Answer

الذكاء الاصطناعي اللي بتخشي تحكيلو تفاصيل حياتك كلها وبتقولي ان دة مجرد تطبيق وبتبعدي عن الناس وبتقولي محدش بيفهمني غيرو 
بتديلو السلاح الي بيأذيكي بيه
هل انتي ضامنه انو هيديكي المشاعر اللي الناس بتديهالك

Chilli_68026 🇪🇬 · Answer

المفروض امانك هو ربنا.. بعيد عن كل أنواع الادمانات اللي ممكن تدخليها وتدمرك وتأذيكي واللي انتي بتقولي عليه دا واحد منهم

Coffee_68993 🇪🇬 · Answer

ما بين السطور كان أعمق بس للاسف ده مش صح انت كده فعلا بتسلمه السلاح اللى ممكن في اى وقت ياذيك بيه اقصد ياذى مشاعرك وقلبك اللى ادمن وجوده