ازيكم يا رب تكونوا بخير جاي النهاردة اقول اني بنتكس وبقوم تانى ومش عايز ارجع للوضع اللي كنت فيه اول امبارح كانت جلسة العودة للعلاج بعد انقطاع شهرين بدأت من مكان ما وقفنا اتكلمنا عن الإساءة واعتيادها وان اوقات اعتيادك علي انك تكون شخص بيتم الإساءة له هيحولك تدريجيا لشخص محب للإساءة اتكلمنا عن ان البوردرلاين هش وضعيف تجاه التلاعب وان عادى جدا اللي كنت بتحبهم وفاكرهم ملائكة يكونوا متلاعبين مع الكلام وضحلى اني مندفع زيادة مع الناس اما اتكلمنا وحددنا نمط علاقاتي واللي كلها بتدور ف دايرة اني بشوف حد محتاج شئ واسخر نفسى عشان اعملهوله يعنى الحقيقة ان كل علاقاتي السابقة بين حب وارتباط والخطوبه والصداقة كلها بتلف ف دايرة اني مش حاسس بقيمتي الا من خلالها كلام كتير معرفش هيفيد حد ولا لا لكن كل اللي اقدر اقوله ما تحاولش تقف ولا تحاول انك تبص وراك اوقات كتير انك تفضل تبص وراك ع الحاجه اللي وحشاك هيتعبك وممكن يضيع حاجه احسن بس لا اخفيكم سرا؟ اوقات كل حاجه بتخليك تمشى وانت نفسك ف الحاجه وهتموت عليها وتعيش بعدها فترة طويلة تبص ع الحاجه اللي بالكاد بقت ملكك وهي بعيد وانت مالكش حق فيها. الحقيقة يا شباب اني خايف ابقي زي الرجال اللي بتشوفهم ف الافلام اللي عايش ع ذكري واحدة حتي لو كانت مؤذية خوفي ده غريب اوي لكن تقريبا مخي اتعود ان الالم معناه ان كان فيه حاجه اصل لو تعافينا وتخطينا مش ده معناه انها خلصت. طب هو كان ينفع تخلص كدا؟ هفضل مكمل وان شاء الله أتحسن ودعواتكم

3

2